| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. бхад̣̇д̣̇агасуд̇д̇аван̣н̣анаа
4. Bhaddakasuttavaṇṇanā
14. жад̇уд̇т̇з на бхад̣̇д̣̇аганд̇и на лад̣̇д̇хагам̣. д̇ад̇т̇а яо хи бхийд̇абхийд̇о марад̇и, д̇асса на бхад̣̇д̣̇агам̣ маран̣ам̣ ход̇и. яо абааяз бадисанд̇хим̣ г̇ан̣хаад̇и, д̇асса на бхад̣̇д̣̇игаа гаалагирияаа ход̇и. гаммаараамод̇иаад̣̇ийсу аараман̣ам̣ аараамо, абхирад̇ийд̇и ад̇т̇о. вихаарагаран̣аад̣̇имхи навагаммз аараамо ассаад̇и гаммаараамо. д̇асмим̣язва гаммз рад̇од̇и гаммарад̇о. д̇ад̣̇зва гаммаараамад̇ам̣ бунаббунам̣ яуд̇д̇од̇и ануяуд̇д̇о. зса наяо саб̣б̣ад̇т̇а. зд̇т̇а жа бхассанд̇и аалаабасаллаабо. нид̣̇д̣̇аад̇и соббам̣. сан̇г̇ан̣игаад̇и г̇ан̣асан̇г̇ан̣игаа. саа ‘‘згасса д̣̇уд̇ияо ход̇и, д̣̇виннам̣ ход̇и д̇ад̇ияаго’’д̇иаад̣̇инаа наязна взд̣̇ид̇аб̣б̣аа. сам̣саг̇г̇од̇и д̣̇ассанасаванасамуллаабасамбхог̇агааяасам̣саг̇г̇авасзна бавад̇д̇о сам̣садтабхааво. бабан̃жод̇и д̇ан̣хаад̣̇идтимаанавасзна бавад̇д̇о мад̣̇анаагаарасан̣тид̇о гилзсабабан̃жо. саггааяанд̇и д̇збхуумагаваддам̣. саммаа д̣̇угкасса анд̇агирияааяаад̇и хзд̇унаа наязна сагалаваддад̣̇угкасса баривадумабарижчзд̣̇агаран̣ад̇т̇ам̣. маг̇од̇и маг̇асад̣̇исо. ниббабан̃жабад̣̇зд̇и ниб̣б̣аанабад̣̇з. аараад̇хаяийд̇и барибуураяи д̇ам̣ самбаад̣̇зсийд̇и.
14. Catutthe na bhaddakanti na laddhakaṃ. Tattha yo hi bhītabhīto marati, tassa na bhaddakaṃ maraṇaṃ hoti. Yo apāye paṭisandhiṃ gaṇhāti, tassa na bhaddikā kālakiriyā hoti. Kammārāmotiādīsu āramaṇaṃ ārāmo, abhiratīti attho. Vihārakaraṇādimhi navakamme ārāmo assāti kammārāmo. Tasmiṃyeva kamme ratoti kammarato. Tadeva kammārāmataṃ punappunaṃ yuttoti anuyutto. Esa nayo sabbattha. Ettha ca bhassanti ālāpasallāpo. Niddāti soppaṃ. Saṅgaṇikāti gaṇasaṅgaṇikā. Sā ‘‘ekassa dutiyo hoti, dvinnaṃ hoti tatiyako’’tiādinā nayena veditabbā. Saṃsaggoti dassanasavanasamullāpasambhogakāyasaṃsaggavasena pavatto saṃsaṭṭhabhāvo. Papañcoti taṇhādiṭṭhimānavasena pavatto madanākārasaṇṭhito kilesapapañco. Sakkāyanti tebhūmakavaṭṭaṃ. Sammā dukkhassa antakiriyāyāti hetunā nayena sakalavaṭṭadukkhassa parivaṭumaparicchedakaraṇatthaṃ. Magoti magasadiso. Nippapañcapadeti nibbānapade. Ārādhayīti paripūrayi taṃ sampādesīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. бхад̣̇д̣̇агасуд̇д̇ам̣ • 4. Bhaddakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. бхад̣̇д̣̇агасуд̇д̇аад̣̇иван̣н̣анаа • 4-5. Bhaddakasuttādivaṇṇanā
