| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ဘဒ္ဒဝဂ္ဂိယကထာဝဏ္ဏနာ
Bhaddavaggiyakathāvaṇṇanā
၃၆. တိံသဘဒ္ဒဝဂ္ဂိယဝတ္ထုမ္ဟိ ယထာဘိရန္တံ ဝိဟရိတ္ဝာတိ ယထာအဇ္ဈာသယံ ဝိဟရိတ္ဝာ။ ဗုဒ္ဓာနဉ္ဟိ ဧကသ္မိံ ဌာနေ ဝသန္တာနံ ဆာယူဒကာဒီနံ ဝိပတ္တိံ ဝာ အဖာသုကသေနာသနံ ဝာ မနုသ္သာနံ အသ္သဒ္ဓာဒိဘာဝံ ဝာ အာဂမ္မ အနဘိရတိ နာမ နတ္ထိ, တေသံ သမ္ပတ္တိယာ ‘‘ဣဓ ဖာသုံ ဝိဟရာမာ’’တိ အဘိရမိတ္ဝာ စိရဝိဟာရောပိ နတ္ထိ။ ယတ္ထ ပန တထာဂတေ ဝိဟရန္တေ သတ္တာ သရဏေသု ဝာ တီသု ပတိဋ္ဌဟန္တိ, သီလာနိ ဝာ သမာဒိယန္တိ, ပဗ္ဗဇန္တိ ဝာ, သောတာပတ္တိမဂ္ဂာဒီနံ ဝာ ပရေသံ ဥပနိသ္သယော ဟောတိ, တတ္ထ ဗုဒ္ဓာ သတ္တေ တာသု သမ္ပတ္တီသု ပတိဋ္ဌာပနအဇ္ဈာသယေန ဝသန္တိ, တာသံ အဘာဝေ ပက္ကမန္တိ။ တေန ဝုတ္တံ ‘‘ယထာအဇ္ဈာသယံ ဝိဟရိတ္ဝာ’’တိ။ အဇ္ဈောဂာဟေတ္ဝာတိ ပဝိသိတ္ဝာ။ တိံသမတ္တာတိ တိံသပမာဏာ။ သေသမေတ္ထ ဝုတ္တနယမေဝ။
36. Tiṃsabhaddavaggiyavatthumhi yathābhirantaṃ viharitvāti yathāajjhāsayaṃ viharitvā. Buddhānañhi ekasmiṃ ṭhāne vasantānaṃ chāyūdakādīnaṃ vipattiṃ vā aphāsukasenāsanaṃ vā manussānaṃ assaddhādibhāvaṃ vā āgamma anabhirati nāma natthi, tesaṃ sampattiyā ‘‘idha phāsuṃ viharāmā’’ti abhiramitvā ciravihāropi natthi. Yattha pana tathāgate viharante sattā saraṇesu vā tīsu patiṭṭhahanti, sīlāni vā samādiyanti, pabbajanti vā, sotāpattimaggādīnaṃ vā paresaṃ upanissayo hoti, tattha buddhā satte tāsu sampattīsu patiṭṭhāpanaajjhāsayena vasanti, tāsaṃ abhāve pakkamanti. Tena vuttaṃ ‘‘yathāajjhāsayaṃ viharitvā’’ti. Ajjhogāhetvāti pavisitvā. Tiṃsamattāti tiṃsapamāṇā. Sesamettha vuttanayameva.
ဘဒ္ဒဝဂ္ဂိယကထာဝဏ္ဏနာ နိဋ္ဌိတာ။
Bhaddavaggiyakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၁. ဘဒ္ဒဝဂ္ဂိယဝတ္ထု • 11. Bhaddavaggiyavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဘဒ္ဒဝဂ္ဂိယကထာ • Bhaddavaggiyakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဘဒ္ဒဝဂ္ဂိယကထာဝဏ္ဏနာ • Bhaddavaggiyakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၁. ဘဒ္ဒဝဂ္ဂိယကထာ • 11. Bhaddavaggiyakathā
