| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. พนฺธุชีวกเตฺถรอปทานํ
2. Bandhujīvakattheraapadānaṃ
๖.
6.
‘‘สิทฺธโตฺถ นาม สมฺพุโทฺธ, สยมฺภู สพฺภิ วณฺณิโต;
‘‘Siddhattho nāma sambuddho, sayambhū sabbhi vaṇṇito;
สมาธิํ โส สมาปโนฺน, นิสีทิ ปพฺพตนฺตเรฯ
Samādhiṃ so samāpanno, nisīdi pabbatantare.
๗.
7.
‘‘ชาตสฺสเร คเวสโนฺต, ทกชํ ปุปฺผมุตฺตมํ;
‘‘Jātassare gavesanto, dakajaṃ pupphamuttamaṃ;
พนฺธุชีวกปุปฺผานิ, อทฺทสํ สมนนฺตรํฯ
Bandhujīvakapupphāni, addasaṃ samanantaraṃ.
๘.
8.
‘‘อุโภ หเตฺถหิ ปคฺคยฺห, อุปาคจฺฉิํ มหามุนิํ;
‘‘Ubho hatthehi paggayha, upāgacchiṃ mahāmuniṃ;
ปสนฺนจิโตฺต สุมโน, สิทฺธตฺถสฺสาภิโรปยิํฯ
Pasannacitto sumano, siddhatthassābhiropayiṃ.
๙.
9.
‘‘จตุนฺนวุติโต กเปฺป, ยํ ปุปฺผมภิโรปยิํ;
‘‘Catunnavutito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๑๐.
10.
‘‘อิโต จาตุทฺทเส กเปฺป, เอโก อาสิํ ชนาธิโป;
‘‘Ito cātuddase kappe, eko āsiṃ janādhipo;
สมุทฺทกโปฺป นาเมน, จกฺกวตฺตี มหพฺพโลฯ
Samuddakappo nāmena, cakkavattī mahabbalo.
๑๑.
11.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา พนฺธุชีวโก เถโร อิมา คาถาโย อภาสิตฺถาติฯ
Itthaṃ sudaṃ āyasmā bandhujīvako thero imā gāthāyo abhāsitthāti.
พนฺธุชีวกเตฺถรสฺสาปทานํ ทุติยํฯ
Bandhujīvakattherassāpadānaṃ dutiyaṃ.
