| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੬. ਬਨ੍ਧੁਜੀવਕવਗ੍ਗੋ
16. Bandhujīvakavaggo
੧. ਬਨ੍ਧੁਜੀવਕਤ੍ਥੇਰਅਪਦਾਨવਣ੍ਣਨਾ
1. Bandhujīvakattheraapadānavaṇṇanā
ਚਨ੍ਦਂવ વਿਮਲਂ ਸੁਦ੍ਧਨ੍ਤਿਆਦਿਕਂ ਆਯਸ੍ਮਤੋ ਬਨ੍ਧੁਜੀવਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਾਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਖਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ વਸਨ੍ਤੋ ਸਿਖਿਸ੍ਸ ਭਗવਤੋ ਰੂਪਕਾਯਸਮ੍ਪਤ੍ਤਿਂ ਦਿਸ੍વਾ ਪਸਨ੍ਨਮਾਨਸੋ ਬਨ੍ਧੁਜੀવਕਪੁਪ੍ਫਾਨਿ ਗਹੇਤ੍વਾ ਭਗવਤੋ ਪਾਦਮੂਲੇ ਪੂਜੇਸਿ। ਭਗવਾ ਤਸ੍ਸ ਚਿਤ੍ਤਪ੍ਪਸਾਦવਡ੍ਢਨਤ੍ਥਾਯ ਅਨੁਮੋਦਨਮਕਾਸਿ। ਸੋ ਯਾવਤਾਯੁਤਂ ਠਤ੍વਾ ਤੇਨੇવ ਪੁਞ੍ਞੇਨ ਦੇવਲੋਕੇ ਨਿਬ੍ਬਤ੍ਤੋ ਛ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤ੍ਤਿਆਦਿਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਸ ਅਮ੍ਹਾਕਂ ਸਮ੍ਮਾਸਮ੍ਬੁਦ੍ਧਸ੍ਸ ਉਪ੍ਪਨ੍ਨਕਾਲੇ ਗਹਪਤਿਕੁਲੇ ਨਿਬ੍ਬਤ੍ਤੋ ਰੂਪਗ੍ਗਯਸਗ੍ਗਪ੍ਪਤ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਸਦ੍ਧਾਜਾਤੋ ਗੇਹਂ ਪਹਾਯ ਪਬ੍ਬਜਿਤੋ ਅਰਹਤ੍ਤਂ ਪਾਪੁਣਿ।
Candaṃvavimalaṃ suddhantiādikaṃ āyasmato bandhujīvakattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto sikhissa bhagavato kāle kulagehe nibbatto viññutaṃ patto gharāvāsaṃ saṇṭhapetvā vasanto sikhissa bhagavato rūpakāyasampattiṃ disvā pasannamānaso bandhujīvakapupphāni gahetvā bhagavato pādamūle pūjesi. Bhagavā tassa cittappasādavaḍḍhanatthāya anumodanamakāsi. So yāvatāyutaṃ ṭhatvā teneva puññena devaloke nibbatto cha kāmāvacarasampattiyo anubhavitvā manussesu ca cakkavattiādisampattiyo anubhavitvā imassa amhākaṃ sammāsambuddhassa uppannakāle gahapatikule nibbatto rūpaggayasaggappatto satthu dhammadesanaṃ sutvā saddhājāto gehaṃ pahāya pabbajito arahattaṃ pāpuṇi.
੧. ਸੋ ਪੁਬ੍ਬੇਨਿવਾਸਞਾਣੇਨ ਪੁਬ੍ਬੇ ਕਤਕੁਸਲਕਮ੍ਮਂ ਅਨੁਸ੍ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਚਨ੍ਦਂવ વਿਮਲਂ ਸੁਦ੍ਧਨ੍ਤਿਆਦਿਮਾਹ। ਤਤ੍ਥ ਚਨ੍ਦਂવ વਿਮਲਂ ਸੁਦ੍ਧਨ੍ਤਿ ਅਬ੍ਭਾ, ਮਹਿਕਾ, ਧੁਮੋ, ਰਜੋ, ਰਾਹੂਤਿ ਇਮੇਹਿ ਉਪਕ੍ਕਿਲੇਸਮਲੇਹਿ વਿਮੁਤ੍ਤਂ ਚਨ੍ਦਂ ਇવ ਦਿਯਡ੍ਢਸਹਸ੍ਸੁਪਕ੍ਕਿਲੇਸਮਲਾਨਂ ਪਹੀਨਤ੍ਤਾ વਿਮਲਂ ਨਿਕ੍ਕਿਲੇਸਤ੍ਤਾ ਸੁਦ੍ਧਂ ਪਸਨ੍ਨਂ ਸਿਖਿਂ ਸਮ੍ਬੁਦ੍ਧਨ੍ਤਿ ਸਮ੍ਬਨ੍ਧੋ। ਕਿਲੇਸਕਦ੍ਦਮਾਨਂ ਅਭਾવੇਨ ਅਨਾવਿਲਂ। ਨਨ੍ਦੀਭવਸਙ੍ਖਾਤਾਯ ਬਲવਸ੍ਨੇਹਾਯ ਪਰਿਸਮਨ੍ਤਤੋ ਖੀਣਤ੍ਤਾ ਨਨ੍ਦੀਭવਪਰਿਕ੍ਖੀਣਂ। ਤਿਣ੍ਣਂ ਲੋਕੇਤਿ ਲੋਕਤ੍ਤਯਤੋ ਤਿਣ੍ਣਂ ਉਤ੍ਤਿਣ੍ਣਂ ਅਤਿਕ੍ਕਨ੍ਤਂ। વਿਸਤ੍ਤਿਕਨ੍ਤਿ વਿਸਤ੍ਤਿਕਂ વੁਚ੍ਚਤਿ ਤਣ੍ਹਾ, ਨਿਤ੍ਤਣ੍ਹਨ੍ਤਿ ਅਤ੍ਥੋ।
1. So pubbenivāsañāṇena pubbe katakusalakammaṃ anussaritvā somanassajāto pubbacaritāpadānaṃ pakāsento candaṃva vimalaṃ suddhantiādimāha. Tattha candaṃva vimalaṃ suddhanti abbhā, mahikā, dhumo, rajo, rāhūti imehi upakkilesamalehi vimuttaṃ candaṃ iva diyaḍḍhasahassupakkilesamalānaṃ pahīnattā vimalaṃ nikkilesattā suddhaṃ pasannaṃ sikhiṃ sambuddhanti sambandho. Kilesakaddamānaṃ abhāvena anāvilaṃ. Nandībhavasaṅkhātāya balavasnehāya parisamantato khīṇattā nandībhavaparikkhīṇaṃ. Tiṇṇaṃ loketi lokattayato tiṇṇaṃ uttiṇṇaṃ atikkantaṃ. Visattikanti visattikaṃ vuccati taṇhā, nittaṇhanti attho.
੨. ਨਿਬ੍ਬਾਪਯਨ੍ਤਂ ਜਨਤਨ੍ਤਿ ਧਮ੍ਮવਸ੍ਸਂ વਸ੍ਸਨ੍ਤੋ ਜਨਤਂ ਜਨਸਮੂਹਂ ਕਿਲੇਸਪਰਿਲ਼ਾਹਾਭਾવੇਨ ਨਿਬ੍ਬਾਪਯਨ੍ਤਂ વੂਪਸਮੇਨ੍ਤਂ। ਸਯਂ ਸਂਸਾਰਤੋ ਤਿਣ੍ਣਂ, ਸਬ੍ਬਸਤ੍ਤੇ ਸਂਸਾਰਤੋ ਤਾਰਯਨ੍ਤਂ ਅਤਿਕ੍ਕਮੇਨ੍ਤਂ ਚਤੁਨ੍ਨਂ ਸਚ੍ਚਾਨਂ ਮੁਨਨਤੋ ਜਾਨਨਤੋ ਮੁਨਿਂ ਸਿਖਿਂ ਸਮ੍ਬੁਦ੍ਧਨ੍ਤਿ ਸਮ੍ਬਨ੍ਧੋ। વਨਸ੍ਮਿਂ ਝਾਯਮਾਨਨ੍ਤਿ ਆਰਮ੍ਮਣੂਪਨਿਜ੍ਝਾਨਲਕ੍ਖਣੂਪਨਿਜ੍ਝਾਨੇਹਿ ਝਾਯਨ੍ਤਂ ਚਿਨ੍ਤੇਨ੍ਤਂ ਚਿਤ੍ਤੇਨ ਭਾવੇਨ੍ਤਂ વਨਮਜ੍ਝੇਤਿ ਅਤ੍ਥੋ। ਏਕਗ੍ਗਂ ਏਕਗ੍ਗਚਿਤ੍ਤਂ ਸੁਸਮਾਹਿਤਂ ਸੁਟ੍ਠੁ ਆਰਮ੍ਮਣੇ ਆਹਿਤਂ ਠਪਿਤਚਿਤ੍ਤਂ ਸਿਖਿਂ ਮੁਨਿਂ ਦਿਸ੍વਾਤਿ ਸਮ੍ਬਨ੍ਧੋ।
2.Nibbāpayantaṃ janatanti dhammavassaṃ vassanto janataṃ janasamūhaṃ kilesapariḷāhābhāvena nibbāpayantaṃ vūpasamentaṃ. Sayaṃ saṃsārato tiṇṇaṃ, sabbasatte saṃsārato tārayantaṃ atikkamentaṃ catunnaṃ saccānaṃ munanato jānanato muniṃ sikhiṃ sambuddhanti sambandho. Vanasmiṃ jhāyamānanti ārammaṇūpanijjhānalakkhaṇūpanijjhānehi jhāyantaṃ cintentaṃ cittena bhāventaṃ vanamajjheti attho. Ekaggaṃ ekaggacittaṃ susamāhitaṃ suṭṭhu ārammaṇe āhitaṃ ṭhapitacittaṃ sikhiṃ muniṃ disvāti sambandho.
੩. ਬਨ੍ਧੁਜੀવਕਪੁਪ੍ਫਾਨੀਤਿ ਬਨ੍ਧੂਨਂ ਞਾਤੀਨਂ ਜੀવਕਂ ਜੀવਿਤਨਿਸ੍ਸਯਂ ਹਦਯਮਂਸਲੋਹਿਤਂ ਬਨ੍ਧੁਜੀવਕਂ ਹਦਯਮਂਸਲੋਹਿਤਸਮਾਨવਣ੍ਣਂ ਪੁਪ੍ਫਂ ਬਨ੍ਧੁਜੀવਕਪੁਪ੍ਫਂ ਗਹੇਤ੍વਾ ਸਿਖਿਨੋ ਲੋਕਬਨ੍ਧੁਨੋ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
3.Bandhujīvakapupphānīti bandhūnaṃ ñātīnaṃ jīvakaṃ jīvitanissayaṃ hadayamaṃsalohitaṃ bandhujīvakaṃ hadayamaṃsalohitasamānavaṇṇaṃ pupphaṃ bandhujīvakapupphaṃ gahetvā sikhino lokabandhuno pūjesinti attho. Sesaṃ uttānatthamevāti.
ਬਨ੍ਧੁਜੀવਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Bandhujīvakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਬਨ੍ਧੁਜੀવਕਤ੍ਥੇਰਅਪਦਾਨਂ • 1. Bandhujīvakattheraapadānaṃ
