| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਭਦ੍ਦਕਸੁਤ੍ਤવਣ੍ਣਨਾ
4. Bhaddakasuttavaṇṇanā
੧੪. ਚਤੁਤ੍ਥੇ ਨ ਭਦ੍ਦਕਨ੍ਤਿ ਨ ਲਦ੍ਧਕਂ। ਤਤ੍ਥ ਯੋ ਹਿ ਭੀਤਭੀਤੋ ਮਰਤਿ, ਤਸ੍ਸ ਨ ਭਦ੍ਦਕਂ ਮਰਣਂ ਹੋਤਿ। ਯੋ ਅਪਾਯੇ ਪਟਿਸਨ੍ਧਿਂ ਗਣ੍ਹਾਤਿ, ਤਸ੍ਸ ਨ ਭਦ੍ਦਿਕਾ ਕਾਲਕਿਰਿਯਾ ਹੋਤਿ। ਕਮ੍ਮਾਰਾਮੋਤਿਆਦੀਸੁ ਆਰਮਣਂ ਆਰਾਮੋ, ਅਭਿਰਤੀਤਿ ਅਤ੍ਥੋ। વਿਹਾਰਕਰਣਾਦਿਮ੍ਹਿ ਨવਕਮ੍ਮੇ ਆਰਾਮੋ ਅਸ੍ਸਾਤਿ ਕਮ੍ਮਾਰਾਮੋ। ਤਸ੍ਮਿਂਯੇવ ਕਮ੍ਮੇ ਰਤੋਤਿ ਕਮ੍ਮਰਤੋ। ਤਦੇવ ਕਮ੍ਮਾਰਾਮਤਂ ਪੁਨਪ੍ਪੁਨਂ ਯੁਤ੍ਤੋਤਿ ਅਨੁਯੁਤ੍ਤੋ। ਏਸ ਨਯੋ ਸਬ੍ਬਤ੍ਥ। ਏਤ੍ਥ ਚ ਭਸ੍ਸਨ੍ਤਿ ਆਲਾਪਸਲ੍ਲਾਪੋ। ਨਿਦ੍ਦਾਤਿ ਸੋਪ੍ਪਂ। ਸਙ੍ਗਣਿਕਾਤਿ ਗਣਸਙ੍ਗਣਿਕਾ। ਸਾ ‘‘ਏਕਸ੍ਸ ਦੁਤਿਯੋ ਹੋਤਿ, ਦ੍વਿਨ੍ਨਂ ਹੋਤਿ ਤਤਿਯਕੋ’’ਤਿਆਦਿਨਾ ਨਯੇਨ વੇਦਿਤਬ੍ਬਾ। ਸਂਸਗ੍ਗੋਤਿ ਦਸ੍ਸਨਸવਨਸਮੁਲ੍ਲਾਪਸਮ੍ਭੋਗਕਾਯਸਂਸਗ੍ਗવਸੇਨ ਪવਤ੍ਤੋ ਸਂਸਟ੍ਠਭਾવੋ। ਪਪਞ੍ਚੋਤਿ ਤਣ੍ਹਾਦਿਟ੍ਠਿਮਾਨવਸੇਨ ਪવਤ੍ਤੋ ਮਦਨਾਕਾਰਸਣ੍ਠਿਤੋ ਕਿਲੇਸਪਪਞ੍ਚੋ। ਸਕ੍ਕਾਯਨ੍ਤਿ ਤੇਭੂਮਕવਟ੍ਟਂ। ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯਾਤਿ ਹੇਤੁਨਾ ਨਯੇਨ ਸਕਲવਟ੍ਟਦੁਕ੍ਖਸ੍ਸ ਪਰਿવਟੁਮਪਰਿਚ੍ਛੇਦਕਰਣਤ੍ਥਂ। ਮਗੋਤਿ ਮਗਸਦਿਸੋ। ਨਿਪ੍ਪਪਞ੍ਚਪਦੇਤਿ ਨਿਬ੍ਬਾਨਪਦੇ। ਆਰਾਧਯੀਤਿ ਪਰਿਪੂਰਯਿ ਤਂ ਸਮ੍ਪਾਦੇਸੀਤਿ।
14. Catutthe na bhaddakanti na laddhakaṃ. Tattha yo hi bhītabhīto marati, tassa na bhaddakaṃ maraṇaṃ hoti. Yo apāye paṭisandhiṃ gaṇhāti, tassa na bhaddikā kālakiriyā hoti. Kammārāmotiādīsu āramaṇaṃ ārāmo, abhiratīti attho. Vihārakaraṇādimhi navakamme ārāmo assāti kammārāmo. Tasmiṃyeva kamme ratoti kammarato. Tadeva kammārāmataṃ punappunaṃ yuttoti anuyutto. Esa nayo sabbattha. Ettha ca bhassanti ālāpasallāpo. Niddāti soppaṃ. Saṅgaṇikāti gaṇasaṅgaṇikā. Sā ‘‘ekassa dutiyo hoti, dvinnaṃ hoti tatiyako’’tiādinā nayena veditabbā. Saṃsaggoti dassanasavanasamullāpasambhogakāyasaṃsaggavasena pavatto saṃsaṭṭhabhāvo. Papañcoti taṇhādiṭṭhimānavasena pavatto madanākārasaṇṭhito kilesapapañco. Sakkāyanti tebhūmakavaṭṭaṃ. Sammā dukkhassa antakiriyāyāti hetunā nayena sakalavaṭṭadukkhassa parivaṭumaparicchedakaraṇatthaṃ. Magoti magasadiso. Nippapañcapadeti nibbānapade. Ārādhayīti paripūrayi taṃ sampādesīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਭਦ੍ਦਕਸੁਤ੍ਤਂ • 4. Bhaddakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੫. ਭਦ੍ਦਕਸੁਤ੍ਤਾਦਿવਣ੍ਣਨਾ • 4-5. Bhaddakasuttādivaṇṇanā
