| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
4. භද්‌දකසුත්‌තවණ්‌ණනා
4. Bhaddakasuttavaṇṇanā
14. චතුත්‌ථෙ න භද්‌දකන්‌ති න ලද්‌ධකං. තත්‌ථ යො හි භීතභීතො මරති, තස්‌ස න භද්‌දකං මරණං හොති. යො අපායෙ පටිසන්‌ධිං ගණ්‌හාති, තස්‌ස න භද්‌දිකා කාලකිරියා හොති. කම්‌මාරාමොතිආදීසු ආරමණං ආරාමො, අභිරතීති අත්‌ථො. විහාරකරණාදිම්‌හි නවකම්‌මෙ ආරාමො අස්‌සාති කම්‌මාරාමො. තස්‌මිංයෙව කම්‌මෙ රතොති කම්‌මරතො. තදෙව කම්‌මාරාමතං පුනප්‌පුනං යුත්‌තොති අනුයුත්‌තො. එස නයො සබ්‌බත්‌ථ. එත්‌ථ ච භස්‌සන්‌ති ආලාපසල්‌ලාපො. නිද්‌දාති සොප්‌පං. සඞ්‌ගණිකාති ගණසඞ්‌ගණිකා. සා ‘‘එකස්‌ස දුතියො හොති, ද්‌වින්‌නං හොති තතියකො’’තිආදිනා නයෙන වෙදිතබ්‌බා. සංසග්‌ගොති දස්‌සනසවනසමුල්‌ලාපසම්‌භොගකායසංසග්‌ගවසෙන පවත්‌තො සංසට්‌ඨභාවො. පපඤ්‌චොති තණ්‌හාදිට්‌ඨිමානවසෙන පවත්‌තො මදනාකාරසණ්‌ඨිතො කිලෙසපපඤ්‌චො. සක්‌කායන්‌ති තෙභූමකවට්‌ටං. සම්‌මා දුක්‌ඛස්‌ස අන්‌තකිරියායාති හෙතුනා නයෙන සකලවට්‌ටදුක්‌ඛස්‌ස පරිවටුමපරිච්‌ඡෙදකරණත්‌ථං. මගොති මගසදිසො. නිප්‌පපඤ්‌චපදෙති නිබ්‌බානපදෙ. ආරාධයීති පරිපූරයි තං සම්‌පාදෙසීති.
14. Catutthe na bhaddakanti na laddhakaṃ. Tattha yo hi bhītabhīto marati, tassa na bhaddakaṃ maraṇaṃ hoti. Yo apāye paṭisandhiṃ gaṇhāti, tassa na bhaddikā kālakiriyā hoti. Kammārāmotiādīsu āramaṇaṃ ārāmo, abhiratīti attho. Vihārakaraṇādimhi navakamme ārāmo assāti kammārāmo. Tasmiṃyeva kamme ratoti kammarato. Tadeva kammārāmataṃ punappunaṃ yuttoti anuyutto. Esa nayo sabbattha. Ettha ca bhassanti ālāpasallāpo. Niddāti soppaṃ. Saṅgaṇikāti gaṇasaṅgaṇikā. Sā ‘‘ekassa dutiyo hoti, dvinnaṃ hoti tatiyako’’tiādinā nayena veditabbā. Saṃsaggoti dassanasavanasamullāpasambhogakāyasaṃsaggavasena pavatto saṃsaṭṭhabhāvo. Papañcoti taṇhādiṭṭhimānavasena pavatto madanākārasaṇṭhito kilesapapañco. Sakkāyanti tebhūmakavaṭṭaṃ. Sammā dukkhassa antakiriyāyāti hetunā nayena sakalavaṭṭadukkhassa parivaṭumaparicchedakaraṇatthaṃ. Magoti magasadiso. Nippapañcapadeti nibbānapade. Ārādhayīti paripūrayi taṃ sampādesīti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. භද්‌දකසුත්‌තං • 4. Bhaddakasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 4-5. භද්‌දකසුත්‌තාදිවණ්‌ණනා • 4-5. Bhaddakasuttādivaṇṇanā
