| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਬਨ੍ਧਨਸੁਤ੍ਤવਣ੍ਣਨਾ
10. Bandhanasuttavaṇṇanā
੧੨੧. ਇਦਨ੍ਤਿ ‘‘ਇਧ, ਭਨ੍ਤੇ’’ਤਿਆਦਿਕਂ વਚਨਂ। ਤੇ ਭਿਕ੍ਖੂ ਆਰੋਚੇਸੁਨ੍ਤਿ ਸਮ੍ਬਨ੍ਧੋ। ਤੇਸੂਤਿ ਤੇਸੁ ਰਞ੍ਞਾ ਬਨ੍ਧਾਪਿਤਮਨੁਸ੍ਸੇਸੁ। ਸੁਕਤਕਾਰਣਨ੍ਤਿ ਸੁਕਾਰਣਕਿਰਿਯਂ ਆਰੋਚੇਸੁਂ, ਨ ਕੇવਲਂ ਤੇਸਂ ਮਨੁਸ੍ਸਾਨਂ ਬਨ੍ਧਾਪਿਤਭਾવਂ । ਇਦਾਨਿ ਤਮਤ੍ਥਂ વਿਤ੍ਥਾਰਤੋ ਦਸ੍ਸੇਤੁਂ ‘‘ਰਞ੍ਞੋ ਕਿਰਾ’’ਤਿਆਦਿ વੁਤ੍ਤਂ। ਅਟ੍ਠવਙ੍ਕੋਤਿ ਅਟ੍ਠਂਸੋ। ਅਨ੍ਤੋਘਰਚਾਰਿਨੋਤਿ ਅਨ੍ਤੇਪੁਰવਾਸਿਨੋ।
121.Idanti ‘‘idha, bhante’’tiādikaṃ vacanaṃ. Te bhikkhū ārocesunti sambandho. Tesūti tesu raññā bandhāpitamanussesu. Sukatakāraṇanti sukāraṇakiriyaṃ ārocesuṃ, na kevalaṃ tesaṃ manussānaṃ bandhāpitabhāvaṃ . Idāni tamatthaṃ vitthārato dassetuṃ ‘‘rañño kirā’’tiādi vuttaṃ. Aṭṭhavaṅkoti aṭṭhaṃso. Antogharacārinoti antepuravāsino.
ਉਕ੍ਕਟ੍ਠੇਤਿ ਯੁਦ੍ਧੇ। ਮਨ੍ਤੀਸੂਤਿ ਗੁਤ੍ਤਮਨ੍ਤੀਸੁ। ਅਕੁਤੂਹਲਨ੍ਤਿ ਸਞ੍ਞਤਂ। ਪਿਯਨ੍ਤਿ ਪਿਯਾਯਿਤਬ੍ਬਂ। ਅਨ੍ਨਪਾਨਮ੍ਹਿ ਮਧੁਰੇ ਅਭੁਤ੍ਤੇ ਉਪ੍ਪਨ੍ਨੇ। ਅਤ੍ਥੇਤਿ ਅਤ੍ਥੇ ਕਿਚ੍ਚੇ ਜਾਤੇ ਥਿਰਨ੍ਤਿ ਨ ਕਥੇਨ੍ਤਿ ਕਾਯਬਲਮਤ੍ਤੇਨ ਅਪਨੇਤੁਂ ਸਕ੍ਕੁਣੇਯ੍ਯਤ੍ਤਾ। ਸੁਟ੍ਠੁ ਰਤ੍ਤਰਤ੍ਤਾਤਿ ਅਤਿવਿਯ ਰਤ੍ਤਾ ਏવ ਹੁਤ੍વਾ ਰਤ੍ਤਾ। ਸਾਰਤ੍ਤੇਨਾਤਿ ਸਾਰਭਾવੇਨ ਸਾਰਭਾવਸਞ੍ਞਾਯ। ਓਹਾਰਿਨਨ੍ਤਿ ਹੇਟ੍ਠਾ ਹਰਣਸੀਲਨ੍ਤਿ ਆਹ ‘‘ਚਤੂਸੁ ਅਪਾਯੇਸੁ ਆਕਡ੍ਢਨਕ’’ਨ੍ਤਿ। ਸਿਥਿਲਨ੍ਤਿ ਸਿਥਿਲਾਕਾਰਂ, ਨ ਪਨ ਸਿਥਿਲਂ। ਤੇਨਾਹ ਭਗવਾ ‘‘ਦੁਪ੍ਪਮੁਞ੍ਚ’’ਨ੍ਤਿ।
Ukkaṭṭheti yuddhe. Mantīsūti guttamantīsu. Akutūhalanti saññataṃ. Piyanti piyāyitabbaṃ. Annapānamhi madhure abhutte uppanne. Attheti atthe kicce jāte thiranti na kathenti kāyabalamattena apanetuṃ sakkuṇeyyattā. Suṭṭhu rattarattāti ativiya rattā eva hutvā rattā. Sārattenāti sārabhāvena sārabhāvasaññāya. Ohārinanti heṭṭhā haraṇasīlanti āha ‘‘catūsu apāyesu ākaḍḍhanaka’’nti. Sithilanti sithilākāraṃ, na pana sithilaṃ. Tenāha bhagavā ‘‘duppamuñca’’nti.
ਬਨ੍ਧਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bandhanasuttavaṇṇanā niṭṭhitā.
ਪਠਮવਗ੍ਗવਣ੍ਣਨਾ ਨਿਟ੍ਠਿਤਾ।
Paṭhamavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਬਨ੍ਧਨਸੁਤ੍ਤਂ • 10. Bandhanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਬਨ੍ਧਨਸੁਤ੍ਤવਣ੍ਣਨਾ • 10. Bandhanasuttavaṇṇanā
