| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
2. බළිසසුත්‌තවණ්‌ණනා
2. Baḷisasuttavaṇṇanā
158. බළිසෙන චරති, තෙන වා ජීවතීති බාළිසිකො. තෙනාහ ‘‘බළිසං ගහෙත්‌වා චරමානො’’ති. ආමිසගතන්‌ති ආමිසූපගතං ආමිසපතිතං. තෙනාහ ‘‘ආමිසමක්‌ඛිත’’න්‌ති. භින්‌නාධිකරණානම්‌පි බාහිරත්‌ථසමාසො හොතෙවාති ආහ ‘‘ආමිසෙ චක්‌ඛුදස්‌සන’’න්‌ති. අයො වුච්‌චති සුඛං, තබ්‌බිධුරතාය අනයො, දුක්‌ඛන්‌ති ආහ ‘‘දුක්‌ඛං පත්‌තො’’ති. අස්‌සාති එතෙන. කත්‌තුඅත්‌ථෙ හි එතං සාමිවචනං. යථා කිලෙසා වත්‌තන්‌ති, එවං පවත්‌තමානො පුග්‌ගලො කිලෙසවිප්‌පයොගො න හොතීති වුත්‌තං ‘‘යථා කිලෙසමාරස්‌ස කාමො, එවං කත්‌තබ්‌බො’’ති.
158. Baḷisena carati, tena vā jīvatīti bāḷisiko. Tenāha ‘‘baḷisaṃ gahetvā caramāno’’ti. Āmisagatanti āmisūpagataṃ āmisapatitaṃ. Tenāha ‘‘āmisamakkhita’’nti. Bhinnādhikaraṇānampi bāhiratthasamāso hotevāti āha ‘‘āmise cakkhudassana’’nti. Ayo vuccati sukhaṃ, tabbidhuratāya anayo, dukkhanti āha ‘‘dukkhaṃ patto’’ti. Assāti etena. Kattuatthe hi etaṃ sāmivacanaṃ. Yathā kilesā vattanti, evaṃ pavattamāno puggalo kilesavippayogo na hotīti vuttaṃ ‘‘yathā kilesamārassa kāmo, evaṃ kattabbo’’ti.
බළිසසුත්‌තවණ්‌ණනා නිට්‌ඨිතා.
Baḷisasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. බළිසසුත්‌තං • 2. Baḷisasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. බළිසසුත්‌තවණ්‌ණනා • 2. Baḷisasuttavaṇṇanā
