| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
11. бхад̣̇д̣̇аваг̇г̇ияавад̇т̇у
11. Bhaddavaggiyavatthu
36. ат̇а ко бхаг̇аваа б̣аараан̣асияам̣ яат̇аабхиранд̇ам̣ вихарид̇ваа язна урувзлаа д̇зна жааригам̣ баггаами. ат̇а ко бхаг̇аваа маг̇г̇аа оггамма язна ан̃н̃ад̇аро ванасан̣д̣о д̇знубасан̇гами, убасан̇гамид̇ваа д̇ам̣ ванасан̣д̣ам̣ аж̇жхог̇аахзд̇ваа ан̃н̃ад̇арасмим̣ ругкамуулз нисийд̣̇и. д̇зна ко бана самаязна д̇им̣самад̇д̇аа бхад̣̇д̣̇аваг̇г̇ияаа сахааяагаа сабаж̇аабад̇игаа д̇асмим̣ ванасан̣д̣з барижаарзнд̇и. згасса баж̇аабад̇и наахоси; д̇асса ад̇т̇ааяа взсий аанийд̇аа ахоси. ат̇а ко саа взсий д̇зсу бамад̇д̇зсу барижаарзнд̇зсу бхан̣д̣ам̣ аад̣̇ааяа балааяид̇т̇а. ат̇а ко д̇з сахааяагаа сахааяагасса взяяааважжам̣ гаронд̇аа, д̇ам̣ ид̇т̇им̣ г̇авзсанд̇аа, д̇ам̣ ванасан̣д̣ам̣ аахин̣д̣анд̇аа ад̣̇д̣̇асам̣су бхаг̇аванд̇ам̣ ан̃н̃ад̇арасмим̣ ругкамуулз нисиннам̣. д̣̇исваана язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ зд̇ад̣̇авожум̣ – ‘‘аби, бханд̇з, бхаг̇аваа згам̣ ид̇т̇им̣ бассзяяаа’’д̇и? ‘‘гим̣ бана во, гумаараа, ид̇т̇ияаа’’д̇и? ‘‘ид̇ха маяам̣, бханд̇з, д̇им̣самад̇д̇аа бхад̣̇д̣̇аваг̇г̇ияаа сахааяагаа сабаж̇аабад̇игаа имасмим̣ ванасан̣д̣з барижааримхаа. згасса баж̇аабад̇и наахоси; д̇асса ад̇т̇ааяа взсий аанийд̇аа ахоси. ат̇а ко саа, бханд̇з , взсий амхзсу бамад̇д̇зсу барижаарзнд̇зсу бхан̣д̣ам̣ аад̣̇ааяа балааяид̇т̇а. д̇з маяам̣, бханд̇з, сахааяагаа сахааяагасса взяяааважжам̣ гаронд̇аа, д̇ам̣ ид̇т̇им̣ г̇авзсанд̇аа, имам̣ ванасан̣д̣ам̣ аахин̣д̣аамаа’’д̇и. ‘‘д̇ам̣ гим̣ ман̃н̃ат̇а во, гумаараа, гад̇амам̣ ну ко д̇умхаагам̣ варам̣ – яам̣ ваа д̇умхз ид̇т̇им̣ г̇авзсзяяаат̇а, яам̣ ваа ад̇д̇аанам̣ г̇авзсзяяаат̇аа’’д̇и? ‘‘зд̇ад̣̇зва, бханд̇з, амхаагам̣ варам̣ яам̣ маяам̣ ад̇д̇аанам̣ г̇авзсзяяаамаа’’д̇и. ‘‘д̇зна хи во, гумаараа, нисийд̣̇ат̇а, д̇хаммам̣ во д̣̇зсзссаамий’’д̇и. ‘‘звам̣, бханд̇з’’д̇и ко д̇з бхад̣̇д̣̇аваг̇г̇ияаа сахааяагаа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. д̇зсам̣ бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣ гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзси, яад̣̇аа д̇з бхаг̇аваа ан̃н̃ааси галлажид̇д̇з муд̣̇ужид̇д̇з винийваран̣ажид̇д̇з уд̣̇аг̇г̇ажид̇д̇з басаннажид̇д̇з, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа, д̇ам̣ багаасзси д̣̇угкам̣ самуд̣̇аяам̣ нирод̇хам̣ маг̇г̇ам̣, сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа, звамзва д̇зсам̣ д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и. д̇з д̣̇идтад̇хаммаа бад̇д̇ад̇хаммаа вид̣̇ид̇ад̇хаммаа барияог̇аал̣хад̇хаммаа д̇ин̣н̣авижигижчаа виг̇ад̇агат̇ам̣гат̇аа взсаараж̇ж̇аббад̇д̇аа абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси.
36. Atha kho bhagavā bārāṇasiyaṃ yathābhirantaṃ viharitvā yena uruvelā tena cārikaṃ pakkāmi. Atha kho bhagavā maggā okkamma yena aññataro vanasaṇḍo tenupasaṅkami, upasaṅkamitvā taṃ vanasaṇḍaṃ ajjhogāhetvā aññatarasmiṃ rukkhamūle nisīdi. Tena kho pana samayena tiṃsamattā bhaddavaggiyā sahāyakā sapajāpatikā tasmiṃ vanasaṇḍe paricārenti. Ekassa pajāpati nāhosi; tassa atthāya vesī ānītā ahosi. Atha kho sā vesī tesu pamattesu paricārentesu bhaṇḍaṃ ādāya palāyittha. Atha kho te sahāyakā sahāyakassa veyyāvaccaṃ karontā, taṃ itthiṃ gavesantā, taṃ vanasaṇḍaṃ āhiṇḍantā addasaṃsu bhagavantaṃ aññatarasmiṃ rukkhamūle nisinnaṃ. Disvāna yena bhagavā tenupasaṅkamiṃsu, upasaṅkamitvā bhagavantaṃ etadavocuṃ – ‘‘api, bhante, bhagavā ekaṃ itthiṃ passeyyā’’ti? ‘‘Kiṃ pana vo, kumārā, itthiyā’’ti? ‘‘Idha mayaṃ, bhante, tiṃsamattā bhaddavaggiyā sahāyakā sapajāpatikā imasmiṃ vanasaṇḍe paricārimhā. Ekassa pajāpati nāhosi; tassa atthāya vesī ānītā ahosi. Atha kho sā, bhante , vesī amhesu pamattesu paricārentesu bhaṇḍaṃ ādāya palāyittha. Te mayaṃ, bhante, sahāyakā sahāyakassa veyyāvaccaṃ karontā, taṃ itthiṃ gavesantā, imaṃ vanasaṇḍaṃ āhiṇḍāmā’’ti. ‘‘Taṃ kiṃ maññatha vo, kumārā, katamaṃ nu kho tumhākaṃ varaṃ – yaṃ vā tumhe itthiṃ gaveseyyātha, yaṃ vā attānaṃ gaveseyyāthā’’ti? ‘‘Etadeva, bhante, amhākaṃ varaṃ yaṃ mayaṃ attānaṃ gaveseyyāmā’’ti. ‘‘Tena hi vo, kumārā, nisīdatha, dhammaṃ vo desessāmī’’ti. ‘‘Evaṃ, bhante’’ti kho te bhaddavaggiyā sahāyakā bhagavantaṃ abhivādetvā ekamantaṃ nisīdiṃsu. Tesaṃ bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesi, yadā te bhagavā aññāsi kallacitte muducitte vinīvaraṇacitte udaggacitte pasannacitte, atha yā buddhānaṃ sāmukkaṃsikā dhammadesanā, taṃ pakāsesi dukkhaṃ samudayaṃ nirodhaṃ maggaṃ, seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya, evameva tesaṃ tasmiṃyeva āsane virajaṃ vītamalaṃ dhammacakkhuṃ udapādi ‘‘yaṃ kiñci samudayadhammaṃ, sabbaṃ taṃ nirodhadhamma’’nti. Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṃkathā vesārajjappattā aparappaccayā satthusāsane bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi.
бхад̣̇д̣̇аваг̇г̇ияасахааяагаанам̣ вад̇т̇у нидтид̇ам̣.
Bhaddavaggiyasahāyakānaṃ vatthu niṭṭhitaṃ.
д̣̇уд̇ияабхаан̣авааро.
Dutiyabhāṇavāro.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бхад̣̇д̣̇аваг̇г̇ияагат̇аа • Bhaddavaggiyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхад̣̇д̣̇аваг̇г̇ияагат̇ааван̣н̣анаа • Bhaddavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхад̣̇д̣̇аваг̇г̇ияагат̇ааван̣н̣анаа • Bhaddavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 11. бхад̣̇д̣̇аваг̇г̇ияагат̇аа • 11. Bhaddavaggiyakathā
