| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਬਨ੍ਧਨਸੁਤ੍ਤਂ
5. Bandhanasuttaṃ
੧੧੭. ਸਾવਤ੍ਥਿਨਿਦਾਨਂ । ‘‘ਇਧ ਭਿਕ੍ਖવੇ ਅਸ੍ਸੁਤવਾ ਪੁਥੁਜ੍ਜਨੋ ਅਰਿਯਾਨਂ ਅਦਸ੍ਸਾવੀ…ਪੇ॰… ਸਪ੍ਪੁਰਿਸਧਮ੍ਮੇ ਅવਿਨੀਤੋ ਰੂਪਂ ਅਤ੍ਤਤੋ ਸਮਨੁਪਸ੍ਸਤਿ, ਰੂਪવਨ੍ਤਂ વਾ ਅਤ੍ਤਾਨਂ; ਅਤ੍ਤਨਿ વਾ ਰੂਪਂ, ਰੂਪਸ੍ਮਿਂ વਾ ਅਤ੍ਤਾਨਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸ੍ਸੁਤવਾ ਪੁਥੁਜ੍ਜਨੋ ਰੂਪਬਨ੍ਧਨਬਦ੍ਧੋ ਸਨ੍ਤਰਬਾਹਿਰਬਨ੍ਧਨਬਦ੍ਧੋ ਅਤੀਰਦਸ੍ਸੀ ਅਪਾਰਦਸ੍ਸੀ, ਬਦ੍ਧੋ ਜੀਯਤਿ 1 ਬਦ੍ਧੋ ਮੀਯਤਿ ਬਦ੍ਧੋ ਅਸ੍ਮਾ ਲੋਕਾ ਪਰਂ ਲੋਕਂ ਗਚ੍ਛਤਿ। વੇਦਨਂ ਅਤ੍ਤਤੋ ਸਮਨੁਪਸ੍ਸਤਿ…ਪੇ॰… વੇਦਨਾਯ વਾ ਅਤ੍ਤਾਨਂ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸ੍ਸੁਤવਾ ਪੁਥੁਜ੍ਜਨੋ વੇਦਨਾਬਨ੍ਧਨਬਦ੍ਧੋ ਸਨ੍ਤਰਬਾਹਿਰਬਨ੍ਧਨਬਦ੍ਧੋ ਅਤੀਰਦਸ੍ਸੀ ਅਪਾਰਦਸ੍ਸੀ, ਬਦ੍ਧੋ ਜੀਯਤਿ ਬਦ੍ਧੋ ਮੀਯਤਿ ਬਦ੍ਧੋ ਅਸ੍ਮਾ ਲੋਕਾ ਪਰਂ ਲੋਕਂ ਗਚ੍ਛਤਿ। ਸਞ੍ਞਂ… ਸਙ੍ਖਾਰੇ… વਿਞ੍ਞਾਣਂ ਅਤ੍ਤਤੋ ਸਮਨੁਪਸ੍ਸਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਅਸ੍ਸੁਤવਾ ਪੁਥੁਜ੍ਜਨੋ વਿਞ੍ਞਾਣਬਨ੍ਧਨਬਦ੍ਧੋ ਸਨ੍ਤਰਬਾਹਿਰਬਨ੍ਧਨਬਦ੍ਧੋ ਅਤੀਰਦਸ੍ਸੀ ਅਪਾਰਦਸ੍ਸੀ, ਬਦ੍ਧੋ ਜੀਯਤਿ ਬਦ੍ਧੋ ਮੀਯਤਿ ਬਦ੍ਧੋ ਅਸ੍ਮਾ ਲੋਕਾ ਪਰਂ ਲੋਕਂ ਗਚ੍ਛਤਿ’’।
117. Sāvatthinidānaṃ . ‘‘Idha bhikkhave assutavā puthujjano ariyānaṃ adassāvī…pe… sappurisadhamme avinīto rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. Ayaṃ vuccati, bhikkhave, assutavā puthujjano rūpabandhanabaddho santarabāhirabandhanabaddho atīradassī apāradassī, baddho jīyati 2 baddho mīyati baddho asmā lokā paraṃ lokaṃ gacchati. Vedanaṃ attato samanupassati…pe… vedanāya vā attānaṃ. Ayaṃ vuccati, bhikkhave, assutavā puthujjano vedanābandhanabaddho santarabāhirabandhanabaddho atīradassī apāradassī, baddho jīyati baddho mīyati baddho asmā lokā paraṃ lokaṃ gacchati. Saññaṃ… saṅkhāre… viññāṇaṃ attato samanupassati…pe… ayaṃ vuccati, bhikkhave, assutavā puthujjano viññāṇabandhanabaddho santarabāhirabandhanabaddho atīradassī apāradassī, baddho jīyati baddho mīyati baddho asmā lokā paraṃ lokaṃ gacchati’’.
‘‘ਸੁਤવਾ ਚ ਖੋ, ਭਿਕ੍ਖવੇ, ਅਰਿਯਸਾવਕੋ ਅਰਿਯਾਨਂ ਦਸ੍ਸਾવੀ…ਪੇ॰… ਸਪ੍ਪੁਰਿਸਧਮ੍ਮੇ ਸੁવਿਨੀਤੋ ਨ ਰੂਪਂ ਅਤ੍ਤਤੋ ਸਮਨੁਪਸ੍ਸਤਿ, ਨ ਰੂਪવਨ੍ਤਂ વਾ ਅਤ੍ਤਾਨਂ; ਨ ਅਤ੍ਤਨਿ વਾ ਰੂਪਂ, ਨ ਰੂਪਸ੍ਮਿਂ વਾ ਅਤ੍ਤਾਨਂ। ਅਯਂ વੁਚ੍ਚਤਿ, ਭਿਕ੍ਖવੇ, ਸੁਤવਾ ਅਰਿਯਸਾવਕੋ ਨ ਰੂਪਬਨ੍ਧਨਬਦ੍ਧੋ, ਨ ਸਨ੍ਤਰਬਾਹਿਰਬਨ੍ਧਨਬਦ੍ਧੋ, ਤੀਰਦਸ੍ਸੀ, ਪਾਰਦਸ੍ਸੀ; ‘ਪਰਿਮੁਤ੍ਤੋ ਸੋ ਦੁਕ੍ਖਸ੍ਮਾ’ਤਿ વਦਾਮਿ। ਨ વੇਦਨਂ ਅਤ੍ਤਤੋ…ਪੇ॰… ਨ ਸਞ੍ਞਂ ਅਤ੍ਤਤੋ…ਪੇ॰… ਨ ਸਙ੍ਖਾਰੇ ਅਤ੍ਤਤੋ…ਪੇ॰… ਨ વਿਞ੍ਞਾਣਂ ਅਤ੍ਤਤੋ ਸਮਨੁਪਸ੍ਸਤਿ…ਪੇ॰… ਅਯਂ વੁਚ੍ਚਤਿ, ਭਿਕ੍ਖવੇ, ਸੁਤવਾ ਅਰਿਯਸਾવਕੋ ਨ વਿਞ੍ਞਾਣਬਨ੍ਧਨਬਦ੍ਧੋ, ਨ ਸਨ੍ਤਰਬਾਹਿਰਬਨ੍ਧਨਬਦ੍ਧੋ, ਤੀਰਦਸ੍ਸੀ, ਪਾਰਦਸ੍ਸੀ, ‘ਪਰਿਮੁਤ੍ਤੋ ਸੋ ਦੁਕ੍ਖਸ੍ਮਾ’ਤਿ વਦਾਮੀ’’ਤਿ। ਪਞ੍ਚਮਂ।
‘‘Sutavā ca kho, bhikkhave, ariyasāvako ariyānaṃ dassāvī…pe… sappurisadhamme suvinīto na rūpaṃ attato samanupassati, na rūpavantaṃ vā attānaṃ; na attani vā rūpaṃ, na rūpasmiṃ vā attānaṃ. Ayaṃ vuccati, bhikkhave, sutavā ariyasāvako na rūpabandhanabaddho, na santarabāhirabandhanabaddho, tīradassī, pāradassī; ‘parimutto so dukkhasmā’ti vadāmi. Na vedanaṃ attato…pe… na saññaṃ attato…pe… na saṅkhāre attato…pe… na viññāṇaṃ attato samanupassati…pe… ayaṃ vuccati, bhikkhave, sutavā ariyasāvako na viññāṇabandhanabaddho, na santarabāhirabandhanabaddho, tīradassī, pāradassī, ‘parimutto so dukkhasmā’ti vadāmī’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫-੯. ਬਨ੍ਧਨਸੁਤ੍ਤਾਦਿવਣ੍ਣਨਾ • 5-9. Bandhanasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫-੯. ਬਨ੍ਧਨਸੁਤ੍ਤਾਦਿવਣ੍ਣਨਾ • 5-9. Bandhanasuttādivaṇṇanā
