| Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā |
൪൨. ഭദ്ദാലിവഗ്ഗോ
42. Bhaddālivaggo
൧-൧൦. ഭദ്ദാലിത്ഥേരഅപദാനാദിവണ്ണനാ
1-10. Bhaddālittheraapadānādivaṇṇanā
ബാചത്താലീസമവഗ്ഗേ പഠമാപദാനഞ്ച ദുതിയാപദാനഞ്ച തതിയാപദാനഞ്ച നയാനുസാരേന സുവിഞ്ഞേയ്യമേവ.
Bācattālīsamavagge paṭhamāpadānañca dutiyāpadānañca tatiyāpadānañca nayānusārena suviññeyyameva.
൧൦൬. ചതുത്ഥാപദാനേ നഗരേ ബന്ധുമതിയാതിആദികം ആയസ്മതോ മധുമംസദായകത്ഥേരസ്സ അപദാനം. തത്ഥ സൂകരികോതി സൂകരമംസം വിക്കിണിത്വാ ജീവികം കപ്പേന്തോ. ഉക്കോടകം രന്ധയിത്വാതി പിഹകപപ്ഫാസമംസം പചിത്വാ മധുമംസമ്ഹി ഓകിരിം പക്ഖിപിം. തേന മംസേന പത്തം പൂരേത്വാ ഭിക്ഖുസങ്ഘസ്സ ദത്വാ തേന പുഞ്ഞകമ്മേന ഇമസ്മിം ബുദ്ധുപ്പാദേ അരഹത്തം പാപുണിന്തി അത്ഥോ.
106. Catutthāpadāne nagare bandhumatiyātiādikaṃ āyasmato madhumaṃsadāyakattherassa apadānaṃ. Tattha sūkarikoti sūkaramaṃsaṃ vikkiṇitvā jīvikaṃ kappento. Ukkoṭakaṃ randhayitvāti pihakapapphāsamaṃsaṃ pacitvā madhumaṃsamhi okiriṃ pakkhipiṃ. Tena maṃsena pattaṃ pūretvā bhikkhusaṅghassa datvā tena puññakammena imasmiṃ buddhuppāde arahattaṃ pāpuṇinti attho.
നാഗപല്ലവത്ഥേരസ്സ പഞ്ചമാപദാനമ്പി ഏകദീപിയത്ഥേരസ്സ ഛട്ഠാപദാനമ്പി ഉച്ഛങ്ഗപുപ്ഫിയത്ഥേരസ്സ സത്തമാപദാനമ്പി യാഗുദായകത്ഥേരസ്സ അട്ഠമാപദാനമ്പി പത്ഥോദനദായകത്ഥേരസ്സ നവമാപദാനമ്പി മഞ്ചദായകത്ഥേരസ്സ ദസമാപദാനമ്പി സബ്ബം സുവിഞ്ഞേയ്യമേവാതി.
Nāgapallavattherassa pañcamāpadānampi ekadīpiyattherassa chaṭṭhāpadānampi ucchaṅgapupphiyattherassa sattamāpadānampi yāgudāyakattherassa aṭṭhamāpadānampi patthodanadāyakattherassa navamāpadānampi mañcadāyakattherassa dasamāpadānampi sabbaṃ suviññeyyamevāti.
ബാചത്താലീസമവഗ്ഗവണ്ണനാ സമത്താ.
Bācattālīsamavaggavaṇṇanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൪. മധുമംസദായകത്ഥേരഅപദാനം • 4. Madhumaṃsadāyakattheraapadānaṃ
