| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. ப⁴த்³த³கஸுத்தவண்ணனா
4. Bhaddakasuttavaṇṇanā
14. சதுத்தே² ந ப⁴த்³த³கந்தி ந லத்³த⁴கங். தத்த² யோ ஹி பீ⁴தபீ⁴தோ மரதி, தஸ்ஸ ந ப⁴த்³த³கங் மரணங் ஹோதி. யோ அபாயே படிஸந்தி⁴ங் க³ண்ஹாதி, தஸ்ஸ ந ப⁴த்³தி³கா காலகிரியா ஹோதி. கம்மாராமோதிஆதீ³ஸு ஆரமணங் ஆராமோ, அபி⁴ரதீதி அத்தோ². விஹாரகரணாதி³ம்ஹி நவகம்மே ஆராமோ அஸ்ஸாதி கம்மாராமோ. தஸ்மிங்யேவ கம்மே ரதோதி கம்மரதோ. ததே³வ கம்மாராமதங் புனப்புனங் யுத்தோதி அனுயுத்தோ. ஏஸ நயோ ஸப்³ப³த்த². எத்த² ச ப⁴ஸ்ஸந்தி ஆலாபஸல்லாபோ. நித்³தா³தி ஸொப்பங். ஸங்க³ணிகாதி க³ணஸங்க³ணிகா. ஸா ‘‘ஏகஸ்ஸ து³தியோ ஹோதி, த்³வின்னங் ஹோதி ததியகோ’’திஆதி³னா நயேன வேதி³தப்³பா³. ஸங்ஸக்³கோ³தி த³ஸ்ஸனஸவனஸமுல்லாபஸம்போ⁴க³காயஸங்ஸக்³க³வஸேன பவத்தோ ஸங்ஸட்ட²பா⁴வோ. பபஞ்சோதி தண்ஹாதி³ட்டி²மானவஸேன பவத்தோ மத³னாகாரஸண்டி²தோ கிலேஸபபஞ்சோ. ஸக்காயந்தி தேபூ⁴மகவட்டங். ஸம்மா து³க்க²ஸ்ஸ அந்தகிரியாயாதி ஹேதுனா நயேன ஸகலவட்டது³க்க²ஸ்ஸ பரிவடுமபரிச்சே²த³கரணத்த²ங். மகோ³தி மக³ஸதி³ஸோ. நிப்பபஞ்சபதே³தி நிப்³பா³னபதே³. ஆராத⁴யீதி பரிபூரயி தங் ஸம்பாதே³ஸீதி.
14. Catutthe na bhaddakanti na laddhakaṃ. Tattha yo hi bhītabhīto marati, tassa na bhaddakaṃ maraṇaṃ hoti. Yo apāye paṭisandhiṃ gaṇhāti, tassa na bhaddikā kālakiriyā hoti. Kammārāmotiādīsu āramaṇaṃ ārāmo, abhiratīti attho. Vihārakaraṇādimhi navakamme ārāmo assāti kammārāmo. Tasmiṃyeva kamme ratoti kammarato. Tadeva kammārāmataṃ punappunaṃ yuttoti anuyutto. Esa nayo sabbattha. Ettha ca bhassanti ālāpasallāpo. Niddāti soppaṃ. Saṅgaṇikāti gaṇasaṅgaṇikā. Sā ‘‘ekassa dutiyo hoti, dvinnaṃ hoti tatiyako’’tiādinā nayena veditabbā. Saṃsaggoti dassanasavanasamullāpasambhogakāyasaṃsaggavasena pavatto saṃsaṭṭhabhāvo. Papañcoti taṇhādiṭṭhimānavasena pavatto madanākārasaṇṭhito kilesapapañco. Sakkāyanti tebhūmakavaṭṭaṃ. Sammā dukkhassa antakiriyāyāti hetunā nayena sakalavaṭṭadukkhassa parivaṭumaparicchedakaraṇatthaṃ. Magoti magasadiso. Nippapañcapadeti nibbānapade. Ārādhayīti paripūrayi taṃ sampādesīti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. ப⁴த்³த³கஸுத்தங் • 4. Bhaddakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-5. ப⁴த்³த³கஸுத்தாதி³வண்ணனா • 4-5. Bhaddakasuttādivaṇṇanā
