| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
භද්‌දවග්‌ගියකථා
Bhaddavaggiyakathā
36. භද්‌දවග්‌ගියාති තෙ කිර රාජකුමාරා රූපෙන ච චිත්‌තෙන ච භද්‌දකා වග්‌ගබන්‌ධෙන ච විචරන්‌ති, තස්‌මා ‘‘භද්‌දවග්‌ගියා’’ති වුච්‌චන්‌ති. තෙන හි වොති එත්‌ථ වොකාරො නිපාතමත්‌තො. ධම්‌මචක්‌ඛුං උදපාදීති කෙසඤ්‌චි සොතාපත්‌තිමග්‌ගො, කෙසඤ්‌චි සකදාගාමිමග්‌ගො, කෙසඤ්‌චි අනාගාමිමග්‌ගො උදපාදි. තයොපි හි එතෙ මග්‌ගා ‘‘ධම්‌මචක්‌ඛූ’’ති වුච්‌චන්‌ති. තෙ කිර තුණ්‌ඩිලජාතකෙ තිංසධුත්‌තා අහෙසුං, අථ තුණ්‌ඩිලොවාදං සුත්‌වා පඤ්‌චසීලානි රක්‌ඛිංසු; ඉදං නෙසං පුබ්‌බකම්‌මං.
36.Bhaddavaggiyāti te kira rājakumārā rūpena ca cittena ca bhaddakā vaggabandhena ca vicaranti, tasmā ‘‘bhaddavaggiyā’’ti vuccanti. Tena hi voti ettha vokāro nipātamatto. Dhammacakkhuṃ udapādīti kesañci sotāpattimaggo, kesañci sakadāgāmimaggo, kesañci anāgāmimaggo udapādi. Tayopi hi ete maggā ‘‘dhammacakkhū’’ti vuccanti. Te kira tuṇḍilajātake tiṃsadhuttā ahesuṃ, atha tuṇḍilovādaṃ sutvā pañcasīlāni rakkhiṃsu; idaṃ nesaṃ pubbakammaṃ.
භද්‌දවග්‌ගියකථා නිට්‌ඨිතා.
Bhaddavaggiyakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 11. භද්‌දවග්‌ගියවත්‌ථු • 11. Bhaddavaggiyavatthu
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / භද්‌දවග්‌ගියකථාවණ්‌ණනා • Bhaddavaggiyakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / භද්‌දවග්‌ගියකථාවණ්‌ණනා • Bhaddavaggiyakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 11. භද්‌දවග්‌ගියකථා • 11. Bhaddavaggiyakathā
