| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. вибхан̇г̇аваг̇г̇о
4. Vibhaṅgavaggo
1. бхад̣̇д̣̇згарад̇д̇асуд̇д̇аван̣н̣анаа
1. Bhaddekarattasuttavaṇṇanā
272. звам̣ мз суд̇анд̇и бхад̣̇д̣̇згарад̇д̇асуд̇д̇ам̣. д̇ад̇т̇а бхад̣̇д̣̇згарад̇д̇ассаад̇и вибассанаануяог̇асаманнааг̇ад̇ад̇д̇аа бхад̣̇д̣̇агасса згарад̇д̇асса. уд̣̇д̣̇зсанд̇и маад̇игам̣. вибхан̇г̇анд̇и вид̇т̇аарабхааж̇анийяам̣.
272.Evaṃme sutanti bhaddekarattasuttaṃ. Tattha bhaddekarattassāti vipassanānuyogasamannāgatattā bhaddakassa ekarattassa. Uddesanti mātikaṃ. Vibhaṅganti vitthārabhājanīyaṃ.
ад̇ийд̇анд̇и ад̇ийд̇з бан̃жагканд̇хз. наанвааг̇амзяяаад̇и д̇ан̣хаад̣̇идтийхи наануг̇ажчзяяа. наббадиган̇кзд̇и д̇ан̣хаад̣̇идтийхи на бад̇т̇зяяа. яад̣̇ад̇ийд̇анд̇и ид̣̇амзд̇т̇а гааран̣аважанам̣. яасмаа яам̣ ад̇ийд̇ам̣, д̇ам̣ бахийнам̣ нируд̣̇д̇хам̣ ад̇т̇ан̇г̇ад̇ам̣, д̇асмаа д̇ам̣ буна наануг̇ажчзяяа. яасмаа жа яам̣ анааг̇ад̇ам̣, д̇ам̣ аббад̇д̇ам̣ аж̇аад̇ам̣ аниб̣б̣ад̇д̇ам̣, д̇асмаа д̇амби на бад̇т̇зяяа.
Atītanti atīte pañcakkhandhe. Nānvāgameyyāti taṇhādiṭṭhīhi nānugaccheyya. Nappaṭikaṅkheti taṇhādiṭṭhīhi na pattheyya. Yadatītanti idamettha kāraṇavacanaṃ. Yasmā yaṃ atītaṃ, taṃ pahīnaṃ niruddhaṃ atthaṅgataṃ, tasmā taṃ puna nānugaccheyya. Yasmā ca yaṃ anāgataṃ, taṃ appattaṃ ajātaṃ anibbattaṃ, tasmā tampi na pattheyya.
д̇ад̇т̇а д̇ад̇т̇аад̇и бажжуббаннамби д̇хаммам̣ яад̇т̇а яад̇т̇зва уббанно, д̇ад̇т̇а д̇ад̇т̇зва жа нам̣ анижжаанубассанаад̣̇ийхи сад̇д̇ахи анубассанаахи яо вибассад̇и аран̃н̃аад̣̇ийсу ваа д̇ад̇т̇а д̇ад̇т̇зва вибассад̇и. асам̣хийрам̣ асам̣губбанд̇и ид̣̇ам̣ вибассанаабадивибассанаад̣̇ассанад̇т̇ам̣ вуд̇д̇ам̣. вибассанаа хи рааг̇аад̣̇ийхи на сам̣хийрад̇и на сам̣губбад̇ийд̇и асам̣хийрам̣ асам̣губбам̣, д̇ам̣ ануб̣руухаяз вад̣дхзяяа, бадивибассзяяаад̇и вуд̇д̇ам̣ ход̇и. ат̇а ваа ниб̣б̣аанам̣ рааг̇аад̣̇ийхи на сам̣хийрад̇и на сам̣губбад̇ийд̇и асам̣хийрам̣ асам̣губбам̣. д̇ам̣ вид̣̇ваа бан̣д̣ид̇о бхигку ануб̣руухаяз, бунаббунам̣ д̇ад̣̇аарамман̣ам̣ д̇ам̣ д̇ам̣ паласамаабад̇д̇им̣ аббзнд̇о вад̣дхзяяаад̇и ад̇т̇о.
Tattha tatthāti paccuppannampi dhammaṃ yattha yattheva uppanno, tattha tattheva ca naṃ aniccānupassanādīhi sattahi anupassanāhi yo vipassati araññādīsu vā tattha tattheva vipassati. Asaṃhīraṃasaṃkuppanti idaṃ vipassanāpaṭivipassanādassanatthaṃ vuttaṃ. Vipassanā hi rāgādīhi na saṃhīrati na saṃkuppatīti asaṃhīraṃ asaṃkuppaṃ, taṃ anubrūhaye vaḍḍheyya, paṭivipasseyyāti vuttaṃ hoti. Atha vā nibbānaṃ rāgādīhi na saṃhīrati na saṃkuppatīti asaṃhīraṃ asaṃkuppaṃ. Taṃ vidvā paṇḍito bhikkhu anubrūhaye, punappunaṃ tadārammaṇaṃ taṃ taṃ phalasamāpattiṃ appento vaḍḍheyyāti attho.
д̇асса бана ануб̣рууханд̇асса ад̇т̇ааяа – аж̇ж̇зва гижжамаад̇аббанд̇и гилзсаанам̣ аад̇аабанабарид̇аабанзна аад̇аббанд̇и лад̣̇д̇ханаамам̣ вийрияам̣ аж̇ж̇зва гаад̇аб̣б̣ам̣. го ж̇ан̃н̃аа маран̣ам̣ сувзд̇и свз ж̇ийвид̇ам̣ ваа маран̣ам̣ ваа го ж̇аанаад̇и. аж̇ж̇зва д̣̇аанам̣ ваа д̣̇ассаами, сийлам̣ ваа рагкиссаами, ан̃н̃ад̇арам̣ ваа бана гусалам̣ гариссаамийд̇и хи ‘‘аж̇ж̇а д̇аава бабан̃жо ад̇т̇и, свз ваа бунад̣̇ивасз ваа гариссаамий’’д̇и жид̇д̇ам̣ ануббаад̣̇зд̇ваа аж̇ж̇зва гариссаамийд̇и звам̣ вийрияам̣ гаад̇аб̣б̣анд̇и д̣̇ассзд̇и. махаасзнзнаад̇и аг̇г̇ивисасад̇т̇аад̣̇ийни анзгаани маран̣агааран̣аани д̇асса сзнаа, д̇ааяа махад̇ияаа сзнааяа васзна махаасзнзна зваруубзна мажжунаа сад̣̇д̇хим̣ ‘‘гад̇ибаахам̣ д̇аава ааг̇амзхи яааваахам̣ б̣уд̣̇д̇хабууж̇аад̣̇им̣ ад̇д̇ано авассаяагаммам̣ гаромий’’д̇и . звам̣ мид̇д̇асант̇аваагаарасан̇каад̇о ваа, ‘‘ид̣̇ам̣ сад̇ам̣ ваа сахассам̣ ваа г̇ахзд̇ваа гад̇ибаахам̣ ааг̇амзхий’’д̇и звам̣ лан̃ж̇аануббад̣̇аанасан̇каад̇о ваа, ‘‘иминаахам̣ б̣алараасинаа бадиб̣аахиссаамий’’д̇и звам̣ б̣алараасисан̇каад̇о ваа сан̇г̇аро над̇т̇и. сан̇г̇арод̇и хи мид̇д̇асант̇аваагааралан̃ж̇аануббад̣̇аанаб̣алараасийнам̣ наамам̣, д̇асмаа аяамад̇т̇о вуд̇д̇о.
Tassa pana anubrūhantassa atthāya – ajjeva kiccamātappanti kilesānaṃ ātāpanaparitāpanena ātappanti laddhanāmaṃ vīriyaṃ ajjeva kātabbaṃ. Ko jaññā maraṇaṃ suveti sve jīvitaṃ vā maraṇaṃ vā ko jānāti. Ajjeva dānaṃ vā dassāmi, sīlaṃ vā rakkhissāmi, aññataraṃ vā pana kusalaṃ karissāmīti hi ‘‘ajja tāva papañco atthi, sve vā punadivase vā karissāmī’’ti cittaṃ anuppādetvā ajjeva karissāmīti evaṃ vīriyaṃ kātabbanti dasseti. Mahāsenenāti aggivisasatthādīni anekāni maraṇakāraṇāni tassa senā, tāya mahatiyā senāya vasena mahāsenena evarūpena maccunā saddhiṃ ‘‘katipāhaṃ tāva āgamehi yāvāhaṃ buddhapūjādiṃ attano avassayakammaṃ karomī’’ti . Evaṃ mittasanthavākārasaṅkhāto vā, ‘‘idaṃ sataṃ vā sahassaṃ vā gahetvā katipāhaṃ āgamehī’’ti evaṃ lañjānuppadānasaṅkhāto vā, ‘‘imināhaṃ balarāsinā paṭibāhissāmī’’ti evaṃ balarāsisaṅkhāto vā saṅgaro natthi. Saṅgaroti hi mittasanthavākāralañjānuppadānabalarāsīnaṃ nāmaṃ, tasmā ayamattho vutto.
ад̇анд̣̇ид̇анд̇и аналасам̣ удтаахагам̣. звам̣ бадибаннад̇д̇аа бхад̣̇д̣̇о згарад̇д̇о ассаад̇и бхад̣̇д̣̇згарад̇д̇о. ид̇и д̇ам̣ звам̣ бадибаннабуг̇г̇алам̣ ‘‘бхад̣̇д̣̇згарад̇д̇о аяа’’нд̇и. рааг̇аад̣̇ийнам̣ санд̇ад̇ааяа санд̇о б̣уд̣̇д̇хамуни аажигкад̇и.
Atanditanti analasaṃ uṭṭhāhakaṃ. Evaṃ paṭipannattā bhaddo ekaratto assāti bhaddekaratto. Iti taṃ evaṃ paṭipannapuggalaṃ ‘‘bhaddekaratto aya’’nti. Rāgādīnaṃ santatāya santo buddhamuni ācikkhati.
273. звам̣руубод̇иаад̣̇ийсу гаал̣оби самаано инд̣̇анийламан̣иван̣н̣о ахосинд̇и звам̣ манун̃н̃аруубавасзнзва звам̣руубо ахосим̣. гусаласукасоманассавзд̣̇анаавасзнзва звам̣взд̣̇ано. д̇ам̣самбаяуд̇д̇аанам̣язва сан̃н̃аад̣̇ийнам̣ васзна звам̣сан̃н̃о звам̣сан̇кааро звам̣вин̃н̃аан̣о ахосим̣ ад̇ийд̇амад̣̇д̇хаананд̇и.
273.Evaṃrūpotiādīsu kāḷopi samāno indanīlamaṇivaṇṇo ahosinti evaṃ manuññarūpavaseneva evaṃrūpo ahosiṃ. Kusalasukhasomanassavedanāvaseneva evaṃvedano. Taṃsampayuttānaṃyeva saññādīnaṃ vasena evaṃsañño evaṃsaṅkhāro evaṃviññāṇo ahosiṃ atītamaddhānanti.
д̇ад̇т̇а нанд̣̇им̣ саманваанзд̇ийд̇и д̇зсу руубаад̣̇ийсу д̇ан̣хам̣ саманваанзд̇и анубавад̇д̇зд̇и. хийнаруубаад̣̇ивасзна бана звам̣руубо ахосим̣…бз… звам̣вин̃н̃аан̣о ахосинд̇и на ман̃н̃ад̇и.
Tattha nandiṃ samanvānetīti tesu rūpādīsu taṇhaṃ samanvāneti anupavatteti. Hīnarūpādivasena pana evaṃrūpo ahosiṃ…pe… evaṃviññāṇo ahosinti na maññati.
нанд̣̇им̣ на саманваанзд̇ийд̇и д̇ан̣хам̣ ваа д̇ан̣хаасамбаяуд̇д̇ад̣̇идтим̣ ваа наанубавад̇д̇аяад̇и.
Nandiṃ na samanvānetīti taṇhaṃ vā taṇhāsampayuttadiṭṭhiṃ vā nānupavattayati.
274. звам̣руубо сияанд̇иаад̣̇ийсуби д̇ам̣манун̃н̃аруубаад̣̇ивасзнзва д̇ан̣хаад̣̇идтибавад̇д̇асан̇каад̇аа нанд̣̇исаманваанаяанаава взд̣̇ид̇аб̣б̣аа.
274.Evaṃrūpo siyantiādīsupi taṃmanuññarūpādivaseneva taṇhādiṭṭhipavattasaṅkhātā nandisamanvānayanāva veditabbā.
275. гат̇ан̃жа , бхигкавз, бажжуббаннзсу д̇хаммзсу сам̣хийрад̇ийд̇и ид̣̇ам̣ ‘‘бажжуббаннан̃жа яо д̇хаммам̣, д̇ад̇т̇а д̇ад̇т̇а вибассад̇и. асам̣хийрам̣ асам̣губба’’нд̇и уд̣̇д̣̇зсасса нид̣̇д̣̇зсад̇т̇ам̣ вуд̇д̇ам̣. гааман̃жзд̇т̇а ‘‘гат̇ан̃жа, бхигкавз, бажжуббаннам̣ д̇хаммам̣ на вибассад̇ий’’д̇иаад̣̇и вад̇д̇аб̣б̣ам̣ сияаа, яасмаа бана асам̣хийраад̇и жа асам̣губбаад̇и жа вибассанаа вуд̇д̇аа, д̇асмаа д̇ассаа зва абхааван̃жа бхааван̃жа д̣̇ассзд̇ум̣ сам̣хийрад̇ийд̇и маад̇игам̣ уд̣̇д̇харид̇ваа вид̇т̇ааро вуд̇д̇о. д̇ад̇т̇а сам̣хийрад̇ийд̇и вибассанааяа абхаавад̇о д̇ан̣хаад̣̇идтийхи аагад̣дхияад̇и. на сам̣хийрад̇ийд̇и вибассанааяа бхаавзна д̇ан̣хаад̣̇идтийхи наагад̣дхияад̇и. сзсам̣ саб̣б̣ад̇т̇а уд̇д̇аанамзваад̇и.
275.Kathañca, bhikkhave, paccuppannesu dhammesu saṃhīratīti idaṃ ‘‘paccuppannañca yo dhammaṃ, tattha tattha vipassati. Asaṃhīraṃ asaṃkuppa’’nti uddesassa niddesatthaṃ vuttaṃ. Kāmañcettha ‘‘kathañca, bhikkhave, paccuppannaṃ dhammaṃ na vipassatī’’tiādi vattabbaṃ siyā, yasmā pana asaṃhīrāti ca asaṃkuppāti ca vipassanā vuttā, tasmā tassā eva abhāvañca bhāvañca dassetuṃ saṃhīratīti mātikaṃ uddharitvā vitthāro vutto. Tattha saṃhīratīti vipassanāya abhāvato taṇhādiṭṭhīhi ākaḍḍhiyati. Na saṃhīratīti vipassanāya bhāvena taṇhādiṭṭhīhi nākaḍḍhiyati. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
бхад̣̇д̣̇згарад̇д̇асуд̇д̇аван̣н̣анаа нидтид̇аа.
Bhaddekarattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. бхад̣̇д̣̇згарад̇д̇асуд̇д̇ам̣ • 1. Bhaddekarattasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. бхад̣̇д̣̇згарад̇д̇асуд̇д̇аван̣н̣анаа • 1. Bhaddekarattasuttavaṇṇanā
