| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၁. ဘဒ္ဒဝဂ္ဂိယကထာ
11. Bhaddavaggiyakathā
၃၆. ဘဒ္ဒံ ရူပဉ္စ စိတ္တဉ္စ ဧတေသမတ္ထီတိ ဘဒ္ဒကာ။ ဝဂ္ဂဗန္ဓနံ ဝဂ္ဂော ဥတ္တရပဒလောပေန, ဝဂ္ဂေန စရန္တီတိ ဝဂ္ဂိယာ။ ဘဒ္ဒကာ စ တေ ဝဂ္ဂိယာ စာတိ ဘဒ္ဒဝဂ္ဂိယာ ကကာရလောပေနာတိ အတ္ထံ ဒသ္သေန္တော အာဟ ‘‘ဘဒ္ဒဝဂ္ဂိယာ’’တိအာဒိ။ ‘‘ဝောကာရော နိပာတမတ္တော’’တိ ဣမိနာ တုမ္ဟသဒ္ဒသ္သ စ ယောဝစနသ္သ စ ကာရိယဘာဝံ နိဝတ္တေတိ။ ဟီတိ သစ္စံ။ တေတိ ဘဒ္ဒဝဂ္ဂိယာ။ ဣဒန္တိ ပဉ္စသီလရက္ခနံ။ ပုဗ္ဗကမ္မန္တိ ပုဗ္ဗေ ဥပစိတံ ကုသလကမ္မံ။
36. Bhaddaṃ rūpañca cittañca etesamatthīti bhaddakā. Vaggabandhanaṃ vaggo uttarapadalopena, vaggena carantīti vaggiyā. Bhaddakā ca te vaggiyā cāti bhaddavaggiyā kakāralopenāti atthaṃ dassento āha ‘‘bhaddavaggiyā’’tiādi. ‘‘Vokāro nipātamatto’’ti iminā tumhasaddassa ca yovacanassa ca kāriyabhāvaṃ nivatteti. Hīti saccaṃ. Teti bhaddavaggiyā. Idanti pañcasīlarakkhanaṃ. Pubbakammanti pubbe upacitaṃ kusalakammaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၁. ဘဒ္ဒဝဂ္ဂိယဝတ္ထု • 11. Bhaddavaggiyavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဘဒ္ဒဝဂ္ဂိယကထာ • Bhaddavaggiyakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဘဒ္ဒဝဂ္ဂိယကထာဝဏ္ဏနာ • Bhaddavaggiyakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဘဒ္ဒဝဂ္ဂိယကထာဝဏ္ဏနာ • Bhaddavaggiyakathāvaṇṇanā
