1. б̣зладтаанигад̇т̇зраг̇аат̇ааван̣н̣анаа

1. Belaṭṭhānikattheragāthāvaṇṇanā

хид̇ваа г̇ихид̇д̇ам̣ анавосид̇ад̇д̇од̇иаад̣̇игаа ааяасмад̇о б̣зладтаанигад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро ид̇о згад̇им̣сз габбз взссабхусса бхаг̇авад̇о гаалз б̣раахман̣агулз ниб̣б̣ад̇д̇ид̇ваа ваяаббад̇д̇о б̣раахман̣асиббзсу нибпад̇д̇им̣ г̇анд̇ваа гхарааваасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа исийхи баривуд̇о вижаранд̇о згад̣̇ивасам̣ взссабхум̣ бхаг̇аванд̇ам̣ д̣̇исваа бийд̇исоманассаж̇аад̇о сад̇т̇у н̃аан̣асамбад̇д̇им̣ ниссааяа басаннамаанасо н̃аан̣ам̣ уд̣̇д̣̇исса бубпзхи бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа б̣зладтаанигод̇и лад̣̇д̇ханаамо вин̃н̃уд̇ам̣ бад̇д̇о сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа гаммадтаанам̣ г̇ахзд̇ваа госаларадтз аран̃н̃з вихаранд̇о аласо гааяад̣̇ал̣хиб̣ахуло парусаваажо ахоси, саман̣ад̇хаммз жид̇д̇ам̣ на уббаад̣̇зси. ат̇а нам̣ бхаг̇аваа н̃аан̣абарибаагам̣ ологзд̇ваа –

Hitvāgihittaṃ anavositattotiādikā āyasmato belaṭṭhānikattherassa gāthā. Kā uppatti? Ayampi purimabuddhesu katādhikāro ito ekatiṃse kappe vessabhussa bhagavato kāle brāhmaṇakule nibbattitvā vayappatto brāhmaṇasippesu nipphattiṃ gantvā gharāvāsaṃ pahāya isipabbajjaṃ pabbajitvā isīhi parivuto vicaranto ekadivasaṃ vessabhuṃ bhagavantaṃ disvā pītisomanassajāto satthu ñāṇasampattiṃ nissāya pasannamānaso ñāṇaṃ uddissa pupphehi pūjaṃ akāsi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā belaṭṭhānikoti laddhanāmo viññutaṃ patto satthu dhammadesanaṃ sutvā paṭiladdhasaddho pabbajitvā kammaṭṭhānaṃ gahetvā kosalaraṭṭhe araññe viharanto alaso kāyadaḷhibahulo pharusavāco ahosi, samaṇadhamme cittaṃ na uppādesi. Atha naṃ bhagavā ñāṇaparipākaṃ oloketvā –

101.

‘‘хид̇ваа г̇ихид̇д̇ам̣ анавосид̇ад̇д̇о, муканан̇г̇алий од̣̇ариго гусийд̇о;

‘‘Hitvā gihittaṃ anavositatto, mukhanaṅgalī odariko kusīto;

махаавараахова ниваабабудто, бунаббунам̣ г̇аб̣бхамубзд̇и манд̣̇о’’д̇и. –

Mahāvarāhova nivāpapuṭṭho, punappunaṃ gabbhamupeti mando’’ti. –

имааяа обхаасаг̇аат̇ааяа сам̣взж̇зси. со сад̇т̇аарам̣ бурад̇о нисиннам̣ вияа д̣̇исваа д̇ан̃жа г̇аат̇ам̣ суд̇ваа сам̣взг̇аж̇аад̇о н̃аан̣асса барибаагам̣ г̇ад̇ад̇д̇аа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.14.41-46) –

Imāya obhāsagāthāya saṃvejesi. So satthāraṃ purato nisinnaṃ viya disvā tañca gāthaṃ sutvā saṃvegajāto ñāṇassa paripākaṃ gatattā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.14.41-46) –

‘‘ган̣игаарам̣ва ж̇од̇анд̇ам̣, нисиннам̣ баб̣б̣ад̇анд̇арз;

‘‘Kaṇikāraṃva jotantaṃ, nisinnaṃ pabbatantare;

обхаасзнд̇ам̣ д̣̇исаа саб̣б̣аа, осад̇хим̣ вияа д̇аарагам̣.

Obhāsentaṃ disā sabbā, osadhiṃ viya tārakaṃ.

‘‘д̇аяо маан̣авагаа аасум̣, сагз сиббз сусигкид̇аа;

‘‘Tayo māṇavakā āsuṃ, sake sippe susikkhitā;

каарибхаарам̣ г̇ахзд̇ваана, анвзнд̇и мама бажчад̇о.

Khāribhāraṃ gahetvāna, anventi mama pacchato.

‘‘будагз сад̇д̇а бубпаани, нигкид̇д̇аани д̇абассинаа;

‘‘Puṭake satta pupphāni, nikkhittāni tapassinā;

г̇ахзд̇ваа д̇аани н̃аан̣амхи, взссабхуссаабхиробаяим̣.

Gahetvā tāni ñāṇamhi, vessabhussābhiropayiṃ.

‘‘згад̇им̣сз ид̇о габбз, яам̣ бубпамабхиробаяим̣;

‘‘Ekatiṃse ito kappe, yaṃ pupphamabhiropayiṃ;

д̣̇уг̇г̇ад̇им̣ наабхиж̇аанаами, н̃аан̣абууж̇ааяид̣̇ам̣ палам̣.

Duggatiṃ nābhijānāmi, ñāṇapūjāyidaṃ phalaṃ.

‘‘згуунад̇им̣сагаббамхи, вибулаабхасанаамаго;

‘‘Ekūnatiṃsakappamhi, vipulābhasanāmako;

сад̇д̇арад̇анасамбанно, жаггавад̇д̇ий махаб̣б̣ало.

Sattaratanasampanno, cakkavattī mahabbalo.

‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.

‘‘Kilesā jhāpitā mayhaṃ…pe… kataṃ buddhassa sāsana’’nti.

арахад̇д̇ам̣ бана бад̇ваа сад̇т̇у оваад̣̇ам̣ бадибууж̇знд̇о б̣яад̇ирзгамукзна жа ан̃н̃ам̣ б̣яаагаронд̇о д̇амзва г̇аат̇ам̣ бажжуд̣̇аахааси.

Arahattaṃ pana patvā satthu ovādaṃ paṭipūjento byatirekamukhena ca aññaṃ byākaronto tameva gāthaṃ paccudāhāsi.

д̇ад̇т̇а хид̇ваа г̇ихид̇д̇анд̇и г̇ахадтабхаавам̣ барижжаж̇ид̇ваа баб̣б̣аж̇ид̇ваад̇и ад̇т̇о. анавосид̇ад̇д̇од̇и ануруубам̣ авосид̇ад̇д̇о, яад̣̇ад̇т̇ам̣ саасанз баб̣б̣аж̇анд̇асса ануруубабарин̃н̃аад̣̇ийнам̣ ад̇ийрид̇ад̇д̇аа абарияосид̇абхааво агад̇агаран̣ийяод̇и ад̇т̇о. ат̇а ваа анавосид̇ад̇д̇од̇и ануавосид̇асабхааво, висуд̣̇д̇хийнам̣ маг̇г̇аанан̃жа анубадибаадияаа васид̇аб̣б̣аваасасса агад̇аавий, д̣̇асасу арияаваасзсу авусид̇аваад̇и ад̇т̇о. мукасан̇каад̇ам̣ нан̇г̇алам̣ имасса ад̇т̇ийд̇и муканан̇г̇алий. нан̇г̇алзна вияа бат̇авим̣ барзсу парусаваажаббаяог̇зна ад̇д̇аанам̣ кананд̇од̇и ад̇т̇о. од̣̇аригод̇и уд̣̇арз басуд̇о уд̣̇арабосанад̇аббаро. гусийд̇од̇и аласо, бхааванам̣ анануяун̃ж̇анд̇о. звам̣бхууд̇асса нибпад̇д̇им̣ д̣̇ассзнд̇о ааха ‘‘махаавараахова ниваабабудто, бунаббунам̣ г̇аб̣бхамубзд̇и манд̣̇о’’д̇и. д̇ассад̇т̇о хздтаа вуд̇д̇оязва. зд̇т̇а жа яат̇аа баб̣б̣аж̇ид̇ваа анавосид̇аад̣̇исабхаавад̇ааяа бунаббунам̣ г̇аб̣бхамубзд̇и манд̣̇о, на звам̣ маад̣̇исо бан̣д̣ид̇о. д̇аб̣б̣ибарийд̇асабхаавад̇ааяа бана саммаабадибад̇д̇ияаа мад̇т̇агам̣ баабид̇ад̇д̇аа бариниб̣б̣ааяад̇ийд̇и б̣яад̇ирзгамукзна ан̃н̃ам̣ б̣яаагаасийд̇и д̣̇адтаб̣б̣анд̇и.

Tattha hitvā gihittanti gahaṭṭhabhāvaṃ pariccajitvā pabbajitvāti attho. Anavositattoti anurūpaṃ avositatto, yadatthaṃ sāsane pabbajantassa anurūpapariññādīnaṃ atīritattā apariyositabhāvo akatakaraṇīyoti attho. Atha vā anavositattoti anuavositasabhāvo, visuddhīnaṃ maggānañca anupaṭipāṭiyā vasitabbavāsassa akatāvī, dasasu ariyavāsesu avusitavāti attho. Mukhasaṅkhātaṃ naṅgalaṃ imassa atthīti mukhanaṅgalī. Naṅgalena viya pathaviṃ paresu pharusavācappayogena attānaṃ khanantoti attho. Odarikoti udare pasuto udaraposanatapparo. Kusītoti alaso, bhāvanaṃ ananuyuñjanto. Evaṃbhūtassa nipphattiṃ dassento āha ‘‘mahāvarāhova nivāpapuṭṭho, punappunaṃ gabbhamupeti mando’’ti. Tassattho heṭṭhā vuttoyeva. Ettha ca yathā pabbajitvā anavositādisabhāvatāya punappunaṃ gabbhamupeti mando, na evaṃ mādiso paṇḍito. Tabbiparītasabhāvatāya pana sammāpaṭipattiyā matthakaṃ pāpitattā parinibbāyatīti byatirekamukhena aññaṃ byākāsīti daṭṭhabbanti.

б̣зладтаанигад̇т̇зраг̇аат̇ааван̣н̣анаа нидтид̇аа.

Belaṭṭhānikattheragāthāvaṇṇanā niṭṭhitā.

Next: 2. сзд̇ужчад̇т̇зраг̇аат̇ааван̣н̣анаа • 2. Setucchattheragāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. б̣зладтаанигад̇т̇зраг̇аат̇аа • 1. Belaṭṭhānikattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact