| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. бхад̣̇д̣̇аалисуд̇д̇аван̣н̣анаа
5. Bhaddālisuttavaṇṇanā
134. асияад̇ийд̇и асанам̣, бхун̃ж̇анам̣ бхож̇анам̣, асанасса бхож̇анам̣ асанабхож̇анам̣, аахаарабарибхог̇о, згасмим̣ гаалз асанабхож̇анам̣ згаасанабхож̇анам̣. со бана гаало саб̣б̣аб̣уд̣̇д̇хаанам̣ саб̣б̣абажжзгаб̣уд̣̇д̇хаанам̣ аажин̣н̣асамаажин̣н̣авасзна буб̣б̣ан̣хо зва ид̇хаад̇хиббзд̇од̇и ааха ‘‘згасмим̣ бурзбхад̇д̇з асанабхож̇ана’’нд̇и. виббадисаарагуггужжанд̇и ‘‘аяуд̇д̇ам̣ вад̇а маяаа гад̇ам̣, яо ад̇д̇ано сарийрабагад̇им̣ аж̇аананд̇о згаасанабхож̇анам̣ бхун̃ж̇и, язна мз ид̣̇ам̣ сарийрам̣ гисам̣ ж̇аад̇ам̣ б̣рахмажарияаануг̇г̇ахо наахосий’’д̇и звам̣ виббадисаарагуггужжам̣ бхавзяяа. зд̇ам̣ санд̇хааяа сад̇т̇аа ааха, на бхад̣̇д̣̇аалимзва д̇аад̣̇исам̣ гирияам̣ ануж̇аананд̇о. ид̇арат̇аад̇и яад̣̇и згам̣язва бхад̇д̇ам̣ д̣̇вид̇хаа гад̇ваа д̇ад̇о згасса бхааг̇асса бхун̃ж̇анам̣ згад̣̇зсабхун̃ж̇анам̣ ад̇хиббзд̇ам̣. го саггод̇ийд̇и го звам̣ яаабзд̇ум̣ саггод̇и. ад̇ийд̇аж̇аад̇ибарижаяоби наама имзсам̣ сад̇д̇аанам̣язва ануб̣анд̇хад̇ийд̇и ааха ‘‘ад̇ийд̇з’’д̇иаад̣̇и. вираванд̇ассзваад̇и анаад̣̇арз саамиважанам̣. д̇ам̣ мад̣̇д̣̇ид̇ваад̇и ‘‘аяам̣ сигкаа саб̣б̣зсамби б̣уд̣̇д̇хаанам̣ саасанз аажин̣н̣ам̣, аяан̃жа бхигку имам̣ сигкад̇зваа’’д̇и вад̇ваа д̇ам̣ бхад̣̇д̣̇аалим̣ д̇асса ваа ануссаахабавзд̣̇анам̣ абхибхавид̇ваа. бхигкаажаараг̇аманад̇т̇ам̣ на вид̇аггамаал̣агам̣ аг̇амааси, вихааражааригам̣ жаранд̇о д̇асса васанадтаанам̣ бхаг̇аваа г̇ажчад̇и.
134. Asiyatīti asanaṃ, bhuñjanaṃ bhojanaṃ, asanassa bhojanaṃ asanabhojanaṃ, āhāraparibhogo, ekasmiṃ kāle asanabhojanaṃ ekāsanabhojanaṃ. So pana kālo sabbabuddhānaṃ sabbapaccekabuddhānaṃ āciṇṇasamāciṇṇavasena pubbaṇho eva idhādhippetoti āha ‘‘ekasmiṃ purebhatte asanabhojana’’nti. Vippaṭisārakukkuccanti ‘‘ayuttaṃ vata mayā kataṃ, yo attano sarīrapakatiṃ ajānanto ekāsanabhojanaṃ bhuñji, yena me idaṃ sarīraṃ kisaṃ jātaṃ brahmacariyānuggaho nāhosī’’ti evaṃ vippaṭisārakukkuccaṃ bhaveyya. Etaṃ sandhāya satthā āha, na bhaddālimeva tādisaṃ kiriyaṃ anujānanto. Itarathāti yadi ekaṃyeva bhattaṃ dvidhā katvā tato ekassa bhāgassa bhuñjanaṃ ekadesabhuñjanaṃ adhippetaṃ. Ko sakkotīti ko evaṃ yāpetuṃ sakkoti. Atītajātiparicayopi nāma imesaṃ sattānaṃyeva anubandhatīti āha ‘‘atīte’’tiādi. Viravantassevāti anādare sāmivacanaṃ. Taṃ madditvāti ‘‘ayaṃ sikkhā sabbesampi buddhānaṃ sāsane āciṇṇaṃ, ayañca bhikkhu imaṃ sikkhatevā’’ti vatvā taṃ bhaddāliṃ tassa vā anussāhapavedanaṃ abhibhavitvā. Bhikkhācāragamanatthaṃ na vitakkamāḷakaṃ agamāsi, vihāracārikaṃ caranto tassa vasanaṭṭhānaṃ bhagavā gacchati.
135. д̣̇уусаяанд̇и г̇араханд̇и зд̇знаад̇и д̣̇осо, абараад̇хо, со зва гужчид̇абхаавзна д̣̇осаго. г̇арахааяа бавад̇д̇идтаанад̇о огаасо. д̇знааха – ‘‘зд̇ам̣ огаасам̣ зд̇ам̣ абараад̇ха’’нд̇и. д̣̇уггарад̇аранд̇и бад̇игааравасзна ад̇исаязна д̣̇уггарам̣. абараад̇хо хи на камаабзнд̇ам̣ яат̇аабажжаяам̣ вид̇т̇аарид̇о худ̇ваа д̣̇уббад̇игааро ход̇и. д̇знааха ‘‘вассан̃хий’’д̇иаад̣̇и.
135. Dūsayanti garahanti etenāti doso, aparādho, so eva kucchitabhāvena dosako. Garahāya pavattiṭṭhānato okāso. Tenāha – ‘‘etaṃ okāsaṃ etaṃ aparādha’’nti. Dukkarataranti patikāravasena atisayena dukkaraṃ. Aparādho hi na khamāpentaṃ yathāpaccayaṃ vitthārito hutvā duppatikāro hoti. Tenāha ‘‘vassañhī’’tiādi.
алаг̇г̇ид̇ваад̇и имамби наама абанийд̇ам̣ агаасийд̇и звам̣ авинзд̇ваа, д̇ам̣ д̇ам̣ д̇асса хид̇абадибад̇д̇им̣ нивааран̣ам̣ гад̇ваад̇и ад̇т̇о. н̃ааяабадибад̇д̇им̣ ад̇ижжа зд̇и бавад̇д̇ад̇ийд̇и ажжаяо, абараад̇хо, бурисзна мад̣̇д̣̇ид̇ваа бавад̇д̇ид̇о абараад̇хо ад̇т̇ад̇о бурисам̣ ад̇ижжа абхибхавид̇ваа бавад̇д̇о наама ход̇и. д̇знааха ‘‘ажжаяо мам̣, бханд̇з, ажжаг̇амаа’’д̇и. авасзсабажжаяаанам̣ самааг̇амз зд̇и палам̣ зд̇асмаа уббаж̇ж̇ад̇и бавад̇д̇ад̇и жаад̇и самаяо, хзд̇у яат̇аа ‘‘самуд̣̇ааяо’’д̇и ааха ‘‘згам̣ гааран̣а’’нд̇и. яам̣ банзд̇т̇а бхад̣̇д̣̇аалид̇т̇зрасса абарибуурагаарид̇ааяа бхигкуаад̣̇ийнам̣ ж̇аананам̣, д̇амби гааран̣ам̣ гад̇ваа ‘‘ахам̣ ко, бханд̇з, на уссахаамий’’д̇иаад̣̇инаа вад̇д̇аб̣б̣анд̇и д̣̇ассзд̇и.
Alaggitvāti imampi nāma apanītaṃ akāsīti evaṃ avinetvā, taṃ taṃ tassa hitapaṭipattiṃ nivāraṇaṃ katvāti attho. Ñāyapaṭipattiṃ aticca eti pavattatīti accayo, aparādho, purisena madditvā pavattito aparādho atthato purisaṃ aticca abhibhavitvā pavatto nāma hoti. Tenāha ‘‘accayo maṃ, bhante, accagamā’’ti. Avasesapaccayānaṃ samāgame eti phalaṃ etasmā uppajjati pavattati cāti samayo, hetu yathā ‘‘samudāyo’’ti āha ‘‘ekaṃ kāraṇa’’nti. Yaṃ panettha bhaddālittherassa aparipūrakāritāya bhikkhuādīnaṃ jānanaṃ, tampi kāraṇaṃ katvā ‘‘ahaṃ kho, bhante, na ussahāmī’’tiādinā vattabbanti dasseti.
136. згажид̇д̇агкан̣игаад̇и батамамаг̇г̇ажид̇д̇агкан̣зна згажид̇д̇агкан̣игаа. звам̣ аан̣аабзд̇ум̣ на яуд̇д̇анд̇и сан̇гамад̇т̇ааяа аан̣аабзд̇ум̣ на яуд̇д̇ам̣ баяож̇анаабхаавад̇о. анаажин̣н̣ан̃жзд̇ам̣ б̣уд̣̇д̇хаанам̣, яад̣̇ид̣̇ам̣ бад̣̇асаа аггаманам̣. д̇ат̇аа хи –
136.Ekacittakkhaṇikāti paṭhamamaggacittakkhaṇena ekacittakkhaṇikā. Evaṃ āṇāpetuṃ na yuttanti saṅkamatthāya āṇāpetuṃ na yuttaṃ payojanābhāvato. Anāciṇṇañcetaṃ buddhānaṃ, yadidaṃ padasā akkamanaṃ. Tathā hi –
‘‘аггамид̇ваана мам̣ б̣уд̣̇д̇хо, саха сиссзхи г̇ажчад̇у;
‘‘Akkamitvāna maṃ buddho, saha sissehi gacchatu;
маа нам̣ галалам̣ аггамид̇т̇а, хид̇ааяа мз бхависсад̇ий’’д̇и. (б̣у. вам̣. 2.53);
Mā naṃ kalalaṃ akkamittha, hitāya me bhavissatī’’ti. (bu. vaṃ. 2.53);
сумзд̇хабан̣д̣ид̇зна бажжаасийсид̇ам̣ на гад̇ам̣. яат̇ааха –
Sumedhapaṇḍitena paccāsīsitaṃ na kataṃ. Yathāha –
‘‘д̣̇ийбан̇гаро логавид̣̇уу, аахуд̇ийнам̣ бадиг̇г̇ахо;
‘‘Dīpaṅkaro lokavidū, āhutīnaṃ paṭiggaho;
уссийсагз мам̣ тад̇ваана, ид̣̇ам̣ важанамаб̣равий’’д̇и. (б̣у. вам̣. 2.60);
Ussīsake maṃ ṭhatvāna, idaṃ vacanamabravī’’ti. (bu. vaṃ. 2.60);
бхаг̇авад̇аа аан̣ад̇д̇з сад̇и д̇зсамби звам̣ гаад̇ум̣ на яуд̇д̇анд̇и зд̇т̇ааби зсзва наяо. зд̇зсам̣ бадиб̣аахид̇ум̣ яуд̇д̇анд̇и ид̣̇ам̣ адтаанабаригаббанавасзнзва вуд̇д̇ам̣. на хи б̣уд̣̇д̇хаанам̣ гаад̇ум̣ аарад̣̇д̇хам̣ наама гижжам̣ гзхижи бадиб̣аахид̇ум̣ яуд̇д̇ам̣ наама ад̇т̇и бадиб̣аахид̇ум̣язва агаран̣ад̇о. саммад̇д̇анияаамасса аногганд̇ад̇д̇аа вуд̇д̇ам̣ ‘‘б̣аахираго’’д̇и.
Bhagavatā āṇatte sati tesampi evaṃ kātuṃ na yuttanti etthāpi eseva nayo. Etesaṃ paṭibāhituṃ yuttanti idaṃ aṭṭhānaparikappanavaseneva vuttaṃ. Na hi buddhānaṃ kātuṃ āraddhaṃ nāma kiccaṃ kehici paṭibāhituṃ yuttaṃ nāma atthi paṭibāhituṃyeva akaraṇato. Sammattaniyāmassa anokkantattā vuttaṃ ‘‘bāhirako’’ti.
137. на гаммадтаанам̣ аллийяад̇ийд̇и жид̇д̇ам̣ гаммадтаанам̣ на од̇арад̇и.
137.Na kammaṭṭhānaṃ allīyatīti cittaṃ kammaṭṭhānaṃ na otarati.
140. бунаббунам̣ гаарзнд̇ийд̇и д̣̇ан̣д̣агаммабан̣ааманаад̣̇игааран̣ам̣ бунаббунам̣ гаарзнд̇и. саммаавад̇д̇амхи на вад̇д̇ад̇ийд̇и д̇ассаа д̇ассаа аабад̇д̇ияаа вудтаанад̇т̇ам̣ бхаг̇авад̇аа бан̃н̃ад̇д̇асаммаавад̇д̇амхи на вад̇д̇ад̇и. ануломавад̇д̇з на вад̇д̇ад̇ийд̇и язна язна вад̇д̇зна сан̇гхо ануломиго ход̇и, д̇асмим̣ д̇асмим̣ ануломавад̇д̇з на вад̇д̇ад̇и виломамзва г̇ан̣хаад̇и, бадиломзна ход̇и. нид̇т̇ааран̣агавад̇д̇амхийд̇и язна вад̇д̇зна сан̇гхо ануломиго ход̇и, саабад̇д̇игабхаавад̇о нид̇т̇ин̣н̣о ход̇и, д̇амхи нид̇т̇ааран̣авад̇д̇асмим̣ на вад̇д̇ад̇и. д̇знааха ‘‘аабад̇д̇ий’’д̇иаад̣̇и. д̣̇уб̣б̣ажагаран̣зд̇и д̣̇уб̣б̣ажасса бхигкуно гаран̣з.
140.Punappunaṃ kārentīti daṇḍakammapaṇāmanādikāraṇaṃ punappunaṃ kārenti. Sammāvattamhi na vattatīti tassā tassā āpattiyā vuṭṭhānatthaṃ bhagavatā paññattasammāvattamhi na vattati. Anulomavatte na vattatīti yena yena vattena saṅgho anulomiko hoti, tasmiṃ tasmiṃ anulomavatte na vattati vilomameva gaṇhāti, paṭilomena hoti. Nitthāraṇakavattamhīti yena vattena saṅgho anulomiko hoti, sāpattikabhāvato nitthiṇṇo hoti, tamhi nitthāraṇavattasmiṃ na vattati. Tenāha ‘‘āpattī’’tiādi. Dubbacakaraṇeti dubbacassa bhikkhuno karaṇe.
144. яаабзд̇ийд̇и вад̇д̇ад̇и, саасанз д̇идтад̇ийд̇и ад̇т̇о. абхин̃н̃аабад̇д̇аад̇и ‘‘асуго асуго жа т̇зро сийлаваа галяаан̣ад̇хаммо б̣ахуссуд̇о’’д̇иаад̣̇инаа абхин̃н̃аад̇абхаавам̣ бад̇д̇аа ад̇хиг̇ад̇аабхин̃н̃аад̇аа.
144.Yāpetīti vattati, sāsane tiṭṭhatīti attho. Abhiññāpattāti ‘‘asuko asuko ca thero sīlavā kalyāṇadhammo bahussuto’’tiādinā abhiññātabhāvaṃ pattā adhigataabhiññātā.
145. сад̇д̇зсу хааяамаанзсууд̇и гилзсаб̣ахулад̇ааяа бадибаж̇ж̇анагасад̇д̇зсу барихааяанд̇зсу бадибат̇зсу ж̇ааяамаанзсу. анд̇арад̇хааяад̇и наама д̇ад̣̇аад̇хаарад̇ааяа. д̣̇идтад̇хаммигаа баруубаваад̣̇аад̣̇аяо. самбарааяигаа абааяад̣̇угкависзсаа. аасаванд̇и д̇зна д̇зна бажжаязна бавад̇д̇анд̇ийд̇и аасаваа. нзсанд̇и баруубаваад̣̇аад̣̇иаасаваанам̣. д̇зд̇и вийд̇иггамад̇хаммаа.
145.Sattesu hāyamānesūti kilesabahulatāya paṭipajjanakasattesu parihāyantesu paṭipathesu jāyamānesu. Antaradhāyati nāma tadādhāratāya. Diṭṭhadhammikā parūpavādādayo. Samparāyikā apāyadukkhavisesā. Āsavanti tena tena paccayena pavattantīti āsavā. Nesanti parūpavādādiāsavānaṃ. Teti vītikkamadhammā.
агаалам̣ д̣̇ассзд̇ваад̇и сигкаабад̣̇абан̃н̃ад̇д̇ияаа агаалам̣ д̣̇ассзд̇ваа. уббад̇д̇инд̇и аасавадтаанияаанам̣ д̇хаммаанамуббад̇д̇им̣. сигкаабад̣̇абан̃н̃ад̇д̇ияаа гаалам̣, д̇аава сзнаасанаани бахонд̇и, д̇зна ааваасамажчарияаад̣̇ихзд̇унаа саасанз згажжз аасавадтаанияаа д̇хаммаа на уббаж̇ж̇анд̇и. иминаа наязнаад̇и иминаа бана хзд̇унаа бад̣̇асод̇хаммасигкаабад̣̇аанам̣ сан̇г̇ахо д̣̇адтаб̣б̣о.
Akālaṃ dassetvāti sikkhāpadapaññattiyā akālaṃ dassetvā. Uppattinti āsavaṭṭhāniyānaṃ dhammānamuppattiṃ. Sikkhāpadapaññattiyā kālaṃ, tāvasenāsanāni pahonti, tena āvāsamacchariyādihetunā sāsane ekacce āsavaṭṭhāniyā dhammā na uppajjanti. Iminā nayenāti iminā pana hetunā padasodhammasikkhāpadānaṃ saṅgaho daṭṭhabbo.
яасанд̇и гид̇д̇исад̣̇д̣̇ам̣ баривааран̃жа. сааг̇ад̇ад̇т̇зрасса нааг̇ад̣̇аманагид̇д̇ияасаад̣̇ивасзна сураабаанасан̇каад̇о аасавадтаанияо д̇хаммо уббаж̇ж̇и.
Yasanti kittisaddaṃ parivārañca. Sāgatattherassa nāgadamanakittiyasādivasena surāpānasaṅkhāto āsavaṭṭhāniyo dhammo uppajji.
расзна расам̣ сам̣санд̣̇зд̇ваад̇и убаад̣̇иннагапассарасзна анубаад̣̇иннагапассарасам̣ сам̣санд̣̇зд̇ваа.
Rasena rasaṃ saṃsandetvāti upādinnakaphassarasena anupādinnakaphassarasaṃ saṃsandetvā.
146. на ко, бхад̣̇д̣̇аали, зсзва хзд̇у, ат̇а ко ан̃н̃амби ад̇т̇ийд̇и д̣̇ассзнд̇о бхаг̇аваа ‘‘абижаа’’д̇иаад̣̇имааха. д̇зна д̇хаммасса саггажжасаванз т̇зрам̣ нияож̇зд̇и.
146. Na kho, bhaddāli, eseva hetu, atha kho aññampi atthīti dassento bhagavā ‘‘apicā’’tiādimāha. Tena dhammassa sakkaccasavane theraṃ niyojeti.
147. висзванаажааранд̇и ад̣̇анд̇агирияам̣. бариниб̣б̣ааяад̇ийд̇и вуубасаммад̇и. д̇ад̇т̇а ад̣̇анд̇агирияам̣ бахааяа д̣̇анд̇о ход̇и. яуг̇ассаад̇и рат̇ад̇хурасса.
147.Visevanācāranti adantakiriyaṃ. Parinibbāyatīti vūpasammati. Tattha adantakiriyaṃ pahāya danto hoti. Yugassāti rathadhurassa.
ануггамзд̇и ануруубабариг̇амз. д̇ад̣̇авад̇т̇аануруубам̣ баад̣̇аанам̣ угкибанз нигкибанз жа. д̇знааха ‘‘жад̇д̇ааро баад̣̇з’’д̇иаад̣̇и. раж̇ж̇уб̣анд̇ханавид̇хаанзнаад̇и баад̣̇ад̇о бхуумияаа можанавид̇хаанзна. звам̣ гаран̣ад̇т̇анд̇и яат̇аа ассз нисиннассзва бхуумим̣ г̇ахзд̇ум̣ саггаа, звам̣ жад̇д̇ааро баад̣̇з д̇ат̇аа гад̇ваа ад̇д̇ано нижжалабхаавагаран̣ад̇т̇ам̣. ман̣д̣алзд̇и ман̣д̣алад̇хаавигааяам̣. бат̇авийгаманзд̇и бат̇авим̣ пудтамад̇д̇зна г̇аманз. д̇знааха ‘‘аг̇г̇аг̇г̇акурзхий’’д̇и. огганд̇агаран̣асминд̇и огганд̇зд̇ваа барасзнаасаммад̣̇д̣̇ана огганд̇агаран̣з. згасмим̣ таанзд̇и жад̇уусу баад̣̇зсу яад̇т̇а гад̇т̇ажи згасмим̣ таанз г̇аманам̣ жод̣̇знд̇ийд̇и ад̇т̇о, со банзд̇т̇а сийгхад̇аро ад̇хиббзд̇о. д̣̇авад̇д̇зд̇и марияаад̣̇аагобанзхи наанаббаяож̇анз, барасзнааяа бавад̇д̇амахаанаад̣̇абахаран̣зхи ад̇т̇о. д̇знааха ‘‘яуд̣̇д̇хагааласми’’нд̇иаад̣̇и.
Anukkameti anurūpaparigame. Tadavatthānurūpaṃ pādānaṃ ukkhipane nikkhipane ca. Tenāha ‘‘cattāro pāde’’tiādi. Rajjubandhanavidhānenāti pādato bhūmiyā mocanavidhānena. Evaṃ karaṇatthanti yathā asse nisinnasseva bhūmiṃ gahetuṃ sakkā, evaṃ cattāro pāde tathā katvā attano niccalabhāvakaraṇatthaṃ. Maṇḍaleti maṇḍaladhāvikāyaṃ. Pathavīkamaneti pathaviṃ phuṭṭhamattena gamane. Tenāha ‘‘aggaggakhurehī’’ti. Okkantakaraṇasminti okkantetvā parasenāsammaddana okkantakaraṇe. Ekasmiṃ ṭhāneti catūsu pādesu yattha katthaci ekasmiṃ ṭhāne gamanaṃ codentīti attho, so panettha sīghataro adhippeto. Davatteti mariyādākopanehi nānappayojane, parasenāya pavattamahānādapaharaṇehi attho. Tenāha ‘‘yuddhakālasmi’’ntiādi.
ран̃н̃аа ж̇аанид̇аб̣б̣аг̇ун̣зд̇и яат̇аа рааж̇аа ассасса г̇ун̣з ж̇аанаад̇и, звам̣ д̇зна ж̇аанид̇аб̣б̣аг̇ун̣агааран̣ам̣ гаарзд̇и. ассарааж̇авам̣сзд̇и д̣̇уссахам̣ д̣̇угкам̣ бад̇вааби яат̇аа аяам̣ рааж̇авам̣саануруубагирияам̣ на ж̇ахиссад̇и, звам̣ сигкаабанз. сигкаабанамзва хи санд̇хааяа саб̣б̣ад̇т̇а ‘‘гааран̣ам̣ гаарзд̇ий’’д̇и вуд̇д̇ам̣ д̇асса гаран̣агаараабанабарияааяад̇д̇аа.
Raññā jānitabbaguṇeti yathā rājā assassa guṇe jānāti, evaṃ tena jānitabbaguṇakāraṇaṃ kāreti. Assarājavaṃseti dussahaṃ dukkhaṃ patvāpi yathā ayaṃ rājavaṃsānurūpakiriyaṃ na jahissati, evaṃ sikkhāpane. Sikkhāpanameva hi sandhāya sabbattha ‘‘kāraṇaṃ kāretī’’ti vuttaṃ tassa karaṇakārāpanapariyāyattā.
яат̇аа уд̇д̇амаж̇аво ход̇ийд̇и ж̇авад̣̇ассанадтаанз яат̇аа хаяо уд̇д̇амаж̇авам̣ на хаабзси, звам̣ сигкаабзд̇и. уд̇д̇амахаяабхаавз, яат̇аа уд̇д̇амахаяо ход̇ийд̇и гаммагаран̣агаалз ад̇д̇ано уд̇д̇амасабхаавам̣ аниг̇ухид̇ваа аваж̇ж̇зд̇ваа яат̇аа ад̇т̇асид̣̇д̇хи ход̇и, звам̣ барамаж̇авзна сигкаабзд̇и. яат̇аа гирияаа винаа д̣̇аб̣б̣амби винаа гирияам̣ на бхавад̇и, звам̣ д̣̇адтаб̣б̣анд̇и д̣̇ассзд̇ум̣ ‘‘д̇ад̇т̇а багад̇ияаа’’д̇иаад̣̇и вуд̇д̇ам̣.
Yathāuttamajavo hotīti javadassanaṭṭhāne yathā hayo uttamajavaṃ na hāpesi, evaṃ sikkhāpeti. Uttamahayabhāve, yathā uttamahayo hotīti kammakaraṇakāle attano uttamasabhāvaṃ aniguhitvā avajjetvā yathā atthasiddhi hoti, evaṃ paramajavena sikkhāpeti. Yathā kiriyā vinā dabbampi vinā kiriyaṃ na bhavati, evaṃ daṭṭhabbanti dassetuṃ ‘‘tattha pakatiyā’’tiādi vuttaṃ.
д̇ад̇раад̇и д̇асмим̣ багад̇ияаа уд̇д̇амахаяассзва уд̇д̇амахаяагааран̣аарахад̇д̇аа уд̇д̇амаж̇авабадибаж̇ж̇анз. маасакаад̣̇агагходагаананд̇и маасам̣ каад̣̇ид̇ваа яат̇аа д̇ат̇аа виг̇ун̣акалун̇г̇агаанам̣. валан̃ж̇агад̣̇ан̣д̣анд̇и ран̃н̃аа г̇ахзд̇аб̣б̣асуван̣н̣ад̣̇ан̣д̣ам̣. д̇хаад̇убад̇т̇ад̣̇д̇ход̇и ад̇д̇анаава самуббаад̣̇ид̇ад̇хаад̇уяаа убад̇т̇амбхид̇о худ̇ваа.
Tatrāti tasmiṃ pakatiyā uttamahayasseva uttamahayakāraṇārahattā uttamajavapaṭipajjane. Māsakhādakaghoṭakānanti māsaṃ khāditvā yathā tathā viguṇakhaluṅgakānaṃ. Valañjakadaṇḍanti raññā gahetabbasuvaṇṇadaṇḍaṃ. Dhātupatthaddhoti attanāva samuppāditadhātuyā upatthambhito hutvā.
уд̇д̇амз саакалязд̇и барамасакилабхаавз сакилаваажааяа зва д̣̇амзд̇аб̣б̣ад̇ааяа. д̇знааха ‘‘муд̣̇уваажааяа хий’’д̇иаад̣̇и.
Uttame sākhalyeti paramasakhilabhāve sakhilavācāya eva dametabbatāya. Tenāha ‘‘muduvācāya hī’’tiādi.
арахад̇д̇апаласаммаад̣̇идтияаад̇и паласамаабад̇д̇игаалз бавад̇д̇асаммаан̃аан̣ам̣. саммаан̃аан̣ам̣ буб̣б̣з вуд̇д̇асаммаад̣̇идтиязваад̇и бана ид̣̇ам̣ паласаммаад̣̇идтибхаавасааман̃н̃зна вуд̇д̇ам̣. гзжи бана ‘‘бажжавзгкан̣ан̃аан̣а’’нд̇и вад̣̇анд̇и, д̇ам̣ на яуж̇ж̇ад̇и ‘‘асзгкзнаа’’д̇и висзсид̇ад̇д̇аа. д̇амби асзгкан̃аан̣анд̇и жз? звамби ниббарияааяа сзгкаг̇г̇ахан̣з барияааяасзгкаг̇г̇ахан̣ам̣ на яуд̇д̇амзва, гижжабхзд̣̇зна ваа вуд̇д̇анд̇и д̣̇адтаб̣б̣ам̣. згаа зва хи саа бан̃н̃аа ниб̣б̣аанасса бажжагкагирияааяа саммаад̣̇ассанагижжам̣ убаад̣̇ааяа ‘‘саммаад̣̇идтий’’д̇и вуд̇д̇аа, саммааж̇аананагижжам̣ убаад̣̇ааяа ‘‘саммаан̃аан̣а’’нд̇и. ан̃н̃аад̇аавинд̣̇рияавасзна ваа саммаад̣̇идти, бан̃н̃инд̣̇рияавасзна саммаан̃аан̣анд̇и звамзд̇т̇а ад̇т̇о д̣̇адтаб̣б̣о. маг̇г̇апалаавахааяа д̣̇зсанааяа сан̇кзбад̇ова ааг̇ад̇ад̇д̇аа вуд̇д̇ам̣ ‘‘уг̇гхадид̇ан̃н̃убуг̇г̇аласса васзнаа’’д̇и.
Arahattaphalasammādiṭṭhiyāti phalasamāpattikāle pavattasammāñāṇaṃ. Sammāñāṇaṃ pubbe vuttasammādiṭṭhiyevāti pana idaṃ phalasammādiṭṭhibhāvasāmaññena vuttaṃ. Keci pana ‘‘paccavekkhaṇañāṇa’’nti vadanti, taṃ na yujjati ‘‘asekkhenā’’ti visesitattā. Tampi asekkhañāṇanti ce? Evampi nippariyāya sekkhaggahaṇe pariyāyasekkhaggahaṇaṃ na yuttameva, kiccabhedena vā vuttanti daṭṭhabbaṃ. Ekā eva hi sā paññā nibbānassa paccakkhakiriyāya sammādassanakiccaṃ upādāya ‘‘sammādiṭṭhī’’ti vuttā, sammājānanakiccaṃ upādāya ‘‘sammāñāṇa’’nti. Aññātāvindriyavasena vā sammādiṭṭhi, paññindriyavasena sammāñāṇanti evamettha attho daṭṭhabbo. Maggaphalāvahāya desanāya saṅkhepatova āgatattā vuttaṃ ‘‘ugghaṭitaññupuggalassa vasenā’’ti.
бхад̣̇д̣̇аалисуд̇д̇аван̣н̣анааяа лийнад̇т̇аббагаасанаа самад̇д̇аа.
Bhaddālisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. бхад̣̇д̣̇аалисуд̇д̇ам̣ • 5. Bhaddālisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. бхад̣̇д̣̇аалисуд̇д̇аван̣н̣анаа • 5. Bhaddālisuttavaṇṇanā
