| Library / Tipiṭaka / ติปิฎก • Tipiṭaka / อปทาน-อฎฺฐกถา • Apadāna-aṭṭhakathā |
๔๒. ภทฺทาลิวโคฺค
42. Bhaddālivaggo
๑-๑๐. ภทฺทาลิเตฺถรอปทานาทิวณฺณนา
1-10. Bhaddālittheraapadānādivaṇṇanā
พาจตฺตาลีสมวเคฺค ปฐมาปทานญฺจ ทุติยาปทานญฺจ ตติยาปทานญฺจ นยานุสาเรน สุวิเญฺญยฺยเมวฯ
Bācattālīsamavagge paṭhamāpadānañca dutiyāpadānañca tatiyāpadānañca nayānusārena suviññeyyameva.
๑๐๖. จตุตฺถาปทาเน นคเร พนฺธุมติยาติอาทิกํ อายสฺมโต มธุมํสทายกเตฺถรสฺส อปทานํฯ ตตฺถ สูกริโกติ สูกรมํสํ วิกฺกิณิตฺวา ชีวิกํ กเปฺปโนฺตฯ อุโกฺกฎกํ รนฺธยิตฺวาติ ปิหกปปฺผาสมํสํ ปจิตฺวา มธุมํสมฺหิ โอกิริํ ปกฺขิปิํฯ เตน มํเสน ปตฺตํ ปูเรตฺวา ภิกฺขุสงฺฆสฺส ทตฺวา เตน ปุญฺญกเมฺมน อิมสฺมิํ พุทฺธุปฺปาเท อรหตฺตํ ปาปุณินฺติ อโตฺถฯ
106. Catutthāpadāne nagare bandhumatiyātiādikaṃ āyasmato madhumaṃsadāyakattherassa apadānaṃ. Tattha sūkarikoti sūkaramaṃsaṃ vikkiṇitvā jīvikaṃ kappento. Ukkoṭakaṃ randhayitvāti pihakapapphāsamaṃsaṃ pacitvā madhumaṃsamhi okiriṃ pakkhipiṃ. Tena maṃsena pattaṃ pūretvā bhikkhusaṅghassa datvā tena puññakammena imasmiṃ buddhuppāde arahattaṃ pāpuṇinti attho.
นาคปลฺลวเตฺถรสฺส ปญฺจมาปทานมฺปิ เอกทีปิยเตฺถรสฺส ฉฎฺฐาปทานมฺปิ อุจฺฉงฺคปุปฺผิยเตฺถรสฺส สตฺตมาปทานมฺปิ ยาคุทายกเตฺถรสฺส อฎฺฐมาปทานมฺปิ ปโตฺถทนทายกเตฺถรสฺส นวมาปทานมฺปิ มญฺจทายกเตฺถรสฺส ทสมาปทานมฺปิ สพฺพํ สุวิเญฺญยฺยเมวาติฯ
Nāgapallavattherassa pañcamāpadānampi ekadīpiyattherassa chaṭṭhāpadānampi ucchaṅgapupphiyattherassa sattamāpadānampi yāgudāyakattherassa aṭṭhamāpadānampi patthodanadāyakattherassa navamāpadānampi mañcadāyakattherassa dasamāpadānampi sabbaṃ suviññeyyamevāti.
พาจตฺตาลีสมวคฺควณฺณนา สมตฺตาฯ
Bācattālīsamavaggavaṇṇanā samattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / อปทานปาฬิ • Apadānapāḷi / ๔. มธุมํสทายกเตฺถรอปทานํ • 4. Madhumaṃsadāyakattheraapadānaṃ
