| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਭਦ੍ਦਜਿਸੁਤ੍ਤવਣ੍ਣਨਾ
10. Bhaddajisuttavaṇṇanā
੧੭੦. ਦਸਮੇ ਅਭਿਭੂਤਿ ਅਭਿਭવਿਤ੍વਾ ਠਿਤੋ ਜੇਟ੍ਠਕੋ। ਅਨਭਿਭੂਤੋਤਿ ਅਞ੍ਞੇਹਿ ਅਨਭਿਭੂਤੋ। ਅਞ੍ਞਦਤ੍ਥੂਤਿ ਏਕਂਸવਚਨੇ ਨਿਪਾਤੋ। ਦਸ੍ਸਨવਸੇਨ ਦਸੋ, ਸਬ੍ਬਂ ਪਸ੍ਸਤੀਤਿ ਅਧਿਪ੍ਪਾਯੋ। વਸવਤ੍ਤੀਤਿ ਸਬ੍ਬਂ ਜਨਂ વਸੇ વਤ੍ਤੇਤਿ। ਯਥਾ ਪਸ੍ਸਤੋਤਿ ਇਟ੍ਠਾਰਮ੍ਮਣਂ વਾ ਹੋਤੁ ਅਨਿਟ੍ਠਾਰਮ੍ਮਣਂ વਾ , ਯੇਨਾਕਾਰੇਨ ਤਂ ਪਸ੍ਸਨ੍ਤਸ੍ਸ। ਅਨਨ੍ਤਰਾ ਆਸવਾਨਂ ਖਯੋ ਹੋਤੀਤਿ ਅਨਨ੍ਤਰਾਯੇવ ਅਰਹਤ੍ਤਂ ਉਪ੍ਪਜ੍ਜਤਿ। ਯਥਾ ਸੁਣਤੋਤਿ ਏਤ੍ਥਾਪਿ ਏਸੇવ ਨਯੋ। ਅਥ વਾ ਯਂ ਚਕ੍ਖੁਨਾ ਰੂਪਂ ਦਿਸ੍વਾ ਨਿਰਨ੍ਤਰਮੇવ વਿਪਸ੍ਸਨਂ ਪਟ੍ਠਪੇਤ੍વਾ ਅਰਹਤ੍ਤਂ ਪਾਪੁਣਾਤਿ, ਤਂ ਤਸ੍ਸ ਅਰਹਤ੍ਤਂ ਚਕ੍ਖੁવਿਞ੍ਞਾਣਾਨਨ੍ਤਰਂ ਨਾਮ ਹੋਤਿ। ਤਂ ਸਨ੍ਧਾਯ વੁਤ੍ਤਂ – ਇਦਂ ਦਸ੍ਸਨਾਨਂ ਅਗ੍ਗਨ੍ਤਿ। ਦੁਤਿਯਪਦੇਪਿ ਏਸੇવ ਨਯੋ।
170. Dasame abhibhūti abhibhavitvā ṭhito jeṭṭhako. Anabhibhūtoti aññehi anabhibhūto. Aññadatthūti ekaṃsavacane nipāto. Dassanavasena daso, sabbaṃ passatīti adhippāyo. Vasavattīti sabbaṃ janaṃ vase vatteti. Yathā passatoti iṭṭhārammaṇaṃ vā hotu aniṭṭhārammaṇaṃ vā , yenākārena taṃ passantassa. Anantarā āsavānaṃ khayo hotīti anantarāyeva arahattaṃ uppajjati. Yathā suṇatoti etthāpi eseva nayo. Atha vā yaṃ cakkhunā rūpaṃ disvā nirantarameva vipassanaṃ paṭṭhapetvā arahattaṃ pāpuṇāti, taṃ tassa arahattaṃ cakkhuviññāṇānantaraṃ nāma hoti. Taṃ sandhāya vuttaṃ – idaṃ dassanānaṃ agganti. Dutiyapadepi eseva nayo.
ਯਥਾ ਸੁਖਿਤਸ੍ਸਾਤਿ ਯੇਨ ਮਗ੍ਗਸੁਖੇਨ ਸੁਖਿਤਸ੍ਸ। ਅਨਨ੍ਤਰਾ ਆਸવਾਨਂ ਖਯੋ ਹੋਤੀਤਿ ਸਮਨਨ੍ਤਰਮੇવ ਅਰਹਤ੍ਤਂ ਉਪ੍ਪਜ੍ਜਤਿ। ਇਦਂ ਸੁਖਾਨਂ ਅਗ੍ਗਨ੍ਤਿ ਇਦਂ ਮਗ੍ਗਸੁਖਂ ਸੁਖਾਨਂ ਉਤ੍ਤਮਂ। ਯਥਾ ਸਞ੍ਞਿਸ੍ਸਾਤਿ ਇਧਾਪਿ ਮਗ੍ਗਸਞ੍ਞਾવ ਅਧਿਪ੍ਪੇਤਾ। ਯਥਾ ਭੂਤਸ੍ਸਾਤਿ ਯਸ੍ਮਿਂ ਭવੇ ਯਸ੍ਮਿਂ ਅਤ੍ਤਭਾવੇ ਠਿਤਸ੍ਸ। ਅਨਨ੍ਤਰਾਤਿ ਅਨਨ੍ਤਰਾਯੇਨ ਅਰਹਤ੍ਤਂ ਉਪ੍ਪਜ੍ਜਤਿ॥ ਇਦਂ ਭવਾਨਂ ਅਗ੍ਗਨ੍ਤਿ ਅਯਂ ਪਚ੍ਛਿਮੋ ਅਤ੍ਤਭਾવੋ ਭવਾਨਂ ਅਗ੍ਗਂ ਨਾਮ। ਅਥ વਾ ਯਥਾ ਭੂਤਸ੍ਸਾਤਿ ਯੇਹਿ ਖਨ੍ਧੇਹਿ ਮਗ੍ਗਕ੍ਖਣੇ ਭੂਤਸ੍ਸ વਿਜ੍ਜਮਾਨਸ੍ਸ। ਅਨਨ੍ਤਰਾ ਆਸવਾਨਂ ਖਯੋ ਹੋਤੀਤਿ ਮਗ੍ਗਾਨਨ੍ਤਰਮੇવ ਫਲਂ ਉਪ੍ਪਜ੍ਜਤਿ। ਇਦਂ ਭવਾਨਂ ਅਗ੍ਗਨ੍ਤਿ ਇਦਂ ਮਗ੍ਗਕ੍ਖਣੇ ਖਨ੍ਧਪਞ੍ਚਕਂ ਭવਾਨਂ ਅਗ੍ਗਂ ਨਾਮਾਤਿ।
Yathā sukhitassāti yena maggasukhena sukhitassa. Anantarā āsavānaṃ khayo hotīti samanantarameva arahattaṃ uppajjati. Idaṃ sukhānaṃ agganti idaṃ maggasukhaṃ sukhānaṃ uttamaṃ. Yathā saññissāti idhāpi maggasaññāva adhippetā. Yathā bhūtassāti yasmiṃ bhave yasmiṃ attabhāve ṭhitassa. Anantarāti anantarāyena arahattaṃ uppajjati. idaṃ bhavānaṃ agganti ayaṃ pacchimo attabhāvo bhavānaṃ aggaṃ nāma. Atha vā yathā bhūtassāti yehi khandhehi maggakkhaṇe bhūtassa vijjamānassa. Anantarā āsavānaṃ khayo hotīti maggānantarameva phalaṃ uppajjati. Idaṃ bhavānaṃ agganti idaṃ maggakkhaṇe khandhapañcakaṃ bhavānaṃ aggaṃ nāmāti.
ਆਘਾਤવਗ੍ਗੋ ਦੁਤਿਯੋ।
Āghātavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਭਦ੍ਦਜਿਸੁਤ੍ਤਂ • 10. Bhaddajisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਭਦ੍ਦਜਿਸੁਤ੍ਤવਣ੍ਣਨਾ • 10. Bhaddajisuttavaṇṇanā
