| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
භද්‌දවග්‌ගියකථාවණ්‌ණනා
Bhaddavaggiyakathāvaṇṇanā
36. තිංසභද්‌දවග්‌ගියවත්‌ථුම්‌හි යථාභිරන්‌තං විහරිත්‌වාති යථාඅජ්‌ඣාසයං විහරිත්‌වා. බුද්‌ධානඤ්‌හි එකස්‌මිං ඨානෙ වසන්‌තානං ඡායූදකාදීනං විපත්‌තිං වා අඵාසුකසෙනාසනං වා මනුස්‌සානං අස්‌සද්‌ධාදිභාවං වා ආගම්‌ම අනභිරති නාම නත්‌ථි, තෙසං සම්‌පත්‌තියා ‘‘ඉධ ඵාසුං විහරාමා’’ති අභිරමිත්‌වා චිරවිහාරොපි නත්‌ථි. යත්‌ථ පන තථාගතෙ විහරන්‌තෙ සත්‌තා සරණෙසු වා තීසු පතිට්‌ඨහන්‌ති, සීලානි වා සමාදියන්‌ති, පබ්‌බජන්‌ති වා, සොතාපත්‌තිමග්‌ගාදීනං වා පරෙසං උපනිස්‌සයො හොති, තත්‌ථ බුද්‌ධා සත්‌තෙ තාසු සම්‌පත්‌තීසු පතිට්‌ඨාපනඅජ්‌ඣාසයෙන වසන්‌ති, තාසං අභාවෙ පක්‌කමන්‌ති. තෙන වුත්‌තං ‘‘යථාඅජ්‌ඣාසයං විහරිත්‌වා’’ති. අජ්‌ඣොගාහෙත්‌වාති පවිසිත්‌වා. තිංසමත්‌තාති තිංසපමාණා. සෙසමෙත්‌ථ වුත්‌තනයමෙව.
36. Tiṃsabhaddavaggiyavatthumhi yathābhirantaṃ viharitvāti yathāajjhāsayaṃ viharitvā. Buddhānañhi ekasmiṃ ṭhāne vasantānaṃ chāyūdakādīnaṃ vipattiṃ vā aphāsukasenāsanaṃ vā manussānaṃ assaddhādibhāvaṃ vā āgamma anabhirati nāma natthi, tesaṃ sampattiyā ‘‘idha phāsuṃ viharāmā’’ti abhiramitvā ciravihāropi natthi. Yattha pana tathāgate viharante sattā saraṇesu vā tīsu patiṭṭhahanti, sīlāni vā samādiyanti, pabbajanti vā, sotāpattimaggādīnaṃ vā paresaṃ upanissayo hoti, tattha buddhā satte tāsu sampattīsu patiṭṭhāpanaajjhāsayena vasanti, tāsaṃ abhāve pakkamanti. Tena vuttaṃ ‘‘yathāajjhāsayaṃ viharitvā’’ti. Ajjhogāhetvāti pavisitvā. Tiṃsamattāti tiṃsapamāṇā. Sesamettha vuttanayameva.
භද්‌දවග්‌ගියකථාවණ්‌ණනා නිට්‌ඨිතා.
Bhaddavaggiyakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 11. භද්‌දවග්‌ගියවත්‌ථු • 11. Bhaddavaggiyavatthu
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / භද්‌දවග්‌ගියකථා • Bhaddavaggiyakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / භද්‌දවග්‌ගියකථාවණ්‌ණනා • Bhaddavaggiyakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 11. භද්‌දවග්‌ගියකථා • 11. Bhaddavaggiyakathā
