| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. ਬਾਲ਼ਿਸਿਕਙ੍ਗਪਞ੍ਹੋ
9. Bāḷisikaṅgapañho
੯. ‘‘ਭਨ੍ਤੇ ਨਾਗਸੇਨ, ‘ਬਾਲ਼ਿਸਿਕਸ੍ਸ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਬਾਲ਼ਿਸਿਕੋ ਬਲ਼ਿਸੇਨ ਮਚ੍ਛੇ ਉਦ੍ਧਰਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਞਾਣੇਨ ਉਤ੍ਤਰਿਂ ਸਾਮਞ੍ਞਫਲਾਨਿ ਉਦ੍ਧਰਿਤਬ੍ਬਾਨਿ। ਇਦਂ, ਮਹਾਰਾਜ, ਬਾਲ਼ਿਸਿਕਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
9. ‘‘Bhante nāgasena, ‘bāḷisikassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, bāḷisiko baḷisena macche uddharati, evameva kho, mahārāja, yoginā yogāvacarena ñāṇena uttariṃ sāmaññaphalāni uddharitabbāni. Idaṃ, mahārāja, bāḷisikassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਬਾਲ਼ਿਸਿਕੋ ਪਰਿਤ੍ਤਕਂ વਧਿਤ੍વਾ વਿਪੁਲਂ ਲਾਭਮਧਿਗਚ੍ਛਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਪਰਿਤ੍ਤਲੋਕਾਮਿਸਮਤ੍ਤਂ ਪਰਿਚ੍ਚਜਿਤਬ੍ਬਂ। ਲੋਕਾਮਿਸਮਤ੍ਤਂ, ਮਹਾਰਾਜ, ਪਰਿਚ੍ਚਜਿਤ੍વਾ ਯੋਗੀ ਯੋਗਾવਚਰੋ વਿਪੁਲਂ ਸਾਮਞ੍ਞਫਲਂ ਅਧਿਗਚ੍ਛਤਿ। ਇਦਂ, ਮਹਾਰਾਜ, ਬਾਲ਼ਿਸਿਕਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਰਾਹੁਲੇਨ –
‘‘Puna caparaṃ, mahārāja, bāḷisiko parittakaṃ vadhitvā vipulaṃ lābhamadhigacchati, evameva kho, mahārāja, yoginā yogāvacarena parittalokāmisamattaṃ pariccajitabbaṃ. Lokāmisamattaṃ, mahārāja, pariccajitvā yogī yogāvacaro vipulaṃ sāmaññaphalaṃ adhigacchati. Idaṃ, mahārāja, bāḷisikassa dutiyaṃ aṅgaṃ gahetabbaṃ. Bhāsitampetaṃ, mahārāja, therena rāhulena –
‘‘‘ਸੁਞ੍ਞਤਞ੍ਚਾਨਿਮਿਤ੍ਤਞ੍ਚ, વਿਮੋਕ੍ਖਞ੍ਚਾਪ੍ਪਣਿਹਿਤਂ।
‘‘‘Suññatañcānimittañca, vimokkhañcāppaṇihitaṃ;
ਚਤੁਰੋ ਫਲੇ ਛਲ਼ਭਿਞ੍ਞਾ, ਚਜਿਤ੍વਾ ਲੋਕਾਮਿਸਂ ਲਭੇ’’’ਤਿ॥
Caturo phale chaḷabhiññā, cajitvā lokāmisaṃ labhe’’’ti.
ਬਾਲ਼ਿਸਿਕਙ੍ਗਪਞ੍ਹੋ ਨવਮੋ।
Bāḷisikaṅgapañho navamo.
