| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. бхад̣̇д̣̇аж̇исуд̇д̇аван̣н̣анаа
10. Bhaddajisuttavaṇṇanā
170. д̣̇асамз абхибхууд̇и абхибхавид̇ваа тид̇о ж̇здтаго. анабхибхууд̇од̇и ан̃н̃зхи анабхибхууд̇о. ан̃н̃ад̣̇ад̇т̇ууд̇и згам̣саважанз нибаад̇о. д̣̇ассанавасзна д̣̇асо, саб̣б̣ам̣ бассад̇ийд̇и ад̇хиббааяо. васавад̇д̇ийд̇и саб̣б̣ам̣ ж̇анам̣ васз вад̇д̇зд̇и. яат̇аа бассад̇од̇и идтаарамман̣ам̣ ваа ход̇у анидтаарамман̣ам̣ ваа , язнаагаарзна д̇ам̣ бассанд̇асса. ананд̇араа аасаваанам̣ каяо ход̇ийд̇и ананд̇арааязва арахад̇д̇ам̣ уббаж̇ж̇ад̇и. яат̇аа сун̣ад̇од̇и зд̇т̇ааби зсзва наяо. ат̇а ваа яам̣ жагкунаа руубам̣ д̣̇исваа ниранд̇арамзва вибассанам̣ бадтабзд̇ваа арахад̇д̇ам̣ баабун̣аад̇и, д̇ам̣ д̇асса арахад̇д̇ам̣ жагкувин̃н̃аан̣аананд̇арам̣ наама ход̇и. д̇ам̣ санд̇хааяа вуд̇д̇ам̣ – ид̣̇ам̣ д̣̇ассанаанам̣ аг̇г̇анд̇и. д̣̇уд̇ияабад̣̇зби зсзва наяо.
170. Dasame abhibhūti abhibhavitvā ṭhito jeṭṭhako. Anabhibhūtoti aññehi anabhibhūto. Aññadatthūti ekaṃsavacane nipāto. Dassanavasena daso, sabbaṃ passatīti adhippāyo. Vasavattīti sabbaṃ janaṃ vase vatteti. Yathā passatoti iṭṭhārammaṇaṃ vā hotu aniṭṭhārammaṇaṃ vā , yenākārena taṃ passantassa. Anantarā āsavānaṃ khayo hotīti anantarāyeva arahattaṃ uppajjati. Yathā suṇatoti etthāpi eseva nayo. Atha vā yaṃ cakkhunā rūpaṃ disvā nirantarameva vipassanaṃ paṭṭhapetvā arahattaṃ pāpuṇāti, taṃ tassa arahattaṃ cakkhuviññāṇānantaraṃ nāma hoti. Taṃ sandhāya vuttaṃ – idaṃ dassanānaṃ agganti. Dutiyapadepi eseva nayo.
яат̇аа сукид̇ассаад̇и язна маг̇г̇асукзна сукид̇асса. ананд̇араа аасаваанам̣ каяо ход̇ийд̇и самананд̇арамзва арахад̇д̇ам̣ уббаж̇ж̇ад̇и. ид̣̇ам̣ сукаанам̣ аг̇г̇анд̇и ид̣̇ам̣ маг̇г̇асукам̣ сукаанам̣ уд̇д̇амам̣. яат̇аа сан̃н̃иссаад̇и ид̇хааби маг̇г̇асан̃н̃аава ад̇хиббзд̇аа. яат̇аа бхууд̇ассаад̇и яасмим̣ бхавз яасмим̣ ад̇д̇абхаавз тид̇асса. ананд̇араад̇и ананд̇арааязна арахад̇д̇ам̣ уббаж̇ж̇ад̇и. ид̣̇ам̣ бхаваанам̣ аг̇г̇анд̇и аяам̣ бажчимо ад̇д̇абхааво бхаваанам̣ аг̇г̇ам̣ наама. ат̇а ваа яат̇аа бхууд̇ассаад̇и язхи канд̇хзхи маг̇г̇агкан̣з бхууд̇асса виж̇ж̇амаанасса. ананд̇араа аасаваанам̣ каяо ход̇ийд̇и маг̇г̇аананд̇арамзва палам̣ уббаж̇ж̇ад̇и. ид̣̇ам̣ бхаваанам̣ аг̇г̇анд̇и ид̣̇ам̣ маг̇г̇агкан̣з канд̇хабан̃жагам̣ бхаваанам̣ аг̇г̇ам̣ наамаад̇и.
Yathā sukhitassāti yena maggasukhena sukhitassa. Anantarā āsavānaṃ khayo hotīti samanantarameva arahattaṃ uppajjati. Idaṃ sukhānaṃ agganti idaṃ maggasukhaṃ sukhānaṃ uttamaṃ. Yathā saññissāti idhāpi maggasaññāva adhippetā. Yathā bhūtassāti yasmiṃ bhave yasmiṃ attabhāve ṭhitassa. Anantarāti anantarāyena arahattaṃ uppajjati. idaṃ bhavānaṃ agganti ayaṃ pacchimo attabhāvo bhavānaṃ aggaṃ nāma. Atha vā yathā bhūtassāti yehi khandhehi maggakkhaṇe bhūtassa vijjamānassa. Anantarā āsavānaṃ khayo hotīti maggānantarameva phalaṃ uppajjati. Idaṃ bhavānaṃ agganti idaṃ maggakkhaṇe khandhapañcakaṃ bhavānaṃ aggaṃ nāmāti.
аагхаад̇аваг̇г̇о д̣̇уд̇ияо.
Āghātavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. бхад̣̇д̣̇аж̇исуд̇д̇ам̣ • 10. Bhaddajisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. бхад̣̇д̣̇аж̇исуд̇д̇аван̣н̣анаа • 10. Bhaddajisuttavaṇṇanā
