| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. бхад̣̇д̣̇ад̇т̇зраг̇аат̇ааван̣н̣анаа
3. Bhaddattheragāthāvaṇṇanā
згабуд̇д̇од̇иаад̣̇игаа ааяасмад̇о бхад̣̇д̣̇ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арам̣ бхаг̇аванд̇ам̣ бхигкусан̇гхан̃жа сад̇асахассабаримаан̣ам̣ жийвараад̣̇ийхи жад̇уухи бажжаязхи бууж̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ сздтигулз ниб̣б̣ад̇д̇и. ниб̣б̣ад̇д̇амаано жа абуд̇д̇агзсу маад̇аабид̇уусу д̣̇звад̇ааяаажанаад̣̇ийни гад̇вааби алабханд̇зсу сад̇т̇аарам̣ убасан̇гамид̇ваа ‘‘сажз, бханд̇з, маяам̣ згам̣ буд̇д̇ам̣ лажчаама, д̇ам̣ д̇умхаагам̣ д̣̇аасад̇т̇ааяа д̣̇ассаамаа’’д̇и вад̇ваа ааяаажид̇ваа г̇ад̇зсу сад̇т̇у ад̇хиббааяам̣ н̃ад̇ваа ан̃н̃ад̇аро д̣̇звабуд̇д̇о кийн̣ааяуго худ̇ваа тид̇о саггзна д̣̇зваран̃н̃аа ‘‘амугасмим̣ гулз ниб̣б̣ад̇д̇аахий’’д̇и аан̣ад̇д̇о д̇ад̇т̇а ниб̣б̣ад̇д̇и, бхад̣̇д̣̇од̇исса наамам̣ агам̣су. д̇ам̣ сад̇д̇авассуд̣̇д̣̇зсигам̣ ж̇аад̇ам̣ маад̇аабид̇аро алан̇гарид̇ваа бхаг̇авад̇о санд̇игам̣ нзд̇ваа ‘‘аяам̣ со, бханд̇з, д̇умхз ааяаажид̇ваа лад̣̇д̇хад̣̇аараго, имам̣ д̇умхаагам̣ нияяаад̇змаа’’д̇и аахам̣су. сад̇т̇аа аананд̣̇ад̇т̇зрам̣ аан̣аабзси – ‘‘имам̣ баб̣б̣ааж̇зхий’’д̇и. аан̣аабзд̇ваа жа г̇анд̇хагудим̣ баависи. т̇зро д̇ам̣ баб̣б̣ааж̇зд̇ваа сан̇кзбзна вибассанаамукам̣ аажигки. со убаниссаяасамбаннад̇д̇аа вибассанааяа гаммам̣ гаронд̇о суурияз аног̇г̇ад̇зязва бхааванам̣ уссуггаабзд̇ваа чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.5.54-69) –
Ekaputtotiādikā āyasmato bhaddattherassa gāthā. Kā uppatti? Ayaṃ kira padumuttaraṃ bhagavantaṃ bhikkhusaṅghañca satasahassaparimāṇaṃ cīvarādīhi catūhi paccayehi pūjesi. So tena puññakammena devamanussesu saṃsaranto imasmiṃ buddhuppāde sāvatthiyaṃ seṭṭhikule nibbatti. Nibbattamāno ca aputtakesu mātāpitūsu devatāyācanādīni katvāpi alabhantesu satthāraṃ upasaṅkamitvā ‘‘sace, bhante, mayaṃ ekaṃ puttaṃ lacchāma, taṃ tumhākaṃ dāsatthāya dassāmā’’ti vatvā āyācitvā gatesu satthu adhippāyaṃ ñatvā aññataro devaputto khīṇāyuko hutvā ṭhito sakkena devaraññā ‘‘amukasmiṃ kule nibbattāhī’’ti āṇatto tattha nibbatti, bhaddotissa nāmaṃ akaṃsu. Taṃ sattavassuddesikaṃ jātaṃ mātāpitaro alaṅkaritvā bhagavato santikaṃ netvā ‘‘ayaṃ so, bhante, tumhe āyācitvā laddhadārako, imaṃ tumhākaṃ niyyātemā’’ti āhaṃsu. Satthā ānandattheraṃ āṇāpesi – ‘‘imaṃ pabbājehī’’ti. Āṇāpetvā ca gandhakuṭiṃ pāvisi. Thero taṃ pabbājetvā saṅkhepena vipassanāmukhaṃ ācikkhi. So upanissayasampannattā vipassanāya kammaṃ karonto sūriye anoggateyeva bhāvanaṃ ussukkāpetvā chaḷabhiñño ahosi. Tena vuttaṃ apadāne (apa. thera 1.5.54-69) –
‘‘бад̣̇умуд̇д̇арасамб̣уд̣̇д̇хам̣, мзд̇д̇ажид̇д̇ам̣ махаамуним̣;
‘‘Padumuttarasambuddhaṃ, mettacittaṃ mahāmuniṃ;
убзд̇и ж̇анад̇аа саб̣б̣аа, саб̣б̣алогаг̇г̇анааяагам̣.
Upeti janatā sabbā, sabbalokagganāyakaṃ.
‘‘сад̇д̇уган̃жа б̣ад̣̇д̇хаган̃жа, аамисам̣ баанабхож̇анам̣;
‘‘Sattukañca baddhakañca, āmisaṃ pānabhojanaṃ;
д̣̇ад̣̇анд̇и сад̇т̇уно саб̣б̣з, бун̃н̃агкзд̇д̇з ануд̇д̇арз.
Dadanti satthuno sabbe, puññakkhette anuttare.
‘‘ахамби д̣̇аанам̣ д̣̇ассаами, д̣̇звад̣̇звасса д̇аад̣̇ино;
‘‘Ahampi dānaṃ dassāmi, devadevassa tādino;
б̣уд̣̇д̇хасздтам̣ ниманд̇зд̇ваа, сан̇гхамби жа ануд̇д̇арам̣.
Buddhaseṭṭhaṃ nimantetvā, saṅghampi ca anuttaraṃ.
‘‘уяяож̇ид̇аа маяаа жзд̇з, ниманд̇зсум̣ д̇ат̇ааг̇ад̇ам̣;
‘‘Uyyojitā mayā cete, nimantesuṃ tathāgataṃ;
гзвалам̣ бхигкусан̇гхан̃жа, бун̃н̃агкзд̇д̇ам̣ ануд̇д̇арам̣.
Kevalaṃ bhikkhusaṅghañca, puññakkhettaṃ anuttaraṃ.
‘‘сад̇асахассабаллан̇гам̣, сован̣н̣ам̣ г̇онагад̇т̇ад̇ам̣;
‘‘Satasahassapallaṅkaṃ, sovaṇṇaṃ gonakatthataṃ;
д̇уулигаабадалигааяа, комагаббаасигзхи жа;
Tūlikāpaṭalikāya, khomakappāsikehi ca;
махаарахам̣ бан̃н̃аабаяим̣, аасанам̣ б̣уд̣̇д̇хаяуд̇д̇агам̣.
Mahārahaṃ paññāpayiṃ, āsanaṃ buddhayuttakaṃ.
‘‘бад̣̇умуд̇д̇аро логавид̣̇уу, д̣̇звад̣̇зво нараасабхо;
‘‘Padumuttaro lokavidū, devadevo narāsabho;
бхигкусан̇гхабариб̣яуул̣хо, мама д̣̇ваарамубааг̇ами.
Bhikkhusaṅghaparibyūḷho, mama dvāramupāgami.
‘‘бажжуг̇г̇анд̇ваана самб̣уд̣̇д̇хам̣, логанаат̇ам̣ яасассинам̣;
‘‘Paccuggantvāna sambuddhaṃ, lokanāthaṃ yasassinaṃ;
басаннажид̇д̇о сумано, абхинаамаяим̣ сан̇гхарам̣.
Pasannacitto sumano, abhināmayiṃ saṅgharaṃ.
‘‘бхигкуунам̣ сад̇асахассам̣, б̣уд̣̇д̇хан̃жа логанааяагам̣;
‘‘Bhikkhūnaṃ satasahassaṃ, buddhañca lokanāyakaṃ;
басаннажид̇д̇о сумано, бараманнзна д̇аббаяим̣.
Pasannacitto sumano, paramannena tappayiṃ.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
‘‘язнид̣̇ам̣ аасанам̣ д̣̇иннам̣, сован̣н̣ам̣ г̇онагад̇т̇ад̇ам̣;
‘‘Yenidaṃ āsanaṃ dinnaṃ, sovaṇṇaṃ gonakatthataṃ;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘жад̇усад̇д̇ад̇игкад̇д̇ум̣ со, д̣̇звараж̇ж̇ам̣ гариссад̇и;
‘‘Catusattatikkhattuṃ so, devarajjaṃ karissati;
анубхоссад̇и самбад̇д̇им̣, ажчараахи бурагкад̇о.
Anubhossati sampattiṃ, accharāhi purakkhato.
‘‘бад̣̇зсараж̇ж̇ам̣ сахассам̣, васуд̇хам̣ аавасиссад̇и;
‘‘Padesarajjaṃ sahassaṃ, vasudhaṃ āvasissati;
згабан̃н̃аасагкад̇д̇ун̃жа, жаггавад̇д̇ий бхависсад̇и.
Ekapaññāsakkhattuñca, cakkavattī bhavissati.
‘‘саб̣б̣аасу бхаваяонийсу, ужжаагулий бхависсад̇и;
‘‘Sabbāsu bhavayonīsu, uccākulī bhavissati;
со жа бажчаа баб̣б̣аж̇ид̇ваа, суггамуулзна жод̣̇ид̇о;
So ca pacchā pabbajitvā, sukkamūlena codito;
бхад̣̇д̣̇ияо наама наамзна, хзссад̇и сад̇т̇у сааваго.
Bhaddiyo nāma nāmena, hessati satthu sāvako.
‘‘вивзгамануяуд̇д̇омхи, банд̇асзнаниваасахам̣;
‘‘Vivekamanuyuttomhi, pantasenanivāsahaṃ;
палан̃жаад̇хиг̇ад̇ам̣ саб̣б̣ам̣, жад̇д̇аглзсомхи аж̇ж̇ахам̣.
Phalañcādhigataṃ sabbaṃ, cattaklesomhi ajjahaṃ.
‘‘мама саб̣б̣ам̣ абхин̃н̃ааяа, саб̣б̣ан̃н̃уу логанааяаго;
‘‘Mama sabbaṃ abhiññāya, sabbaññū lokanāyako;
бхигкусан̇гхз нисийд̣̇ид̇ваа, зд̇ад̣̇аг̇г̇з табзси мам̣.
Bhikkhusaṅghe nisīditvā, etadagge ṭhapesi maṃ.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и.
Chaḷabhiññā sacchikatā, kataṃ buddhassa sāsana’’nti.
д̇асса бхаг̇аваа чал̣абхин̃н̃уббад̇д̇им̣ н̃ад̇ваа ‘‘зхи, бхад̣̇д̣̇аа’’д̇и ааха. со д̇аавад̣̇зва сад̇т̇аарам̣ убасан̇гамид̇ваа ванд̣̇ид̇ваа бан̃ж̇алиго сад̇т̇у самийбз адтааси, саа зва жасса убасамбад̣̇аа ахоси. б̣уд̣̇д̇хуубасамбад̣̇аа наама гирзсаа. т̇зро ж̇аад̇ид̇о бадтааяа ад̇д̇ано бавад̇д̇ияаа гат̇анамукзна ан̃н̃ам̣ б̣яаагаронд̇о –
Tassa bhagavā chaḷabhiññuppattiṃ ñatvā ‘‘ehi, bhaddā’’ti āha. So tāvadeva satthāraṃ upasaṅkamitvā vanditvā pañjaliko satthu samīpe aṭṭhāsi, sā eva cassa upasampadā ahosi. Buddhūpasampadā nāma kiresā. Thero jātito paṭṭhāya attano pavattiyā kathanamukhena aññaṃ byākaronto –
473.
473.
‘‘згабуд̇д̇о ахам̣ аасим̣, бияо маад̇у бияо бид̇у;
‘‘Ekaputto ahaṃ āsiṃ, piyo mātu piyo pitu;
б̣ахуухи вад̇ажарияаахи, лад̣̇д̇хо ааяаажанаахи жа.
Bahūhi vatacariyāhi, laddho āyācanāhi ca.
474.
474.
‘‘д̇з жа мам̣ анугамбааяа, ад̇т̇агаамаа хид̇зсино;
‘‘Te ca maṃ anukampāya, atthakāmā hitesino;
убхо бид̇аа жа маад̇аа жа, б̣уд̣̇д̇хасса убанаамаяум̣.
Ubho pitā ca mātā ca, buddhassa upanāmayuṃ.
475.
475.
‘‘гижчаа лад̣̇д̇хо аяам̣ буд̇д̇о, сукумаало сукзд̇хид̇о;
‘‘Kicchā laddho ayaṃ putto, sukhumālo sukhedhito;
имам̣ д̣̇ад̣̇аама д̇з наат̇а, ж̇инасса барижаарагам̣.
Imaṃ dadāma te nātha, jinassa paricārakaṃ.
476.
476.
‘‘сад̇т̇аа жа мам̣ бадиг̇г̇аяха, аананд̣̇ам̣ зд̇ад̣̇аб̣рави;
‘‘Satthā ca maṃ paṭiggayha, ānandaṃ etadabravi;
баб̣б̣ааж̇зхи имам̣ киббам̣, хзссад̇яааж̇аанияо аяам̣.
Pabbājehi imaṃ khippaṃ, hessatyājāniyo ayaṃ.
477.
477.
‘‘баб̣б̣ааж̇зд̇ваана мам̣ сад̇т̇аа, вихаарам̣ баависий ж̇ино;
‘‘Pabbājetvāna maṃ satthā, vihāraṃ pāvisī jino;
аног̇г̇ад̇асмим̣ суурияасмим̣, д̇ад̇о жид̇д̇ам̣ вимужжи мз.
Anoggatasmiṃ sūriyasmiṃ, tato cittaṃ vimucci me.
478.
478.
‘‘д̇ад̇о сад̇т̇аа нираагад̇ваа, бадисаллаанавудтид̇о;
‘‘Tato satthā nirākatvā, paṭisallānavuṭṭhito;
зхи бхад̣̇д̣̇аад̇и мам̣ ааха, саа мз аасуубасамбад̣̇аа.
Ehi bhaddāti maṃ āha, sā me āsūpasampadā.
479.
479.
‘‘ж̇аад̇ияаа сад̇д̇авассзна, лад̣̇д̇хаа мз убасамбад̣̇аа;
‘‘Jātiyā sattavassena, laddhā me upasampadā;
д̇иссо виж̇ж̇аа ануббад̇д̇аа, ахо д̇хаммасуд̇хаммад̇аа’’д̇и. –
Tisso vijjā anuppattā, aho dhammasudhammatā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а вад̇ажарияаахийд̇и, ‘‘звам̣ гад̇ваа буд̇д̇ам̣ лабхиссат̇аа’’д̇и вуд̇д̇ам̣ саман̣аб̣раахман̣аанам̣ важанам̣ суд̇ваа, кийрам̣ бааяид̇ваа, анасанаад̣̇ивад̇ажаран̣зхи. ааяаажанаахийд̇и д̣̇звад̇ааяаажанаахи сад̇т̇уааяаажанааяа жа, ид̣̇амзва жзд̇т̇а гааран̣ам̣, ид̇арам̣ т̇зро маад̇аабид̇уунам̣ бадибад̇д̇ид̣̇ассанад̇т̇ан̃жзва гижчалад̣̇д̇хабхаавад̣̇ассанад̇т̇ан̃жа вад̣̇ад̇и.
Tattha vatacariyāhīti, ‘‘evaṃ katvā puttaṃ labhissathā’’ti vuttaṃ samaṇabrāhmaṇānaṃ vacanaṃ sutvā, khīraṃ pāyitvā, anasanādivatacaraṇehi. Āyācanāhīti devatāyācanāhi satthuāyācanāya ca, idameva cettha kāraṇaṃ, itaraṃ thero mātāpitūnaṃ paṭipattidassanatthañceva kicchaladdhabhāvadassanatthañca vadati.
д̇зд̇и маад̇аабид̇аро. убанаамаяунд̇и убанаамзсум̣.
Teti mātāpitaro. Upanāmayunti upanāmesuṃ.
сукзд̇хид̇од̇и сукасам̣вад̣дхид̇о. д̇зд̇и д̇уяхам̣. барижаараганд̇и гим̣гаарам̣.
Sukhedhitoti sukhasaṃvaḍḍhito. Teti tuyhaṃ. Paricārakanti kiṃkāraṃ.
хзссад̇яааж̇аанияо аяанд̇и аяам̣ д̣̇аараго мама саасанз ааж̇аанийяо бхависсад̇и. д̇асмаа киббам̣ аж̇ж̇зва баб̣б̣ааж̇зхийд̇и зд̇ам̣ аб̣рави, ааха.
Hessatyājāniyo ayanti ayaṃ dārako mama sāsane ājānīyo bhavissati. Tasmā khippaṃ ajjeva pabbājehīti etaṃ abravi, āha.
баб̣б̣ааж̇зд̇ваанаад̇и аананд̣̇ад̇т̇зрзна баб̣б̣ааж̇зд̇ваа. вихааранд̇и г̇анд̇хагудим̣. аног̇г̇ад̇асмим̣ суурияасминд̇и суурияз анад̇т̇ан̇г̇ад̇зязва. д̇ад̇о жид̇д̇ам̣ вимужжи мзд̇и д̇ад̇о вибассанаарамбхад̇о барам̣ на жирзнзва кан̣зна саб̣б̣аасавзхи мз жид̇д̇ам̣ вимужжи, кийн̣аасаво ахосим̣.
Pabbājetvānāti ānandattherena pabbājetvā. Vihāranti gandhakuṭiṃ. Anoggatasmiṃ sūriyasminti sūriye anatthaṅgateyeva. Tato cittaṃ vimucci meti tato vipassanārambhato paraṃ na cireneva khaṇena sabbāsavehi me cittaṃ vimucci, khīṇāsavo ahosiṃ.
д̇ад̇од̇и мама аасавагкаяад̇о бажчаа. нираагад̇ваад̇и ад̇д̇анаа самаабаннам̣ паласамаабад̇д̇им̣ аббзд̇ваа д̇ад̇о вудтааяа. д̇знааха ‘‘бадисаллаанавудтид̇о’’д̇и. саа мз аасуубасамбад̣̇аад̇и яаа мам̣ уд̣̇д̣̇исса ‘‘зхи, бхад̣̇д̣̇аа’’д̇и сад̇т̇у ваажаа бавад̇д̇аа, саа зва мз маяхам̣ убасамбад̣̇аа ааси. звам̣ ж̇аад̇ияаа сад̇д̇авассзна, лад̣̇д̇хаа мз убасамбад̣̇аад̇и саад̇исаяам̣ сад̇т̇аараа ад̇д̇ано гад̇ам̣ ануг̇г̇ахам̣ саасанасса жа нияяаанигад̇ам̣ д̣̇ассзд̇и. д̇знааха ‘‘ахо д̇хаммасуд̇хаммад̇аа’’д̇и.
Tatoti mama āsavakkhayato pacchā. Nirākatvāti attanā samāpannaṃ phalasamāpattiṃ appetvā tato vuṭṭhāya. Tenāha ‘‘paṭisallānavuṭṭhito’’ti. Sā me āsūpasampadāti yā maṃ uddissa ‘‘ehi, bhaddā’’ti satthu vācā pavattā, sā eva me mayhaṃ upasampadā āsi. Evaṃ jātiyā sattavassena, laddhā me upasampadāti sātisayaṃ satthārā attano kataṃ anuggahaṃ sāsanassa ca niyyānikataṃ dasseti. Tenāha ‘‘aho dhammasudhammatā’’ti.
зд̇т̇а жа ‘‘жид̇д̇ам̣ вимужжи мз’’д̇и кийн̣аасавабхаавам̣ багаасзд̇вааби буна ‘‘д̇иссо виж̇ж̇аа ануббад̇д̇аа’’д̇и логияаабхин̃н̃згад̣̇зсад̣̇ассанам̣ чал̣абхин̃н̃абхаававибхааванад̇т̇ам̣. д̇знааха абад̣̇аанз ‘‘чал̣абхин̃н̃аа сажчигад̇аа’’д̇и.
Ettha ca ‘‘cittaṃ vimucci me’’ti khīṇāsavabhāvaṃ pakāsetvāpi puna ‘‘tisso vijjā anuppattā’’ti lokiyābhiññekadesadassanaṃ chaḷabhiññabhāvavibhāvanatthaṃ. Tenāha apadāne ‘‘chaḷabhiññā sacchikatā’’ti.
бхад̣̇д̣̇ад̇т̇зраг̇аат̇ааван̣н̣анаа нидтид̇аа.
Bhaddattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. бхад̣̇д̣̇ад̇т̇зраг̇аат̇аа • 3. Bhaddattheragāthā
