| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[246] 6. б̣ааловаад̣̇аж̇аад̇агаван̣н̣анаа
[246] 6. Bālovādajātakavaṇṇanā
ханд̇ваа чзд̇ваа вад̇хид̇ваа жаад̇и ид̣̇ам̣ сад̇т̇аа взсаалим̣ убаниссааяа гуудааг̇аарасаалааяам̣ вихаранд̇о сийхасзнаабад̇им̣ аараб̣бха гат̇зси. со хи бхаг̇аванд̇ам̣ саран̣ам̣ г̇анд̇ваа ниманд̇зд̇ваа бунад̣̇ивасз самам̣сагабхад̇д̇ам̣ ад̣̇ааси. ниг̇ан̣таа д̇ам̣ суд̇ваа губид̇аа анад̇д̇аманаа д̇ат̇ааг̇ад̇ам̣ вихзтзд̇угаамаа ‘‘саман̣о г̇од̇амо ж̇аанам̣ уд̣̇д̣̇иссагад̇ам̣ мам̣сам̣ бхун̃ж̇ад̇ий’’д̇и аггосим̣су. бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, ниг̇ан̣то наадабуд̇д̇о ‘саман̣о г̇од̇амо ж̇аанам̣ уд̣̇д̣̇иссагад̇ам̣ мам̣сам̣ бхун̃ж̇ад̇ий’д̇и сад̣̇д̇хим̣ барисааяа аггосанд̇о аахин̣д̣ад̇ий’’д̇и. д̇ам̣ суд̇ваа сад̇т̇аа ‘‘на, бхигкавз, ниг̇ан̣то наадабуд̇д̇о ид̣̇аанзва мам̣ уд̣̇д̣̇иссагад̇амам̣сакаад̣̇анзна г̇арахад̇и, буб̣б̣зби г̇арахиязваа’’д̇и вад̇ваа ад̇ийд̇ам̣ аахари.
Hantvāchetvā vadhitvā cāti idaṃ satthā vesāliṃ upanissāya kūṭāgārasālāyaṃ viharanto sīhasenāpatiṃ ārabbha kathesi. So hi bhagavantaṃ saraṇaṃ gantvā nimantetvā punadivase samaṃsakabhattaṃ adāsi. Nigaṇṭhā taṃ sutvā kupitā anattamanā tathāgataṃ viheṭhetukāmā ‘‘samaṇo gotamo jānaṃ uddissakataṃ maṃsaṃ bhuñjatī’’ti akkosiṃsu. Bhikkhū dhammasabhāyaṃ kathaṃ samuṭṭhāpesuṃ – ‘‘āvuso, nigaṇṭho nāṭaputto ‘samaṇo gotamo jānaṃ uddissakataṃ maṃsaṃ bhuñjatī’ti saddhiṃ parisāya akkosanto āhiṇḍatī’’ti. Taṃ sutvā satthā ‘‘na, bhikkhave, nigaṇṭho nāṭaputto idāneva maṃ uddissakatamaṃsakhādanena garahati, pubbepi garahiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о исибаб̣б̣аж̇ж̇ам̣ баб̣б̣аж̇ид̇ваа лон̣амб̣иласзванад̇т̇ааяа химаванд̇ад̇о б̣аараан̣асим̣ г̇анд̇ваа бунад̣̇ивасз наг̇арам̣ бхигкааяа баависи. ат̇зго гудумб̣иго ‘‘д̇аабасам̣ вихзтзссаамий’’д̇и гхарам̣ бавзсзд̇ваа бан̃н̃ад̇д̇аасанз нисийд̣̇аабзд̇ваа мажчамам̣сзна баривисид̇ваа бхад̇д̇агижжаавасаанз згаманд̇ам̣ нисийд̣̇ид̇ваа ‘‘имам̣ мам̣сам̣ д̇умхзязва уд̣̇д̣̇исса баан̣з маарзд̇ваа гад̇ам̣, ид̣̇ам̣ агусалам̣ маа амхаагамзва, д̇умхаагамби ход̇уу’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto isipabbajjaṃ pabbajitvā loṇambilasevanatthāya himavantato bārāṇasiṃ gantvā punadivase nagaraṃ bhikkhāya pāvisi. Atheko kuṭumbiko ‘‘tāpasaṃ viheṭhessāmī’’ti gharaṃ pavesetvā paññattāsane nisīdāpetvā macchamaṃsena parivisitvā bhattakiccāvasāne ekamantaṃ nisīditvā ‘‘imaṃ maṃsaṃ tumheyeva uddissa pāṇe māretvā kataṃ, idaṃ akusalaṃ mā amhākameva, tumhākampi hotū’’ti vatvā paṭhamaṃ gāthamāha –
192.
192.
‘‘ханд̇ваа чзд̇ваа вад̇хид̇ваа жа, д̣̇зд̇и д̣̇аанам̣ асан̃н̃ад̇о;
‘‘Hantvā chetvā vadhitvā ca, deti dānaṃ asaññato;
зд̣̇исам̣ бхад̇д̇ам̣ бхун̃ж̇амаано, са баабзна убалиббад̇ий’’д̇и.
Edisaṃ bhattaṃ bhuñjamāno, sa pāpena upalippatī’’ti.
д̇ад̇т̇а ханд̇ваад̇и бахарид̇ваа. чзд̇ваад̇и гиламзд̇ваа. вад̇хид̇ваад̇и маарзд̇ваа. д̣̇зд̇и д̣̇аанам̣ асан̃н̃ад̇од̇и асан̃н̃ад̇о д̣̇уссийло звам̣ гад̇ваа д̣̇аанам̣ д̣̇зд̇и. зд̣̇исам̣ бхад̇д̇ам̣ бхун̃ж̇амаано, са баабзна убалиббад̇ийд̇и зд̣̇исам̣ уд̣̇д̣̇иссагад̇абхад̇д̇ам̣ бхун̃ж̇амаано со саман̣оби баабзна убалиббад̇и сам̣яуж̇ж̇ад̇иязваад̇и.
Tattha hantvāti paharitvā. Chetvāti kilametvā. Vadhitvāti māretvā. Deti dānaṃ asaññatoti asaññato dussīlo evaṃ katvā dānaṃ deti. Edisaṃ bhattaṃ bhuñjamāno, sa pāpena upalippatīti edisaṃ uddissakatabhattaṃ bhuñjamāno so samaṇopi pāpena upalippati saṃyujjatiyevāti.
д̇ам̣ суд̇ваа б̣од̇хисад̇д̇о д̣̇уд̇ияам̣ г̇аат̇амааха –
Taṃ sutvā bodhisatto dutiyaṃ gāthamāha –
193.
193.
‘‘буд̇д̇ад̣̇аарамби жз ханд̇ваа, д̣̇зд̇и д̣̇аанам̣ асан̃н̃ад̇о;
‘‘Puttadārampi ce hantvā, deti dānaṃ asaññato;
бхун̃ж̇амааноби саббан̃н̃о, на баабзна убалиббад̇ий’’д̇и.
Bhuñjamānopi sappañño, na pāpena upalippatī’’ti.
д̇ад̇т̇а бхун̃ж̇амааноби саббан̃н̃од̇и д̇идтад̇у ан̃н̃ам̣ мам̣сам̣, буд̇д̇ад̣̇аарам̣ вад̇хид̇вааби д̣̇уссийлзна д̣̇иннам̣ саббан̃н̃о канд̇имзд̇д̇аад̣̇иг̇ун̣асамбанно д̇ам̣ бхун̃ж̇амааноби баабзна на убалиббад̇ийд̇и. звамасса б̣од̇хисад̇д̇о д̇хаммам̣ гат̇зд̇ваа удтааяаасанаа баггаами.
Tattha bhuñjamānopi sappaññoti tiṭṭhatu aññaṃ maṃsaṃ, puttadāraṃ vadhitvāpi dussīlena dinnaṃ sappañño khantimettādiguṇasampanno taṃ bhuñjamānopi pāpena na upalippatīti. Evamassa bodhisatto dhammaṃ kathetvā uṭṭhāyāsanā pakkāmi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гудумб̣иго ниг̇ан̣то наадабуд̇д̇о ахоси, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kuṭumbiko nigaṇṭho nāṭaputto ahosi, tāpaso pana ahameva ahosi’’nti.
б̣ааловаад̣̇аж̇аад̇агаван̣н̣анаа чадтаа.
Bālovādajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 246. б̣ааловаад̣̇аж̇аад̇агам̣ • 246. Bālovādajātakaṃ
