| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. б̣анд̇хурад̇т̇зраг̇аат̇ааван̣н̣анаа
3. Bandhurattheragāthāvaṇṇanā
наахам̣ зд̇зна ад̇т̇игод̇и ааяасмад̇о б̣анд̇хурад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро сид̣̇д̇хад̇т̇асса бхаг̇авад̇о гаалз ан̃н̃ад̇арасса ран̃н̃о анд̇збурз г̇обаго худ̇ваа згад̣̇ивасам̣ бхаг̇аванд̇ам̣ сабарисам̣ рааж̇ан̇г̇ан̣зна г̇ажчанд̇ам̣ д̣̇исваа басаннажид̇д̇о ган̣авзрабубпаани г̇ахзд̇ваа сасан̇гхам̣ логанааяагам̣ бууж̇зси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з сийлавад̇ийнаг̇арз сздтибуд̇д̇о худ̇ваа ниб̣б̣ад̇д̇и, б̣анд̇хурод̇исса наамам̣ ахоси. со вин̃н̃уд̇ам̣ бад̇д̇о гзнажид̣̇зва гаран̣ийязна саавад̇т̇ияам̣ г̇ад̇о убаасагзхи сад̣̇д̇хим̣ вихаарам̣ г̇ад̇о сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа н̃аан̣асса барибаагад̇д̇аа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.17.7-12) –
Nāhaṃ etena atthikoti āyasmato bandhurattherassa gāthā. Kā uppatti? Ayampi purimabuddhesu katādhikāro siddhatthassa bhagavato kāle aññatarassa rañño antepure gopako hutvā ekadivasaṃ bhagavantaṃ saparisaṃ rājaṅgaṇena gacchantaṃ disvā pasannacitto kaṇaverapupphāni gahetvā sasaṅghaṃ lokanāyakaṃ pūjesi. So tena puññakammena devaloke nibbattitvā aparāparaṃ sugatīsuyeva saṃsaranto imasmiṃ buddhuppāde sīlavatīnagare seṭṭhiputto hutvā nibbatti, bandhurotissa nāmaṃ ahosi. So viññutaṃ patto kenacideva karaṇīyena sāvatthiyaṃ gato upāsakehi saddhiṃ vihāraṃ gato satthu dhammadesanaṃ sutvā paṭiladdhasaddho pabbajitvā ñāṇassa paripākattā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.17.7-12) –
‘‘сид̣̇д̇хад̇т̇о наама бхаг̇аваа, логаж̇здто нараасабхо;
‘‘Siddhattho nāma bhagavā, lokajeṭṭho narāsabho;
бурагкад̇о саавагзхи, наг̇арам̣ бадибаж̇ж̇ат̇а.
Purakkhato sāvakehi, nagaraṃ paṭipajjatha.
‘‘ран̃н̃о анд̇збурз аасим̣, г̇обаго абхисаммад̇о;
‘‘Rañño antepure āsiṃ, gopako abhisammato;
баасаад̣̇з убавидтохам̣, ад̣̇д̣̇асам̣ логанааяагам̣.
Pāsāde upaviṭṭhohaṃ, addasaṃ lokanāyakaṃ.
‘‘ган̣авзрам̣ г̇ахзд̇ваана, бхигкусан̇гхз самогирим̣;
‘‘Kaṇaveraṃ gahetvāna, bhikkhusaṅghe samokiriṃ;
б̣уд̣̇д̇хасса висум̣ гад̇ваана, д̇ад̇о бхияяо самогирим̣.
Buddhassa visuṃ katvāna, tato bhiyyo samokiriṃ.
‘‘жад̇уннавуд̇ид̇о габбз, яам̣ бубпамабхибууж̇аяим̣;
‘‘Catunnavutito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘сад̇д̇аасийд̇имхид̇о габбз, жад̇ураасум̣ махид̣̇д̇хигаа;
‘‘Sattāsītimhito kappe, caturāsuṃ mahiddhikā;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа гад̇ан̃н̃убхаавз тад̇ваа ад̇д̇ано убагаарасса ран̃н̃о бажжубагаарам̣ гаад̇ум̣ сийлавад̇ийнаг̇арам̣ г̇анд̇ваа ран̃н̃о д̇хаммам̣ д̣̇зсзнд̇о сажжаани багаасзси. рааж̇аа сажжабарияосаанз сод̇аабанно худ̇ваа ад̇д̇ано наг̇арз суд̣̇ассанам̣ наама маханд̇ам̣ вихаарам̣ гаарзд̇ваа т̇зрасса нияяаад̇зси. махаалаабхасаггааро ахоси. т̇зро вихаарам̣ саб̣б̣ан̃жа лаабхасаггаарам̣ сан̇гхасса нияяаад̇зд̇ваа саяам̣ буриманияаамзнзва бин̣д̣ааяа жарид̇ваа яаабзнд̇о гад̇ибаахам̣ д̇ад̇т̇а васид̇ваа саавад̇т̇им̣ г̇анд̇угаамо ахоси. бхигкуу, ‘‘бханд̇з, д̇умхз ид̇хзва васат̇а, сажз бажжаязхи взгаллам̣, маяам̣ д̇ам̣ барибуурзссаамаа’’д̇и аахам̣су. т̇зро, ‘‘на маяхам̣, аавусо, ул̣аарзхи бажжаязхи ад̇т̇о ад̇т̇и, ид̇арийд̇арзхи бажжаязхи яаабзми, д̇хаммарасзнзвамхи д̇ид̇д̇о’’д̇и д̣̇ассзнд̇о –
Arahattaṃ pana patvā kataññubhāve ṭhatvā attano upakārassa rañño paccupakāraṃ kātuṃ sīlavatīnagaraṃ gantvā rañño dhammaṃ desento saccāni pakāsesi. Rājā saccapariyosāne sotāpanno hutvā attano nagare sudassanaṃ nāma mahantaṃ vihāraṃ kāretvā therassa niyyātesi. Mahālābhasakkāro ahosi. Thero vihāraṃ sabbañca lābhasakkāraṃ saṅghassa niyyātetvā sayaṃ purimaniyāmeneva piṇḍāya caritvā yāpento katipāhaṃ tattha vasitvā sāvatthiṃ gantukāmo ahosi. Bhikkhū, ‘‘bhante, tumhe idheva vasatha, sace paccayehi vekallaṃ, mayaṃ taṃ paripūressāmā’’ti āhaṃsu. Thero, ‘‘na mayhaṃ, āvuso, uḷārehi paccayehi attho atthi, itarītarehi paccayehi yāpemi, dhammarasenevamhi titto’’ti dassento –
103.
103.
‘‘наахам̣ зд̇зна ад̇т̇иго, сукид̇о д̇хаммарасзна д̇аббид̇о;
‘‘Nāhaṃ etena atthiko, sukhito dhammarasena tappito;
бид̇ваа расаг̇г̇амуд̇д̇амам̣, на жа гаахаами висзна сант̇ава’’нд̇и. –
Pitvā rasaggamuttamaṃ, na ca kāhāmi visena santhava’’nti. –
г̇аат̇ам̣ абхааси.
Gāthaṃ abhāsi.
д̇ад̇т̇а наахам̣ зд̇зна ад̇т̇игод̇и язна мам̣ д̇умхз д̇аббзд̇угаамаа ‘‘барибуурзссаамаа’’д̇и вад̣̇ат̇а, зд̇зна аамисалаабхзна бажжаяаамисарасзна наахам̣ ад̇т̇иго, маяхам̣ зд̇зна ад̇т̇о над̇т̇и, санд̇удти барамам̣ суканд̇и ид̇арийд̇арзхзва бажжаязхи яаабзмийд̇и ад̇т̇о. ид̣̇аани д̇зна анад̇т̇игабхаавз бад̇хаанагааран̣ам̣ д̣̇ассзнд̇о ааха ‘‘сукид̇о д̇хаммарасзна д̇аббид̇о’’д̇и. сад̇д̇ад̇им̣саб̣од̇хибагкияад̇хаммарасзна жзва нававид̇халогуд̇д̇арад̇хаммарасзна жа д̇аббид̇о бийн̣ид̇о сукид̇о уд̇д̇амзна сукзна сухид̇од̇и ад̇т̇о. бид̇ваа расаг̇г̇амуд̇д̇аманд̇и саб̣б̣арасзсу аг̇г̇ам̣ сздтам̣ д̇ад̇оязва уд̇д̇амам̣ яат̇аавуд̇д̇ам̣ д̇хаммарасам̣ бивид̇ваа тид̇о, д̇знааха – ‘‘саб̣б̣арасам̣ д̇хаммарасо ж̇инаад̇ий’’д̇и (д̇ха. ба. 354). на жа гаахаами висзна сант̇аванд̇и зваруубам̣ расуд̇д̇амам̣ д̇хаммарасам̣ бивид̇ваа тид̇о висзна висасад̣̇исзна висарасзна сант̇авам̣ сам̣саг̇г̇ам̣ на гариссаами, д̇ат̇аагаран̣асса гааран̣ам̣ над̇т̇ийд̇и ад̇т̇о.
Tattha nāhaṃ etena atthikoti yena maṃ tumhe tappetukāmā ‘‘paripūressāmā’’ti vadatha, etena āmisalābhena paccayāmisarasena nāhaṃ atthiko, mayhaṃ etena attho natthi, santuṭṭhi paramaṃ sukhanti itarītareheva paccayehi yāpemīti attho. Idāni tena anatthikabhāve padhānakāraṇaṃ dassento āha ‘‘sukhito dhammarasena tappito’’ti. Sattatiṃsabodhipakkhiyadhammarasena ceva navavidhalokuttaradhammarasena ca tappito pīṇito sukhito uttamena sukhena suhitoti attho. Pitvā rasaggamuttamanti sabbarasesu aggaṃ seṭṭhaṃ tatoyeva uttamaṃ yathāvuttaṃ dhammarasaṃ pivitvā ṭhito, tenāha – ‘‘sabbarasaṃ dhammaraso jinātī’’ti (dha. pa. 354). Na ca kāhāmi visena santhavanti evarūpaṃ rasuttamaṃ dhammarasaṃ pivitvā ṭhito visena visasadisena visarasena santhavaṃ saṃsaggaṃ na karissāmi, tathākaraṇassa kāraṇaṃ natthīti attho.
б̣анд̇хурад̇т̇зраг̇аат̇ааван̣н̣анаа нидтид̇аа.
Bandhurattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. б̣анд̇хурад̇т̇зраг̇аат̇аа • 3. Bandhurattheragāthā
