| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. бхад̣̇д̣̇аалисуд̇д̇ам̣
5. Bhaddālisuttaṃ
134. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘ахам̣ ко, бхигкавз, згаасанабхож̇анам̣ бхун̃ж̇аами; згаасанабхож̇анам̣ ко, ахам̣, бхигкавз, бхун̃ж̇амаано аббааб̣аад̇хад̇ан̃жа сан̃ж̇аанаами аббаад̇ан̇гад̇ан̃жа лахудтаанан̃жа б̣алан̃жа паасувихааран̃жа. зт̇а, д̇умхзби, бхигкавз, згаасанабхож̇анам̣ бхун̃ж̇ат̇а; згаасанабхож̇анам̣ ко, бхигкавз, д̇умхзби бхун̃ж̇амаанаа аббааб̣аад̇хад̇ан̃жа сан̃ж̇ааниссат̇а аббаад̇ан̇гад̇ан̃жа лахудтаанан̃жа б̣алан̃жа паасувихааран̃жаа’’д̇и. звам̣ вуд̇д̇з, ааяасмаа бхад̣̇д̣̇аали бхаг̇аванд̇ам̣ зд̇ад̣̇авожа – ‘‘ахам̣ ко, бханд̇з, на уссахаами згаасанабхож̇анам̣ бхун̃ж̇ид̇ум̣; згаасанабхож̇анан̃хи мз, бханд̇з, бхун̃ж̇ад̇о сияаа гуггужжам̣, сияаа виббадисааро’’д̇и. ‘‘д̇зна хи д̇вам̣, бхад̣̇д̣̇аали, яад̇т̇а ниманд̇ид̇о ассаси д̇ад̇т̇а згад̣̇зсам̣ бхун̃ж̇ид̇ваа згад̣̇зсам̣ нийхарид̇вааби бхун̃ж̇зяяааси. звамби ко д̇вам̣, бхад̣̇д̣̇аали, бхун̃ж̇амаано згаасано яаабзссасий’’д̇и 1. ‘‘звамби ко ахам̣, бханд̇з, на уссахаами бхун̃ж̇ид̇ум̣; звамби хи мз, бханд̇з, бхун̃ж̇ад̇о сияаа гуггужжам̣, сияаа виббадисааро’’д̇и. ат̇а ко ааяасмаа бхад̣̇д̣̇аали бхаг̇авад̇аа сигкаабад̣̇з бан̃н̃аабияамаанз бхигкусан̇гхз сигкам̣ самаад̣̇ияамаанз ануссаахам̣ бавзд̣̇зси. ат̇а ко ааяасмаа бхад̣̇д̣̇аали саб̣б̣ам̣ д̇ам̣ д̇змаасам̣ на бхаг̇авад̇о саммукийбхаавам̣ ад̣̇ааси, яат̇аа д̇ам̣ сад̇т̇усаасанз сигкааяа абарибуурагаарий.
134. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘ahaṃ kho, bhikkhave, ekāsanabhojanaṃ bhuñjāmi; ekāsanabhojanaṃ kho, ahaṃ, bhikkhave, bhuñjamāno appābādhatañca sañjānāmi appātaṅkatañca lahuṭṭhānañca balañca phāsuvihārañca. Etha, tumhepi, bhikkhave, ekāsanabhojanaṃ bhuñjatha; ekāsanabhojanaṃ kho, bhikkhave, tumhepi bhuñjamānā appābādhatañca sañjānissatha appātaṅkatañca lahuṭṭhānañca balañca phāsuvihārañcā’’ti. Evaṃ vutte, āyasmā bhaddāli bhagavantaṃ etadavoca – ‘‘ahaṃ kho, bhante, na ussahāmi ekāsanabhojanaṃ bhuñjituṃ; ekāsanabhojanañhi me, bhante, bhuñjato siyā kukkuccaṃ, siyā vippaṭisāro’’ti. ‘‘Tena hi tvaṃ, bhaddāli, yattha nimantito assasi tattha ekadesaṃ bhuñjitvā ekadesaṃ nīharitvāpi bhuñjeyyāsi. Evampi kho tvaṃ, bhaddāli, bhuñjamāno ekāsano yāpessasī’’ti 2. ‘‘Evampi kho ahaṃ, bhante, na ussahāmi bhuñjituṃ; evampi hi me, bhante, bhuñjato siyā kukkuccaṃ, siyā vippaṭisāro’’ti. Atha kho āyasmā bhaddāli bhagavatā sikkhāpade paññāpiyamāne bhikkhusaṅghe sikkhaṃ samādiyamāne anussāhaṃ pavedesi. Atha kho āyasmā bhaddāli sabbaṃ taṃ temāsaṃ na bhagavato sammukhībhāvaṃ adāsi, yathā taṃ satthusāsane sikkhāya aparipūrakārī.
135. д̇зна ко бана самаязна самб̣ахулаа бхигкуу бхаг̇авад̇о жийварагаммам̣ гаронд̇и – нидтид̇ажийваро бхаг̇аваа д̇змаасажжаязна жааригам̣ баггамиссад̇ийд̇и. ат̇а ко ааяасмаа бхад̣̇д̣̇аали язна д̇з бхигкуу д̇знубасан̇гами; убасан̇гамид̇ваа д̇зхи бхигкуухи сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ бхад̣̇д̣̇аалим̣ д̇з бхигкуу зд̇ад̣̇авожум̣ – ‘‘ид̣̇ам̣ ко, аавусо бхад̣̇д̣̇аали, бхаг̇авад̇о жийварагаммам̣ гарийяад̇и 3. нидтид̇ажийваро бхаг̇аваа д̇змаасажжаязна жааригам̣ баггамиссад̇и. ин̇гхаавусо бхад̣̇д̣̇аали, зд̇ам̣ д̣̇осагам̣ саад̇хугам̣ манаси гарохи, маа д̇з бажчаа д̣̇уггарад̇арам̣ ахосий’’д̇и. ‘‘звамаавусо’’д̇и ко ааяасмаа бхад̣̇д̣̇аали д̇зсам̣ бхигкуунам̣ бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа бхад̣̇д̣̇аали бхаг̇аванд̇ам̣ зд̇ад̣̇авожа – ‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яохам̣ бхаг̇авад̇аа сигкаабад̣̇з бан̃н̃аабияамаанз бхигкусан̇гхз сигкам̣ самаад̣̇ияамаанз ануссаахам̣ бавзд̣̇зсим̣. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и.
135. Tena kho pana samayena sambahulā bhikkhū bhagavato cīvarakammaṃ karonti – niṭṭhitacīvaro bhagavā temāsaccayena cārikaṃ pakkamissatīti. Atha kho āyasmā bhaddāli yena te bhikkhū tenupasaṅkami; upasaṅkamitvā tehi bhikkhūhi saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho āyasmantaṃ bhaddāliṃ te bhikkhū etadavocuṃ – ‘‘idaṃ kho, āvuso bhaddāli, bhagavato cīvarakammaṃ karīyati 4. Niṭṭhitacīvaro bhagavā temāsaccayena cārikaṃ pakkamissati. Iṅghāvuso bhaddāli, etaṃ dosakaṃ sādhukaṃ manasi karohi, mā te pacchā dukkarataraṃ ahosī’’ti. ‘‘Evamāvuso’’ti kho āyasmā bhaddāli tesaṃ bhikkhūnaṃ paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā bhaddāli bhagavantaṃ etadavoca – ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ, yohaṃ bhagavatā sikkhāpade paññāpiyamāne bhikkhusaṅghe sikkhaṃ samādiyamāne anussāhaṃ pavedesiṃ. Tassa me, bhante, bhagavā accayaṃ accayato paṭiggaṇhātu āyatiṃ saṃvarāyā’’ti.
‘‘д̇аг̇гха д̇вам̣, бхад̣̇д̣̇аали, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яам̣ д̇вам̣ маяаа сигкаабад̣̇з бан̃н̃аабияамаанз бхигкусан̇гхз сигкам̣ самаад̣̇ияамаанз ануссаахам̣ бавзд̣̇зси. самаяоби ко д̇з, бхад̣̇д̣̇аали, аббадивид̣̇д̇хо ахоси – ‘бхаг̇аваа ко саавад̇т̇ияам̣ вихарад̇и, бхаг̇авааби мам̣ ж̇ааниссад̇и – бхад̣̇д̣̇аали наама бхигку сад̇т̇усаасанз сигкааяа абарибуурагаарий’д̇и. аяамби ко д̇з, бхад̣̇д̣̇аали, самаяо аббадивид̣̇д̇хо ахоси. самаяоби ко д̇з, бхад̣̇д̣̇аали, аббадивид̣̇д̇хо ахоси – ‘самб̣ахулаа ко бхигку саавад̇т̇ияам̣ вассам̣ убаг̇ад̇аа, д̇зби мам̣ ж̇ааниссанд̇и – бхад̣̇д̣̇аали наама бхигку сад̇т̇усаасанз сигкааяа абарибуурагаарий’д̇и. аяамби ко д̇з, бхад̣̇д̣̇аали, самаяо аббадивид̣̇д̇хо ахоси. самаяоби ко д̇з, бхад̣̇д̣̇аали, аббадивид̣̇д̇хо ахоси – ‘самб̣ахулаа ко бхигкунияо саавад̇т̇ияам̣ вассам̣ убаг̇ад̇аа, д̇ааби мам̣ ж̇ааниссанд̇и – бхад̣̇д̣̇аали наама бхигку сад̇т̇усаасанз сигкааяа абарибуурагаарий’д̇и. аяамби ко д̇з, бхад̣̇д̣̇аали, самаяо аббадивид̣̇д̇хо ахоси. самаяоби ко д̇з, бхад̣̇д̣̇аали, аббадивид̣̇д̇хо ахоси – ‘самб̣ахулаа ко убаасагаа саавад̇т̇ияам̣ бадивасанд̇и, д̇зби мам̣ ж̇ааниссанд̇и – бхад̣̇д̣̇аали наама бхигку сад̇т̇усаасанз сигкааяа абарибуурагаарий’д̇и. аяамби ко д̇з, бхад̣̇д̣̇аали, самаяо аббадивид̣̇д̇хо ахоси. самаяоби ко д̇з, бхад̣̇д̣̇аали, аббадивид̣̇д̇хо ахоси – ‘самб̣ахулаа ко убаасигаа саавад̇т̇ияам̣ бадивасанд̇и, д̇ааби мам̣ ж̇ааниссанд̇и – бхад̣̇д̣̇аали наама бхигку сад̇т̇усаасанз сигкааяа абарибуурагаарий’д̇и. аяамби ко д̇з, бхад̣̇д̣̇аали , самаяо аббадивид̣̇д̇хо ахоси. самаяоби ко д̇з, бхад̣̇д̣̇аали, аббадивид̣̇д̇хо ахоси – ‘самб̣ахулаа ко наанаад̇ид̇т̇ияаа саман̣аб̣раахман̣аа саавад̇т̇ияам̣ вассам̣ убаг̇ад̇аа, д̇зби мам̣ ж̇ааниссанд̇и – бхад̣̇д̣̇аали наама бхигку саман̣асса г̇од̇амасса сааваго т̇зран̃н̃ад̇аро бхигку саасанз сигкааяа абарибуурагаарий’д̇и. аяамби ко д̇з, бхад̣̇д̣̇аали, самаяо аббадивид̣̇д̇хо ахосий’’д̇и.
‘‘Taggha tvaṃ, bhaddāli, accayo accagamā yathābālaṃ yathāmūḷhaṃ yathāakusalaṃ, yaṃ tvaṃ mayā sikkhāpade paññāpiyamāne bhikkhusaṅghe sikkhaṃ samādiyamāne anussāhaṃ pavedesi. Samayopi kho te, bhaddāli, appaṭividdho ahosi – ‘bhagavā kho sāvatthiyaṃ viharati, bhagavāpi maṃ jānissati – bhaddāli nāma bhikkhu satthusāsane sikkhāya aparipūrakārī’ti. Ayampi kho te, bhaddāli, samayo appaṭividdho ahosi. Samayopi kho te, bhaddāli, appaṭividdho ahosi – ‘sambahulā kho bhikkhu sāvatthiyaṃ vassaṃ upagatā, tepi maṃ jānissanti – bhaddāli nāma bhikkhu satthusāsane sikkhāya aparipūrakārī’ti. Ayampi kho te, bhaddāli, samayo appaṭividdho ahosi. Samayopi kho te, bhaddāli, appaṭividdho ahosi – ‘sambahulā kho bhikkhuniyo sāvatthiyaṃ vassaṃ upagatā, tāpi maṃ jānissanti – bhaddāli nāma bhikkhu satthusāsane sikkhāya aparipūrakārī’ti. Ayampi kho te, bhaddāli, samayo appaṭividdho ahosi. Samayopi kho te, bhaddāli, appaṭividdho ahosi – ‘sambahulā kho upāsakā sāvatthiyaṃ paṭivasanti, tepi maṃ jānissanti – bhaddāli nāma bhikkhu satthusāsane sikkhāya aparipūrakārī’ti. Ayampi kho te, bhaddāli, samayo appaṭividdho ahosi. Samayopi kho te, bhaddāli, appaṭividdho ahosi – ‘sambahulā kho upāsikā sāvatthiyaṃ paṭivasanti, tāpi maṃ jānissanti – bhaddāli nāma bhikkhu satthusāsane sikkhāya aparipūrakārī’ti. Ayampi kho te, bhaddāli , samayo appaṭividdho ahosi. Samayopi kho te, bhaddāli, appaṭividdho ahosi – ‘sambahulā kho nānātitthiyā samaṇabrāhmaṇā sāvatthiyaṃ vassaṃ upagatā, tepi maṃ jānissanti – bhaddāli nāma bhikkhu samaṇassa gotamassa sāvako theraññataro bhikkhu sāsane sikkhāya aparipūrakārī’ti. Ayampi kho te, bhaddāli, samayo appaṭividdho ahosī’’ti.
‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яохам̣ бхаг̇авад̇аа сигкаабад̣̇з бан̃н̃аабияамаанз бхигкусан̇гхз сигкам̣ самаад̣̇ияамаанз ануссаахам̣ бавзд̣̇зсим̣. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и. ‘‘д̇аг̇гха д̇вам̣, бхад̣̇д̣̇аали, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яам̣ д̇вам̣ маяаа сигкаабад̣̇з бан̃н̃аабияамаанз бхигкусан̇гхз сигкам̣ самаад̣̇ияамаанз ануссаахам̣ бавзд̣̇зси’’.
‘‘Accayo maṃ, bhante, accagamā yathābālaṃ yathāmūḷhaṃ yathāakusalaṃ, yohaṃ bhagavatā sikkhāpade paññāpiyamāne bhikkhusaṅghe sikkhaṃ samādiyamāne anussāhaṃ pavedesiṃ. Tassa me, bhante, bhagavā accayaṃ accayato paṭiggaṇhātu āyatiṃ saṃvarāyā’’ti. ‘‘Taggha tvaṃ, bhaddāli, accayo accagamā yathābālaṃ yathāmūḷhaṃ yathāakusalaṃ, yaṃ tvaṃ mayā sikkhāpade paññāpiyamāne bhikkhusaṅghe sikkhaṃ samādiyamāne anussāhaṃ pavedesi’’.
136. ‘‘д̇ам̣ гим̣ ман̃н̃аси, бхад̣̇д̣̇аали, ид̇хасса бхигку убхад̇обхааг̇авимуд̇д̇о, д̇амахам̣ звам̣ вад̣̇зяяам̣ – ‘зхи мз д̇вам̣, бхигку, бан̇гз сан̇гамо хохий’д̇и, аби ну ко со сан̇гамзяяа ваа ан̃н̃зна ваа гааяам̣ саннаамзяяа, ‘но’д̇и ваа вад̣̇зяяаа’’д̇и?
136. ‘‘Taṃ kiṃ maññasi, bhaddāli, idhassa bhikkhu ubhatobhāgavimutto, tamahaṃ evaṃ vadeyyaṃ – ‘ehi me tvaṃ, bhikkhu, paṅke saṅkamo hohī’ti, api nu kho so saṅkameyya vā aññena vā kāyaṃ sannāmeyya, ‘no’ti vā vadeyyā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘д̇ам̣ гим̣ ман̃н̃аси, бхад̣̇д̣̇аали, ид̇хасса бхигку бан̃н̃аавимуд̇д̇о… гааяасагки… д̣̇идтиббад̇д̇о… сад̣̇д̇хаавимуд̇д̇о… д̇хаммаанусаарий… сад̣̇д̇хаанусаарий, д̇амахам̣ звам̣ вад̣̇зяяам̣ – ‘зхи мз д̇вам̣, бхигку, бан̇гз сан̇гамо хохий’д̇и, аби ну ко со сан̇гамзяяа ваа ан̃н̃зна ваа гааяам̣ саннаамзяяа, ‘но’д̇и ваа вад̣̇зяяаа’’д̇и?
‘‘Taṃ kiṃ maññasi, bhaddāli, idhassa bhikkhu paññāvimutto… kāyasakkhi… diṭṭhippatto… saddhāvimutto… dhammānusārī… saddhānusārī, tamahaṃ evaṃ vadeyyaṃ – ‘ehi me tvaṃ, bhikkhu, paṅke saṅkamo hohī’ti, api nu kho so saṅkameyya vā aññena vā kāyaṃ sannāmeyya, ‘no’ti vā vadeyyā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘д̇ам̣ гим̣ ман̃н̃аси, бхад̣̇д̣̇аали, аби ну д̇вам̣, бхад̣̇д̣̇аали, д̇асмим̣ самаяз убхад̇обхааг̇авимуд̇д̇о ваа хоси бан̃н̃аавимуд̇д̇о ваа гааяасагки ваа д̣̇идтиббад̇д̇о ваа сад̣̇д̇хаавимуд̇д̇о ваа д̇хаммаанусаарий ваа сад̣̇д̇хаанусаарий ваа’’д̇и?
‘‘Taṃ kiṃ maññasi, bhaddāli, api nu tvaṃ, bhaddāli, tasmiṃ samaye ubhatobhāgavimutto vā hosi paññāvimutto vā kāyasakkhi vā diṭṭhippatto vā saddhāvimutto vā dhammānusārī vā saddhānusārī vā’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘нану д̇вам̣, бхад̣̇д̣̇аали, д̇асмим̣ самаяз рид̇д̇о д̇ужчо абарад̣̇д̇хо’’д̇и?
‘‘Nanu tvaṃ, bhaddāli, tasmiṃ samaye ritto tuccho aparaddho’’ti?
‘‘звам̣ , бханд̇з. ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яохам̣ бхаг̇авад̇аа сигкаабад̣̇з бан̃н̃аабияамаанз бхигкусан̇гхз сигкам̣ самаад̣̇ияамаанз ануссаахам̣ бавзд̣̇зсим̣. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хаад̇у ааяад̇им̣ сам̣варааяаа’’д̇и. ‘‘д̇аг̇гха д̇вам̣, бхад̣̇д̣̇аали, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яам̣ д̇вам̣ маяаа сигкаабад̣̇з бан̃н̃аабияамаанз бхигкусан̇гхз сигкам̣ самаад̣̇ияамаанз ануссаахам̣ бавзд̣̇зси. яад̇о жа ко д̇вам̣, бхад̣̇д̣̇аали, ажжаяам̣ ажжаяад̇о д̣̇исваа яат̇аад̇хаммам̣ бадигароси, д̇ам̣ д̇з маяам̣ бадиг̇г̇ан̣хаама. вуд̣̇д̇хихзсаа, бхад̣̇д̣̇аали, арияасса винаяз яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇им̣ сам̣варам̣ аабаж̇ж̇ад̇и’’.
‘‘Evaṃ , bhante. Accayo maṃ, bhante, accagamā yathābālaṃ yathāmūḷhaṃ yathāakusalaṃ, yohaṃ bhagavatā sikkhāpade paññāpiyamāne bhikkhusaṅghe sikkhaṃ samādiyamāne anussāhaṃ pavedesiṃ. Tassa me, bhante, bhagavā accayaṃ accayato paṭiggaṇhātu āyatiṃ saṃvarāyā’’ti. ‘‘Taggha tvaṃ, bhaddāli, accayo accagamā yathābālaṃ yathāmūḷhaṃ yathāakusalaṃ, yaṃ tvaṃ mayā sikkhāpade paññāpiyamāne bhikkhusaṅghe sikkhaṃ samādiyamāne anussāhaṃ pavedesi. Yato ca kho tvaṃ, bhaddāli, accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuddhihesā, bhaddāli, ariyassa vinaye yo accayaṃ accayato disvā yathādhammaṃ paṭikaroti, āyatiṃ saṃvaraṃ āpajjati’’.
137. ‘‘ид̇ха, бхад̣̇д̣̇аали, згажжо бхигку сад̇т̇усаасанз сигкааяа абарибуурагаарий ход̇и. д̇асса звам̣ ход̇и – ‘яам̣нуунаахам̣ вивид̇д̇ам̣ сзнаасанам̣ бхаж̇зяяам̣ аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. аббзва наамаахам̣ уд̇д̇ари 5 мануссад̇хаммаа аламарияан̃аан̣ад̣̇ассанависзсам̣ сажчигарзяяа’нд̇и. со вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. д̇асса д̇ат̇аавуубагадтасса вихарад̇о сад̇т̇ааби убавад̣̇ад̇и, анувижжаби вин̃н̃уу саб̣рахмажаарий убавад̣̇анд̇и, д̣̇звад̇ааби убавад̣̇анд̇и, ад̇д̇ааби ад̇д̇аанам̣ убавад̣̇ад̇и. со сад̇т̇аарааби убавад̣̇ид̇о, анувижжаби вин̃н̃уухи саб̣рахмажаарийхи убавад̣̇ид̇о, д̣̇звад̇аахиби убавад̣̇ид̇о, ад̇д̇анааби ад̇д̇аанам̣ убавад̣̇ид̇о на уд̇д̇ари мануссад̇хаммаа аламарияан̃аан̣ад̣̇ассанависзсам̣ сажчигарод̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа абарибуурагаарисса.
137. ‘‘Idha, bhaddāli, ekacco bhikkhu satthusāsane sikkhāya aparipūrakārī hoti. Tassa evaṃ hoti – ‘yaṃnūnāhaṃ vivittaṃ senāsanaṃ bhajeyyaṃ araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Appeva nāmāhaṃ uttari 6 manussadhammā alamariyañāṇadassanavisesaṃ sacchikareyya’nti. So vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Tassa tathāvūpakaṭṭhassa viharato satthāpi upavadati, anuviccapi viññū sabrahmacārī upavadanti, devatāpi upavadanti, attāpi attānaṃ upavadati. So satthārāpi upavadito, anuviccapi viññūhi sabrahmacārīhi upavadito, devatāhipi upavadito, attanāpi attānaṃ upavadito na uttari manussadhammā alamariyañāṇadassanavisesaṃ sacchikaroti. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya aparipūrakārissa.
138. ‘‘ид̇ха бана, бхад̣̇д̣̇аали, згажжо бхигку сад̇т̇усаасанз сигкааяа барибуурагаарий ход̇и. д̇асса звам̣ ход̇и – ‘яам̣нуунаахам̣ вивид̇д̇ам̣ сзнаасанам̣ бхаж̇зяяам̣ аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. аббзва наамаахам̣ уд̇д̇ари мануссад̇хаммаа аламарияан̃аан̣ад̣̇ассанависзсам̣ сажчигарзяяа’нд̇и. со вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. д̇асса д̇ат̇аавуубагадтасса вихарад̇о сад̇т̇ааби на убавад̣̇ад̇и, анувижжаби вин̃н̃уу саб̣рахмажаарий на убавад̣̇анд̇и, д̣̇звад̇ааби на убавад̣̇анд̇и, ад̇д̇ааби ад̇д̇аанам̣ на убавад̣̇ад̇и. со сад̇т̇аарааби анубавад̣̇ид̇о , анувижжаби вин̃н̃уухи саб̣рахмажаарийхи анубавад̣̇ид̇о, д̣̇звад̇аахиби анубавад̣̇ид̇о, ад̇д̇анааби ад̇д̇аанам̣ анубавад̣̇ид̇о уд̇д̇ари мануссад̇хаммаа аламарияан̃аан̣ад̣̇ассанависзсам̣ сажчигарод̇и. со вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа барибуурагаарисса.
138. ‘‘Idha pana, bhaddāli, ekacco bhikkhu satthusāsane sikkhāya paripūrakārī hoti. Tassa evaṃ hoti – ‘yaṃnūnāhaṃ vivittaṃ senāsanaṃ bhajeyyaṃ araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Appeva nāmāhaṃ uttari manussadhammā alamariyañāṇadassanavisesaṃ sacchikareyya’nti. So vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Tassa tathāvūpakaṭṭhassa viharato satthāpi na upavadati, anuviccapi viññū sabrahmacārī na upavadanti, devatāpi na upavadanti, attāpi attānaṃ na upavadati. So satthārāpi anupavadito , anuviccapi viññūhi sabrahmacārīhi anupavadito, devatāhipi anupavadito, attanāpi attānaṃ anupavadito uttari manussadhammā alamariyañāṇadassanavisesaṃ sacchikaroti. So vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya paripūrakārissa.
139. ‘‘буна жабарам̣, бхад̣̇д̣̇аали, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа барибуурагаарисса.
139. ‘‘Puna caparaṃ, bhaddāli, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya paripūrakārissa.
‘‘буна жабарам̣, бхад̣̇д̣̇аали, бхигку бийд̇ияаа жа вирааг̇аа убзгкаго жа вихарад̇и, сад̇о жа самбаж̇аано сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа барибуурагаарисса.
‘‘Puna caparaṃ, bhaddāli, bhikkhu pītiyā ca virāgā upekkhako ca viharati, sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya paripūrakārissa.
‘‘буна жабарам̣, бхад̣̇д̣̇аали, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа барибуурагаарисса.
‘‘Puna caparaṃ, bhaddāli, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya paripūrakārissa.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа барибуурагаарисса.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya paripūrakārissa.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа…бз… винибаад̇ам̣ нираяам̣ убабаннаа; имз ваа бана бхонд̇о сад̇д̇аа гааяасужарид̇зна саманнааг̇ад̇аа…бз… суг̇ад̇им̣ саг̇г̇ам̣ логам̣ убабаннаа’д̇и ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна…бз… яат̇аагаммуубаг̇з сад̇д̇з баж̇аанаад̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа барибуурагаарисса.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti – ‘ime vata bhonto sattā kāyaduccaritena samannāgatā…pe… vinipātaṃ nirayaṃ upapannā; ime vā pana bhonto sattā kāyasucaritena samannāgatā…pe… sugatiṃ saggaṃ lokaṃ upapannā’ti iti dibbena cakkhunā visuddhena atikkantamānusakena…pe… yathākammūpage satte pajānāti. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya paripūrakārissa.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и; ‘имз аасаваа’д̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. д̇ам̣ гисса хзд̇у? зван̃хи д̇ам̣, бхад̣̇д̣̇аали, ход̇и яат̇аа д̇ам̣ сад̇т̇усаасанз сигкааяа барибуурагаариссаа’’д̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti; ‘ime āsavā’ti yathābhūtaṃ pajānāti, ‘ayaṃ āsavasamudayo’ti yathābhūtaṃ pajānāti, ‘ayaṃ āsavanirodho’ti yathābhūtaṃ pajānāti, ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Taṃ kissa hetu? Evañhi taṃ, bhaddāli, hoti yathā taṃ satthusāsane sikkhāya paripūrakārissā’’ti.
140. звам̣ вуд̇д̇з, ааяасмаа бхад̣̇д̣̇аали бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо язна мид̇хзгажжам̣ бхигкум̣ басаяха басаяха 7 гааран̣ам̣ гаронд̇и? го бана, бханд̇з, хзд̇у, го бажжаяо язна мид̇хзгажжам̣ бхигкум̣ но д̇ат̇аа басаяха басаяха гааран̣ам̣ гаронд̇ий’’д̇и? ‘‘ид̇ха, бхад̣̇д̣̇аали, згажжо бхигку абхин̣хаабад̇д̇иго ход̇и аабад̇д̇иб̣ахуло. со бхигкуухи вужжамаано ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и, на саммаа вад̇д̇ад̇и, на ломам̣ баад̇зд̇и, на нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и нааха. д̇ад̇ра, бхад̣̇д̣̇аали, бхигкуунам̣ звам̣ ход̇и – аяам̣ ко, аавусо, бхигку абхин̣хаабад̇д̇иго аабад̇д̇иб̣ахуло. со бхигкуухи вужжамаано ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и, на саммаа вад̇д̇ад̇и, на ломам̣ баад̇зд̇и, на нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и нааха. саад̇ху вад̇ааяасманд̇о имасса бхигкуно д̇ат̇аа д̇ат̇аа убабаригкат̇а яат̇аассид̣̇ам̣ 8 ад̇хигаран̣ам̣ на киббамзва вуубасамзяяаад̇и. д̇асса ко звам̣, бхад̣̇д̣̇аали, бхигкуно бхигкуу д̇ат̇аа д̇ат̇аа убабаригканд̇и яат̇аассид̣̇ам̣ ад̇хигаран̣ам̣ на киббамзва вуубасаммад̇и.
140. Evaṃ vutte, āyasmā bhaddāli bhagavantaṃ etadavoca – ‘‘ko nu kho, bhante, hetu, ko paccayo yena midhekaccaṃ bhikkhuṃ pasayha pasayha 9 kāraṇaṃ karonti? Ko pana, bhante, hetu, ko paccayo yena midhekaccaṃ bhikkhuṃ no tathā pasayha pasayha kāraṇaṃ karontī’’ti? ‘‘Idha, bhaddāli, ekacco bhikkhu abhiṇhāpattiko hoti āpattibahulo. So bhikkhūhi vuccamāno aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti, na sammā vattati, na lomaṃ pāteti, na netthāraṃ vattati, ‘yena saṅgho attamano hoti taṃ karomī’ti nāha. Tatra, bhaddāli, bhikkhūnaṃ evaṃ hoti – ayaṃ kho, āvuso, bhikkhu abhiṇhāpattiko āpattibahulo. So bhikkhūhi vuccamāno aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti, na sammā vattati, na lomaṃ pāteti, na netthāraṃ vattati, ‘yena saṅgho attamano hoti taṃ karomī’ti nāha. Sādhu vatāyasmanto imassa bhikkhuno tathā tathā upaparikkhatha yathāssidaṃ 10 adhikaraṇaṃ na khippameva vūpasameyyāti. Tassa kho evaṃ, bhaddāli, bhikkhuno bhikkhū tathā tathā upaparikkhanti yathāssidaṃ adhikaraṇaṃ na khippameva vūpasammati.
141. ‘‘ид̇ха бана, бхад̣̇д̣̇аали, згажжо бхигку абхин̣хаабад̇д̇иго ход̇и аабад̇д̇иб̣ахуло. со бхигкуухи вужжамаано наан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ на абанаамзд̇и, на гобан̃жа д̣̇осан̃жа аббажжаяан̃жа баад̇угарод̇и, саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и ааха. д̇ад̇ра, бхад̣̇д̣̇аали, бхигкуунам̣ звам̣ ход̇и – аяам̣ ко, аавусо, бхигку абхин̣хаабад̇д̇иго аабад̇д̇иб̣ахуло. со бхигкуухи вужжамаано наан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ на абанаамзд̇и, на гобан̃жа д̣̇осан̃жа аббажжаяан̃жа баад̇угарод̇и, саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и ааха. саад̇ху вад̇ааяасманд̇о, имасса бхигкуно д̇ат̇аа д̇ат̇аа убабаригкат̇а яат̇аассид̣̇ам̣ ад̇хигаран̣ам̣ киббамзва вуубасамзяяаад̇и. д̇асса ко звам̣, бхад̣̇д̣̇аали, бхигкуно бхигкуу д̇ат̇аа д̇ат̇аа убабаригканд̇и яат̇аассид̣̇ам̣ ад̇хигаран̣ам̣ киббамзва вуубасаммад̇и.
141. ‘‘Idha pana, bhaddāli, ekacco bhikkhu abhiṇhāpattiko hoti āpattibahulo. So bhikkhūhi vuccamāno nāññenaññaṃ paṭicarati, bahiddhā kathaṃ na apanāmeti, na kopañca dosañca appaccayañca pātukaroti, sammā vattati, lomaṃ pāteti, netthāraṃ vattati, ‘yena saṅgho attamano hoti taṃ karomī’ti āha. Tatra, bhaddāli, bhikkhūnaṃ evaṃ hoti – ayaṃ kho, āvuso, bhikkhu abhiṇhāpattiko āpattibahulo. So bhikkhūhi vuccamāno nāññenaññaṃ paṭicarati, bahiddhā kathaṃ na apanāmeti, na kopañca dosañca appaccayañca pātukaroti, sammā vattati, lomaṃ pāteti, netthāraṃ vattati, ‘yena saṅgho attamano hoti taṃ karomī’ti āha. Sādhu vatāyasmanto, imassa bhikkhuno tathā tathā upaparikkhatha yathāssidaṃ adhikaraṇaṃ khippameva vūpasameyyāti. Tassa kho evaṃ, bhaddāli, bhikkhuno bhikkhū tathā tathā upaparikkhanti yathāssidaṃ adhikaraṇaṃ khippameva vūpasammati.
142. ‘‘ид̇ха, бхад̣̇д̣̇аали, згажжо бхигку ад̇хижжаабад̇д̇иго ход̇и анаабад̇д̇иб̣ахуло. со бхигкуухи вужжамаано ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и, на саммаа вад̇д̇ад̇и, на ломам̣ баад̇зд̇и, на нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и нааха. д̇ад̇ра, бхад̣̇д̣̇аали, бхигкуунам̣ звам̣ ход̇и – аяам̣ ко, аавусо, бхигку ад̇хижжаабад̇д̇иго анаабад̇д̇иб̣ахуло . со бхигкуухи вужжамаано ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и, на саммаа вад̇д̇ад̇и, на ломам̣ баад̇зд̇и, на нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и нааха. саад̇ху вад̇ааяасманд̇о, имасса бхигкуно д̇ат̇аа д̇ат̇аа убабаригкат̇а яат̇аассид̣̇ам̣ ад̇хигаран̣ам̣ на киббамзва вуубасамзяяаад̇и. д̇асса ко звам̣, бхад̣̇д̣̇аали, бхигкуно бхигкуу д̇ат̇аа д̇ат̇аа убабаригканд̇и яат̇аассид̣̇ам̣ ад̇хигаран̣ам̣ на киббамзва вуубасаммад̇и.
142. ‘‘Idha, bhaddāli, ekacco bhikkhu adhiccāpattiko hoti anāpattibahulo. So bhikkhūhi vuccamāno aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti, na sammā vattati, na lomaṃ pāteti, na netthāraṃ vattati, ‘yena saṅgho attamano hoti taṃ karomī’ti nāha. Tatra, bhaddāli, bhikkhūnaṃ evaṃ hoti – ayaṃ kho, āvuso, bhikkhu adhiccāpattiko anāpattibahulo . So bhikkhūhi vuccamāno aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti, na sammā vattati, na lomaṃ pāteti, na netthāraṃ vattati, ‘yena saṅgho attamano hoti taṃ karomī’ti nāha. Sādhu vatāyasmanto, imassa bhikkhuno tathā tathā upaparikkhatha yathāssidaṃ adhikaraṇaṃ na khippameva vūpasameyyāti. Tassa kho evaṃ, bhaddāli, bhikkhuno bhikkhū tathā tathā upaparikkhanti yathāssidaṃ adhikaraṇaṃ na khippameva vūpasammati.
143. ‘‘ид̇ха бана, бхад̣̇д̣̇аали, згажжо бхигку ад̇хижжаабад̇д̇иго ход̇и анаабад̇д̇иб̣ахуло. со бхигкуухи вужжамаано наан̃н̃знан̃н̃ам̣ бадижарад̇и, на б̣ахид̣̇д̇хаа гат̇ам̣ абанаамзд̇и, на гобан̃жа д̣̇осан̃жа аббажжаяан̃жа баад̇угарод̇и, саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и ааха. д̇ад̇ра, бхад̣̇д̣̇аали, бхигкуунам̣ звам̣ ход̇и – аяам̣ ко, аавусо, бхигку ад̇хижжаабад̇д̇иго анаабад̇д̇иб̣ахуло. со бхигкуухи вужжамаано наан̃н̃знан̃н̃ам̣ бадижарад̇и, на б̣ахид̣̇д̇хаа гат̇ам̣ абанаамзд̇и, на гобан̃жа д̣̇осан̃жа аббажжаяан̃жа баад̇угарод̇и, саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, ‘язна сан̇гхо ад̇д̇амано ход̇и д̇ам̣ гаромий’д̇и ааха. саад̇ху вад̇ааяасманд̇о, имасса бхигкуно д̇ат̇аа д̇ат̇аа убабаригкат̇а яат̇аассид̣̇ам̣ ад̇хигаран̣ам̣ киббамзва вуубасамзяяаад̇и. д̇асса ко звам̣, бхад̣̇д̣̇аали, бхигкуно бхигкуу д̇ат̇аа д̇ат̇аа убабаригканд̇и яат̇аассид̣̇ам̣ ад̇хигаран̣ам̣ киббамзва вуубасаммад̇и.
143. ‘‘Idha pana, bhaddāli, ekacco bhikkhu adhiccāpattiko hoti anāpattibahulo. So bhikkhūhi vuccamāno nāññenaññaṃ paṭicarati, na bahiddhā kathaṃ apanāmeti, na kopañca dosañca appaccayañca pātukaroti, sammā vattati, lomaṃ pāteti, netthāraṃ vattati, ‘yena saṅgho attamano hoti taṃ karomī’ti āha. Tatra, bhaddāli, bhikkhūnaṃ evaṃ hoti – ayaṃ kho, āvuso, bhikkhu adhiccāpattiko anāpattibahulo. So bhikkhūhi vuccamāno nāññenaññaṃ paṭicarati, na bahiddhā kathaṃ apanāmeti, na kopañca dosañca appaccayañca pātukaroti, sammā vattati, lomaṃ pāteti, netthāraṃ vattati, ‘yena saṅgho attamano hoti taṃ karomī’ti āha. Sādhu vatāyasmanto, imassa bhikkhuno tathā tathā upaparikkhatha yathāssidaṃ adhikaraṇaṃ khippameva vūpasameyyāti. Tassa kho evaṃ, bhaddāli, bhikkhuno bhikkhū tathā tathā upaparikkhanti yathāssidaṃ adhikaraṇaṃ khippameva vūpasammati.
144. ‘‘ид̇ха , бхад̣̇д̣̇аали, згажжо бхигку сад̣̇д̇хаамад̇д̇агзна вахад̇и бзмамад̇д̇агзна. д̇ад̇ра, бхад̣̇д̣̇аали, бхигкуунам̣ звам̣ ход̇и – ‘аяам̣ ко, аавусо, бхигку сад̣̇д̇хаамад̇д̇агзна вахад̇и бзмамад̇д̇агзна. сажз маяам̣ имам̣ бхигкум̣ басаяха басаяха гааран̣ам̣ гариссаама – маа яамбисса д̇ам̣ сад̣̇д̇хаамад̇д̇агам̣ бзмамад̇д̇агам̣ д̇амхааби барихааяий’д̇и. сзяяат̇ааби, бхад̣̇д̣̇аали, бурисасса згам̣ жагкум̣, д̇асса мид̇д̇аамажжаа н̃аад̇исаалохид̇аа д̇ам̣ згам̣ жагкум̣ рагкзяяум̣ – ‘маа яамбисса д̇ам̣ згам̣ жагкум̣ д̇амхааби барихааяий’д̇и; звамзва ко, бхад̣̇д̣̇аали, ид̇хзгажжо бхигку сад̣̇д̇хаамад̇д̇агзна вахад̇и бзмамад̇д̇агзна. д̇ад̇ра, бхад̣̇д̣̇аали, бхигкуунам̣ звам̣ ход̇и – ‘аяам̣ ко, аавусо, бхигку сад̣̇д̇хаамад̇д̇агзна вахад̇и бзмамад̇д̇агзна. сажз маяам̣ имам̣ бхигкум̣ басаяха басаяха гааран̣ам̣ гариссаама – маа яамбисса д̇ам̣ сад̣̇д̇хаамад̇д̇агам̣ бзмамад̇д̇агам̣ д̇амхааби барихааяий’д̇и. аяам̣ ко, бхад̣̇д̣̇аали, хзд̇у аяам̣ бажжаяо язна мид̇хзгажжам̣ бхигкум̣ басаяха басаяха гааран̣ам̣ гаронд̇и. аяам̣ бана, бхад̣̇д̣̇аали, хзд̇у аяам̣ бажжаяо, язна мид̇хзгажжам̣ бхигкум̣ но д̇ат̇аа басаяха басаяха гааран̣ам̣ гаронд̇ий’’д̇и.
144. ‘‘Idha , bhaddāli, ekacco bhikkhu saddhāmattakena vahati pemamattakena. Tatra, bhaddāli, bhikkhūnaṃ evaṃ hoti – ‘ayaṃ kho, āvuso, bhikkhu saddhāmattakena vahati pemamattakena. Sace mayaṃ imaṃ bhikkhuṃ pasayha pasayha kāraṇaṃ karissāma – mā yampissa taṃ saddhāmattakaṃ pemamattakaṃ tamhāpi parihāyī’ti. Seyyathāpi, bhaddāli, purisassa ekaṃ cakkhuṃ, tassa mittāmaccā ñātisālohitā taṃ ekaṃ cakkhuṃ rakkheyyuṃ – ‘mā yampissa taṃ ekaṃ cakkhuṃ tamhāpi parihāyī’ti; evameva kho, bhaddāli, idhekacco bhikkhu saddhāmattakena vahati pemamattakena. Tatra, bhaddāli, bhikkhūnaṃ evaṃ hoti – ‘ayaṃ kho, āvuso, bhikkhu saddhāmattakena vahati pemamattakena. Sace mayaṃ imaṃ bhikkhuṃ pasayha pasayha kāraṇaṃ karissāma – mā yampissa taṃ saddhāmattakaṃ pemamattakaṃ tamhāpi parihāyī’ti. Ayaṃ kho, bhaddāli, hetu ayaṃ paccayo yena midhekaccaṃ bhikkhuṃ pasayha pasayha kāraṇaṃ karonti. Ayaṃ pana, bhaddāli, hetu ayaṃ paccayo, yena midhekaccaṃ bhikkhuṃ no tathā pasayha pasayha kāraṇaṃ karontī’’ti.
145. ‘‘‘го ну ко, бханд̇з, хзд̇у, го бажжаяо язна буб̣б̣з аббад̇араани жзва сигкаабад̣̇аани ахзсум̣ б̣ахуд̇араа жа бхигкуу ан̃н̃ааяа сан̣тахим̣су? го бана, бханд̇з, хзд̇у, го бажжаяо язна зд̇арахи б̣ахуд̇араани жзва сигкаабад̣̇аани хонд̇и аббад̇араа жа бхигкуу ан̃н̃ааяа сан̣таханд̇ий’д̇и? ‘‘звамзд̇ам̣, бхад̣̇д̣̇аали, ход̇и сад̇д̇зсу хааяамаанзсу, сад̣̇д̇хаммз анд̇арад̇хааяамаанз, б̣ахуд̇араани жзва сигкаабад̣̇аани хонд̇и аббад̇араа жа бхигкуу ан̃н̃ааяа сан̣таханд̇ийд̇и. на д̇аава, бхад̣̇д̣̇аали, сад̇т̇аа саавагаанам̣ сигкаабад̣̇ам̣ бан̃н̃аабзд̇и яаава на ид̇хзгажжз аасавадтаанийяаа д̇хаммаа сан̇гхз баад̇убхаванд̇и. яад̇о жа ко, бхад̣̇д̣̇аали, ид̇хзгажжз аасавадтаанийяаа д̇хаммаа сан̇гхз баад̇убхаванд̇и, ат̇а сад̇т̇аа саавагаанам̣ сигкаабад̣̇ам̣ бан̃н̃аабзд̇и д̇зсам̣язва аасавадтаанийяаанам̣ д̇хаммаанам̣ бадигхаад̇ааяа. на д̇аава, бхад̣̇д̣̇аали, ид̇хзгажжз аасавадтаанийяаа д̇хаммаа сан̇гхз баад̇убхаванд̇и яаава на сан̇гхо махад̇д̇ам̣ бад̇д̇о ход̇и. яад̇о жа ко, бхад̣̇д̣̇аали, сан̇гхо махад̇д̇ам̣ бад̇д̇о ход̇и, ат̇а ид̇хзгажжз аасавадтаанийяаа д̇хаммаа сан̇гхз баад̇убхаванд̇и. ат̇а сад̇т̇аа саавагаанам̣ сигкаабад̣̇ам̣ бан̃н̃аабзд̇и д̇зсам̣язва аасавадтаанийяаанам̣ д̇хаммаанам̣ бадигхаад̇ааяа. на д̇аава, бхад̣̇д̣̇аали, ид̇хзгажжз аасавадтаанийяаа д̇хаммаа сан̇гхз баад̇убхаванд̇и яаава на сан̇гхо лаабхаг̇г̇ам̣ бад̇д̇о ход̇и, яасаг̇г̇ам̣ бад̇д̇о ход̇и, б̣аахусажжам̣ бад̇д̇о ход̇и, рад̇д̇ан̃н̃уд̇ам̣ бад̇д̇о ход̇и. яад̇о жа ко, бхад̣̇д̣̇аали, сан̇гхо рад̇д̇ан̃н̃уд̇ам̣ бад̇д̇о ход̇и, ат̇а ид̇хзгажжз аасавадтаанийяаа д̇хаммаа сан̇гхз баад̇убхаванд̇и, ат̇а сад̇т̇аа саавагаанам̣ сигкаабад̣̇ам̣ бан̃н̃аабзд̇и д̇зсам̣язва аасавадтаанийяаанам̣ д̇хаммаанам̣ бадигхаад̇ааяа.
145. ‘‘‘Ko nu kho, bhante, hetu, ko paccayo yena pubbe appatarāni ceva sikkhāpadāni ahesuṃ bahutarā ca bhikkhū aññāya saṇṭhahiṃsu? Ko pana, bhante, hetu, ko paccayo yena etarahi bahutarāni ceva sikkhāpadāni honti appatarā ca bhikkhū aññāya saṇṭhahantī’ti? ‘‘Evametaṃ, bhaddāli, hoti sattesu hāyamānesu, saddhamme antaradhāyamāne, bahutarāni ceva sikkhāpadāni honti appatarā ca bhikkhū aññāya saṇṭhahantīti. Na tāva, bhaddāli, satthā sāvakānaṃ sikkhāpadaṃ paññāpeti yāva na idhekacce āsavaṭṭhānīyā dhammā saṅghe pātubhavanti. Yato ca kho, bhaddāli, idhekacce āsavaṭṭhānīyā dhammā saṅghe pātubhavanti, atha satthā sāvakānaṃ sikkhāpadaṃ paññāpeti tesaṃyeva āsavaṭṭhānīyānaṃ dhammānaṃ paṭighātāya. Na tāva, bhaddāli, idhekacce āsavaṭṭhānīyā dhammā saṅghe pātubhavanti yāva na saṅgho mahattaṃ patto hoti. Yato ca kho, bhaddāli, saṅgho mahattaṃ patto hoti, atha idhekacce āsavaṭṭhānīyā dhammā saṅghe pātubhavanti. Atha satthā sāvakānaṃ sikkhāpadaṃ paññāpeti tesaṃyeva āsavaṭṭhānīyānaṃ dhammānaṃ paṭighātāya. Na tāva, bhaddāli, idhekacce āsavaṭṭhānīyā dhammā saṅghe pātubhavanti yāva na saṅgho lābhaggaṃ patto hoti, yasaggaṃ patto hoti, bāhusaccaṃ patto hoti, rattaññutaṃ patto hoti. Yato ca kho, bhaddāli, saṅgho rattaññutaṃ patto hoti, atha idhekacce āsavaṭṭhānīyā dhammā saṅghe pātubhavanti, atha satthā sāvakānaṃ sikkhāpadaṃ paññāpeti tesaṃyeva āsavaṭṭhānīyānaṃ dhammānaṃ paṭighātāya.
146. ‘‘аббагаа ко д̇умхз, бхад̣̇д̣̇аали, д̇зна самаязна ахувад̇т̇а яад̣̇аа во ахам̣ ааж̇аанийяасусуубамам̣ д̇хаммабарияааяам̣ д̣̇зсзсим̣. д̇ам̣ сараси 11 бхад̣̇д̣̇аалий’’д̇и ?
146. ‘‘Appakā kho tumhe, bhaddāli, tena samayena ahuvattha yadā vo ahaṃ ājānīyasusūpamaṃ dhammapariyāyaṃ desesiṃ. Taṃ sarasi 12 bhaddālī’’ti ?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘д̇ад̇ра, бхад̣̇д̣̇аали, гам̣ хзд̇ум̣ бажжзсий’’д̇и?
‘‘Tatra, bhaddāli, kaṃ hetuṃ paccesī’’ti?
‘‘со хи нуунаахам̣, бханд̇з, д̣̇ийгхарад̇д̇ам̣ сад̇т̇усаасанз сигкааяа абарибуурагаарий ахоси’’нд̇и.
‘‘So hi nūnāhaṃ, bhante, dīgharattaṃ satthusāsane sikkhāya aparipūrakārī ahosi’’nti.
‘‘на ко, бхад̣̇д̣̇аали, зсзва хзд̇у, зса бажжаяо. аби жа мз д̇вам̣, бхад̣̇д̣̇аали, д̣̇ийгхарад̇д̇ам̣ жзд̇асаа жзд̇обарижжа вид̣̇ид̇о – ‘на жааяам̣ могхабурисо маяаа д̇хаммз д̣̇зсияамаанз адтим̣ гад̇ваа манаси гад̇ваа саб̣б̣ажзд̇асо 13 саманнаахарид̇ваа охид̇асод̇о д̇хаммам̣ сун̣аад̇ий’д̇и. аби жа д̇з ахам̣, бхад̣̇д̣̇аали, ааж̇аанийяасусуубамам̣ д̇хаммабарияааяам̣ д̣̇зсзссаами. д̇ам̣ сун̣аахи, саад̇хугам̣ манаси гарохи ; бхаасиссаамий’’д̇и. ‘‘звам̣, бханд̇з’’д̇и ко ааяасмаа бхад̣̇д̣̇аали бхаг̇авад̇о бажжассоси. бхаг̇аваа зд̇ад̣̇авожа –
‘‘Na kho, bhaddāli, eseva hetu, esa paccayo. Api ca me tvaṃ, bhaddāli, dīgharattaṃ cetasā cetoparicca vidito – ‘na cāyaṃ moghapuriso mayā dhamme desiyamāne aṭṭhiṃ katvā manasi katvā sabbacetaso 14 samannāharitvā ohitasoto dhammaṃ suṇātī’ti. Api ca te ahaṃ, bhaddāli, ājānīyasusūpamaṃ dhammapariyāyaṃ desessāmi. Taṃ suṇāhi, sādhukaṃ manasi karohi ; bhāsissāmī’’ti. ‘‘Evaṃ, bhante’’ti kho āyasmā bhaddāli bhagavato paccassosi. Bhagavā etadavoca –
147. ‘‘сзяяат̇ааби, бхад̣̇д̣̇аали, д̣̇агко ассад̣̇амаго бхад̣̇рам̣ ассааж̇аанийяам̣ лабхид̇ваа батамзнзва мукаад̇хаанз гааран̣ам̣ гаарзд̇и. д̇асса мукаад̇хаанз гааран̣ам̣ гаарияамаанасса хонд̇иязва висуугааяид̇аани висзвид̇аани вибпанд̣̇ид̇аани гаанижи гаанижи, яат̇аа д̇ам̣ агаарид̇абуб̣б̣ам̣ гааран̣ам̣ гаарияамаанасса. со абхин̣хагааран̣аа анубуб̣б̣агааран̣аа д̇асмим̣ таанз бариниб̣б̣ааяад̇и. яад̇о ко, бхад̣̇д̣̇аали, бхад̣̇ро ассааж̇аанийяо абхин̣хагааран̣аа анубуб̣б̣агааран̣аа д̇асмим̣ таанз бариниб̣б̣уд̇о ход̇и, д̇амзнам̣ ассад̣̇амаго уд̇д̇ари гааран̣ам̣ гаарзд̇и яуг̇аад̇хаанз. д̇асса яуг̇аад̇хаанз гааран̣ам̣ гаарияамаанасса хонд̇иязва висуугааяид̇аани висзвид̇аани вибпанд̣̇ид̇аани гаанижи гаанижи, яат̇аа д̇ам̣ агаарид̇абуб̣б̣ам̣ гааран̣ам̣ гаарияамаанасса. со абхин̣хагааран̣аа анубуб̣б̣агааран̣аа д̇асмим̣ таанз бариниб̣б̣ааяад̇и . яад̇о ко, бхад̣̇д̣̇аали, бхад̣̇ро ассааж̇аанийяо абхин̣хагааран̣аа анубуб̣б̣агааран̣аа д̇асмим̣ таанз бариниб̣б̣уд̇о ход̇и, д̇амзнам̣ ассад̣̇амаго уд̇д̇ари гааран̣ам̣ гаарзд̇и ануггамз ман̣д̣алз курагаасз 15 д̇хаавз д̣̇авад̇д̇з 16 рааж̇аг̇ун̣з рааж̇авам̣сз уд̇д̇амз ж̇авз уд̇д̇амз хаяз уд̇д̇амз саакаляз. д̇асса уд̇д̇амз ж̇авз уд̇д̇амз хаяз уд̇д̇амз саакаляз гааран̣ам̣ гаарияамаанасса хонд̇иязва висуугааяид̇аани висзвид̇аани вибпанд̣̇ид̇аани гаанижи гаанижи, яат̇аа д̇ам̣ агаарид̇абуб̣б̣ам̣ гааран̣ам̣ гаарияамаанасса. со абхин̣хагааран̣аа анубуб̣б̣агааран̣аа д̇асмим̣ таанз бариниб̣б̣ааяад̇и. яад̇о ко, бхад̣̇д̣̇аали, бхад̣̇ро ассааж̇аанийяо абхин̣хагааран̣аа анубуб̣б̣агааран̣аа д̇асмим̣ таанз бариниб̣б̣уд̇о ход̇и, д̇амзнам̣ ассад̣̇амаго уд̇д̇ари ван̣н̣ияан̃жа баан̣ияан̃жа 17 ануббавзжчад̇и. имзхи ко, бхад̣̇д̣̇аали, д̣̇асахан̇г̇зхи саманнааг̇ад̇о бхад̣̇ро ассааж̇аанийяо рааж̇аарахо ход̇и рааж̇абхог̇г̇о ран̃н̃о ан̇г̇анд̇зва сан̇кяам̣ г̇ажчад̇и.
147. ‘‘Seyyathāpi, bhaddāli, dakkho assadamako bhadraṃ assājānīyaṃ labhitvā paṭhameneva mukhādhāne kāraṇaṃ kāreti. Tassa mukhādhāne kāraṇaṃ kāriyamānassa hontiyeva visūkāyitāni visevitāni vipphanditāni kānici kānici, yathā taṃ akāritapubbaṃ kāraṇaṃ kāriyamānassa. So abhiṇhakāraṇā anupubbakāraṇā tasmiṃ ṭhāne parinibbāyati. Yato kho, bhaddāli, bhadro assājānīyo abhiṇhakāraṇā anupubbakāraṇā tasmiṃ ṭhāne parinibbuto hoti, tamenaṃ assadamako uttari kāraṇaṃ kāreti yugādhāne. Tassa yugādhāne kāraṇaṃ kāriyamānassa hontiyeva visūkāyitāni visevitāni vipphanditāni kānici kānici, yathā taṃ akāritapubbaṃ kāraṇaṃ kāriyamānassa. So abhiṇhakāraṇā anupubbakāraṇā tasmiṃ ṭhāne parinibbāyati . Yato kho, bhaddāli, bhadro assājānīyo abhiṇhakāraṇā anupubbakāraṇā tasmiṃ ṭhāne parinibbuto hoti, tamenaṃ assadamako uttari kāraṇaṃ kāreti anukkame maṇḍale khurakāse 18 dhāve davatte 19 rājaguṇe rājavaṃse uttame jave uttame haye uttame sākhalye. Tassa uttame jave uttame haye uttame sākhalye kāraṇaṃ kāriyamānassa hontiyeva visūkāyitāni visevitāni vipphanditāni kānici kānici, yathā taṃ akāritapubbaṃ kāraṇaṃ kāriyamānassa. So abhiṇhakāraṇā anupubbakāraṇā tasmiṃ ṭhāne parinibbāyati. Yato kho, bhaddāli, bhadro assājānīyo abhiṇhakāraṇā anupubbakāraṇā tasmiṃ ṭhāne parinibbuto hoti, tamenaṃ assadamako uttari vaṇṇiyañca pāṇiyañca 20 anuppavecchati. Imehi kho, bhaddāli, dasahaṅgehi samannāgato bhadro assājānīyo rājāraho hoti rājabhoggo rañño aṅganteva saṅkhyaṃ gacchati.
‘‘звамзва ко, бхад̣̇д̣̇аали, д̣̇асахи д̇хаммзхи саманнааг̇ад̇о бхигку аахунзяяо ход̇и баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса. гад̇амзхи д̣̇асахи? ид̇ха, бхад̣̇д̣̇аали, бхигку асзкааяа саммаад̣̇идтияаа саманнааг̇ад̇о ход̇и, асзкзна саммаасан̇габбзна саманнааг̇ад̇о ход̇и, асзкааяа саммааваажааяа саманнааг̇ад̇о ход̇и, асзкзна саммаагамманд̇зна саманнааг̇ад̇о ход̇и, асзкзна саммааааж̇ийвзна саманнааг̇ад̇о ход̇и, асзкзна саммаавааяаамзна саманнааг̇ад̇о ход̇и , асзкааяа саммаасад̇ияаа саманнааг̇ад̇о ход̇и, асзкзна саммаасамаад̇хинаа саманнааг̇ад̇о ход̇и, асзкзна саммаан̃аан̣зна саманнааг̇ад̇о ход̇и, асзкааяа саммаавимуд̇д̇ияаа саманнааг̇ад̇о ход̇и – имзхи ко, бхад̣̇д̣̇аали, д̣̇асахи д̇хаммзхи саманнааг̇ад̇о бхигку аахунзяяо ход̇и баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’’д̇и.
‘‘Evameva kho, bhaddāli, dasahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Katamehi dasahi? Idha, bhaddāli, bhikkhu asekhāya sammādiṭṭhiyā samannāgato hoti, asekhena sammāsaṅkappena samannāgato hoti, asekhāya sammāvācāya samannāgato hoti, asekhena sammākammantena samannāgato hoti, asekhena sammāājīvena samannāgato hoti, asekhena sammāvāyāmena samannāgato hoti , asekhāya sammāsatiyā samannāgato hoti, asekhena sammāsamādhinā samannāgato hoti, asekhena sammāñāṇena samannāgato hoti, asekhāya sammāvimuttiyā samannāgato hoti – imehi kho, bhaddāli, dasahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’’ti.
ид̣̇амавожа бхаг̇аваа. ад̇д̇амано ааяасмаа бхад̣̇д̣̇аали бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā bhaddāli bhagavato bhāsitaṃ abhinandīti.
бхад̣̇д̣̇аалисуд̇д̇ам̣ нидтид̇ам̣ бан̃жамам̣.
Bhaddālisuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. бхад̣̇д̣̇аалисуд̇д̇аван̣н̣анаа • 5. Bhaddālisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. бхад̣̇д̣̇аалисуд̇д̇аван̣н̣анаа • 5. Bhaddālisuttavaṇṇanā
