| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. б̣зладтасийсад̇т̇зраг̇аат̇ааван̣н̣анаа
6. Belaṭṭhasīsattheragāthāvaṇṇanā
яат̇ааби бхад̣̇д̣̇о ааж̇ан̃н̃од̇и ааяасмад̇о б̣зладтасийсад̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о бхаг̇аванд̇ам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа саман̣ад̇хаммам̣ гаронд̇о убаниссаяасамбад̇д̇ияаа абхаавзна висзсам̣ ниб̣б̣ад̇д̇зд̇ум̣ наасагки. виваддуубаниссаяам̣ бана б̣ахум̣ гусалам̣ убажинид̇ваа д̣̇звамануссзсу сам̣саранд̇о ид̇о згад̇им̣сз габбз взссабхум̣ бхаг̇аванд̇ам̣ бассид̇ваа басаннажид̇д̇о маад̇улун̇г̇апалам̣ ад̣̇ааси. со д̇зна бун̃н̃агаммзна д̣̇звзсу ниб̣б̣ад̇д̇ид̇ваа абараабарам̣ бун̃н̃аани гад̇ваа суг̇ад̇ид̇о суг̇ад̇им̣ убаг̇ажчанд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇о бхаг̇авад̇о абхисамб̣од̇хияаа бурзд̇арамзва урувзлагассабасса санд̇игз д̇аабасабаб̣б̣аж̇ж̇ам̣ баб̣б̣аж̇ид̇ваа аг̇г̇им̣ барижаранд̇о урувзлагассабад̣̇аманз аад̣̇ид̇д̇абарияааяад̣̇зсанааяа (махаава. 54; сам̣. ни. 4.28) бураан̣аж̇адиласахассзна сад̣̇д̇хим̣ арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.51.68-73) –
Yathāpibhaddo ājaññoti āyasmato belaṭṭhasīsattherassa gāthā. Kā uppatti? So kira padumuttarassa bhagavato kāle kulagehe nibbatto bhagavantaṃ upasaṅkamitvā dhammaṃ sutvā paṭiladdhasaddho pabbajitvā samaṇadhammaṃ karonto upanissayasampattiyā abhāvena visesaṃ nibbattetuṃ nāsakkhi. Vivaṭṭūpanissayaṃ pana bahuṃ kusalaṃ upacinitvā devamanussesu saṃsaranto ito ekatiṃse kappe vessabhuṃ bhagavantaṃ passitvā pasannacitto mātuluṅgaphalaṃ adāsi. So tena puññakammena devesu nibbattitvā aparāparaṃ puññāni katvā sugatito sugatiṃ upagacchanto imasmiṃ buddhuppāde sāvatthiyaṃ brāhmaṇakule nibbatto bhagavato abhisambodhiyā puretarameva uruvelakassapassa santike tāpasapabbajjaṃ pabbajitvā aggiṃ paricaranto uruvelakassapadamane ādittapariyāyadesanāya (mahāva. 54; saṃ. ni. 4.28) purāṇajaṭilasahassena saddhiṃ arahattaṃ pāpuṇi. Tena vuttaṃ apadāne (apa. thera 2.51.68-73) –
‘‘ган̣игаарам̣ва ж̇од̇анд̇ам̣, бун̣н̣амааязва жанд̣̇имам̣;
‘‘Kaṇikāraṃva jotantaṃ, puṇṇamāyeva candimaṃ;
ж̇аланд̇ам̣ д̣̇ийбаругкам̣ва, ад̣̇д̣̇асам̣ логанааяагам̣.
Jalantaṃ dīparukkhaṃva, addasaṃ lokanāyakaṃ.
‘‘маад̇улун̇г̇апалам̣ г̇аяха, ад̣̇аасим̣ сад̇т̇уно ахам̣;
‘‘Mātuluṅgaphalaṃ gayha, adāsiṃ satthuno ahaṃ;
д̣̇агкин̣зяяасса вийрасса, басанно сзхи баан̣ибхи.
Dakkhiṇeyyassa vīrassa, pasanno sehi pāṇibhi.
‘‘згад̇им̣сз ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
звам̣ ад̇хиг̇ад̇аарахад̇д̇о ааяасмад̇о д̇хаммабхан̣д̣ааг̇ааригасса убаж̇жхааяо аяам̣ т̇зро згад̣̇ивасам̣ паласамаабад̇д̇ид̇о удтааяа д̇ам̣ санд̇ам̣ бан̣ийд̇ам̣ нираамисам̣ сукам̣ ад̇д̇ано буб̣б̣аяог̇ан̃жа бажжавзгкид̇ваа бийд̇ивзг̇авасзна ‘‘яат̇ааби бхад̣̇д̣̇о ааж̇ан̃н̃о’’д̇и г̇аат̇ам̣ абхааси.
Evaṃ adhigatārahatto āyasmato dhammabhaṇḍāgārikassa upajjhāyo ayaṃ thero ekadivasaṃ phalasamāpattito uṭṭhāya taṃ santaṃ paṇītaṃ nirāmisaṃ sukhaṃ attano pubbayogañca paccavekkhitvā pītivegavasena ‘‘yathāpi bhaddo ājañño’’ti gāthaṃ abhāsi.
16. д̇ад̇т̇а яат̇аабийд̇и обаммабадибаад̣̇анад̇т̇з нибаад̇о. бхад̣̇д̣̇од̇и сунд̣̇аро т̇аамаб̣аласамад̇т̇аж̇авабараггамаад̣̇исамбанно. ааж̇ан̃н̃од̇и ааж̇аанийяо ж̇аад̇имаа гааран̣аагааран̣аанам̣ ааж̇аананаго. со д̇ивид̇хо усабхааж̇ан̃н̃о ассааж̇ан̃н̃о хад̇т̇ааж̇ан̃н̃од̇и. д̇зсу усабхааж̇ан̃н̃о ид̇хаад̇хиббзд̇о. со жа ко чзгагасанагижжз нияуд̇д̇о, д̇знааха ‘‘нан̇г̇алаавад̇д̇аний’’д̇и. нан̇г̇аласса пааласса аавад̇д̇анаго, нан̇г̇алам̣ ид̇о жид̇о жа аавад̇д̇зд̇ваа кзд̇д̇з гасанагод̇и ад̇т̇о. нан̇г̇алам̣ ваа аавад̇д̇аяад̇и зд̇т̇аад̇и нан̇г̇алаавад̇д̇ам̣ , кзд̇д̇з нан̇г̇алабат̇о, д̇асмим̣ нан̇г̇алаавад̇д̇ани. г̇аат̇аасукад̇т̇ан̃хзд̇т̇а ‘‘вад̇д̇аний’’д̇и д̣̇ийгхам̣ гад̇ваа вуд̇д̇ам̣. сикийд̇и мад̇т̇агз авадтаанад̇о сикаасад̣̇исад̇ааяа сикаа, син̇г̇ам̣. д̇ад̣̇асса ад̇т̇ийд̇и сикий. абарз бана ‘‘гагуд̇хам̣ ид̇ха ‘сикаа’д̇и ад̇хиббзд̇а’’нд̇и вад̣̇анд̇и, убхаяат̇ааби бад̇хаанан̇г̇агид̇д̇анамзд̇ам̣ ‘‘сикий’’д̇и. аббагасирзнаад̇и аббагиламат̇зна. рад̇д̇инд̣̇иваад̇и рад̇д̇ияо д̣̇иваа жа, звам̣ мамам̣ аббагасирзна г̇ажчанд̇ийд̇и яож̇анаа. ид̣̇ам̣ вуд̇д̇ам̣ ход̇и – яат̇аа ‘‘бхад̣̇д̣̇о усабхааж̇аанийяо гасанз нияуд̇д̇о гханад̇ин̣амуулаад̣̇игзби нан̇г̇алабат̇з д̇ам̣ аг̇ан̣знд̇о аббагасирзна ид̇о жид̇о жа баривад̇д̇знд̇о г̇ажчад̇и, яаава гасанад̇ин̣аанам̣ бариссамам̣ д̣̇ассзд̇и, звам̣ мамам̣ рад̇д̇инд̣̇ивааби аббагасирзнзва г̇ажчанд̇и ад̇иггаманд̇ий’’д̇и. д̇ад̇т̇а гааран̣амааха ‘‘сукз лад̣̇д̇хз нираамисз’’д̇и. яасмаа гаамаамисалогаамисаваддаамисзхи асаммиссам̣ санд̇ам̣ бан̣ийд̇ам̣ паласамаабад̇д̇исукам̣ лад̣̇д̇хам̣, д̇асмаад̇и ад̇т̇о. бажжад̇д̇з жзд̇ам̣ бхуммаважанам̣ яат̇аа ‘‘ванаббаг̇умб̣з’’ (ку. баа. 6.13; су. ни. 236) ‘‘д̇зна вад̇а рз вад̇д̇аб̣б̣з’’д̇и (гат̇аа. 1) жа. ат̇а ваа д̇ад̇о бабхуд̇и рад̇д̇инд̣̇иваа аббагасирзна г̇ажчанд̇ийд̇и вижааран̣ааяа ааха – ‘‘сукз лад̣̇д̇хз нираамисз’’д̇и, нираамисз сукз лад̣̇д̇хз сад̇и д̇асса лад̣̇д̇хагаалад̇о бадтааяаад̇и ад̇т̇о.
16. Tattha yathāpīti opammapaṭipādanatthe nipāto. Bhaddoti sundaro thāmabalasamatthajavaparakkamādisampanno. Ājaññoti ājānīyo jātimā kāraṇākāraṇānaṃ ājānanako. So tividho usabhājañño assājañño hatthājaññoti. Tesu usabhājañño idhādhippeto. So ca kho chekakasanakicce niyutto, tenāha ‘‘naṅgalāvattanī’’ti. Naṅgalassa phālassa āvattanako, naṅgalaṃ ito cito ca āvattetvā khette kasanakoti attho. Naṅgalaṃ vā āvattayati etthāti naṅgalāvattaṃ , khette naṅgalapatho, tasmiṃ naṅgalāvattani. Gāthāsukhatthañhettha ‘‘vattanī’’ti dīghaṃ katvā vuttaṃ. Sikhīti matthake avaṭṭhānato sikhāsadisatāya sikhā, siṅgaṃ. Tadassa atthīti sikhī. Apare pana ‘‘kakudhaṃ idha ‘sikhā’ti adhippeta’’nti vadanti, ubhayathāpi padhānaṅgakittanametaṃ ‘‘sikhī’’ti. Appakasirenāti appakilamathena. Rattindivāti rattiyo divā ca, evaṃ mamaṃ appakasirena gacchantīti yojanā. Idaṃ vuttaṃ hoti – yathā ‘‘bhaddo usabhājānīyo kasane niyutto ghanatiṇamūlādikepi naṅgalapathe taṃ agaṇento appakasirena ito cito ca parivattento gacchati, yāva kasanatiṇānaṃ parissamaṃ dasseti, evaṃ mamaṃ rattindivāpi appakasireneva gacchanti atikkamantī’’ti. Tattha kāraṇamāha ‘‘sukhe laddhe nirāmise’’ti. Yasmā kāmāmisalokāmisavaṭṭāmisehi asammissaṃ santaṃ paṇītaṃ phalasamāpattisukhaṃ laddhaṃ, tasmāti attho. Paccatte cetaṃ bhummavacanaṃ yathā ‘‘vanappagumbe’’ (khu. pā. 6.13; su. ni. 236) ‘‘tena vata re vattabbe’’ti (kathā. 1) ca. Atha vā tato pabhuti rattindivā appakasirena gacchantīti vicāraṇāya āha – ‘‘sukhe laddhe nirāmise’’ti, nirāmise sukhe laddhe sati tassa laddhakālato paṭṭhāyāti attho.
б̣зладтасийсад̇т̇зраг̇аат̇ааван̣н̣анаа нидтид̇аа.
Belaṭṭhasīsattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. б̣зладтасийсад̇т̇зраг̇аат̇аа • 6. Belaṭṭhasīsattheragāthā
