| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৪. ভদ্দকসুত্তৰণ্ণনা
4. Bhaddakasuttavaṇṇanā
১৪. চতুত্থে ন ভদ্দকন্তি ন লদ্ধকং। তত্থ যো হি ভীতভীতো মরতি, তস্স ন ভদ্দকং মরণং হোতি। যো অপাযে পটিসন্ধিং গণ্হাতি, তস্স ন ভদ্দিকা কালকিরিযা হোতি। কম্মারামোতিআদীসু আরমণং আরামো, অভিরতীতি অত্থো। ৰিহারকরণাদিম্হি নৰকম্মে আরামো অস্সাতি কম্মারামো। তস্মিংযেৰ কম্মে রতোতি কম্মরতো। তদেৰ কম্মারামতং পুনপ্পুনং যুত্তোতি অনুযুত্তো। এস নযো সব্বত্থ। এত্থ চ ভস্সন্তি আলাপসল্লাপো। নিদ্দাতি সোপ্পং। সঙ্গণিকাতি গণসঙ্গণিকা। সা ‘‘একস্স দুতিযো হোতি, দ্ৰিন্নং হোতি ততিযকো’’তিআদিনা নযেন ৰেদিতব্বা। সংসগ্গোতি দস্সনসৰনসমুল্লাপসম্ভোগকাযসংসগ্গৰসেন পৰত্তো সংসট্ঠভাৰো। পপঞ্চোতি তণ্হাদিট্ঠিমানৰসেন পৰত্তো মদনাকারসণ্ঠিতো কিলেসপপঞ্চো। সক্কাযন্তি তেভূমকৰট্টং। সম্মা দুক্খস্স অন্তকিরিযাযাতি হেতুনা নযেন সকলৰট্টদুক্খস্স পরিৰটুমপরিচ্ছেদকরণত্থং। মগোতি মগসদিসো। নিপ্পপঞ্চপদেতি নিব্বানপদে। আরাধযীতি পরিপূরযি তং সম্পাদেসীতি।
14. Catutthe na bhaddakanti na laddhakaṃ. Tattha yo hi bhītabhīto marati, tassa na bhaddakaṃ maraṇaṃ hoti. Yo apāye paṭisandhiṃ gaṇhāti, tassa na bhaddikā kālakiriyā hoti. Kammārāmotiādīsu āramaṇaṃ ārāmo, abhiratīti attho. Vihārakaraṇādimhi navakamme ārāmo assāti kammārāmo. Tasmiṃyeva kamme ratoti kammarato. Tadeva kammārāmataṃ punappunaṃ yuttoti anuyutto. Esa nayo sabbattha. Ettha ca bhassanti ālāpasallāpo. Niddāti soppaṃ. Saṅgaṇikāti gaṇasaṅgaṇikā. Sā ‘‘ekassa dutiyo hoti, dvinnaṃ hoti tatiyako’’tiādinā nayena veditabbā. Saṃsaggoti dassanasavanasamullāpasambhogakāyasaṃsaggavasena pavatto saṃsaṭṭhabhāvo. Papañcoti taṇhādiṭṭhimānavasena pavatto madanākārasaṇṭhito kilesapapañco. Sakkāyanti tebhūmakavaṭṭaṃ. Sammā dukkhassa antakiriyāyāti hetunā nayena sakalavaṭṭadukkhassa parivaṭumaparicchedakaraṇatthaṃ. Magoti magasadiso. Nippapañcapadeti nibbānapade. Ārādhayīti paripūrayi taṃ sampādesīti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. ভদ্দকসুত্তং • 4. Bhaddakasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-৫. ভদ্দকসুত্তাদিৰণ্ণনা • 4-5. Bhaddakasuttādivaṇṇanā
