| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
16. б̣анд̇хуж̇ийвагаваг̇г̇о
16. Bandhujīvakavaggo
1. б̣анд̇хуж̇ийвагад̇т̇зраабад̣̇аанаван̣н̣анаа
1. Bandhujīvakattheraapadānavaṇṇanā
жанд̣̇ам̣ва вималам̣ суд̣̇д̇ханд̇иаад̣̇игам̣ ааяасмад̇о б̣анд̇хуж̇ийвагад̇т̇зрасса абад̣̇аанам̣. аяамбааяасмаа буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ сан̣табзд̇ваа васанд̇о сикисса бхаг̇авад̇о руубагааяасамбад̇д̇им̣ д̣̇исваа басаннамаанасо б̣анд̇хуж̇ийвагабубпаани г̇ахзд̇ваа бхаг̇авад̇о баад̣̇амуулз бууж̇зси. бхаг̇аваа д̇асса жид̇д̇аббасаад̣̇авад̣дханад̇т̇ааяа анумод̣̇анамагааси. со яаавад̇ааяуд̇ам̣ тад̇ваа д̇знзва бун̃н̃зна д̣̇звалогз ниб̣б̣ад̇д̇о ча гаамааважарасамбад̇д̇ияо анубхавид̇ваа мануссзсу жа жаггавад̇д̇иаад̣̇исамбад̇д̇ияо анубхавид̇ваа имасса амхаагам̣ саммаасамб̣уд̣̇д̇хасса уббаннагаалз г̇ахабад̇игулз ниб̣б̣ад̇д̇о руубаг̇г̇аяасаг̇г̇аббад̇д̇о сад̇т̇у д̇хаммад̣̇зсанам̣ суд̇ваа сад̣̇д̇хааж̇аад̇о г̇зхам̣ бахааяа баб̣б̣аж̇ид̇о арахад̇д̇ам̣ баабун̣и.
Candaṃvavimalaṃ suddhantiādikaṃ āyasmato bandhujīvakattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle kulagehe nibbatto viññutaṃ patto gharāvāsaṃ saṇṭhapetvā vasanto sikhissa bhagavato rūpakāyasampattiṃ disvā pasannamānaso bandhujīvakapupphāni gahetvā bhagavato pādamūle pūjesi. Bhagavā tassa cittappasādavaḍḍhanatthāya anumodanamakāsi. So yāvatāyutaṃ ṭhatvā teneva puññena devaloke nibbatto cha kāmāvacarasampattiyo anubhavitvā manussesu ca cakkavattiādisampattiyo anubhavitvā imassa amhākaṃ sammāsambuddhassa uppannakāle gahapatikule nibbatto rūpaggayasaggappatto satthu dhammadesanaṃ sutvā saddhājāto gehaṃ pahāya pabbajito arahattaṃ pāpuṇi.
1. со буб̣б̣зниваасан̃аан̣зна буб̣б̣з гад̇агусалагаммам̣ ануссарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о жанд̣̇ам̣ва вималам̣ суд̣̇д̇ханд̇иаад̣̇имааха. д̇ад̇т̇а жанд̣̇ам̣ва вималам̣ суд̣̇д̇ханд̇и аб̣бхаа, махигаа, д̇хумо, раж̇о, раахууд̇и имзхи убаггилзсамалзхи вимуд̇д̇ам̣ жанд̣̇ам̣ ива д̣̇ияад̣дхасахассубаггилзсамалаанам̣ бахийнад̇д̇аа вималам̣ ниггилзсад̇д̇аа суд̣̇д̇хам̣ басаннам̣ сиким̣ самб̣уд̣̇д̇ханд̇и самб̣анд̇хо. гилзсагад̣̇д̣̇амаанам̣ абхаавзна анаавилам̣. нанд̣̇ийбхавасан̇каад̇ааяа б̣алаваснзхааяа барисаманд̇ад̇о кийн̣ад̇д̇аа нанд̣̇ийбхавабаригкийн̣ам̣. д̇ин̣н̣ам̣ логзд̇и логад̇д̇аяад̇о д̇ин̣н̣ам̣ уд̇д̇ин̣н̣ам̣ ад̇игганд̇ам̣. висад̇д̇иганд̇и висад̇д̇игам̣ вужжад̇и д̇ан̣хаа, нид̇д̇ан̣ханд̇и ад̇т̇о.
1. So pubbenivāsañāṇena pubbe katakusalakammaṃ anussaritvā somanassajāto pubbacaritāpadānaṃ pakāsento candaṃva vimalaṃ suddhantiādimāha. Tattha candaṃva vimalaṃ suddhanti abbhā, mahikā, dhumo, rajo, rāhūti imehi upakkilesamalehi vimuttaṃ candaṃ iva diyaḍḍhasahassupakkilesamalānaṃ pahīnattā vimalaṃ nikkilesattā suddhaṃ pasannaṃ sikhiṃ sambuddhanti sambandho. Kilesakaddamānaṃ abhāvena anāvilaṃ. Nandībhavasaṅkhātāya balavasnehāya parisamantato khīṇattā nandībhavaparikkhīṇaṃ. Tiṇṇaṃ loketi lokattayato tiṇṇaṃ uttiṇṇaṃ atikkantaṃ. Visattikanti visattikaṃ vuccati taṇhā, nittaṇhanti attho.
2. ниб̣б̣аабаяанд̇ам̣ ж̇анад̇анд̇и д̇хаммавассам̣ вассанд̇о ж̇анад̇ам̣ ж̇анасамуухам̣ гилзсабарил̣аахаабхаавзна ниб̣б̣аабаяанд̇ам̣ вуубасамзнд̇ам̣. саяам̣ сам̣саарад̇о д̇ин̣н̣ам̣, саб̣б̣асад̇д̇з сам̣саарад̇о д̇аараяанд̇ам̣ ад̇иггамзнд̇ам̣ жад̇уннам̣ сажжаанам̣ мунанад̇о ж̇аананад̇о муним̣ сиким̣ самб̣уд̣̇д̇ханд̇и самб̣анд̇хо. ванасмим̣ жхааяамаананд̇и аарамман̣уубаниж̇жхааналагкан̣уубаниж̇жхаанзхи жхааяанд̇ам̣ жинд̇знд̇ам̣ жид̇д̇зна бхаавзнд̇ам̣ ванамаж̇жхзд̇и ад̇т̇о. згаг̇г̇ам̣ згаг̇г̇ажид̇д̇ам̣ сусамаахид̇ам̣ судту аарамман̣з аахид̇ам̣ табид̇ажид̇д̇ам̣ сиким̣ муним̣ д̣̇исваад̇и самб̣анд̇хо.
2.Nibbāpayantaṃ janatanti dhammavassaṃ vassanto janataṃ janasamūhaṃ kilesapariḷāhābhāvena nibbāpayantaṃ vūpasamentaṃ. Sayaṃ saṃsārato tiṇṇaṃ, sabbasatte saṃsārato tārayantaṃ atikkamentaṃ catunnaṃ saccānaṃ munanato jānanato muniṃ sikhiṃ sambuddhanti sambandho. Vanasmiṃ jhāyamānanti ārammaṇūpanijjhānalakkhaṇūpanijjhānehi jhāyantaṃ cintentaṃ cittena bhāventaṃ vanamajjheti attho. Ekaggaṃ ekaggacittaṃ susamāhitaṃ suṭṭhu ārammaṇe āhitaṃ ṭhapitacittaṃ sikhiṃ muniṃ disvāti sambandho.
3. б̣анд̇хуж̇ийвагабубпаанийд̇и б̣анд̇хуунам̣ н̃аад̇ийнам̣ ж̇ийвагам̣ ж̇ийвид̇аниссаяам̣ хад̣̇аяамам̣салохид̇ам̣ б̣анд̇хуж̇ийвагам̣ хад̣̇аяамам̣салохид̇асамаанаван̣н̣ам̣ бубпам̣ б̣анд̇хуж̇ийвагабубпам̣ г̇ахзд̇ваа сикино логаб̣анд̇хуно бууж̇зсинд̇и ад̇т̇о. сзсам̣ уд̇д̇аанад̇т̇амзваад̇и.
3.Bandhujīvakapupphānīti bandhūnaṃ ñātīnaṃ jīvakaṃ jīvitanissayaṃ hadayamaṃsalohitaṃ bandhujīvakaṃ hadayamaṃsalohitasamānavaṇṇaṃ pupphaṃ bandhujīvakapupphaṃ gahetvā sikhino lokabandhuno pūjesinti attho. Sesaṃ uttānatthamevāti.
б̣анд̇хуж̇ийвагад̇т̇зраабад̣̇аанаван̣н̣анаа самад̇д̇аа.
Bandhujīvakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. б̣анд̇хуж̇ийвагад̇т̇зраабад̣̇аанам̣ • 1. Bandhujīvakattheraapadānaṃ
