| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. ภทฺทกสุตฺตวณฺณนา
4. Bhaddakasuttavaṇṇanā
๑๔. จตุเตฺถ น ภทฺทกนฺติ น ลทฺธกํฯ ตตฺถ โย หิ ภีตภีโต มรติ, ตสฺส น ภทฺทกํ มรณํ โหติฯ โย อปาเย ปฎิสนฺธิํ คณฺหาติ, ตสฺส น ภทฺทิกา กาลกิริยา โหติฯ กมฺมาราโมติอาทีสุ อารมณํ อาราโม, อภิรตีติ อโตฺถฯ วิหารกรณาทิมฺหิ นวกเมฺม อาราโม อสฺสาติ กมฺมาราโมฯ ตสฺมิํเยว กเมฺม รโตติ กมฺมรโตฯ ตเทว กมฺมารามตํ ปุนปฺปุนํ ยุโตฺตติ อนุยุโตฺตฯ เอส นโย สพฺพตฺถฯ เอตฺถ จ ภสฺสนฺติ อาลาปสลฺลาโปฯ นิทฺทาติ โสปฺปํฯ สงฺคณิกาติ คณสงฺคณิกาฯ สา ‘‘เอกสฺส ทุติโย โหติ, ทฺวินฺนํ โหติ ตติยโก’’ติอาทินา นเยน เวทิตพฺพาฯ สํสโคฺคติ ทสฺสนสวนสมุลฺลาปสโมฺภคกายสํสคฺควเสน ปวโตฺต สํสฎฺฐภาโวฯ ปปโญฺจติ ตณฺหาทิฎฺฐิมานวเสน ปวโตฺต มทนาการสณฺฐิโต กิเลสปปโญฺจฯ สกฺกายนฺติ เตภูมกวฎฺฎํฯ สมฺมา ทุกฺขสฺส อนฺตกิริยายาติ เหตุนา นเยน สกลวฎฺฎทุกฺขสฺส ปริวฎุมปริเจฺฉทกรณตฺถํฯ มโคติ มคสทิโสฯ นิปฺปปญฺจปเทติ นิพฺพานปเทฯ อาราธยีติ ปริปูรยิ ตํ สมฺปาเทสีติฯ
14. Catutthe na bhaddakanti na laddhakaṃ. Tattha yo hi bhītabhīto marati, tassa na bhaddakaṃ maraṇaṃ hoti. Yo apāye paṭisandhiṃ gaṇhāti, tassa na bhaddikā kālakiriyā hoti. Kammārāmotiādīsu āramaṇaṃ ārāmo, abhiratīti attho. Vihārakaraṇādimhi navakamme ārāmo assāti kammārāmo. Tasmiṃyeva kamme ratoti kammarato. Tadeva kammārāmataṃ punappunaṃ yuttoti anuyutto. Esa nayo sabbattha. Ettha ca bhassanti ālāpasallāpo. Niddāti soppaṃ. Saṅgaṇikāti gaṇasaṅgaṇikā. Sā ‘‘ekassa dutiyo hoti, dvinnaṃ hoti tatiyako’’tiādinā nayena veditabbā. Saṃsaggoti dassanasavanasamullāpasambhogakāyasaṃsaggavasena pavatto saṃsaṭṭhabhāvo. Papañcoti taṇhādiṭṭhimānavasena pavatto madanākārasaṇṭhito kilesapapañco. Sakkāyanti tebhūmakavaṭṭaṃ. Sammā dukkhassa antakiriyāyāti hetunā nayena sakalavaṭṭadukkhassa parivaṭumaparicchedakaraṇatthaṃ. Magoti magasadiso. Nippapañcapadeti nibbānapade. Ārādhayīti paripūrayi taṃ sampādesīti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. ภทฺทกสุตฺตํ • 4. Bhaddakasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๔-๕. ภทฺทกสุตฺตาทิวณฺณนา • 4-5. Bhaddakasuttādivaṇṇanā
