| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. бхад̣̇д̣̇аж̇ид̇т̇зраг̇аат̇ааван̣н̣анаа
2. Bhaddajittheragāthāvaṇṇanā
банаад̣̇о наама со рааж̇аад̇и ааяасмад̇о бхад̣̇д̣̇аж̇ид̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣раахман̣аанам̣ виж̇ж̇аасиббзсу баарам̣ г̇анд̇ваа гаамз бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃ааяад̇анз ассамам̣ гаарзд̇ваа васанд̇о згад̣̇ивасам̣ сад̇т̇аарам̣ аагаасзна г̇ажчанд̇ам̣ д̣̇исваа басаннамаанасо ан̃ж̇алим̣ баг̇г̇аяха адтааси. сад̇т̇аа д̇асса аж̇жхаасаяам̣ н̃ад̇ваа аагаасад̇о од̇ари. од̇ин̣н̣асса бана бхаг̇авад̇о мад̇хун̃жа бхисамул̣аалан̃жа саббин̃жа кийран̃жа убанаамзси, д̇асса д̇ам̣ бхаг̇аваа анугамбам̣ убаад̣̇ааяа бадиг̇г̇ахзд̇ваа анумод̣̇анам̣ вад̇ваа баггаами. со д̇зна бун̃н̃агаммзна д̇усид̇з ниб̣б̣ад̇д̇о д̇ад̇т̇а яаавад̇ааяугам̣ тад̇ваа д̇ад̇о абараабарам̣ суг̇ад̇ийсуязва сам̣саранд̇о вибассисса бхаг̇авад̇о гаалз махад̣̇д̇хано сздти худ̇ваа адтасадтибхигкусахассам̣ бхож̇зд̇ваа д̇ижийварзна ажчаад̣̇зси.
Panādonāma so rājāti āyasmato bhaddajittherassa gāthā. Kā uppatti? Ayaṃ kira padumuttarassa bhagavato kāle brāhmaṇakule nibbattitvā viññutaṃ patto brāhmaṇānaṃ vijjāsippesu pāraṃ gantvā kāme pahāya tāpasapabbajjaṃ pabbajitvā araññāyatane assamaṃ kāretvā vasanto ekadivasaṃ satthāraṃ ākāsena gacchantaṃ disvā pasannamānaso añjaliṃ paggayha aṭṭhāsi. Satthā tassa ajjhāsayaṃ ñatvā ākāsato otari. Otiṇṇassa pana bhagavato madhuñca bhisamuḷālañca sappiñca khīrañca upanāmesi, tassa taṃ bhagavā anukampaṃ upādāya paṭiggahetvā anumodanaṃ vatvā pakkāmi. So tena puññakammena tusite nibbatto tattha yāvatāyukaṃ ṭhatvā tato aparāparaṃ sugatīsuyeva saṃsaranto vipassissa bhagavato kāle mahaddhano seṭṭhi hutvā aṭṭhasaṭṭhibhikkhusahassaṃ bhojetvā ticīvarena acchādesi.
звам̣ б̣ахум̣ гусалам̣ гад̇ваа д̣̇звалогз ниб̣б̣ад̇д̇ид̇ваа д̇ад̇т̇а яаавад̇ааяугам̣ тад̇ваа д̇ад̇о жавид̇ваа мануссзсу уббанно б̣уд̣̇д̇хасун̃н̃з логз бан̃жа бажжзгаб̣уд̣̇д̇хасад̇аани жад̇уухи бажжаязхи убадтахид̇ваа д̇ад̇о жуд̇о рааж̇агулз ниб̣б̣ад̇д̇ид̇ваа раж̇ж̇ам̣ анусаасанд̇о буд̇д̇ам̣ бажжзгаб̣од̇хим̣ ад̇хиг̇анд̇ваа тид̇ам̣ убадтахид̇ваа д̇асса бариниб̣б̣уд̇асса д̇хаад̇уяо г̇ахзд̇ваа жзд̇ияам̣ гад̇ваа бууж̇зси. звам̣ д̇ад̇т̇а д̇ад̇т̇а д̇аани бун̃н̃аани гад̇ваа имасмим̣ б̣уд̣̇д̇хуббаад̣̇з бхад̣̇д̣̇ияанаг̇арз асийд̇игодивибхавасса бхад̣̇д̣̇ияасздтисса згабуд̇д̇аго худ̇ваа ниб̣б̣ад̇д̇и, бхад̣̇д̣̇аж̇ийд̇исса наамам̣ ахоси. д̇асса гира иссарияабхог̇абариваараад̣̇исамбад̇д̇и жаримабхавз б̣од̇хисад̇д̇асса вияа ахоси.
Evaṃ bahuṃ kusalaṃ katvā devaloke nibbattitvā tattha yāvatāyukaṃ ṭhatvā tato cavitvā manussesu uppanno buddhasuññe loke pañca paccekabuddhasatāni catūhi paccayehi upaṭṭhahitvā tato cuto rājakule nibbattitvā rajjaṃ anusāsanto puttaṃ paccekabodhiṃ adhigantvā ṭhitaṃ upaṭṭhahitvā tassa parinibbutassa dhātuyo gahetvā cetiyaṃ katvā pūjesi. Evaṃ tattha tattha tāni puññāni katvā imasmiṃ buddhuppāde bhaddiyanagare asītikoṭivibhavassa bhaddiyaseṭṭhissa ekaputtako hutvā nibbatti, bhaddajītissa nāmaṃ ahosi. Tassa kira issariyabhogaparivārādisampatti carimabhave bodhisattassa viya ahosi.
д̇ад̣̇аа сад̇т̇аа саавад̇т̇ияам̣ вассам̣ васид̇ваа бхад̣̇д̣̇аж̇игумаарам̣ сан̇г̇ан̣хид̇ум̣ махад̇аа бхигкусан̇гхзна сад̣̇д̇хим̣ бхад̣̇д̣̇ияанаг̇арам̣ г̇анд̇ваа ж̇аад̇ияааванз васи д̇асса н̃аан̣абарибаагам̣ ааг̇амаяамаано. соби убари баасаад̣̇з нисинно сийхабан̃ж̇арам̣ виварид̇ваа ологзнд̇о бхаг̇авад̇о санд̇игз д̇хаммам̣ сод̇ум̣ г̇ажчанд̇ам̣ махааж̇анам̣ д̣̇исваа ‘‘гад̇т̇ааяам̣ махааж̇ано г̇ажчад̇ий’’д̇и бужчид̇ваа д̇ам̣ гааран̣ам̣ суд̇ваа саяамби махад̇аа бариваарзна сад̇т̇у санд̇игам̣ г̇анд̇ваа д̇хаммам̣ сун̣анд̇о саб̣б̣аабхаран̣абадиман̣д̣ид̇ова саб̣б̣агилзсз кзбзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.56.98-116) –
Tadā satthā sāvatthiyaṃ vassaṃ vasitvā bhaddajikumāraṃ saṅgaṇhituṃ mahatā bhikkhusaṅghena saddhiṃ bhaddiyanagaraṃ gantvā jātiyāvane vasi tassa ñāṇaparipākaṃ āgamayamāno. Sopi upari pāsāde nisinno sīhapañjaraṃ vivaritvā olokento bhagavato santike dhammaṃ sotuṃ gacchantaṃ mahājanaṃ disvā ‘‘katthāyaṃ mahājano gacchatī’’ti pucchitvā taṃ kāraṇaṃ sutvā sayampi mahatā parivārena satthu santikaṃ gantvā dhammaṃ suṇanto sabbābharaṇapaṭimaṇḍitova sabbakilese khepetvā arahattaṃ pāpuṇi. Tena vuttaṃ apadāne (apa. thera 2.56.98-116) –
‘‘ог̇г̇аяха яам̣ богкаран̣им̣, наанаагун̃ж̇арасзвид̇ам̣;
‘‘Oggayha yaṃ pokkharaṇiṃ, nānākuñjarasevitaṃ;
уд̣̇д̇хараами бхисам̣ д̇ад̇т̇а, гхаасахзд̇у ахам̣ д̇ад̣̇аа.
Uddharāmi bhisaṃ tattha, ghāsahetu ahaṃ tadā.
‘‘бхаг̇аваа д̇амхи самаяз, бад̣̇умуд̇д̇арасавхаяо;
‘‘Bhagavā tamhi samaye, padumuttarasavhayo;
рад̇д̇амб̣арад̇харо б̣уд̣̇д̇хо, г̇ажчад̇з анилан̃ж̇асз.
Rattambaradharo buddho, gacchate anilañjase.
‘‘д̇хунанд̇о бам̣сугуулаани, сад̣̇д̣̇ам̣ ассосахам̣ д̇ад̣̇аа;
‘‘Dhunanto paṃsukūlāni, saddaṃ assosahaṃ tadā;
уд̣̇д̇хам̣ ниж̇жхааяамаанохам̣, ад̣̇д̣̇асам̣ логанааяагам̣.
Uddhaṃ nijjhāyamānohaṃ, addasaṃ lokanāyakaṃ.
‘‘д̇ад̇т̇зва тид̇аго санд̇о, ааяаажим̣ логанааяагам̣;
‘‘Tattheva ṭhitako santo, āyāciṃ lokanāyakaṃ;
мад̇хум̣ бхисзхи сахид̇ам̣, кийрам̣ саббим̣ мул̣аалигам̣.
Madhuṃ bhisehi sahitaṃ, khīraṃ sappiṃ muḷālikaṃ.
‘‘бадиг̇г̇ан̣хаад̇у мз б̣уд̣̇д̇хо, анугамбааяа жагкумаа;
‘‘Paṭiggaṇhātu me buddho, anukampāya cakkhumā;
д̇ад̇о гаарун̣иго сад̇т̇аа, орохид̇ваа махааяасо.
Tato kāruṇiko satthā, orohitvā mahāyaso.
‘‘бадиг̇г̇ан̣хи мамам̣ бхигкам̣, анугамбааяа жагкумаа;
‘‘Paṭiggaṇhi mamaṃ bhikkhaṃ, anukampāya cakkhumā;
бадиг̇г̇ахзд̇ваа самб̣уд̣̇д̇хо, агаа мз анумод̣̇анам̣.
Paṭiggahetvā sambuddho, akā me anumodanaṃ.
‘‘сукий ход̇у махаабун̃н̃а, г̇ад̇и д̇уяхам̣ самиж̇жхад̇у;
‘‘Sukhī hotu mahāpuñña, gati tuyhaṃ samijjhatu;
иминаа бхисад̣̇аанзна, лабхассу вибулам̣ сукам̣.
Iminā bhisadānena, labhassu vipulaṃ sukhaṃ.
‘‘ид̣̇ам̣ вад̇ваана самб̣уд̣̇д̇хо, ж̇алаж̇уд̇д̇аманаамаго;
‘‘Idaṃ vatvāna sambuddho, jalajuttamanāmako;
бхигкамаад̣̇ааяа самб̣уд̣̇д̇хо, аагаасзнааг̇амаа ж̇ино.
Bhikkhamādāya sambuddho, ākāsenāgamā jino.
‘‘д̇ад̇о бхисам̣ г̇ахзд̇ваана, ааг̇ажчим̣ мама ассамам̣;
‘‘Tato bhisaṃ gahetvāna, āgacchiṃ mama assamaṃ;
бхисам̣ ругкз лаг̇г̇зд̇ваана, мама д̣̇аанам̣ ануссарим̣.
Bhisaṃ rukkhe laggetvāna, mama dānaṃ anussariṃ.
‘‘махааваад̇о удтахид̇ваа, сан̃жаалзси ванам̣ д̇ад̣̇аа;
‘‘Mahāvāto uṭṭhahitvā, sañcālesi vanaṃ tadā;
аагаасо абхинаад̣̇ид̇т̇а, асаний жа палий д̇ад̣̇аа.
Ākāso abhinādittha, asanī ca phalī tadā.
‘‘д̇ад̇о мз асанийбаад̇о, мад̇т̇агз нибад̇ий д̇ад̣̇аа;
‘‘Tato me asanīpāto, matthake nipatī tadā;
сохам̣ нисиннаго санд̇о, д̇ад̇т̇а гаалан̇гад̇о ахам̣.
Sohaṃ nisinnako santo, tattha kālaṅkato ahaṃ.
‘‘бун̃н̃агаммзна сан̃н̃уд̇д̇о, д̇усид̇ам̣ убабаж̇ж̇ахам̣;
‘‘Puññakammena saññutto, tusitaṃ upapajjahaṃ;
гал̣зварам̣ мз бад̇ид̇ам̣, д̣̇звалогз рамаамахам̣.
Kaḷevaraṃ me patitaṃ, devaloke ramāmahaṃ.
‘‘чал̣асийд̇исахассаани , наарияо самалан̇гад̇аа;
‘‘Chaḷasītisahassāni , nāriyo samalaṅkatā;
сааяам̣ баад̇ам̣ убадтанд̇и, бхисад̣̇аанассид̣̇ам̣ палам̣.
Sāyaṃ pātaṃ upaṭṭhanti, bhisadānassidaṃ phalaṃ.
‘‘мануссаяонимааг̇анд̇ваа, сукид̇о хомахам̣ д̇ад̣̇аа;
‘‘Manussayonimāgantvā, sukhito homahaṃ tadā;
бхог̇з мз уунад̇аа над̇т̇и, бхисад̣̇аанассид̣̇ам̣ палам̣.
Bhoge me ūnatā natthi, bhisadānassidaṃ phalaṃ.
‘‘анугамбид̇аго д̇зна, д̣̇звад̣̇звзна д̇аад̣̇инаа;
‘‘Anukampitako tena, devadevena tādinā;
саб̣б̣аасаваа баригкийн̣аа, над̇т̇и д̣̇аани бунаб̣бхаво.
Sabbāsavā parikkhīṇā, natthi dāni punabbhavo.
‘‘сад̇асахассид̇о габбз, яам̣ бхисам̣ ад̣̇ад̣̇им̣ д̇ад̣̇аа;
‘‘Satasahassito kappe, yaṃ bhisaṃ adadiṃ tadā;
д̣̇уг̇г̇ад̇им̣ наабхиж̇аанаами, бхисад̣̇аанассид̣̇ам̣ палам̣.
Duggatiṃ nābhijānāmi, bhisadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇з бана д̇зна ад̇хиг̇ад̇з сад̇т̇аа бхад̣̇д̣̇ияасздтим̣ ааманд̇зси – ‘‘д̇ава буд̇д̇о алан̇гад̇абадияад̇д̇о д̇хаммам̣ сун̣анд̇о арахад̇д̇з бад̇идтааси, д̇знасса ид̣̇аанзва баб̣б̣аж̇ид̇ум̣ яуд̇д̇ам̣, но жз баб̣б̣аж̇ад̇и, бариниб̣б̣ааяиссад̇ий’’д̇и. сздти ‘‘на маяхам̣ буд̇д̇асса д̣̇ахарассзва сад̇о бариниб̣б̣аанзна гижжам̣ ад̇т̇и, баб̣б̣ааж̇зт̇а на’’нд̇и ааха. д̇ам̣ сад̇т̇аа баб̣б̣ааж̇зд̇ваа убасамбаад̣̇зд̇ваа д̇ад̇т̇а сад̇д̇аахам̣ васид̇ваа годиг̇аамам̣ баабун̣и, со жа г̇аамо г̇ан̇г̇аад̇ийрз. годиг̇аамаваасино б̣уд̣̇д̇хаббамукасса бхигкусан̇гхасса махаад̣̇аанам̣ бавад̇д̇зсум̣. бхад̣̇д̣̇аж̇ид̇т̇зро сад̇т̇аараа анумод̣̇анааяа аарад̣̇д̇хамад̇д̇ааяа б̣ахиг̇аамам̣ г̇анд̇ваа ‘‘г̇ан̇г̇аад̇ийрз маг̇г̇асамийбз сад̇т̇у ааг̇ад̇агаалз вудтахиссаамий’’д̇и самаабад̇д̇им̣ самаабаж̇ж̇ид̇ваа нисийд̣̇и. махаат̇зрзсу ааг̇ажчанд̇зсуби авудтахид̇ваа сад̇т̇у ааг̇ад̇агаалзязва вудтахи. бут̇уж̇ж̇анабхигкуу, ‘‘аяам̣ ад̇хунаа баб̣б̣аж̇ид̇о махаат̇зрзсу ааг̇ажчанд̇зсу маанад̇т̇ад̣̇д̇хо худ̇ваа на вудтаасий’’д̇и уж̇жхааяим̣су. годиг̇аамаваасино сад̇т̇у бхигкусан̇гхасса жа б̣ахуу нааваасан̇гхаадз б̣анд̇хим̣су, сад̇т̇аа ‘‘ханд̣̇асса аанубхаавам̣ багаасзмий’’д̇и нааваасан̇гхаадз тад̇ваа, ‘‘гахам̣, бхад̣̇д̣̇аж̇ий’’д̇и бужчи. бхад̣̇д̣̇аж̇ид̇т̇зро ‘‘зсохам̣, бханд̇з’’д̇и сад̇т̇аарам̣ убасан̇гамид̇ваа ан̃ж̇алим̣ гад̇ваа адтааси. сад̇т̇аа, ‘‘зхи, бхад̣̇д̣̇аж̇и, амхзхи сад̣̇д̇хим̣ зганаавам̣ абхирухаа’’д̇и. со уббад̇ид̇ваа сад̇т̇у тид̇анаавааяам̣ адтааси. сад̇т̇аа г̇ан̇г̇аамаж̇жхам̣ г̇ад̇агаалз, ‘‘бхад̣̇д̣̇аж̇и, д̇аяаа махаабанаад̣̇арааж̇агаалз аж̇жхаавудтарад̇анабаасаад̣̇о гаха’’нд̇и ааха. ‘‘имасмим̣ таанз нимуг̇г̇о’’д̇и. ‘‘д̇зна хи, бхад̣̇д̣̇аж̇и, саб̣рахмажаарийнам̣ ган̇кам̣ чинд̣̇аа’’д̇и. д̇асмим̣ кан̣з т̇зро сад̇т̇аарам̣ ванд̣̇ид̇ваа ид̣̇д̇хиб̣алзна г̇анд̇ваа баасаад̣̇ат̇уубигам̣ баад̣̇ан̇г̇уланд̇арзна саннирумбхид̇ваа бан̃жавийсад̇ияож̇анам̣ баасаад̣̇ам̣ г̇ахзд̇ваа аагаасз уббад̇и, уббад̇анд̇о жа бан̃н̃ааса яож̇анаани баасаад̣̇ам̣ уд̣̇агад̇о угкиби. ат̇асса буримабхавз н̃аад̇агаа баасаад̣̇аг̇ад̇зна лобхзна мажчагажчабаман̣д̣уугаа худ̇ваа д̇асмим̣ баасаад̣̇з удтаханд̇з баривад̇д̇ид̇ваа уд̣̇агз бад̇им̣су. сад̇т̇аа д̇з бад̇анд̇з д̣̇исваа ‘‘н̃аад̇агаа д̇з, бхад̣̇д̣̇аж̇и, гиламанд̇ий’’д̇и ааха. т̇зро сад̇т̇у важанзна баасаад̣̇ам̣ виссаж̇ж̇зси. баасаад̣̇о яат̇аатаанз зва бад̇идтахи. сад̇т̇аа бааран̇г̇ад̇о бхигкуухи ‘‘гад̣̇аа, бханд̇з, бхад̣̇д̣̇аж̇ид̇т̇зрзна аяам̣ баасаад̣̇о аж̇жхаавудто’’д̇и будто махаабанаад̣̇аж̇аад̇агам̣ (ж̇аа. 1.3.40-41) гат̇зд̇ваа махааж̇анам̣ д̇хаммаамад̇ам̣ бааязси. т̇зро бана ад̇д̇ано аж̇жхаавудтабуб̣б̣ам̣ суван̣н̣абаасаад̣̇ам̣ д̣̇ассзд̇ваа –
Arahatte pana tena adhigate satthā bhaddiyaseṭṭhiṃ āmantesi – ‘‘tava putto alaṅkatapaṭiyatto dhammaṃ suṇanto arahatte patiṭṭhāsi, tenassa idāneva pabbajituṃ yuttaṃ, no ce pabbajati, parinibbāyissatī’’ti. Seṭṭhi ‘‘na mayhaṃ puttassa daharasseva sato parinibbānena kiccaṃ atthi, pabbājetha na’’nti āha. Taṃ satthā pabbājetvā upasampādetvā tattha sattāhaṃ vasitvā koṭigāmaṃ pāpuṇi, so ca gāmo gaṅgātīre. Koṭigāmavāsino buddhappamukhassa bhikkhusaṅghassa mahādānaṃ pavattesuṃ. Bhaddajitthero satthārā anumodanāya āraddhamattāya bahigāmaṃ gantvā ‘‘gaṅgātīre maggasamīpe satthu āgatakāle vuṭṭhahissāmī’’ti samāpattiṃ samāpajjitvā nisīdi. Mahātheresu āgacchantesupi avuṭṭhahitvā satthu āgatakāleyeva vuṭṭhahi. Puthujjanabhikkhū, ‘‘ayaṃ adhunā pabbajito mahātheresu āgacchantesu mānatthaddho hutvā na vuṭṭhāsī’’ti ujjhāyiṃsu. Koṭigāmavāsino satthu bhikkhusaṅghassa ca bahū nāvāsaṅghāṭe bandhiṃsu, satthā ‘‘handassa ānubhāvaṃ pakāsemī’’ti nāvāsaṅghāṭe ṭhatvā, ‘‘kahaṃ, bhaddajī’’ti pucchi. Bhaddajitthero ‘‘esohaṃ, bhante’’ti satthāraṃ upasaṅkamitvā añjaliṃ katvā aṭṭhāsi. Satthā, ‘‘ehi, bhaddaji, amhehi saddhiṃ ekanāvaṃ abhiruhā’’ti. So uppatitvā satthu ṭhitanāvāyaṃ aṭṭhāsi. Satthā gaṅgāmajjhaṃ gatakāle, ‘‘bhaddaji, tayā mahāpanādarājakāle ajjhāvuṭṭharatanapāsādo kaha’’nti āha. ‘‘Imasmiṃ ṭhāne nimuggo’’ti. ‘‘Tena hi, bhaddaji, sabrahmacārīnaṃ kaṅkhaṃ chindā’’ti. Tasmiṃ khaṇe thero satthāraṃ vanditvā iddhibalena gantvā pāsādathūpikaṃ pādaṅgulantarena sannirumbhitvā pañcavīsatiyojanaṃ pāsādaṃ gahetvā ākāse uppati, uppatanto ca paññāsa yojanāni pāsādaṃ udakato ukkhipi. Athassa purimabhave ñātakā pāsādagatena lobhena macchakacchapamaṇḍūkā hutvā tasmiṃ pāsāde uṭṭhahante parivattitvā udake patiṃsu. Satthā te patante disvā ‘‘ñātakā te, bhaddaji, kilamantī’’ti āha. Thero satthu vacanena pāsādaṃ vissajjesi. Pāsādo yathāṭhāne eva patiṭṭhahi. Satthā pāraṅgato bhikkhūhi ‘‘kadā, bhante, bhaddajittherena ayaṃ pāsādo ajjhāvuṭṭho’’ti puṭṭho mahāpanādajātakaṃ (jā. 1.3.40-41) kathetvā mahājanaṃ dhammāmataṃ pāyesi. Thero pana attano ajjhāvuṭṭhapubbaṃ suvaṇṇapāsādaṃ dassetvā –
163.
163.
‘‘банаад̣̇о наама со рааж̇аа, яасса яуубо суван̣н̣аяо;
‘‘Panādo nāma so rājā, yassa yūpo suvaṇṇayo;
д̇ирияам̣ сол̣асуб̣б̣зд̇хо, уб̣бхамааху сахассад̇хаа.
Tiriyaṃ soḷasubbedho, ubbhamāhu sahassadhā.
164.
164.
‘‘сахассаган̣д̣о сад̇аг̇зн̣д̣у, д̇хаж̇аалу харид̇аамаяо;
‘‘Sahassakaṇḍo satageṇḍu, dhajālu haritāmayo;
анажжум̣ д̇ад̇т̇а г̇анд̇хаб̣б̣аа, ча сахассаани сад̇д̇ад̇хаа’’д̇и. –
Anaccuṃ tattha gandhabbā, cha sahassāni sattadhā’’ti. –
д̣̇вийхи г̇аат̇аахи ван̣н̣знд̇о ан̃н̃ам̣ б̣яаагааси.
Dvīhi gāthāhi vaṇṇento aññaṃ byākāsi.
д̇ад̇т̇а банаад̣̇о наама со рааж̇аад̇и ад̇ийд̇з банаад̣̇о наама со рааж̇аа ахосийд̇и ад̇д̇абхааваанд̇арахид̇ад̇ааяа ад̇д̇аанам̣ барам̣ вияа нид̣̇д̣̇исад̇и. со зва хи раж̇ж̇з тид̇агаалад̇о бадтааяа сад̣̇аа уссаахасамбад̇д̇иаад̣̇инаа махад̇аа рааж̇аанубхаавзна махад̇аа жа гид̇д̇исад̣̇д̣̇зна саманнааг̇ад̇ад̇д̇аа ‘‘рааж̇аа махаабанаад̣̇о’’д̇и бан̃н̃ааяид̇т̇а. яасса яуубо суван̣н̣аяод̇и яасса ран̃н̃о аяам̣ яуубо баасаад̣̇о суван̣н̣амаяо. д̇ирияам̣ сол̣асуб̣б̣зд̇ход̇и вид̇т̇аарад̇о сол̣асаган̣д̣абаад̇аббамаан̣о. со бана ад̣дхаяож̇анамад̇д̇о ход̇и. уб̣бхаамааху сахассад̇хаад̇и уб̣бхам̣ ужжам̣ звамасса баасаад̣̇асса сахассад̇хаа сахассаган̣д̣аббамаан̣амааху. со бана яож̇анад̇о бан̃жавийсад̇ияож̇анаббамаан̣о ход̇и. гзжи банзд̇т̇а г̇аат̇аасукад̇т̇ам̣ ‘‘аахуу’’д̇и д̣̇ийгхам̣ гад̇ам̣. ааху ахосийд̇и ад̇т̇ам̣ вад̣̇анд̇и.
Tattha panādo nāma so rājāti atīte panādo nāma so rājā ahosīti attabhāvaantarahitatāya attānaṃ paraṃ viya niddisati. So eva hi rajje ṭhitakālato paṭṭhāya sadā ussāhasampattiādinā mahatā rājānubhāvena mahatā ca kittisaddena samannāgatattā ‘‘rājā mahāpanādo’’ti paññāyittha. Yassa yūpo suvaṇṇayoti yassa rañño ayaṃ yūpo pāsādo suvaṇṇamayo. Tiriyaṃ soḷasubbedhoti vitthārato soḷasakaṇḍapātappamāṇo. So pana aḍḍhayojanamatto hoti. Ubbhāmāhu sahassadhāti ubbhaṃ uccaṃ evamassa pāsādassa sahassadhā sahassakaṇḍappamāṇamāhu. So pana yojanato pañcavīsatiyojanappamāṇo hoti. Keci panettha gāthāsukhatthaṃ ‘‘āhū’’ti dīghaṃ kataṃ. Āhu ahosīti atthaṃ vadanti.
сахассаган̣д̣од̇и сахассабхуумиго. сад̇аг̇зн̣д̣ууд̇и анзгасад̇анияяуухаго. д̇хаж̇аалууд̇и д̇ад̇т̇а д̇ад̇т̇а нияяуухасикараад̣̇ийсу бад̇идтаабид̇зхи яадтид̇хаж̇абадаагад̇хаж̇аад̣̇ид̇хаж̇зхи самбанно. харид̇аамаяод̇и жаамийгарасуван̣н̣амаяо. гзжи бана ‘‘харид̇аж̇аад̇иман̣исаригкаго’’д̇и вад̣̇анд̇и . г̇анд̇хаб̣б̣аад̇и надаа. ча сахассаани сад̇д̇ад̇хаад̇и чамад̇д̇аани г̇анд̇хаб̣б̣асахассаани сад̇д̇ад̇хаа д̇асса баасаад̣̇асса сад̇д̇асу таанзсу ран̃н̃о абхирамаабанад̇т̇ам̣ нажжим̣сууд̇и ад̇т̇о. д̇з звам̣ нажжанд̇ааби рааж̇аанам̣ хаасзд̇ум̣ наасагким̣су. ат̇а сагго д̣̇зварааж̇аа д̣̇званадз бзсзд̇ваа самаж̇ж̇ам̣ гаарзси, д̇ад̣̇аа рааж̇аа хасийд̇и.
Sahassakaṇḍoti sahassabhūmiko. Satageṇḍūti anekasataniyyūhako. Dhajālūti tattha tattha niyyūhasikharādīsu patiṭṭhāpitehi yaṭṭhidhajapaṭākadhajādidhajehi sampanno. Haritāmayoti cāmīkarasuvaṇṇamayo. Keci pana ‘‘haritajātimaṇisarikkhako’’ti vadanti . Gandhabbāti naṭā. Cha sahassāni sattadhāti chamattāni gandhabbasahassāni sattadhā tassa pāsādassa sattasu ṭhānesu rañño abhiramāpanatthaṃ nacciṃsūti attho. Te evaṃ naccantāpi rājānaṃ hāsetuṃ nāsakkhiṃsu. Atha sakko devarājā devanaṭe pesetvā samajjaṃ kāresi, tadā rājā hasīti.
бхад̣̇д̣̇аж̇ид̇т̇зраг̇аат̇ааван̣н̣анаа нидтид̇аа.
Bhaddajittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. бхад̣̇д̣̇аж̇ид̇т̇зраг̇аат̇аа • 2. Bhaddajittheragāthā
