| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. б̣анд̇ханасуд̇д̇ам̣
10. Bandhanasuttaṃ
121. д̇зна ко бана самаязна ран̃н̃аа басзнад̣̇инаа госалзна махааж̇анагааяо б̣анд̇хаабид̇о ход̇и, аббзгажжз раж̇ж̇уухи аббзгажжз анд̣̇уухи аббзгажжз сан̇калигаахи.
121. Tena kho pana samayena raññā pasenadinā kosalena mahājanakāyo bandhāpito hoti, appekacce rajjūhi appekacce andūhi appekacce saṅkhalikāhi.
ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависим̣су. саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха, бханд̇з, ран̃н̃аа басзнад̣̇инаа госалзна махааж̇анагааяо б̣анд̇хаабид̇о, аббзгажжз раж̇ж̇уухи аббзгажжз анд̣̇уухи аббзгажжз сан̇калигаахий’’д̇и.
Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisiṃsu. Sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha, bhante, raññā pasenadinā kosalena mahājanakāyo bandhāpito, appekacce rajjūhi appekacce andūhi appekacce saṅkhalikāhī’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имаа г̇аат̇ааяо абхааси –
Atha kho bhagavā etamatthaṃ viditvā tāyaṃ velāyaṃ imā gāthāyo abhāsi –
‘‘на д̇ам̣ д̣̇ал̣хам̣ б̣анд̇ханамааху д̇хийраа,
‘‘Na taṃ daḷhaṃ bandhanamāhu dhīrā,
яад̣̇ааяасам̣ д̣̇ааруж̇ам̣ баб̣б̣аж̇ан̃жа;
Yadāyasaṃ dārujaṃ pabbajañca;
саарад̇д̇арад̇д̇аа ман̣игун̣д̣алзсу,
Sārattarattā maṇikuṇḍalesu,
буд̇д̇зсу д̣̇аарзсу жа яаа абзгкаа.
Puttesu dāresu ca yā apekkhā.
‘‘зд̇ам̣ д̣̇ал̣хам̣ б̣анд̇ханамааху д̇хийраа,
‘‘Etaṃ daḷhaṃ bandhanamāhu dhīrā,
охааринам̣ сит̇илам̣ д̣̇уббамун̃жам̣;
Ohārinaṃ sithilaṃ duppamuñcaṃ;
зд̇амби чзд̇ваана бариб̣б̣аж̇анд̇и,
Etampi chetvāna paribbajanti,
анабзгкино гаамасукам̣ бахааяаа’’д̇и.
Anapekkhino kāmasukhaṃ pahāyā’’ti.
батамо ваг̇г̇о.
Paṭhamo vaggo.
д̇ассуд̣̇д̣̇аанам̣ –
Tassuddānaṃ –
д̣̇ахаро бурисо ж̇араа, бияам̣ ад̇д̇аанарагкид̇о;
Daharo puriso jarā, piyaṃ attānarakkhito;
аббагаа ад̣д̣агаран̣ам̣, маллигаа яан̃н̃аб̣анд̇хананд̇и.
Appakā aḍḍakaraṇaṃ, mallikā yaññabandhananti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. б̣анд̇ханасуд̇д̇аван̣н̣анаа • 10. Bandhanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. б̣анд̇ханасуд̇д̇аван̣н̣анаа • 10. Bandhanasuttavaṇṇanā
