| Library / Tipiṭaka / තිපිටක • Tipiṭaka / අපදානපාළි • Apadānapāḷi |
16. බන්‌ධුජීවකවග්‌ගො
16. Bandhujīvakavaggo
1. බන්‌ධුජීවකත්‌ථෙරඅපදානං
1. Bandhujīvakattheraapadānaṃ
1.
1.
‘‘චන්‌දංව විමලං සුද්‌ධං, විප්‌පසන්‌නමනාවිලං;
‘‘Candaṃva vimalaṃ suddhaṃ, vippasannamanāvilaṃ;
නන්‌දීභවපරික්‌ඛීණං, තිණ්‌ණං ලොකෙ විසත්‌තිකං.
Nandībhavaparikkhīṇaṃ, tiṇṇaṃ loke visattikaṃ.
2.
2.
3.
3.
‘‘බන්‌ධුජීවකපුප්‌ඵානි, ලගෙත්‌වා සුත්‌තකෙනහං;
‘‘Bandhujīvakapupphāni, lagetvā suttakenahaṃ;
බුද්‌ධස්‌ස අභිරොපයිං, සිඛිනො ලොකබන්‌ධුනො.
Buddhassa abhiropayiṃ, sikhino lokabandhuno.
4.
4.
‘‘එකත්‌තිංසෙ ඉතො කප්‌පෙ, යං කම්‌මමකරිං තදා;
‘‘Ekattiṃse ito kappe, yaṃ kammamakariṃ tadā;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
5.
5.
‘‘ඉතො සත්‌තමකෙ කප්‌පෙ, මනුජින්‌දො මහායසො;
‘‘Ito sattamake kappe, manujindo mahāyaso;
සමන්‌තචක්‌ඛු නාමාසි, චක්‌කවත්‌තී මහබ්‌බලො.
Samantacakkhu nāmāsi, cakkavattī mahabbalo.
6.
6.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා බන්‌ධුජීවකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā bandhujīvako thero imā gāthāyo abhāsitthāti.
බන්‌ධුජීවකත්‌ථෙරස්‌සාපදානං පඨමං.
Bandhujīvakattherassāpadānaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1. බන්‌ධුජීවකත්‌ථෙරඅපදානවණ්‌ණනා • 1. Bandhujīvakattheraapadānavaṇṇanā
