| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
8. бхад̣̇д̣̇аж̇ид̇т̇зраабад̣̇аанам̣
8. Bhaddajittheraapadānaṃ
98.
98.
‘‘ог̇аяха яам̣ богкаран̣им̣, наанаагун̃ж̇арасзвид̇ам̣;
‘‘Ogayha yaṃ pokkharaṇiṃ, nānākuñjarasevitaṃ;
уд̣̇д̇хараами бхисам̣ д̇ад̇т̇а, гхаасахзд̇у ахам̣ д̇ад̣̇аа.
Uddharāmi bhisaṃ tattha, ghāsahetu ahaṃ tadā.
99.
99.
‘‘бхаг̇аваа д̇амхи самаяз, бад̣̇умуд̇д̇арасавхаяо;
‘‘Bhagavā tamhi samaye, padumuttarasavhayo;
рад̇д̇амб̣арад̇харо б̣уд̣̇д̇хо, г̇ажчад̇з анилан̃ж̇асз.
Rattambaradharo buddho, gacchate anilañjase.
100.
100.
‘‘д̇хунанд̇о бам̣сугуулаани, сад̣̇д̣̇ам̣ ассосахам̣ д̇ад̣̇аа;
‘‘Dhunanto paṃsukūlāni, saddaṃ assosahaṃ tadā;
уд̣̇д̇хам̣ ниж̇жхааяамаанохам̣, ад̣̇д̣̇асам̣ логанааяагам̣.
Uddhaṃ nijjhāyamānohaṃ, addasaṃ lokanāyakaṃ.
101.
101.
‘‘д̇ад̇т̇зва тид̇аго санд̇о, ааяаажим̣ логанааяагам̣;
‘‘Tattheva ṭhitako santo, āyāciṃ lokanāyakaṃ;
мад̇хум̣ бхисзхи сахид̇ам̣, кийрам̣ саббим̣ мул̣аалигам̣ 1.
Madhuṃ bhisehi sahitaṃ, khīraṃ sappiṃ muḷālikaṃ 2.
102.
102.
‘‘бадиг̇г̇ан̣хаад̇у мз б̣уд̣̇д̇хо, анугамбааяа жагкумаа;
‘‘Paṭiggaṇhātu me buddho, anukampāya cakkhumā;
д̇ад̇о гаарун̣иго сад̇т̇аа, орохид̇ваа махааяасо.
Tato kāruṇiko satthā, orohitvā mahāyaso.
103.
103.
‘‘бадиг̇г̇ан̣хи мама бхигкам̣, анугамбааяа жагкумаа;
‘‘Paṭiggaṇhi mama bhikkhaṃ, anukampāya cakkhumā;
бадиг̇г̇ахзд̇ваа самб̣уд̣̇д̇хо, агаа мз анумод̣̇анам̣.
Paṭiggahetvā sambuddho, akā me anumodanaṃ.
104.
104.
‘‘‘сукий ход̇у махаабун̃н̃а, г̇ад̇и д̇уяхам̣ самиж̇жхад̇у;
‘‘‘Sukhī hotu mahāpuñña, gati tuyhaṃ samijjhatu;
иминаа бхисад̣̇аанзна, лабхассу вибулам̣ сукам̣’.
Iminā bhisadānena, labhassu vipulaṃ sukhaṃ’.
105.
105.
‘‘ид̣̇ам̣ вад̇ваана самб̣уд̣̇д̇хо, ж̇алаж̇уд̇д̇аманаамаго;
‘‘Idaṃ vatvāna sambuddho, jalajuttamanāmako;
бхигкамаад̣̇ааяа самб̣уд̣̇д̇хо, аагаасзнааг̇амаа ж̇ино.
Bhikkhamādāya sambuddho, ākāsenāgamā jino.
106.
106.
‘‘д̇ад̇о бхисам̣ г̇ахзд̇ваана, аг̇ажчим̣ мама ассамам̣;
‘‘Tato bhisaṃ gahetvāna, agacchiṃ mama assamaṃ;
бхисам̣ ругкз лаг̇г̇зд̇ваана, мама д̣̇аанам̣ ануссарим̣.
Bhisaṃ rukkhe laggetvāna, mama dānaṃ anussariṃ.
107.
107.
‘‘махааваад̇о удтахид̇ваа, сан̃жаалзси ванам̣ д̇ад̣̇аа;
‘‘Mahāvāto uṭṭhahitvā, sañcālesi vanaṃ tadā;
аагаасо абхинаад̣̇ид̇т̇а, асаний жа палий д̇ад̣̇аа.
Ākāso abhinādittha, asanī ca phalī tadā.
108.
108.
‘‘д̇ад̇о мз асанийбаад̇о, мад̇т̇агз нибад̇ий д̇ад̣̇аа;
‘‘Tato me asanīpāto, matthake nipatī tadā;
сохам̣ нисиннаго санд̇о, д̇ад̇т̇а гаалан̇гад̇о ахам̣.
Sohaṃ nisinnako santo, tattha kālaṅkato ahaṃ.
109.
109.
‘‘бун̃н̃агаммзна сан̃н̃уд̇д̇о, д̇усид̇ам̣ убабаж̇ж̇ахам̣;
‘‘Puññakammena saññutto, tusitaṃ upapajjahaṃ;
гал̣зварам̣ мз бад̇ид̇ам̣, д̣̇звалогз рамаамахам̣.
Kaḷevaraṃ me patitaṃ, devaloke ramāmahaṃ.
110.
110.
‘‘чал̣асийд̇исахассаани, наарияо самалан̇гад̇аа;
‘‘Chaḷasītisahassāni, nāriyo samalaṅkatā;
сааяам̣ баад̇ам̣ убадтанд̇и, бхисад̣̇аанассид̣̇ам̣ палам̣.
Sāyaṃ pātaṃ upaṭṭhanti, bhisadānassidaṃ phalaṃ.
111.
111.
‘‘мануссаяонимааг̇анд̇ваа, сукид̇о хомахам̣ д̇ад̣̇аа;
‘‘Manussayonimāgantvā, sukhito homahaṃ tadā;
бхог̇аа мз уунад̇аа над̇т̇и, бхисад̣̇аанассид̣̇ам̣ палам̣.
Bhogā me ūnatā natthi, bhisadānassidaṃ phalaṃ.
112.
112.
‘‘анугамбид̇аго д̇зна, д̣̇звад̣̇звзна д̇аад̣̇инаа;
‘‘Anukampitako tena, devadevena tādinā;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
113.
113.
‘‘сад̇асахассид̇о габбз, яам̣ бхисам̣ ад̣̇ад̣̇им̣ д̇ад̣̇аа;
‘‘Satasahassito kappe, yaṃ bhisaṃ adadiṃ tadā;
д̣̇уг̇г̇ад̇им̣ наабхиж̇аанаами, бхисад̣̇аанассид̣̇ам̣ палам̣.
Duggatiṃ nābhijānāmi, bhisadānassidaṃ phalaṃ.
114.
114.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
115.
115.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
116.
116.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бхад̣̇д̣̇аж̇ид̇т̇зро имаа г̇аат̇ааяо
Itthaṃ sudaṃ āyasmā bhaddajitthero imā gāthāyo
абхаасид̇т̇аад̇и.
Abhāsitthāti.
бхад̣̇д̣̇аж̇ид̇т̇зрассаабад̣̇аанам̣ адтамам̣.
Bhaddajittherassāpadānaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 8. бхад̣̇д̣̇аж̇ид̇т̇зраабад̣̇аанаван̣н̣анаа • 8. Bhaddajittheraapadānavaṇṇanā
