| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
ப⁴த்³த³வக்³கி³யகதா²வண்ணனா
Bhaddavaggiyakathāvaṇṇanā
36. திங்ஸப⁴த்³த³வக்³கி³யவத்து²ம்ஹி யதா²பி⁴ரந்தங் விஹரித்வாதி யதா²அஜ்ஜா²ஸயங் விஹரித்வா. பு³த்³தா⁴னஞ்ஹி ஏகஸ்மிங் டா²னே வஸந்தானங் சா²யூத³காதீ³னங் விபத்திங் வா அபா²ஸுகஸேனாஸனங் வா மனுஸ்ஸானங் அஸ்ஸத்³தா⁴தி³பா⁴வங் வா ஆக³ம்ம அனபி⁴ரதி நாம நத்தி², தேஸங் ஸம்பத்தியா ‘‘இத⁴ பா²ஸுங் விஹராமா’’தி அபி⁴ரமித்வா சிரவிஹாரோபி நத்தி². யத்த² பன ததா²க³தே விஹரந்தே ஸத்தா ஸரணேஸு வா தீஸு பதிட்ட²ஹந்தி, ஸீலானி வா ஸமாதி³யந்தி, பப்³ப³ஜந்தி வா, ஸோதாபத்திமக்³கா³தீ³னங் வா பரேஸங் உபனிஸ்ஸயோ ஹோதி, தத்த² பு³த்³தா⁴ ஸத்தே தாஸு ஸம்பத்தீஸு பதிட்டா²பனஅஜ்ஜா²ஸயேன வஸந்தி, தாஸங் அபா⁴வே பக்கமந்தி. தேன வுத்தங் ‘‘யதா²அஜ்ஜா²ஸயங் விஹரித்வா’’தி. அஜ்ஜோ²கா³ஹெத்வாதி பவிஸித்வா. திங்ஸமத்தாதி திங்ஸபமாணா. ஸேஸமெத்த² வுத்தனயமேவ.
36. Tiṃsabhaddavaggiyavatthumhi yathābhirantaṃ viharitvāti yathāajjhāsayaṃ viharitvā. Buddhānañhi ekasmiṃ ṭhāne vasantānaṃ chāyūdakādīnaṃ vipattiṃ vā aphāsukasenāsanaṃ vā manussānaṃ assaddhādibhāvaṃ vā āgamma anabhirati nāma natthi, tesaṃ sampattiyā ‘‘idha phāsuṃ viharāmā’’ti abhiramitvā ciravihāropi natthi. Yattha pana tathāgate viharante sattā saraṇesu vā tīsu patiṭṭhahanti, sīlāni vā samādiyanti, pabbajanti vā, sotāpattimaggādīnaṃ vā paresaṃ upanissayo hoti, tattha buddhā satte tāsu sampattīsu patiṭṭhāpanaajjhāsayena vasanti, tāsaṃ abhāve pakkamanti. Tena vuttaṃ ‘‘yathāajjhāsayaṃ viharitvā’’ti. Ajjhogāhetvāti pavisitvā. Tiṃsamattāti tiṃsapamāṇā. Sesamettha vuttanayameva.
ப⁴த்³த³வக்³கி³யகதா²வண்ணனா நிட்டி²தா.
Bhaddavaggiyakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 11. ப⁴த்³த³வக்³கி³யவத்து² • 11. Bhaddavaggiyavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ப⁴த்³த³வக்³கி³யகதா² • Bhaddavaggiyakathā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ப⁴த்³த³வக்³கி³யகதா²வண்ணனா • Bhaddavaggiyakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 11. ப⁴த்³த³வக்³கி³யகதா² • 11. Bhaddavaggiyakathā
