| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. бхад̣̇д̣̇аалисуд̇д̇аван̣н̣анаа
5. Bhaddālisuttavaṇṇanā
134. звам̣ мз суд̇анд̇и бхад̣̇д̣̇аалисуд̇д̇ам̣. д̇ад̇т̇а згаасанабхож̇ананд̇и згасмим̣ бурзбхад̇д̇з асанабхож̇анам̣, бхун̃ж̇ид̇аб̣б̣абхад̇д̇анд̇и ад̇т̇о. аббааб̣аад̇хад̇анд̇иаад̣̇ийни гагажобамз вид̇т̇аарид̇аани. на уссахаамийд̇и на саггоми. сияаа гуггужжам̣ сияаа виббадисаарод̇и звам̣ бхун̃ж̇анд̇о яааваж̇ийвам̣ б̣рахмажарияам̣ жарид̇ум̣ сагкиссаами ну ко, на ну код̇и ид̇и мз виббадисаарагуггужжам̣ бхавзяяаад̇и ад̇т̇о. згад̣̇зсам̣ бхун̃ж̇ид̇ваад̇и бораан̣агад̇т̇зраа гира бад̇д̇з бхад̇д̇ам̣ багкибид̇ваа саббимхи д̣̇иннз саббинаа ун̣хамзва т̇огам̣ бхун̃ж̇ид̇ваа хад̇т̇з д̇ховид̇ваа авасзсам̣ б̣ахи нийхарид̇ваа чааяууд̣̇агапаасугз таанз нисийд̣̇ид̇ваа бхун̃ж̇анд̇и. зд̇ам̣ санд̇хааяа сад̇т̇аа ааха. бхад̣̇д̣̇аали, бана жинд̇зси – ‘‘сажз сагим̣ бад̇д̇ам̣ буурзд̇ваа д̣̇иннам̣ бхад̇д̇ам̣ бхун̃ж̇ид̇ваа буна бад̇д̇ам̣ д̇ховид̇ваа од̣̇анасса буурзд̇ваа лад̣̇д̇хам̣ б̣ахи нийхарид̇ваа чааяууд̣̇агапаасугз таанз бхун̃ж̇зяяа, ид̇и звам̣ ваддзяяа, ид̇арат̇аа го саггод̇ий’’д̇и. д̇асмаа звамби ко ахам̣, бханд̇з, на уссахаамийд̇и ааха. аяам̣ гира ад̇ийд̇з ананд̇арааяа ж̇аад̇ияаа гаагаяонияам̣ ниб̣б̣ад̇д̇и. гаагаа жа наама махаачаад̇агаа хонд̇и. д̇асмаа чаад̇агад̇т̇зро наама ахоси. д̇асса бана вираванд̇ассзва бхаг̇аваа д̇ам̣ мад̣̇д̣̇ид̇ваа аж̇жход̇т̇арид̇ваа – ‘‘яо бана бхигку вигаалз каад̣̇анийяам̣ ваа бхож̇анийяам̣ ваа каад̣̇зяяа ваа бхун̃ж̇зяяа ваа баажид̇д̇ияа’’нд̇и (баажи. 248) сигкаабад̣̇ам̣ бан̃н̃абзси. д̇зна вуд̇д̇ам̣ ат̇а ко ааяасмаа, бхад̣̇д̣̇аали,…бз… ануссаахам̣ бавзд̣̇зсийд̇и.
134.Evaṃme sutanti bhaddālisuttaṃ. Tattha ekāsanabhojananti ekasmiṃ purebhatte asanabhojanaṃ, bhuñjitabbabhattanti attho. Appābādhatantiādīni kakacopame vitthāritāni. Na ussahāmīti na sakkomi. Siyā kukkuccaṃ siyā vippaṭisāroti evaṃ bhuñjanto yāvajīvaṃ brahmacariyaṃ carituṃ sakkhissāmi nu kho, na nu khoti iti me vippaṭisārakukkuccaṃ bhaveyyāti attho. Ekadesaṃ bhuñjitvāti porāṇakattherā kira patte bhattaṃ pakkhipitvā sappimhi dinne sappinā uṇhameva thokaṃ bhuñjitvā hatthe dhovitvā avasesaṃ bahi nīharitvā chāyūdakaphāsuke ṭhāne nisīditvā bhuñjanti. Etaṃ sandhāya satthā āha. Bhaddāli, pana cintesi – ‘‘sace sakiṃ pattaṃ pūretvā dinnaṃ bhattaṃ bhuñjitvā puna pattaṃ dhovitvā odanassa pūretvā laddhaṃ bahi nīharitvā chāyūdakaphāsuke ṭhāne bhuñjeyya, iti evaṃ vaṭṭeyya, itarathā ko sakkotī’’ti. Tasmā evampi kho ahaṃ, bhante, na ussahāmīti āha. Ayaṃ kira atīte anantarāya jātiyā kākayoniyaṃ nibbatti. Kākā ca nāma mahāchātakā honti. Tasmā chātakatthero nāma ahosi. Tassa pana viravantasseva bhagavā taṃ madditvā ajjhottharitvā – ‘‘yo pana bhikkhu vikāle khādanīyaṃ vā bhojanīyaṃ vā khādeyya vā bhuñjeyya vā pācittiya’’nti (pāci. 248) sikkhāpadaṃ paññapesi. Tena vuttaṃ atha kho āyasmā, bhaddāli,…pe… anussāhaṃ pavedesīti.
яат̇аа д̇анд̇и яат̇аа ан̃н̃оби сигкааяа на барибуурагаарий згавихаарзби васанд̇о сад̇т̇у саммукийбхаавам̣ на д̣̇ад̣̇зяяа, д̇ат̇зва на ад̣̇аасийд̇и ад̇т̇о. нзва бхаг̇авад̇о убадтаанам̣ аг̇амааси, на д̇хаммад̣̇зсанадтаанам̣ на вид̇аггамаал̣агам̣, на згам̣ бхигкаажаарамаг̇г̇ам̣ бадибаж̇ж̇и. яасмим̣ гулз бхаг̇аваа нисийд̣̇ад̇и, д̇асса д̣̇ваарзби на адтааси. сажасса васанадтаанам̣ бхаг̇аваа г̇ажчад̇и, со бурзд̇арамзва н̃ад̇ваа ан̃н̃ад̇т̇а г̇ажчад̇и. сад̣̇д̇хаабаб̣б̣аж̇ид̇о гирзса гулабуд̇д̇о барисуд̣̇д̇хасийло. д̇знасса на ан̃н̃о вид̇агго ахоси, – ‘‘маяаа наама уд̣̇арагааран̣аа бхаг̇авад̇о сигкаабад̣̇абан̃н̃аабанам̣ бадиб̣аахид̇ам̣, ананужчавигам̣ мз гад̇а’’нд̇и аяамзва вид̇агго ахоси. д̇асмаа згавихаарз васанд̇оби лаж̇ж̇ааяа сад̇т̇у саммукийбхаавам̣ наад̣̇ааси.
Yathātanti yathā aññopi sikkhāya na paripūrakārī ekavihārepi vasanto satthu sammukhībhāvaṃ na dadeyya, tatheva na adāsīti attho. Neva bhagavato upaṭṭhānaṃ agamāsi, na dhammadesanaṭṭhānaṃ na vitakkamāḷakaṃ, na ekaṃ bhikkhācāramaggaṃ paṭipajji. Yasmiṃ kule bhagavā nisīdati, tassa dvārepi na aṭṭhāsi. Sacassa vasanaṭṭhānaṃ bhagavā gacchati, so puretarameva ñatvā aññattha gacchati. Saddhāpabbajito kiresa kulaputto parisuddhasīlo. Tenassa na añño vitakko ahosi, – ‘‘mayā nāma udarakāraṇā bhagavato sikkhāpadapaññāpanaṃ paṭibāhitaṃ, ananucchavikaṃ me kata’’nti ayameva vitakko ahosi. Tasmā ekavihāre vasantopi lajjāya satthu sammukhībhāvaṃ nādāsi.
135. жийварагаммам̣ гаронд̇ийд̇и мануссаа бхаг̇авад̇о жийварасаадагам̣ ад̣̇ам̣су, д̇ам̣ г̇ахзд̇ваа жийварам̣ гаронд̇и. зд̇ам̣ д̣̇осаганд̇и зд̇ам̣ огаасамзд̇ам̣ абараад̇хам̣, сад̇т̇у сигкаабад̣̇ам̣ бан̃н̃абзнд̇асса бадиб̣аахид̇агааран̣ам̣ саад̇хугам̣ манаси гарохийд̇и ад̇т̇о. д̣̇уггарад̇аранд̇и вассан̃хи васид̇ваа д̣̇исаабагганд̇з бхигкуу гухим̣ васид̇т̇аад̇и бужчанд̇и, д̇зхи ж̇зд̇аванз васимхаад̇и вуд̇д̇з, ‘‘аавусо, бхаг̇аваа имасмим̣ анд̇овассз гад̇арам̣ ж̇аад̇агам̣ гат̇зси, гад̇арам̣ суд̇д̇анд̇ам̣, гад̇арам̣ сигкаабад̣̇ам̣ бан̃н̃абзсий’’д̇и бужчид̇ааро хонд̇и. д̇ад̇о ‘‘вигаалабхож̇анасигкаабад̣̇ам̣ бан̃н̃абзси, бхад̣̇д̣̇аали, наама нам̣ зго т̇зро бадиб̣аахий’’д̇и вагканд̇и. д̇ам̣ суд̇ваа бхигкуу – ‘‘бхаг̇авад̇оби наама сигкаабад̣̇ам̣ бан̃н̃абзнд̇асса бадиб̣аахид̇ам̣ аяуд̇д̇ам̣ агааран̣а’’нд̇и вад̣̇анд̇и. звам̣ д̇з аяам̣ д̣̇осо махааж̇ананд̇арз баагадо худ̇ваа д̣̇уббадигаарад̇ам̣ аабаж̇ж̇иссад̇ийд̇и ман̃н̃амаанаа звамаахам̣су. абижа ан̃н̃зби бхигкуу баваарзд̇ваа сад̇т̇у санд̇игам̣ ааг̇амиссанд̇и. ат̇а д̇вам̣ ‘‘зт̇аавусо, мама сад̇т̇аарам̣ камаабзнд̇асса сахааяаа хот̇аа’’д̇и сан̇гхам̣ саннибаад̇зссаси. д̇ад̇т̇а ааг̇анд̇угаа бужчиссанд̇и, ‘‘аавусо, гим̣ иминааби бхигкунаа гад̇а’’нд̇и. д̇ад̇о зд̇амад̇т̇ам̣ суд̇ваа ‘‘бхаарияам̣ гад̇ам̣ бхигкунаа, д̣̇асаб̣алам̣ наама бадиб̣аахиссад̇ийд̇и аяуд̇д̇амзд̇а’’нд̇и вагканд̇и. звамби д̇з аяам̣ абараад̇хо махааж̇ананд̇арз баагадо худ̇ваа д̣̇уббадигаарад̇ам̣ аабаж̇ж̇иссад̇ийд̇и ман̃н̃амаанааби звамаахам̣су. ат̇а ваа бхаг̇аваа баваарзд̇ваа жааригам̣ баггамиссад̇и, ат̇а д̇вам̣ г̇ад̇аг̇ад̇адтаанз бхаг̇авад̇о камаабанад̇т̇ааяа сан̇гхам̣ саннибаад̇зссаси. д̇ад̇ра д̣̇исааваасино бхигкуу бужчиссанд̇и, ‘‘аавусо, гим̣ иминаа бхигкунаа гад̇а’’нд̇и…бз… д̣̇уббадигаарад̇ам̣ аабаж̇ж̇иссад̇ийд̇и ман̃н̃амаанааби звамаахам̣су.
135.Cīvarakammaṃ karontīti manussā bhagavato cīvarasāṭakaṃ adaṃsu, taṃ gahetvā cīvaraṃ karonti. Etaṃ dosakanti etaṃ okāsametaṃ aparādhaṃ, satthu sikkhāpadaṃ paññapentassa paṭibāhitakāraṇaṃ sādhukaṃ manasi karohīti attho. Dukkarataranti vassañhi vasitvā disāpakkante bhikkhū kuhiṃ vasitthāti pucchanti, tehi jetavane vasimhāti vutte, ‘‘āvuso, bhagavā imasmiṃ antovasse kataraṃ jātakaṃ kathesi, kataraṃ suttantaṃ, kataraṃ sikkhāpadaṃ paññapesī’’ti pucchitāro honti. Tato ‘‘vikālabhojanasikkhāpadaṃ paññapesi, bhaddāli, nāma naṃ eko thero paṭibāhī’’ti vakkhanti. Taṃ sutvā bhikkhū – ‘‘bhagavatopi nāma sikkhāpadaṃ paññapentassa paṭibāhitaṃ ayuttaṃ akāraṇa’’nti vadanti. Evaṃ te ayaṃ doso mahājanantare pākaṭo hutvā duppaṭikārataṃ āpajjissatīti maññamānā evamāhaṃsu. Apica aññepi bhikkhū pavāretvā satthu santikaṃ āgamissanti. Atha tvaṃ ‘‘ethāvuso, mama satthāraṃ khamāpentassa sahāyā hothā’’ti saṅghaṃ sannipātessasi. Tattha āgantukā pucchissanti, ‘‘āvuso, kiṃ imināpi bhikkhunā kata’’nti. Tato etamatthaṃ sutvā ‘‘bhāriyaṃ kataṃ bhikkhunā, dasabalaṃ nāma paṭibāhissatīti ayuttameta’’nti vakkhanti. Evampi te ayaṃ aparādho mahājanantare pākaṭo hutvā duppaṭikārataṃ āpajjissatīti maññamānāpi evamāhaṃsu. Atha vā bhagavā pavāretvā cārikaṃ pakkamissati, atha tvaṃ gatagataṭṭhāne bhagavato khamāpanatthāya saṅghaṃ sannipātessasi. Tatra disāvāsino bhikkhū pucchissanti, ‘‘āvuso, kiṃ iminā bhikkhunā kata’’nti…pe… duppaṭikārataṃ āpajjissatīti maññamānāpi evamāhaṃsu.
зд̇ад̣̇авожаад̇и аббад̇ируубам̣ маяаа гад̇ам̣, бхаг̇аваа бана маханд̇зби аг̇ун̣з алаг̇г̇ид̇ваа маяхам̣ ажжаяам̣ бадиг̇г̇ан̣хиссад̇ийд̇и ман̃н̃амаано зд̇ам̣ ‘‘ажжаяо мам̣, бханд̇з,’’д̇иаад̣̇иважанам̣ авожа. д̇ад̇т̇а ажжаяод̇и абараад̇хо. мам̣ ажжаг̇амаад̇и мам̣ ад̇иггамма абхибхавид̇ваа бавад̇д̇о. бадиг̇г̇ан̣хаад̇ууд̇и камад̇у. ааяад̇им̣ сам̣варааяаад̇и анааг̇ад̇з сам̣варан̣ад̇т̇ааяа, буна зваруубасса абараад̇хасса д̣̇осасса калид̇асса агаран̣ад̇т̇ааяа. д̇аг̇гхаад̇и згам̣сзна. самаяоби ко д̇з, бхад̣̇д̣̇аалийд̇и, бхад̣̇д̣̇аали, д̇аяаа бадивиж̇жхид̇аб̣б̣аяуд̇д̇агам̣ згам̣ гааран̣ам̣ ад̇т̇и, д̇амби д̇з на бадивид̣̇д̇хам̣ на саллагкид̇анд̇и д̣̇ассзд̇и.
Etadavocāti appatirūpaṃ mayā kataṃ, bhagavā pana mahantepi aguṇe alaggitvā mayhaṃ accayaṃ paṭiggaṇhissatīti maññamāno etaṃ ‘‘accayo maṃ, bhante,’’tiādivacanaṃ avoca. Tattha accayoti aparādho. Maṃ accagamāti maṃ atikkamma abhibhavitvā pavatto. Paṭiggaṇhātūti khamatu. Āyatiṃ saṃvarāyāti anāgate saṃvaraṇatthāya, puna evarūpassa aparādhassa dosassa khalitassa akaraṇatthāya. Tagghāti ekaṃsena. Samayopi kho te, bhaddālīti, bhaddāli, tayā paṭivijjhitabbayuttakaṃ ekaṃ kāraṇaṃ atthi, tampi te na paṭividdhaṃ na sallakkhitanti dasseti.
136. убхад̇обхааг̇авимуд̇д̇од̇иаад̣̇ийсу д̇хаммаанусаарий, сад̣̇д̇хаанусаарийд̇и д̣̇вз згажид̇д̇агкан̣игаа маг̇г̇асаман̇г̇ибуг̇г̇алаа. зд̇з бана сад̇д̇аби арияабуг̇г̇алз бхаг̇авад̇ааби звам̣ аан̣аабзд̇ум̣ на яуд̇д̇ам̣, бхаг̇авад̇аа аан̣ад̇д̇з д̇зсамби звам̣ гаад̇ум̣ на яуд̇д̇ам̣. адтаанабаригаббавасзна бана арияабуг̇г̇алаанам̣ суважабхаавад̣̇ассанад̇т̇ам̣ бхад̣̇д̣̇аалид̇т̇зрасса жа д̣̇уб̣б̣ажабхаавад̣̇ассанад̇т̇амзд̇ам̣ вуд̇д̇ам̣.
136.Ubhatobhāgavimuttotiādīsu dhammānusārī, saddhānusārīti dve ekacittakkhaṇikā maggasamaṅgipuggalā. Ete pana sattapi ariyapuggale bhagavatāpi evaṃ āṇāpetuṃ na yuttaṃ, bhagavatā āṇatte tesampi evaṃ kātuṃ na yuttaṃ. Aṭṭhānaparikappavasena pana ariyapuggalānaṃ suvacabhāvadassanatthaṃ bhaddālittherassa ca dubbacabhāvadassanatthametaṃ vuttaṃ.
аби ну д̇вам̣ д̇асмим̣ самаяз убхад̇обхааг̇авимуд̇д̇од̇и д̣̇зсанам̣ гасмаа аарабхи? бхад̣̇д̣̇аалисса ниг̇г̇ахан̣ад̇т̇ам̣. аяан̃хзд̇т̇а ад̇хиббааяо – бхад̣̇д̣̇аали, имз сад̇д̇а арияабуг̇г̇алаа логз д̣̇агкин̣зяяаа мама саасанз саамино, маяи сигкаабад̣̇ам̣ бан̃н̃абзнд̇з бадиб̣аахид̇аб̣б̣аяуд̇д̇з гааран̣з сад̇и зд̇зсам̣ бадиб̣аахид̇ум̣ яуд̇д̇ам̣. д̇вам̣ бана мама саасанад̇о б̣аахираго, маяи сигкаабад̣̇ам̣ бан̃н̃абзнд̇з д̇уяхам̣ бадиб̣аахид̇ум̣ на яуд̇д̇анд̇и.
Api nu tvaṃ tasmiṃ samaye ubhatobhāgavimuttoti desanaṃ kasmā ārabhi? Bhaddālissa niggahaṇatthaṃ. Ayañhettha adhippāyo – bhaddāli, ime satta ariyapuggalā loke dakkhiṇeyyā mama sāsane sāmino, mayi sikkhāpadaṃ paññapente paṭibāhitabbayutte kāraṇe sati etesaṃ paṭibāhituṃ yuttaṃ. Tvaṃ pana mama sāsanato bāhirako, mayi sikkhāpadaṃ paññapente tuyhaṃ paṭibāhituṃ na yuttanti.
рид̇д̇о д̇ужчод̇и анд̇о арияаг̇ун̣аанам̣ абхаавзна рид̇д̇аго д̇ужчаго, иссараважанз гин̃жи на ход̇и. яат̇аад̇хаммам̣ бадигаросийд̇и яат̇аа д̇хаммо тид̇о, д̇ат̇зва гароси, камаабзсийд̇и вуд̇д̇ам̣ ход̇и. д̇ам̣ д̇з маяам̣ бадиг̇г̇ан̣хаамаад̇и д̇ам̣ д̇ава абараад̇хам̣ маяам̣ камаама. вуд̣дхи хзсаа, бхад̣̇д̣̇аали, арияасса винаязд̇и зсаа, бхад̣̇д̣̇аали, арияасса винаяз б̣уд̣̇д̇хасса бхаг̇авад̇о саасанз вуд̣дхи наама. гад̇амаа? ажжаяам̣ ажжаяад̇о д̣̇исваа яат̇аад̇хаммам̣ бадигарид̇ваа ааяад̇им̣ сам̣вараабаж̇ж̇анаа. д̣̇зсанам̣ бана буг̇г̇алаад̇хидтаанам̣ гаронд̇о ‘‘яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇им̣ сам̣варам̣ аабаж̇ж̇ад̇ий’’д̇и ааха.
Ritto tucchoti anto ariyaguṇānaṃ abhāvena rittako tucchako, issaravacane kiñci na hoti. Yathādhammaṃ paṭikarosīti yathā dhammo ṭhito, tatheva karosi, khamāpesīti vuttaṃ hoti. Taṃ te mayaṃ paṭiggaṇhāmāti taṃ tava aparādhaṃ mayaṃ khamāma. Vuḍḍhi hesā, bhaddāli, ariyassa vinayeti esā, bhaddāli, ariyassa vinaye buddhassa bhagavato sāsane vuḍḍhi nāma. Katamā? Accayaṃ accayato disvā yathādhammaṃ paṭikaritvā āyatiṃ saṃvarāpajjanā. Desanaṃ pana puggalādhiṭṭhānaṃ karonto ‘‘yo accayaṃ accayato disvā yathādhammaṃ paṭikaroti, āyatiṃ saṃvaraṃ āpajjatī’’ti āha.
137. сад̇т̇ааби убавад̣̇ад̇ийд̇и ‘‘асугавихаараваасий асугасса т̇зрасса сад̣̇д̇хивихаариго асугасса анд̇зваасиго ид̇т̇аннаамо наама бхигку логуд̇д̇арад̇хаммам̣ ниб̣б̣ад̇д̇зд̇ум̣ аран̃н̃ам̣ бавидто’’д̇и суд̇ваа – ‘‘гим̣ д̇асса аран̃н̃аваасзна, яо маяхам̣ бана саасанз сигкааяа абарибуурагаарий’’д̇и звам̣ убавад̣̇ад̇и, сзсабад̣̇зсуби зсзва наяо, абижзд̇т̇а д̣̇звад̇аа на гзвалам̣ убавад̣̇анд̇и, бхзраваарамман̣ам̣ д̣̇ассзд̇ваа балааяанаагаарамби гаронд̇и. ад̇д̇анааби ад̇д̇аананд̇и сийлам̣ ааваж̇ж̇анд̇асса сам̣гилидтадтаанам̣ баагадам̣ ход̇и, жид̇д̇ам̣ вид̇хаавад̇и, на гаммадтаанам̣ аллийяад̇и. со ‘‘гим̣ маад̣̇исасса аран̃н̃аваасзнаа’’д̇и виббадисаарий удтааяа баггамад̇и. ад̇д̇ааби ад̇д̇аанам̣ убавад̣̇ид̇од̇и ад̇д̇анааби ад̇д̇аа убавад̣̇ид̇о, аяамзва ваа баато. суггабагко вуд̇д̇абажжанийганаязна взд̣̇ид̇аб̣б̣о. со вивижжзва гаамзхийд̇иаад̣̇и звам̣ сажчигарод̇ийд̇и д̣̇ассанад̇т̇ам̣ вуд̇д̇ам̣.
137.Satthāpiupavadatīti ‘‘asukavihāravāsī asukassa therassa saddhivihāriko asukassa antevāsiko itthannāmo nāma bhikkhu lokuttaradhammaṃ nibbattetuṃ araññaṃ paviṭṭho’’ti sutvā – ‘‘kiṃ tassa araññavāsena, yo mayhaṃ pana sāsane sikkhāya aparipūrakārī’’ti evaṃ upavadati, sesapadesupi eseva nayo, apicettha devatā na kevalaṃ upavadanti, bheravārammaṇaṃ dassetvā palāyanākārampi karonti. Attanāpi attānanti sīlaṃ āvajjantassa saṃkiliṭṭhaṭṭhānaṃ pākaṭaṃ hoti, cittaṃ vidhāvati, na kammaṭṭhānaṃ allīyati. So ‘‘kiṃ mādisassa araññavāsenā’’ti vippaṭisārī uṭṭhāya pakkamati. Attāpi attānaṃ upavaditoti attanāpi attā upavadito, ayameva vā pāṭho. Sukkapakkho vuttapaccanīkanayena veditabbo. Sovivicceva kāmehītiādi evaṃ sacchikarotīti dassanatthaṃ vuttaṃ.
140. басаяха басаяха гааран̣ам̣ гаронд̇ийд̇и аббамад̇д̇агзби д̣̇осз ниг̇г̇ахзд̇ваа бунаббунам̣ гаарзнд̇и. но д̇ат̇аад̇и маханд̇зби абараад̇хз яат̇аа ид̇арам̣, звам̣ басаяха на гаарзнд̇и. со гира, ‘‘аавусо, бхад̣̇д̣̇аали, маа жинд̇аяид̇т̇а, зваруубам̣ наама ход̇и, зхи сад̇т̇аарам̣ камаабзхий’’д̇и бхигкусан̇гхад̇оби, ган̃жи бхигкум̣ бзсзд̇ваа ад̇д̇ано санд̇игам̣ баггосаабзд̇ваа, ‘‘бхад̣̇д̣̇аали, маа жинд̇аяид̇т̇а, зваруубам̣ наама ход̇ий’’д̇и звам̣ сад̇т̇усанд̇игааби ануг̇г̇ахам̣ бажжаасийсад̇и. д̇ад̇о ‘‘бхигкусан̇гхзнааби на самассаасид̇о, сад̇т̇аараабий’’д̇и жинд̇зд̇ваа звамааха.
140.Pasayha pasayha kāraṇaṃ karontīti appamattakepi dose niggahetvā punappunaṃ kārenti. No tathāti mahantepi aparādhe yathā itaraṃ, evaṃ pasayha na kārenti. So kira, ‘‘āvuso, bhaddāli, mā cintayittha, evarūpaṃ nāma hoti, ehi satthāraṃ khamāpehī’’ti bhikkhusaṅghatopi, kañci bhikkhuṃ pesetvā attano santikaṃ pakkosāpetvā, ‘‘bhaddāli, mā cintayittha, evarūpaṃ nāma hotī’’ti evaṃ satthusantikāpi anuggahaṃ paccāsīsati. Tato ‘‘bhikkhusaṅghenāpi na samassāsito, satthārāpī’’ti cintetvā evamāha.
ат̇а бхаг̇аваа бхигкусан̇гхоби сад̇т̇ааби овад̣̇ид̇аб̣б̣аяуд̇д̇амзва овад̣̇ад̇и, на ид̇аранд̇и д̣̇ассзд̇ум̣ ид̇ха, бхад̣̇д̣̇аали, згажжод̇иаад̣̇имааха. д̇ад̇т̇а ан̃н̃знаан̃н̃анд̇иаад̣̇ийни анумаанасуд̇д̇з вид̇т̇аарид̇аани. на саммаа вад̇д̇ад̇ийд̇и саммаа вад̇д̇амби на вад̇д̇ад̇и. на ломам̣ баад̇зд̇ийд̇и ануломавад̇д̇з на вад̇д̇ад̇и, виломамзва г̇ан̣хаад̇и. на нид̇т̇аарам̣ вад̇д̇ад̇ийд̇и нид̇т̇ааран̣агавад̇д̇амхи на вад̇д̇ад̇и, аабад̇д̇ивудтаанад̇т̇ам̣ д̇урид̇ад̇урид̇о чанд̣̇аж̇аад̇о на ход̇и. д̇ад̇раад̇и д̇асмим̣ д̇асса д̣̇уб̣б̣ажагаран̣з. абхин̣хаабад̇д̇игод̇и ниранд̇араабад̇д̇иго. аабад̇д̇иб̣ахулод̇и саабад̇д̇игагааловасса б̣аху, суд̣̇д̇хо нираабад̇д̇игагаало аббод̇и ад̇т̇о. на киббамзва вуубасаммад̇ийд̇и киббам̣ на вуубасаммад̇и, д̣̇ийгхасуд̇д̇ам̣ ход̇и. винаяад̇хараа баад̣̇ад̇хованагаалз ааг̇ад̇ам̣ ‘‘г̇ажчаавусо, вад̇д̇авзлаа’’д̇и вад̣̇анд̇и. буна гаалам̣ ман̃н̃ид̇ваа ааг̇ад̇ам̣ ‘‘г̇ажчаавусо, д̇уяхам̣ вихааравзлаа, г̇ажчаавусо, сааман̣зраад̣̇ийнам̣ уд̣̇д̣̇зсад̣̇аанавзлаа, амхаагам̣ нхаанавзлаа, т̇зруубадтаанавзлаа, мукад̇хованавзлаа’’д̇иаад̣̇ийни вад̇ваа д̣̇ивасабхааг̇зби рад̇д̇ибхааг̇зби ааг̇ад̇ам̣ уяяож̇знд̇иязва. ‘‘гааяа взлааяа, бханд̇з, огаасо бхависсад̇ий’’д̇и вуд̇д̇зби ‘‘г̇ажчаавусо, д̇вам̣ имамзва таанам̣ ж̇аанааси, асуго наама винаяад̇харад̇т̇зро синзхабаанам̣ бивад̇и, асуго вирзжанам̣ гаарзд̇и, гасмаа д̇урид̇осий’’д̇иаад̣̇ийни вад̇ваа д̣̇ийгхасуд̇д̇амзва гаронд̇и.
Atha bhagavā bhikkhusaṅghopi satthāpi ovaditabbayuttameva ovadati, na itaranti dassetuṃ idha, bhaddāli, ekaccotiādimāha. Tattha aññenāññantiādīni anumānasutte vitthāritāni. Na sammā vattatīti sammā vattampi na vattati. Na lomaṃ pātetīti anulomavatte na vattati, vilomameva gaṇhāti. Na nitthāraṃ vattatīti nitthāraṇakavattamhi na vattati, āpattivuṭṭhānatthaṃ turitaturito chandajāto na hoti. Tatrāti tasmiṃ tassa dubbacakaraṇe. Abhiṇhāpattikoti nirantarāpattiko. Āpattibahuloti sāpattikakālovassa bahu, suddho nirāpattikakālo appoti attho. Na khippameva vūpasammatīti khippaṃ na vūpasammati, dīghasuttaṃ hoti. Vinayadharā pādadhovanakāle āgataṃ ‘‘gacchāvuso, vattavelā’’ti vadanti. Puna kālaṃ maññitvā āgataṃ ‘‘gacchāvuso, tuyhaṃ vihāravelā, gacchāvuso, sāmaṇerādīnaṃ uddesadānavelā, amhākaṃ nhānavelā, therūpaṭṭhānavelā, mukhadhovanavelā’’tiādīni vatvā divasabhāgepi rattibhāgepi āgataṃ uyyojentiyeva. ‘‘Kāya velāya, bhante, okāso bhavissatī’’ti vuttepi ‘‘gacchāvuso, tvaṃ imameva ṭhānaṃ jānāsi, asuko nāma vinayadharatthero sinehapānaṃ pivati, asuko virecanaṃ kāreti, kasmā turitosī’’tiādīni vatvā dīghasuttameva karonti.
141. киббамзва вуубасаммад̇ийд̇и лахум̣ вуубасаммад̇и, на д̣̇ийгхасуд̇д̇ам̣ ход̇и. уссуггаабаннаа бхигкуу – ‘‘аавусо, аяам̣ суб̣б̣ажо бхигку, ж̇анабад̣̇аваасино наама г̇ааманд̇асзнаасанз васанадтаананисаж̇ж̇анаад̣̇ийни на паасугаани хонд̇и, бхигкаажаароби д̣̇угко ход̇и, сийгхамасса ад̇хигаран̣ам̣ вуубасамзмаа’’д̇и саннибад̇ид̇ваа аабад̇д̇ид̇о вудтаабзд̇ваа суд̣̇д̇ханд̇з бад̇идтаабзнд̇и.
141.Khippameva vūpasammatīti lahuṃ vūpasammati, na dīghasuttaṃ hoti. Ussukkāpannā bhikkhū – ‘‘āvuso, ayaṃ subbaco bhikkhu, janapadavāsino nāma gāmantasenāsane vasanaṭṭhānanisajjanādīni na phāsukāni honti, bhikkhācāropi dukkho hoti, sīghamassa adhikaraṇaṃ vūpasamemā’’ti sannipatitvā āpattito vuṭṭhāpetvā suddhante patiṭṭhāpenti.
142. ад̇хижжаабад̇д̇игод̇и гад̣̇аажи гад̣̇аажи аабад̇д̇им̣ аабаж̇ж̇ад̇и. со гин̃жааби лаж̇ж̇ий ход̇и багад̇ад̇д̇о, д̣̇уб̣б̣ажад̇д̇аа банасса бхигкуу д̇ат̇зва бадибаж̇ж̇анд̇и.
142.Adhiccāpattikoti kadāci kadāci āpattiṃ āpajjati. So kiñcāpi lajjī hoti pakatatto, dubbacattā panassa bhikkhū tatheva paṭipajjanti.
144. сад̣̇д̇хаамад̇д̇агзна вахад̇и бзмамад̇д̇агзнаад̇и аажарияубаж̇жхааязсу аббамад̇д̇игааяа г̇зхассид̇асад̣̇д̇хааяа аббамад̇д̇агзна г̇зхассид̇абзмзна яаабзд̇и. бадисанд̇хиг̇г̇ахан̣асад̣̇исаа хи аяам̣ баб̣б̣аж̇ж̇аа наама, навабаб̣б̣аж̇ид̇о баб̣б̣аж̇ж̇ааяа г̇ун̣ам̣ аж̇аананд̇о аажарияубаж̇жхааязсу бзмамад̇д̇зна яаабзд̇и, д̇асмаа зваруубаа сан̇г̇ан̣хид̇аб̣б̣аа. аббамад̇д̇агамби хи сан̇г̇ахам̣ лабхид̇ваа баб̣б̣аж̇ж̇ааяа тид̇аа абхин̃н̃аабад̇д̇аа махаасаман̣аа бхависсанд̇и. зд̇д̇агзна гат̇аамаг̇г̇зна ‘‘овад̣̇ид̇аб̣б̣аяуд̇д̇агам̣ овад̣̇анд̇и, на ид̇ара’’нд̇и имамзва бхаг̇авад̇аа д̣̇ассид̇ам̣.
144.Saddhāmattakena vahati pemamattakenāti ācariyupajjhāyesu appamattikāya gehassitasaddhāya appamattakena gehassitapemena yāpeti. Paṭisandhiggahaṇasadisā hi ayaṃ pabbajjā nāma, navapabbajito pabbajjāya guṇaṃ ajānanto ācariyupajjhāyesu pemamattena yāpeti, tasmā evarūpā saṅgaṇhitabbā. Appamattakampi hi saṅgahaṃ labhitvā pabbajjāya ṭhitā abhiññāpattā mahāsamaṇā bhavissanti. Ettakena kathāmaggena ‘‘ovaditabbayuttakaṃ ovadanti, na itara’’nti imameva bhagavatā dassitaṃ.
145. ан̃н̃ааяа сан̣тахим̣сууд̇и арахад̇д̇з бад̇идтахим̣су. сад̇д̇зсу хааяамаанзсууд̇и бадибад̇д̇ияаа хааяамаанааяа сад̇д̇аа хааяанд̇и наама. сад̣̇д̇хаммз анд̇арад̇хааяамаанзд̇и бадибад̇д̇исад̣̇д̇хаммз анд̇арад̇хааяамаанз. бадибад̇д̇исад̣̇д̇хаммоби хи бадибад̇д̇ибуурагзсу сад̇д̇зсу асад̇и анд̇арад̇хааяад̇и наама . аасавадтаанийяаад̇и аасаваа д̇идтанд̇и зд̇зсууд̇и аасавадтаанийяаа. язсу д̣̇идтад̇хаммигасамбарааяигаа баруубаваад̣̇авиббадисааравад̇хаб̣анд̇ханаад̣̇аяо жзва абааяад̣̇угкависзсабхууд̇аа жа аасаваа д̇идтанд̇иязва. яасмаа нзсам̣ д̇з гааран̣ам̣ хонд̇ийд̇и ад̇т̇о. д̇з аасавадтаанийяаа вийд̇иггамад̇хаммаа яаава на сан̇гхз баад̇убхаванд̇и, на д̇аава сад̇т̇аа саавагаанам̣ сигкаабад̣̇ам̣ бан̃н̃абзд̇ийд̇и аяамзд̇т̇а яож̇анаа.
145.Aññāyasaṇṭhahiṃsūti arahatte patiṭṭhahiṃsu. Sattesu hāyamānesūti paṭipattiyā hāyamānāya sattā hāyanti nāma. Saddhamme antaradhāyamāneti paṭipattisaddhamme antaradhāyamāne. Paṭipattisaddhammopi hi paṭipattipūrakesu sattesu asati antaradhāyati nāma . Āsavaṭṭhānīyāti āsavā tiṭṭhanti etesūti āsavaṭṭhānīyā. Yesu diṭṭhadhammikasamparāyikā parūpavādavippaṭisāravadhabandhanādayo ceva apāyadukkhavisesabhūtā ca āsavā tiṭṭhantiyeva. Yasmā nesaṃ te kāraṇaṃ hontīti attho. Te āsavaṭṭhānīyā vītikkamadhammā yāva na saṅghe pātubhavanti, na tāva satthā sāvakānaṃ sikkhāpadaṃ paññapetīti ayamettha yojanā.
звам̣ агаалам̣ д̣̇ассзд̇ваа буна гаалам̣ д̣̇ассзд̇ум̣ яад̇о жа ко, бхад̣̇д̣̇аалийд̇иаад̣̇имааха. д̇ад̇т̇а яад̇од̇и яад̣̇аа, яасмим̣ гаалзд̇и вуд̇д̇ам̣ ход̇и. сзсам̣ вуд̇д̇аанусаарзнзва взд̣̇ид̇аб̣б̣ам̣. аяам̣ ваа зд̇т̇а сан̇кзбад̇т̇о – яасмим̣ гаалз аасавадтаанийяаа д̇хаммаад̇и сан̇кам̣ г̇ад̇аа вийд̇иггамад̣̇осаа сан̇гхз баад̇убхаванд̇и, д̇ад̣̇аа сад̇т̇аа саавагаанам̣ сигкаабад̣̇ам̣ бан̃н̃абзд̇и. гасмаа? д̇зсам̣язва аасавадтаанийяад̇хаммасан̇каад̇аанам̣ вийд̇иггамад̣̇осаанам̣ бадигхаад̇ааяа.
Evaṃ akālaṃ dassetvā puna kālaṃ dassetuṃ yato ca kho, bhaddālītiādimāha. Tattha yatoti yadā, yasmiṃ kāleti vuttaṃ hoti. Sesaṃ vuttānusāreneva veditabbaṃ. Ayaṃ vā ettha saṅkhepattho – yasmiṃ kāle āsavaṭṭhānīyā dhammāti saṅkhaṃ gatā vītikkamadosā saṅghe pātubhavanti, tadā satthā sāvakānaṃ sikkhāpadaṃ paññapeti. Kasmā? Tesaṃyeva āsavaṭṭhānīyadhammasaṅkhātānaṃ vītikkamadosānaṃ paṭighātāya.
звам̣ аасавадтаанийяаанам̣ д̇хаммаанам̣ ануббад̇д̇им̣ сигкаабад̣̇абан̃н̃ад̇д̇ияаа агаалам̣, уббад̇д̇ин̃жа гааланд̇и вад̇ваа ид̣̇аани д̇зсам̣ д̇хаммаанам̣ ануббад̇д̇игаалан̃жа уббад̇д̇игаалан̃жа д̣̇ассзд̇ум̣ ‘‘на д̇аава, бхад̣̇д̣̇аали, ид̇хзгажжз’’д̇иаад̣̇имааха. д̇ад̇т̇а махад̇д̇анд̇и маханд̇абхаавам̣. сан̇гхо хи яаава на т̇зранавамаж̇жхимаанам̣ васзна махад̇д̇ам̣ бад̇д̇о ход̇и, д̇аава сзнаасанаани бахонд̇и, саасанз згажжз аасавадтаанийяаа д̇хаммаа на уббаж̇ж̇анд̇и. махад̇д̇ам̣ бад̇д̇з бана д̇з уббаж̇ж̇анд̇и, ат̇а сад̇т̇аа сигкаабад̣̇ам̣ бан̃н̃абзд̇и. д̇ад̇т̇а махад̇д̇ам̣ бад̇д̇з сан̇гхз бан̃н̃ад̇д̇асигкаабад̣̇аани –
Evaṃ āsavaṭṭhānīyānaṃ dhammānaṃ anuppattiṃ sikkhāpadapaññattiyā akālaṃ, uppattiñca kālanti vatvā idāni tesaṃ dhammānaṃ anuppattikālañca uppattikālañca dassetuṃ ‘‘na tāva, bhaddāli, idhekacce’’tiādimāha. Tattha mahattanti mahantabhāvaṃ. Saṅgho hi yāva na theranavamajjhimānaṃ vasena mahattaṃ patto hoti, tāva senāsanāni pahonti, sāsane ekacce āsavaṭṭhānīyā dhammā na uppajjanti. Mahattaṃ patte pana te uppajjanti, atha satthā sikkhāpadaṃ paññapeti. Tattha mahattaṃ patte saṅghe paññattasikkhāpadāni –
‘‘яо бана бхигку анубасамбаннзна уд̇д̇арид̣̇вирад̇д̇ад̇ирад̇д̇ам̣ сахасзяяам̣ габбзяяа баажид̇д̇ияам̣ (баажи. 51). яаа бана бхигкуний анувассам̣ вудтаабзяяа баажид̇д̇ияам̣ (баажи. 1171). яаа бана бхигкуний згавассам̣ д̣̇вз вудтаабзяяа баажид̇д̇ияа’’нд̇и (баажи. 1175).
‘‘Yo pana bhikkhu anupasampannena uttaridvirattatirattaṃ sahaseyyaṃ kappeyya pācittiyaṃ (pāci. 51). Yā pana bhikkhunī anuvassaṃ vuṭṭhāpeyya pācittiyaṃ (pāci. 1171). Yā pana bhikkhunī ekavassaṃ dve vuṭṭhāpeyya pācittiya’’nti (pāci. 1175).
иминаа наязна взд̣̇ид̇аб̣б̣аани.
Iminā nayena veditabbāni.
лаабхаг̇г̇анд̇и лаабхасса аг̇г̇ам̣. сан̇гхо хи яаава на лаабхаг̇г̇абад̇д̇о ход̇и, на д̇аава лаабхам̣ бадижжа аасавадтаанийяаа д̇хаммаа уббаж̇ж̇анд̇и. бад̇д̇з бана уббаж̇ж̇анд̇и, ат̇а сад̇т̇аа сигкаабад̣̇ам̣ бан̃н̃абзд̇и –
Lābhagganti lābhassa aggaṃ. Saṅgho hi yāva na lābhaggapatto hoti, na tāva lābhaṃ paṭicca āsavaṭṭhānīyā dhammā uppajjanti. Patte pana uppajjanti, atha satthā sikkhāpadaṃ paññapeti –
‘‘яо бана бхигку ажзлагасса ваа бариб̣б̣ааж̇агасса ваа бариб̣б̣ааж̇игааяа ваа сахад̇т̇аа каад̣̇анийяам̣ ваа бхож̇анийяам̣ ваа д̣̇ад̣̇зяяа баажид̇д̇ияа’’нд̇и (баажи. 270).
‘‘Yo pana bhikkhu acelakassa vā paribbājakassa vā paribbājikāya vā sahatthā khādanīyaṃ vā bhojanīyaṃ vā dadeyya pācittiya’’nti (pāci. 270).
ид̣̇ан̃хи лаабхаг̇г̇абад̇д̇з сан̇гхз сигкаабад̣̇ам̣ бан̃н̃ад̇д̇ам̣.
Idañhi lābhaggapatte saṅghe sikkhāpadaṃ paññattaṃ.
яасаг̇г̇анд̇и яасасса аг̇г̇ам̣. сан̇гхо хи яаава на яасаг̇г̇абад̇д̇о ход̇и, на д̇аава яасам̣ бадижжа аасавадтаанийяаа д̇хаммаа уббаж̇ж̇анд̇и. бад̇д̇з бана уббаж̇ж̇анд̇и, ат̇а сад̇т̇аа сигкаабад̣̇ам̣ бан̃н̃абзд̇и ‘‘сураамзраяабаанз баажид̇д̇ияа’’нд̇и (баажи. 327). ид̣̇ан̃хи яасаг̇г̇абад̇д̇з сан̇гхз сигкаабад̣̇ам̣ бан̃н̃ад̇д̇ам̣.
Yasagganti yasassa aggaṃ. Saṅgho hi yāva na yasaggapatto hoti, na tāva yasaṃ paṭicca āsavaṭṭhānīyā dhammā uppajjanti. Patte pana uppajjanti, atha satthā sikkhāpadaṃ paññapeti ‘‘surāmerayapāne pācittiya’’nti (pāci. 327). Idañhi yasaggapatte saṅghe sikkhāpadaṃ paññattaṃ.
б̣аахусажжанд̇и б̣ахуссуд̇абхаавам̣. сан̇гхо хи яаава на б̣аахусажжабад̇д̇о ход̇и, на д̇аава аасавадтаанийяаа д̇хаммаа уббаж̇ж̇анд̇и. б̣аахусажжабад̇д̇з бана яасмаа згам̣ нигааяам̣ д̣̇вз нигааяз бан̃жаби нигааяз уг̇г̇ахзд̇ваа аяонисо уммуж̇ж̇амаанаа буг̇г̇алаа расзна расам̣ сам̣санд̣̇зд̇ваа уд̣̇д̇хаммам̣ уб̣б̣инаяам̣ сад̇т̇у саасанам̣ д̣̇ийбзнд̇и, ат̇а сад̇т̇аа – ‘‘яо бана бхигку звам̣ вад̣̇зяяа д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами (баажи. 418)…бз… саман̣уд̣̇д̣̇зсоби жз звам̣ вад̣̇зяяаа’’д̇иаад̣̇инаа (баажи. 429) наязна сигкаабад̣̇ам̣ бан̃н̃абзд̇и.
Bāhusaccanti bahussutabhāvaṃ. Saṅgho hi yāva na bāhusaccapatto hoti, na tāva āsavaṭṭhānīyā dhammā uppajjanti. Bāhusaccapatte pana yasmā ekaṃ nikāyaṃ dve nikāye pañcapi nikāye uggahetvā ayoniso ummujjamānā puggalā rasena rasaṃ saṃsandetvā uddhammaṃ ubbinayaṃ satthu sāsanaṃ dīpenti, atha satthā – ‘‘yo pana bhikkhu evaṃ vadeyya tathāhaṃ bhagavatā dhammaṃ desitaṃ ājānāmi (pāci. 418)…pe… samaṇuddesopi ce evaṃ vadeyyā’’tiādinā (pāci. 429) nayena sikkhāpadaṃ paññapeti.
рад̇д̇ан̃н̃уд̇ам̣ бад̇д̇од̇и зд̇т̇а рад̇д̇ияо ж̇аананд̇ийд̇и рад̇д̇ан̃н̃уу. ад̇д̇ано баб̣б̣аж̇ид̇ад̣̇ивасад̇о бадтааяа б̣ахуу рад̇д̇ияо ж̇аананд̇и, жирабаб̣б̣аж̇ид̇аад̇и вуд̇д̇ам̣ ход̇и. рад̇д̇ан̃н̃уунам̣ бхаавам̣ рад̇д̇ан̃н̃уд̇ам̣. д̇ад̇ра рад̇д̇ан̃н̃уд̇ам̣ бад̇д̇з сан̇гхз убасзнам̣ ван̇г̇анд̇абуд̇д̇ам̣ аараб̣бха сигкаабад̣̇ам̣ бан̃н̃ад̇д̇анд̇и взд̣̇ид̇аб̣б̣ам̣. со хааяасмаа уунад̣̇асавассз бхигкуу убасамбаад̣̇знд̇з д̣̇исваа згавассо сад̣̇д̇хивихааригам̣ убасамбаад̣̇зси. ат̇а бхаг̇аваа сигкаабад̣̇ам̣ бан̃н̃абзси – ‘‘на, бхигкавз, уунад̣̇асавассзна убасамбаад̣̇зд̇аб̣б̣о, яо убасамбаад̣̇зяяа аабад̇д̇и д̣̇уггадассаа’’д̇и (махаава. 75). звам̣ бан̃н̃ад̇д̇з сигкаабад̣̇з буна бхигкуу ‘‘д̣̇асавассамхаа д̣̇асавассамхаа’’д̇и б̣аалаа аб̣яад̇д̇аа убасамбаад̣̇знд̇и. ат̇а бхаг̇аваа абарамби сигкаабад̣̇ам̣ бан̃н̃абзси – ‘‘на, бхигкавз, б̣аалзна аб̣яад̇д̇зна убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадасса. ануж̇аанаами, бхигкавз, б̣яад̇д̇зна бхигкунаа бадиб̣алзна д̣̇асавассзна ваа ад̇ирзгад̣̇асавассзна ваа убасамбаад̣̇зд̇у’’нд̇и. ид̇и рад̇д̇ан̃н̃уд̇ам̣ бад̇д̇агаалз д̣̇вз сигкаабад̣̇аани бан̃н̃ад̇д̇аани.
Rattaññutaṃ pattoti ettha rattiyo jānantīti rattaññū. Attano pabbajitadivasato paṭṭhāya bahū rattiyo jānanti, cirapabbajitāti vuttaṃ hoti. Rattaññūnaṃ bhāvaṃ rattaññutaṃ. Tatra rattaññutaṃ patte saṅghe upasenaṃ vaṅgantaputtaṃ ārabbha sikkhāpadaṃ paññattanti veditabbaṃ. So hāyasmā ūnadasavasse bhikkhū upasampādente disvā ekavasso saddhivihārikaṃ upasampādesi. Atha bhagavā sikkhāpadaṃ paññapesi – ‘‘na, bhikkhave, ūnadasavassena upasampādetabbo, yo upasampādeyya āpatti dukkaṭassā’’ti (mahāva. 75). Evaṃ paññatte sikkhāpade puna bhikkhū ‘‘dasavassamhā dasavassamhā’’ti bālā abyattā upasampādenti. Atha bhagavā aparampi sikkhāpadaṃ paññapesi – ‘‘na, bhikkhave, bālena abyattena upasampādetabbo, yo upasampādeyya, āpatti dukkaṭassa. Anujānāmi, bhikkhave, byattena bhikkhunā paṭibalena dasavassena vā atirekadasavassena vā upasampādetu’’nti. Iti rattaññutaṃ pattakāle dve sikkhāpadāni paññattāni.
146. ааж̇аанийяасусуубамам̣ д̇хаммабарияааяам̣ д̣̇зсзсинд̇и д̇арун̣ааж̇аанийяаубамам̣ гад̇ваа д̇хаммам̣ д̣̇зсаяим̣. д̇ад̇раад̇и д̇асмим̣ асаран̣з. на ко, бхад̣̇д̣̇аали, зсзва хзд̇ууд̇и на зса сигкааяа абарибуурагаарийбхаавоязва зго хзд̇у.
146.Ājānīyasusūpamaṃdhammapariyāyaṃ desesinti taruṇājānīyaupamaṃ katvā dhammaṃ desayiṃ. Tatrāti tasmiṃ asaraṇe. Na kho, bhaddāli, eseva hetūti na esa sikkhāya aparipūrakārībhāvoyeva eko hetu.
147. мукаад̇хаанз гааран̣ам̣ гаарзд̇ийд̇и калийнаб̣анд̇хаад̣̇ийхи мукадтабанз саад̇хугам̣ г̇ийвам̣ баг̇г̇ан̣хаабзд̇ум̣ гааран̣ам̣ гаарзд̇и. висуугааяид̇аанийд̇иаад̣̇ийхи висзванаажаарам̣ гат̇зси. саб̣б̣аанзва хзд̇аани ан̃н̃аман̃н̃авзважанаани. д̇асмим̣ таанзд̇и д̇асмим̣ висзванаажаарз. бариниб̣б̣ааяад̇ийд̇и ниб̣б̣исзвано ход̇и, д̇ам̣ висзванам̣ ж̇ахад̇ийд̇и ад̇т̇о. яуг̇аад̇хаанзд̇и яуг̇адтабанз яуг̇асса саад̇хугам̣ г̇ахан̣ад̇т̇ам̣.
147.Mukhādhāne kāraṇaṃ kāretīti khalīnabandhādīhi mukhaṭṭhapane sādhukaṃ gīvaṃ paggaṇhāpetuṃ kāraṇaṃ kāreti. Visūkāyitānītiādīhi visevanācāraṃ kathesi. Sabbāneva hetāni aññamaññavevacanāni. Tasmiṃ ṭhāneti tasmiṃ visevanācāre. Parinibbāyatīti nibbisevano hoti, taṃ visevanaṃ jahatīti attho. Yugādhāneti yugaṭṭhapane yugassa sādhukaṃ gahaṇatthaṃ.
ануггамзд̇и жад̇д̇аароби баад̣̇з згаббахаарзнзва угкибанз жа нигкибанз жа. барасзнааяа хи ааваадз тад̇ваа асим̣ г̇ахзд̇ваа ааг̇ажчанд̇асса ассасса баад̣̇з чинд̣̇анд̇и. д̇асмим̣ самаяз зса згаббахаарзнзва жад̇д̇аароби баад̣̇з угкибиссад̇ийд̇и раж̇ж̇уб̣анд̇ханавид̇хаанзна зд̇ам̣ гааран̣ам̣ гаронд̇и. ман̣д̣алзд̇и яат̇аа ассз нисинноязва бхуумияам̣ бад̇ид̇ам̣ аавуд̇хам̣ г̇ахзд̇ум̣ саггод̇и, звам̣ гаран̣ад̇т̇ам̣ ман̣д̣алз гааран̣ам̣ гаарзд̇и. курагаасзд̇и аг̇г̇аг̇г̇акурзхи бат̇авийгаманз. рад̇д̇им̣ огганд̇агаран̣асмин̃хи яат̇аа бад̣̇асад̣̇д̣̇о на суяяад̇и, д̇ад̣̇ад̇т̇ам̣ згасмим̣ таанз сан̃н̃ам̣ д̣̇ад̇ваа аг̇г̇аг̇г̇акурзхиязва г̇аманам̣ сигкаабзнд̇и. д̇ам̣ санд̇хааязд̇ам̣ вуд̇д̇ам̣. ж̇авзд̇и сийгхавааханз. ‘‘д̇хаавз’’д̇иби баато. ад̇д̇ано барааж̇аяз сад̇и балааяанад̇т̇ам̣, барам̣ балааяанд̇ам̣ ануб̣анд̇хид̇ваа г̇ахан̣ад̇т̇ан̃жа зд̇ам̣ гааран̣ам̣ гаарзд̇и. д̣̇авад̇д̇зд̇и д̣̇авад̇д̇ааяа, яуд̣̇д̇хагааласмин̃хи хад̇т̇ийсу ваа гон̃жанаад̣̇ам̣ гаронд̇зсу ассзсу ваа хасанд̇зсу рат̇зсу ваа нигхосанд̇зсу яод̇хзсу ваа уггудтим̣ гаронд̇зсу д̇асса равасса абхааяид̇ваа барасзнабавзсанад̇т̇ам̣ аяам̣ гааран̣аа гарийяад̇и.
Anukkameti cattāropi pāde ekappahāreneva ukkhipane ca nikkhipane ca. Parasenāya hi āvāṭe ṭhatvā asiṃ gahetvā āgacchantassa assassa pāde chindanti. Tasmiṃ samaye esa ekappahāreneva cattāropi pāde ukkhipissatīti rajjubandhanavidhānena etaṃ kāraṇaṃ karonti. Maṇḍaleti yathā asse nisinnoyeva bhūmiyaṃ patitaṃ āvudhaṃ gahetuṃ sakkoti, evaṃ karaṇatthaṃ maṇḍale kāraṇaṃ kāreti. Khurakāseti aggaggakhurehi pathavīkamane. Rattiṃ okkantakaraṇasmiñhi yathā padasaddo na suyyati, tadatthaṃ ekasmiṃ ṭhāne saññaṃ datvā aggaggakhurehiyeva gamanaṃ sikkhāpenti. Taṃ sandhāyetaṃ vuttaṃ. Javeti sīghavāhane. ‘‘Dhāve’’tipi pāṭho. Attano parājaye sati palāyanatthaṃ, paraṃ palāyantaṃ anubandhitvā gahaṇatthañca etaṃ kāraṇaṃ kāreti. Davatteti davattāya, yuddhakālasmiñhi hatthīsu vā koñcanādaṃ karontesu assesu vā hasantesu rathesu vā nighosantesu yodhesu vā ukkuṭṭhiṃ karontesu tassa ravassa abhāyitvā parasenapavesanatthaṃ ayaṃ kāraṇā karīyati.
рааж̇аг̇ун̣зд̇и ран̃н̃аа ж̇аанид̇аб̣б̣аг̇ун̣з. гуудаган̣н̣аран̃н̃о гира г̇ул̣аван̣н̣о наама ассо ахоси. рааж̇аа баажийнад̣̇ваарзна нигкамид̇ваа жзд̇ияабаб̣б̣ад̇ам̣ г̇амиссаамийд̇и галамб̣анад̣̇ийд̇ийрам̣ самбад̇д̇о. ассо д̇ийрз тад̇ваа уд̣̇агам̣ од̇арид̇ум̣ на ижчад̇и, рааж̇аа ассаажарияам̣ ааманд̇зд̇ваа – ‘‘ахо д̇аяаа ассо сигкаабид̇о уд̣̇агам̣ од̇арид̇ум̣ на ижчад̇ий’’д̇и ааха. аажарияо – ‘‘сусигкаабид̇о д̣̇зва ассо, звамасса хи жид̇д̇ам̣ ‘сажаахам̣ уд̣̇агам̣ од̇ариссаами, ваалам̣ д̇змиссад̇и, ваалз д̇инд̇з ран̃н̃о ан̇г̇з уд̣̇агам̣ баад̇зяяаа’д̇и звам̣ д̇умхаагам̣ сарийрз уд̣̇агабаад̇анабхаязна на од̇арад̇и, ваалам̣ г̇ан̣хаабзт̇аа’’д̇и ааха. рааж̇аа д̇ат̇аа гаарзси. ассо взг̇зна од̇арид̇ваа баарам̣ г̇ад̇о. зд̇ад̣̇ад̇т̇ам̣ аяам̣ гааран̣аа гарийяад̇и. рааж̇авам̣сзд̇и ассарааж̇авам̣сз. вам̣со жзсо ассарааж̇аанам̣, д̇ат̇ааруубзна бахаарзна чиннабхиннасарийрааби ассаарохам̣ барасзнааяа абаад̇зд̇ваа б̣ахи нийхаранд̇иязва. зд̇ад̣̇ад̇т̇ам̣ гааран̣ам̣ гаарзд̇ийд̇и ад̇т̇о.
Rājaguṇeti raññā jānitabbaguṇe. Kūṭakaṇṇarañño kira guḷavaṇṇo nāma asso ahosi. Rājā pācīnadvārena nikkhamitvā cetiyapabbataṃ gamissāmīti kalambanadītīraṃ sampatto. Asso tīre ṭhatvā udakaṃ otarituṃ na icchati, rājā assācariyaṃ āmantetvā – ‘‘aho tayā asso sikkhāpito udakaṃ otarituṃ na icchatī’’ti āha. Ācariyo – ‘‘susikkhāpito deva asso, evamassa hi cittaṃ ‘sacāhaṃ udakaṃ otarissāmi, vālaṃ temissati, vāle tinte rañño aṅge udakaṃ pāteyyā’ti evaṃ tumhākaṃ sarīre udakapātanabhayena na otarati, vālaṃ gaṇhāpethā’’ti āha. Rājā tathā kāresi. Asso vegena otaritvā pāraṃ gato. Etadatthaṃ ayaṃ kāraṇā karīyati. Rājavaṃseti assarājavaṃse. Vaṃso ceso assarājānaṃ, tathārūpena pahārena chinnabhinnasarīrāpi assārohaṃ parasenāya apātetvā bahi nīharantiyeva. Etadatthaṃ kāraṇaṃ kāretīti attho.
уд̇д̇амз ж̇авзд̇и ж̇авасамбад̇д̇ияам̣, яат̇аа уд̇д̇амаж̇аво ход̇и, звам̣ гааран̣ам̣ гаарзд̇ийд̇и ад̇т̇о. уд̇д̇амз хаязд̇и уд̇д̇амахаяабхаавз, яат̇аа уд̇д̇амахаяо ход̇и, звам̣ гааран̣ам̣ гаарзд̇ийд̇и ад̇т̇о. д̇ад̇т̇а багад̇ияаа уд̇д̇амахаяова уд̇д̇амахаяагааран̣ам̣ арахад̇и, на ан̃н̃о. уд̇д̇амахаяагааран̣ааяа зва жа хаяо уд̇д̇амаж̇авам̣ бадибаж̇ж̇ад̇и, на ан̃н̃од̇и.
Uttame javeti javasampattiyaṃ, yathā uttamajavo hoti, evaṃ kāraṇaṃ kāretīti attho. Uttame hayeti uttamahayabhāve, yathā uttamahayo hoti, evaṃ kāraṇaṃ kāretīti attho. Tattha pakatiyā uttamahayova uttamahayakāraṇaṃ arahati, na añño. Uttamahayakāraṇāya eva ca hayo uttamajavaṃ paṭipajjati, na aññoti.
д̇ад̇рид̣̇ам̣ вад̇т̇у – зго гира рааж̇аа згам̣ синд̇хавабод̇агам̣ лабхид̇ваа синд̇хавабхаавам̣ аж̇аанид̇ваава имам̣ сигкаабзхийд̇и аажарияасса ад̣̇ааси. аажарияоби д̇асса синд̇хавабхаавам̣ аж̇аананд̇о д̇ам̣ маасакаад̣̇агагходагаанам̣ гааран̣аасу убанзд̇и. со ад̇д̇ано ананужчавигад̇д̇аа гааран̣ам̣ на бадибаж̇ж̇ад̇и. со д̇ам̣ д̣̇амзд̇ум̣ асаггонд̇о ‘‘гуудассо аяам̣ махаарааж̇аа’’д̇и виссаж̇ж̇аабзси.
Tatridaṃ vatthu – eko kira rājā ekaṃ sindhavapotakaṃ labhitvā sindhavabhāvaṃ ajānitvāva imaṃ sikkhāpehīti ācariyassa adāsi. Ācariyopi tassa sindhavabhāvaṃ ajānanto taṃ māsakhādakaghoṭakānaṃ kāraṇāsu upaneti. So attano ananucchavikattā kāraṇaṃ na paṭipajjati. So taṃ dametuṃ asakkonto ‘‘kūṭasso ayaṃ mahārājā’’ti vissajjāpesi.
ат̇згад̣̇ивасам̣ зго ассаажарияабуб̣б̣аго д̣̇ахаро убаж̇жхааяасса бхан̣д̣агам̣ г̇ахзд̇ваа г̇ажчанд̇о д̇ам̣ барикаабидтз жаранд̇ам̣ д̣̇исваа – ‘‘анаг̇гхо, бханд̇з, синд̇хавабод̇аго’’д̇и убаж̇жхааяасса гат̇зси. сажз рааж̇аа ж̇аанзяяа, ман̇г̇алассам̣ нам̣ гарзяяаад̇и. т̇зро ааха – ‘‘мижчаад̣̇идтиго, д̇аад̇а, рааж̇аа аббзва наама б̣уд̣̇д̇хасаасанз басийд̣̇зяяа ран̃н̃о гат̇зхий’’д̇и. со г̇анд̇ваа, – ‘‘махаарааж̇а, анаг̇гхо синд̇хавабод̇аго ад̇т̇ий’’д̇и гат̇зси. д̇аяаа д̣̇идто , д̇аад̇аад̇и? аама, махаарааж̇аад̇и. гим̣ лад̣̇д̇хум̣ ваддад̇ийд̇и? д̇умхаагам̣ бхун̃ж̇анагасуван̣н̣ат̇аалз д̇умхаагам̣ бхун̃ж̇анагабхад̇д̇ам̣ д̇умхаагам̣ биванагарасо д̇умхаагам̣ г̇анд̇хаа д̇умхаагам̣ маалаад̇и. рааж̇аа саб̣б̣ам̣ д̣̇аабзси. д̣̇ахаро г̇аахаабзд̇ваа аг̇амааси.
Athekadivasaṃ eko assācariyapubbako daharo upajjhāyassa bhaṇḍakaṃ gahetvā gacchanto taṃ parikhāpiṭṭhe carantaṃ disvā – ‘‘anaggho, bhante, sindhavapotako’’ti upajjhāyassa kathesi. Sace rājā jāneyya, maṅgalassaṃ naṃ kareyyāti. Thero āha – ‘‘micchādiṭṭhiko, tāta, rājā appeva nāma buddhasāsane pasīdeyya rañño kathehī’’ti. So gantvā, – ‘‘mahārāja, anaggho sindhavapotako atthī’’ti kathesi. Tayā diṭṭho , tātāti? Āma, mahārājāti. Kiṃ laddhuṃ vaṭṭatīti? Tumhākaṃ bhuñjanakasuvaṇṇathāle tumhākaṃ bhuñjanakabhattaṃ tumhākaṃ pivanakaraso tumhākaṃ gandhā tumhākaṃ mālāti. Rājā sabbaṃ dāpesi. Daharo gāhāpetvā agamāsi.
ассо г̇анд̇хам̣ гхааяид̇ваава ‘‘маяхам̣ г̇ун̣аж̇аананагааажарияо ад̇т̇и ман̃н̃з’’д̇и сийсам̣ угкибид̇ваа ологзнд̇о адтааси. д̣̇ахаро г̇анд̇ваа ‘‘бхад̇д̇ам̣ бхун̃ж̇аа’’д̇и ажчарам̣ бахари. ассо ааг̇анд̇ваа суван̣н̣ат̇аалз бхад̇д̇ам̣ бхун̃ж̇и, расам̣ биви. ат̇а нам̣ г̇анд̇хзхи вилимбид̇ваа рааж̇абил̣анд̇ханам̣ бил̣анд̇хид̇ваа ‘‘бурад̇о бурад̇о г̇ажчаа’’д̇и ажчарам̣ бахари. со д̣̇ахарасса бурад̇о бурад̇о г̇анд̇ваа ман̇г̇алассадтаанз адтааси. д̣̇ахаро – ‘‘аяам̣ д̇з, махаарааж̇а, анаг̇гхо синд̇хавабод̇аго, иминаава нам̣ нияаамзна гад̇ибаахам̣ бадиж̇аг̇г̇аабзхий’’д̇и вад̇ваа нигками.
Asso gandhaṃ ghāyitvāva ‘‘mayhaṃ guṇajānanakaācariyo atthi maññe’’ti sīsaṃ ukkhipitvā olokento aṭṭhāsi. Daharo gantvā ‘‘bhattaṃ bhuñjā’’ti accharaṃ pahari. Asso āgantvā suvaṇṇathāle bhattaṃ bhuñji, rasaṃ pivi. Atha naṃ gandhehi vilimpitvā rājapiḷandhanaṃ piḷandhitvā ‘‘purato purato gacchā’’ti accharaṃ pahari. So daharassa purato purato gantvā maṅgalassaṭṭhāne aṭṭhāsi. Daharo – ‘‘ayaṃ te, mahārāja, anaggho sindhavapotako, imināva naṃ niyāmena katipāhaṃ paṭijaggāpehī’’ti vatvā nikkhami.
ат̇а гад̇ибаахасса ажжаязна ааг̇анд̇ваа ассасса аанубхаавам̣ бассиссаси, махаарааж̇аад̇и. саад̇ху аажарияа гухим̣ тад̇ваа бассаамаад̇и? уяяаанам̣ г̇ажча, махаарааж̇аад̇и. рааж̇аа ассам̣ г̇аахаабзд̇ваа аг̇амааси. д̣̇ахаро ажчарам̣ бахарид̇ваа ‘‘зд̇ам̣ ругкам̣ анубарияаахий’’д̇и ассасса сан̃н̃ам̣ ад̣̇ааси. ассо багканд̣̇ид̇ваа ругкам̣ анубариг̇анд̇ваа ааг̇ад̇о. рааж̇аа нзва г̇ажчанд̇ам̣ на ааг̇ажчанд̇ам̣ ад̣̇д̣̇аса. д̣̇идто д̇з, махаарааж̇аад̇и? на д̣̇идто, д̇аад̇аад̇и. валан̃ж̇агад̣̇ан̣д̣ам̣ зд̇ам̣ ругкам̣ ниссааяа табзт̇аад̇и вад̇ваа ажчарам̣ бахари ‘‘валан̃ж̇агад̣̇ан̣д̣ам̣ г̇ахзд̇ваа зхий’’д̇и. ассо багканд̣̇ид̇ваа мукзна г̇ахзд̇ваа ааг̇ад̇о. д̣̇идтам̣, махаарааж̇аад̇и. д̣̇идтам̣, д̇аад̇аад̇и.
Atha katipāhassa accayena āgantvā assassa ānubhāvaṃ passissasi, mahārājāti. Sādhu ācariya kuhiṃ ṭhatvā passāmāti? Uyyānaṃ gaccha, mahārājāti. Rājā assaṃ gāhāpetvā agamāsi. Daharo accharaṃ paharitvā ‘‘etaṃ rukkhaṃ anupariyāhī’’ti assassa saññaṃ adāsi. Asso pakkhanditvā rukkhaṃ anuparigantvā āgato. Rājā neva gacchantaṃ na āgacchantaṃ addasa. Diṭṭho te, mahārājāti? Na diṭṭho, tātāti. Valañjakadaṇḍaṃ etaṃ rukkhaṃ nissāya ṭhapethāti vatvā accharaṃ pahari ‘‘valañjakadaṇḍaṃ gahetvā ehī’’ti. Asso pakkhanditvā mukhena gahetvā āgato. Diṭṭhaṃ, mahārājāti. Diṭṭhaṃ, tātāti.
буна ажчарам̣ бахари ‘‘уяяаанасса баагаарамад̇т̇агзна жарид̇ваа зхий’’д̇и. ассо д̇ат̇аа агааси. д̣̇идто, махаарааж̇аад̇и. на д̣̇идто, д̇аад̇аад̇и. рад̇д̇агамб̣алам̣ аахараабзд̇ваа ассасса баад̣̇з б̣анд̇хаабзд̇ваа д̇ат̇зва сан̃н̃ам̣ ад̣̇ааси. ассо уллан̇гхид̇ваа баагаарамад̇т̇агзна анубарияааяи. б̣алавад̇аа бурисзна аавин̃чанаалаад̇аг̇г̇исикаа вияа уяяаанабаагаарамад̇т̇агз бан̃н̃ааяид̇т̇а. ассо г̇анд̇ваа самийбз тид̇о. д̣̇идтам̣, махаарааж̇аад̇и. д̣̇идтам̣, д̇аад̇аад̇и. ман̇г̇алабогкаран̣ибаагаарамад̇т̇агз анубарияаахийд̇и сан̃н̃ам̣ ад̣̇ааси.
Puna accharaṃ pahari ‘‘uyyānassa pākāramatthakena caritvā ehī’’ti. Asso tathā akāsi. Diṭṭho, mahārājāti. Na diṭṭho, tātāti. Rattakambalaṃ āharāpetvā assassa pāde bandhāpetvā tatheva saññaṃ adāsi. Asso ullaṅghitvā pākāramatthakena anupariyāyi. Balavatā purisena āviñchanaalātaggisikhā viya uyyānapākāramatthake paññāyittha. Asso gantvā samīpe ṭhito. Diṭṭhaṃ, mahārājāti. Diṭṭhaṃ, tātāti. Maṅgalapokkharaṇipākāramatthake anupariyāhīti saññaṃ adāsi.
буна ‘‘богкаран̣им̣ од̇арид̇ваа бад̣̇умабад̇д̇зсу жааригам̣ жараахий’’д̇и сан̃н̃ам̣ ад̣̇ааси. богкаран̣им̣ од̇арид̇ваа саб̣б̣абад̣̇умабад̇д̇з жарид̇ваа аг̇амааси, згам̣ бад̇д̇амби анагганд̇ам̣ ваа паалид̇ам̣ ваа чинд̣̇ид̇ам̣ ваа кан̣д̣ид̇ам̣ ваа наахоси. д̣̇идтам̣, махаарааж̇аад̇и. д̣̇идтам̣, д̇аад̇аад̇и. ажчарам̣ бахарид̇ваа д̇ам̣ хад̇т̇ад̇алам̣ убанаамзси. д̇хаад̇уубад̇т̇ад̣̇д̇хо лан̇гхид̇ваа хад̇т̇ад̇алз адтааси. д̣̇идтам̣, махаарааж̇аад̇и? д̣̇идтам̣, д̇аад̇аад̇и. звам̣ уд̇д̇амахаяо зва уд̇д̇амагааран̣ааяа уд̇д̇амаж̇авам̣ бадибаж̇ж̇ад̇и.
Puna ‘‘pokkharaṇiṃ otaritvā padumapattesu cārikaṃ carāhī’’ti saññaṃ adāsi. Pokkharaṇiṃ otaritvā sabbapadumapatte caritvā agamāsi, ekaṃ pattampi anakkantaṃ vā phālitaṃ vā chinditaṃ vā khaṇḍitaṃ vā nāhosi. Diṭṭhaṃ, mahārājāti. Diṭṭhaṃ, tātāti. Accharaṃ paharitvā taṃ hatthatalaṃ upanāmesi. Dhātūpatthaddho laṅghitvā hatthatale aṭṭhāsi. Diṭṭhaṃ, mahārājāti? Diṭṭhaṃ, tātāti. Evaṃ uttamahayo eva uttamakāraṇāya uttamajavaṃ paṭipajjati.
уд̇д̇амз саакалязд̇и муд̣̇уваажааяа. муд̣̇уваажааяа хи, ‘‘д̇аад̇а, д̇вам̣ маа жинд̇аяи, ран̃н̃о ман̇г̇алассо бхависсаси, рааж̇абхож̇анаад̣̇ийни лабхиссасий’’д̇и уд̇д̇амахаяагааран̣ам̣ гаарзд̇аб̣б̣о. д̇зна вуд̇д̇ам̣ ‘‘уд̇д̇амз саакаляз’’д̇и. рааж̇абхог̇г̇од̇и ран̃н̃о убабхог̇о. ран̃н̃о ан̇г̇анд̇зва сан̇кам̣ г̇ажчад̇ийд̇и яад̇т̇а гад̇т̇ажи г̇ажчанд̇зна хад̇т̇ам̣ вияа баад̣̇ам̣ вияа анохааязва г̇анд̇аб̣б̣ам̣ ход̇и. д̇асмаа ан̇г̇анд̇и сан̇кам̣ г̇ажчад̇и, жад̇уусу ваа сзнан̇г̇зсу згам̣ ан̇г̇ам̣ ход̇и.
Uttame sākhalyeti muduvācāya. Muduvācāya hi, ‘‘tāta, tvaṃ mā cintayi, rañño maṅgalasso bhavissasi, rājabhojanādīni labhissasī’’ti uttamahayakāraṇaṃ kāretabbo. Tena vuttaṃ ‘‘uttame sākhalye’’ti. Rājabhoggoti rañño upabhogo. Rañño aṅganteva saṅkhaṃ gacchatīti yattha katthaci gacchantena hatthaṃ viya pādaṃ viya anohāyeva gantabbaṃ hoti. Tasmā aṅganti saṅkhaṃ gacchati, catūsu vā senaṅgesu ekaṃ aṅgaṃ hoti.
асзкааяа саммаад̣̇идтияаад̇и арахад̇д̇апаласаммаад̣̇идтияаа. саммаасан̇габбаад̣̇аяоби д̇ам̣самбаяуд̇д̇аава. саммаан̃аан̣ам̣ буб̣б̣з вуд̇д̇асаммаад̣̇идтиязва. табзд̇ваа бана адта палан̇г̇аани сзсаа д̇хаммаа вимуд̇д̇ийд̇и взд̣̇ид̇аб̣б̣аа. сзсам̣ саб̣б̣ад̇т̇а уд̇д̇аанамзва. аяам̣ бана д̣̇зсанаа уг̇гхадид̇ан̃н̃уубуг̇г̇аласса васзна арахад̇д̇анигуудам̣ г̇ахзд̇ваа нидтаабид̇аад̇и.
Asekhāya sammādiṭṭhiyāti arahattaphalasammādiṭṭhiyā. Sammāsaṅkappādayopi taṃsampayuttāva. Sammāñāṇaṃ pubbe vuttasammādiṭṭhiyeva. Ṭhapetvā pana aṭṭha phalaṅgāni sesā dhammā vimuttīti veditabbā. Sesaṃ sabbattha uttānameva. Ayaṃ pana desanā ugghaṭitaññūpuggalassa vasena arahattanikūṭaṃ gahetvā niṭṭhāpitāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
бхад̣̇д̣̇аалисуд̇д̇аван̣н̣анаа нидтид̇аа.
Bhaddālisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. бхад̣̇д̣̇аалисуд̇д̇ам̣ • 5. Bhaddālisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. бхад̣̇д̣̇аалисуд̇д̇аван̣н̣анаа • 5. Bhaddālisuttavaṇṇanā
