| Library / Tipiṭaka / တိပိဋက • Tipiṭaka / အပဒာန-အဋ္ဌကထာ • Apadāna-aṭṭhakathā |
၄၂. ဘဒ္ဒာလိဝဂ္ဂော
42. Bhaddālivaggo
၁-၁၀. ဘဒ္ဒာလိတ္ထေရအပဒာနာဒိဝဏ္ဏနာ
1-10. Bhaddālittheraapadānādivaṇṇanā
ဗာစတ္တာလီသမဝဂ္ဂေ ပဌမာပဒာနဉ္စ ဒုတိယာပဒာနဉ္စ တတိယာပဒာနဉ္စ နယာနုသာရေန သုဝိညေယ္ယမေဝ။
Bācattālīsamavagge paṭhamāpadānañca dutiyāpadānañca tatiyāpadānañca nayānusārena suviññeyyameva.
၁၀၆. စတုတ္ထာပဒာနေ နဂရေ ဗန္ဓုမတိယာတိအာဒိကံ အာယသ္မတော မဓုမံသဒာယကတ္ထေရသ္သ အပဒာနံ။ တတ္ထ သူကရိကောတိ သူကရမံသံ ဝိက္ကိဏိတ္ဝာ ဇီဝိကံ ကပ္ပေန္တော။ ဥက္ကောဋကံ ရန္ဓယိတ္ဝာတိ ပိဟကပပ္ဖာသမံသံ ပစိတ္ဝာ မဓုမံသမ္ဟိ ဩကိရိံ ပက္ခိပိံ။ တေန မံသေန ပတ္တံ ပူရေတ္ဝာ ဘိက္ခုသင္ဃသ္သ ဒတ္ဝာ တေန ပုညကမ္မေန ဣမသ္မိံ ဗုဒ္ဓုပ္ပာဒေ အရဟတ္တံ ပာပုဏိန္တိ အတ္ထော။
106. Catutthāpadāne nagare bandhumatiyātiādikaṃ āyasmato madhumaṃsadāyakattherassa apadānaṃ. Tattha sūkarikoti sūkaramaṃsaṃ vikkiṇitvā jīvikaṃ kappento. Ukkoṭakaṃ randhayitvāti pihakapapphāsamaṃsaṃ pacitvā madhumaṃsamhi okiriṃ pakkhipiṃ. Tena maṃsena pattaṃ pūretvā bhikkhusaṅghassa datvā tena puññakammena imasmiṃ buddhuppāde arahattaṃ pāpuṇinti attho.
နာဂပလ္လဝတ္ထေရသ္သ ပဉ္စမာပဒာနမ္ပိ ဧကဒီပိယတ္ထေရသ္သ ဆဋ္ဌာပဒာနမ္ပိ ဥစ္ဆင္ဂပုပ္ဖိယတ္ထေရသ္သ သတ္တမာပဒာနမ္ပိ ယာဂုဒာယကတ္ထေရသ္သ အဋ္ဌမာပဒာနမ္ပိ ပတ္ထောဒနဒာယကတ္ထေရသ္သ နဝမာပဒာနမ္ပိ မဉ္စဒာယကတ္ထေရသ္သ ဒသမာပဒာနမ္ပိ သဗ္ဗံ သုဝိညေယ္ယမေဝာတိ။
Nāgapallavattherassa pañcamāpadānampi ekadīpiyattherassa chaṭṭhāpadānampi ucchaṅgapupphiyattherassa sattamāpadānampi yāgudāyakattherassa aṭṭhamāpadānampi patthodanadāyakattherassa navamāpadānampi mañcadāyakattherassa dasamāpadānampi sabbaṃ suviññeyyamevāti.
ဗာစတ္တာလီသမဝဂ္ဂဝဏ္ဏနာ သမတ္တာ။
Bācattālīsamavaggavaṇṇanā samattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / အပဒာနပာဠိ • Apadānapāḷi / ၄. မဓုမံသဒာယကတ္ထေရအပဒာနံ • 4. Madhumaṃsadāyakattheraapadānaṃ
