| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. බන්‌ධනසුත්‌තවණ්‌ණනා
10. Bandhanasuttavaṇṇanā
121. ඉදන්‌ති ‘‘ඉධ, භන්‌තෙ’’තිආදිකං වචනං. තෙ භික්‌ඛූ ආරොචෙසුන්‌ති සම්‌බන්‌ධො. තෙසූති තෙසු රඤ්‌ඤා බන්‌ධාපිතමනුස්‌සෙසු. සුකතකාරණන්‌ති සුකාරණකිරියං ආරොචෙසුං, න කෙවලං තෙසං මනුස්‌සානං බන්‌ධාපිතභාවං . ඉදානි තමත්‌ථං විත්‌ථාරතො දස්‌සෙතුං ‘‘රඤ්‌ඤො කිරා’’තිආදි වුත්‌තං. අට්‌ඨවඞ්‌කොති අට්‌ඨංසො. අන්‌තොඝරචාරිනොති අන්‌තෙපුරවාසිනො.
121.Idanti ‘‘idha, bhante’’tiādikaṃ vacanaṃ. Te bhikkhū ārocesunti sambandho. Tesūti tesu raññā bandhāpitamanussesu. Sukatakāraṇanti sukāraṇakiriyaṃ ārocesuṃ, na kevalaṃ tesaṃ manussānaṃ bandhāpitabhāvaṃ . Idāni tamatthaṃ vitthārato dassetuṃ ‘‘rañño kirā’’tiādi vuttaṃ. Aṭṭhavaṅkoti aṭṭhaṃso. Antogharacārinoti antepuravāsino.
උක්‌කට්‌ඨෙති යුද්‌ධෙ. මන්‌තීසූති ගුත්‌තමන්‌තීසු. අකුතූහලන්‌ති සඤ්‌ඤතං. පියන්‌ති පියායිතබ්‌බං. අන්‌නපානම්‌හි මධුරෙ අභුත්‌තෙ උප්‌පන්‌නෙ. අත්‌ථෙති අත්‌ථෙ කිච්‌චෙ ජාතෙ ථිරන්‌ති න කථෙන්‌ති කායබලමත්‌තෙන අපනෙතුං සක්‌කුණෙය්‍යත්‌තා. සුට්‌ඨු රත්‌තරත්‌තාති අතිවිය රත්‌තා එව හුත්‌වා රත්‌තා. සාරත්‌තෙනාති සාරභාවෙන සාරභාවසඤ්‌ඤාය. ඔහාරිනන්‌ති හෙට්‌ඨා හරණසීලන්‌ති ආහ ‘‘චතූසු අපායෙසු ආකඩ්‌ඪනක’’න්‌ති. සිථිලන්‌ති සිථිලාකාරං, න පන සිථිලං. තෙනාහ භගවා ‘‘දුප්‌පමුඤ්‌ච’’න්‌ති.
Ukkaṭṭheti yuddhe. Mantīsūti guttamantīsu. Akutūhalanti saññataṃ. Piyanti piyāyitabbaṃ. Annapānamhi madhure abhutte uppanne. Attheti atthe kicce jāte thiranti na kathenti kāyabalamattena apanetuṃ sakkuṇeyyattā. Suṭṭhu rattarattāti ativiya rattā eva hutvā rattā. Sārattenāti sārabhāvena sārabhāvasaññāya. Ohārinanti heṭṭhā haraṇasīlanti āha ‘‘catūsu apāyesu ākaḍḍhanaka’’nti. Sithilanti sithilākāraṃ, na pana sithilaṃ. Tenāha bhagavā ‘‘duppamuñca’’nti.
බන්‌ධනසුත්‌තවණ්‌ණනා නිට්‌ඨිතා.
Bandhanasuttavaṇṇanā niṭṭhitā.
පඨමවග්‌ගවණ්‌ණනා නිට්‌ඨිතා.
Paṭhamavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. බන්‌ධනසුත්‌තං • 10. Bandhanasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. බන්‌ධනසුත්‌තවණ්‌ණනා • 10. Bandhanasuttavaṇṇanā
