| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
བྷདྡཝགྒིཡཀཐཱཝཎྞནཱ
Bhaddavaggiyakathāvaṇṇanā
༣༦. ཏིཾསབྷདྡཝགྒིཡཝཏྠུམྷི ཡཐཱབྷིརནྟཾ ཝིཧརིཏྭཱཏི ཡཐཱཨཛ྄ཛྷཱསཡཾ ཝིཧརིཏྭཱ། བུདྡྷཱནཉྷི ཨེཀསྨིཾ ཋཱནེ ཝསནྟཱནཾ ཚཱཡཱུདཀཱདཱིནཾ ཝིཔཏྟིཾ ཝཱ ཨཕཱསུཀསེནཱསནཾ ཝཱ མནུསྶཱནཾ ཨསྶདྡྷཱདིབྷཱཝཾ ཝཱ ཨཱགམྨ ཨནབྷིརཏི ནཱམ ནཏྠི, ཏེསཾ སམྤཏྟིཡཱ ‘‘ཨིདྷ ཕཱསུཾ ཝིཧརཱམཱ’’ཏི ཨབྷིརམིཏྭཱ ཙིརཝིཧཱརོཔི ནཏྠི། ཡཏྠ པན ཏཐཱགཏེ ཝིཧརནྟེ སཏྟཱ སརཎེསུ ཝཱ ཏཱིསུ པཏིཊྛཧནྟི, སཱིལཱནི ཝཱ སམཱདིཡནྟི, པབྦཛནྟི ཝཱ, སོཏཱཔཏྟིམགྒཱདཱིནཾ ཝཱ པརེསཾ ཨུཔནིསྶཡོ ཧོཏི, ཏཏྠ བུདྡྷཱ སཏྟེ ཏཱསུ སམྤཏྟཱིསུ པཏིཊྛཱཔནཨཛ྄ཛྷཱསཡེན ཝསནྟི, ཏཱསཾ ཨབྷཱཝེ པཀྐམནྟི། ཏེན ཝུཏྟཾ ‘‘ཡཐཱཨཛ྄ཛྷཱསཡཾ ཝིཧརིཏྭཱ’’ཏི། ཨཛ྄ཛྷོགཱཧེཏྭཱཏི པཝིསིཏྭཱ། ཏིཾསམཏྟཱཏི ཏིཾསཔམཱཎཱ། སེསམེཏྠ ཝུཏྟནཡམེཝ།
36. Tiṃsabhaddavaggiyavatthumhi yathābhirantaṃ viharitvāti yathāajjhāsayaṃ viharitvā. Buddhānañhi ekasmiṃ ṭhāne vasantānaṃ chāyūdakādīnaṃ vipattiṃ vā aphāsukasenāsanaṃ vā manussānaṃ assaddhādibhāvaṃ vā āgamma anabhirati nāma natthi, tesaṃ sampattiyā ‘‘idha phāsuṃ viharāmā’’ti abhiramitvā ciravihāropi natthi. Yattha pana tathāgate viharante sattā saraṇesu vā tīsu patiṭṭhahanti, sīlāni vā samādiyanti, pabbajanti vā, sotāpattimaggādīnaṃ vā paresaṃ upanissayo hoti, tattha buddhā satte tāsu sampattīsu patiṭṭhāpanaajjhāsayena vasanti, tāsaṃ abhāve pakkamanti. Tena vuttaṃ ‘‘yathāajjhāsayaṃ viharitvā’’ti. Ajjhogāhetvāti pavisitvā. Tiṃsamattāti tiṃsapamāṇā. Sesamettha vuttanayameva.
བྷདྡཝགྒིཡཀཐཱཝཎྞནཱ ནིཊྛིཏཱ།
Bhaddavaggiyakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༡. བྷདྡཝགྒིཡཝཏྠུ • 11. Bhaddavaggiyavatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / བྷདྡཝགྒིཡཀཐཱ • Bhaddavaggiyakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / བྷདྡཝགྒིཡཀཐཱཝཎྞནཱ • Bhaddavaggiyakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༡. བྷདྡཝགྒིཡཀཐཱ • 11. Bhaddavaggiyakathā
