| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. б̣анд̇ханасуд̇д̇аван̣н̣анаа
10. Bandhanasuttavaṇṇanā
121. д̣̇асамз ид̇ха, бханд̇з, ран̃н̃аад̇и ид̣̇ам̣ д̇з бхигкуу д̇зсу мануссзсу аананд̣̇ад̇т̇зрасса сугад̇агааран̣ам̣ аарожзнд̇аа аарожзсум̣. ран̃н̃о гира саггзна гусарааж̇асса д̣̇инно адтаван̇го ман̣и бавзн̣ияаа ааг̇ад̇о. рааж̇аа алан̇гаран̣агаалз д̇ам̣ ман̣им̣ аахарат̇аад̇и ааха. мануссаа ‘‘табид̇адтаанз на бассаамаа’’д̇и аарожзсум̣. рааж̇аа анд̇огхаражаарино ‘‘ман̣им̣ бариязсид̇ваа д̣̇зт̇аа’’д̇и б̣анд̇хаабзси. аананд̣̇ад̇т̇зро д̇з д̣̇исваа ман̣ибадисаамагаанам̣ згам̣ убааяам̣ аажигки . д̇з ран̃н̃о аарожзсум̣. рааж̇аа ‘‘бан̣д̣ид̇о т̇зро, т̇зрасса важанам̣ гарот̇аа’’д̇и. бадисаамагамануссаа рааж̇ан̇г̇ан̣з уд̣̇агажаадим̣ табзд̇ваа саан̣ияаа баригкибаабзд̇ваа д̇з мануссз аахам̣су – ‘‘саадагам̣ баарубид̇ваа зд̇т̇а г̇анд̇ваа хад̇т̇ам̣ од̇аарзт̇аа’’д̇и. ман̣ижоро жинд̇зси – ‘‘рааж̇абхан̣д̣ам̣ виссаж̇ж̇зд̇ум̣ ваа валан̃ж̇зд̇ум̣ ваа на саггаа’’д̇и. со г̇зхам̣ г̇анд̇ваа ман̣им̣ убагажчагз табзд̇ваа саадагам̣ баарубид̇ваа ааг̇амма уд̣̇агажаадияам̣ багкибид̇ваа баггаами. махааж̇анз бадигганд̇з рааж̇амануссаа жаадияам̣ хад̇т̇ам̣ од̇аарзд̇ваа ман̣им̣ д̣̇исваа аахарид̇ваа ран̃н̃о ад̣̇ам̣су. ‘‘аананд̣̇ад̇т̇зрзна гира д̣̇ассид̇анаязна ман̣и д̣̇идто’’д̇и махааж̇ано голаахалам̣ агааси. д̇з бхигкуу д̇ам̣ гааран̣ам̣ д̇ат̇ааг̇ад̇асса аарожзнд̇аа имам̣ бавад̇д̇им̣ аарожзсум̣. сад̇т̇аа – ‘‘анажчарияам̣, бхигкавз, яам̣ аананд̣̇о мануссаанам̣ хад̇т̇аарул̣хаман̣им̣ аахараабзяяа , яад̇т̇а буб̣б̣з бан̣д̣ид̇аа ад̇д̇ано н̃аан̣з тад̇ваа ахзд̇угабадисанд̇хияам̣ ниб̣б̣ад̇д̇аанам̣ д̇иражчаанаг̇ад̇аанамби хад̇т̇аарул̣хам̣ бхан̣д̣ам̣ аахараабзд̇ваа ран̃н̃о ад̣̇ам̣суу’’д̇и вад̇ваа –
121. Dasame idha, bhante, raññāti idaṃ te bhikkhū tesu manussesu ānandattherassa sukatakāraṇaṃ ārocentā ārocesuṃ. Rañño kira sakkena kusarājassa dinno aṭṭhavaṅko maṇi paveṇiyā āgato. Rājā alaṅkaraṇakāle taṃ maṇiṃ āharathāti āha. Manussā ‘‘ṭhapitaṭṭhāne na passāmā’’ti ārocesuṃ. Rājā antogharacārino ‘‘maṇiṃ pariyesitvā dethā’’ti bandhāpesi. Ānandatthero te disvā maṇipaṭisāmakānaṃ ekaṃ upāyaṃ ācikkhi . Te rañño ārocesuṃ. Rājā ‘‘paṇḍito thero, therassa vacanaṃ karothā’’ti. Paṭisāmakamanussā rājaṅgaṇe udakacāṭiṃ ṭhapetvā sāṇiyā parikkhipāpetvā te manusse āhaṃsu – ‘‘sāṭakaṃ pārupitvā ettha gantvā hatthaṃ otārethā’’ti. Maṇicoro cintesi – ‘‘rājabhaṇḍaṃ vissajjetuṃ vā valañjetuṃ vā na sakkā’’ti. So gehaṃ gantvā maṇiṃ upakacchake ṭhapetvā sāṭakaṃ pārupitvā āgamma udakacāṭiyaṃ pakkhipitvā pakkāmi. Mahājane paṭikkante rājamanussā cāṭiyaṃ hatthaṃ otāretvā maṇiṃ disvā āharitvā rañño adaṃsu. ‘‘Ānandattherena kira dassitanayena maṇi diṭṭho’’ti mahājano kolāhalaṃ akāsi. Te bhikkhū taṃ kāraṇaṃ tathāgatassa ārocentā imaṃ pavattiṃ ārocesuṃ. Satthā – ‘‘anacchariyaṃ, bhikkhave, yaṃ ānando manussānaṃ hatthāruḷhamaṇiṃ āharāpeyya , yattha pubbe paṇḍitā attano ñāṇe ṭhatvā ahetukapaṭisandhiyaṃ nibbattānaṃ tiracchānagatānampi hatthāruḷhaṃ bhaṇḍaṃ āharāpetvā rañño adaṃsū’’ti vatvā –
‘‘уггадтз суурамижчанд̇и, манд̇ийсу агуд̇уухалам̣;
‘‘Ukkaṭṭhe sūramicchanti, mantīsu akutūhalaṃ;
бияан̃жа аннабаанамхи, ад̇т̇з ж̇аад̇з жа бан̣д̣ид̇а’’нд̇и. (ж̇аа. 1.1.92) –
Piyañca annapānamhi, atthe jāte ca paṇḍita’’nti. (jā. 1.1.92) –
махаасаараж̇аад̇агам̣ гат̇зси.
Mahāsārajātakaṃ kathesi.
на д̇ам̣ д̣̇ал̣ханд̇и д̇ам̣ б̣анд̇ханам̣ т̇иранд̇и на гат̇знд̇и. яад̣̇ааяасанд̇и яам̣ ааяасаа гад̇ам̣. саарад̇д̇арад̇д̇аад̇и судту рад̇д̇арад̇д̇аа, саарад̇д̇зна ваа рад̇д̇аа саарад̇д̇арад̇д̇аа, саарам̣ ид̣̇анд̇и ман̃н̃анааяа рад̇д̇аад̇и ад̇т̇о. абзгкаад̇и аалаяо ниганд̇и. аахууд̇и гат̇знд̇и. охааринанд̇и жад̇уусу абааязсу аагад̣дханагам̣. сит̇иланд̇и на ааяасаад̣̇иб̣анд̇ханам̣ вияа ирияаабат̇ам̣ ниваарзд̇ваа тид̇ам̣. д̇зна хи б̣анд̇ханзна б̣ад̣̇д̇хаа барад̣̇зсамби г̇ажчанд̇иязва. д̣̇уббамун̃жанд̇и ан̃н̃ад̇ра логуд̇д̇аран̃аан̣зна мун̃жид̇ум̣ асаггун̣зяяанд̇и. д̣̇асамам̣.
Na taṃ daḷhanti taṃ bandhanaṃ thiranti na kathenti. Yadāyasanti yaṃ āyasā kataṃ. Sārattarattāti suṭṭhu rattarattā, sārattena vā rattā sārattarattā, sāraṃ idanti maññanāya rattāti attho. Apekkhāti ālayo nikanti. Āhūti kathenti. Ohārinanti catūsu apāyesu ākaḍḍhanakaṃ. Sithilanti na āyasādibandhanaṃ viya iriyāpathaṃ nivāretvā ṭhitaṃ. Tena hi bandhanena baddhā paradesampi gacchantiyeva. Duppamuñcanti aññatra lokuttarañāṇena muñcituṃ asakkuṇeyyanti. Dasamaṃ.
батамо ваг̇г̇о.
Paṭhamo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. б̣анд̇ханасуд̇д̇ам̣ • 10. Bandhanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. б̣анд̇ханасуд̇д̇аван̣н̣анаа • 10. Bandhanasuttavaṇṇanā
