| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. вибхан̇г̇аваг̇г̇о
4. Vibhaṅgavaggo
1. бхад̣̇д̣̇згарад̇д̇асуд̇д̇аван̣н̣анаа
1. Bhaddekarattasuttavaṇṇanā
272. згаа рад̇д̇и згарад̇д̇о, бхад̣̇д̣̇о згарад̇д̇о зд̇ассаад̇и бхад̣̇д̣̇згарад̇д̇ам̣, вибассанам̣ бариб̣руухзнд̇о буг̇г̇ало. д̇знааха – ‘‘вибассанаануяог̇асаманнааг̇ад̇ад̇д̇аа’’д̇и. д̇ам̣ уд̣̇д̣̇исса бавад̇д̇ияаа бана бхад̣̇д̣̇згарад̇д̇асахажаран̣ад̇о бхад̣̇д̣̇згарад̇д̇о. д̇знааха бхаг̇аваа – ‘‘бхад̣̇д̣̇згарад̇д̇асса во, бхигкавз, уд̣̇д̣̇зсан̃жа вибхан̇г̇ан̃жа д̣̇зсзссаамий’’д̇и. д̣̇зсзд̇аб̣б̣амад̇т̇ам̣ уд̣̇д̣̇исад̇и зд̇знаад̇и уд̣̇д̣̇зсо, сан̇кзбад̣̇зсанаа зва. яасмаа бана нид̣̇д̣̇зсабад̣̇аанам̣ ж̇ананидтаанз тид̇ад̇д̇аа маад̇аа вияаад̇и маад̇игаад̇и вужжад̇и, д̇асмааха ‘‘уд̣̇д̣̇зсанд̇и маад̇ига’’нд̇и. уд̣̇д̣̇идтамад̇т̇ам̣ вибхаж̇ад̇и зд̇знаад̇и вибхан̇г̇о вид̇т̇аарад̣̇зсанаа, д̇знааха – ‘‘вид̇т̇аарабхааж̇анияа’’нд̇и ‘‘яат̇аауд̣̇д̣̇идтамад̇т̇ам̣ вид̇т̇аарад̇о бхааж̇зд̇и вибхаж̇ад̇и зд̇знаа’’д̇и гад̇ваа.
272. Ekā ratti ekaratto, bhaddo ekaratto etassāti bhaddekarattaṃ, vipassanaṃ paribrūhento puggalo. Tenāha – ‘‘vipassanānuyogasamannāgatattā’’ti. Taṃ uddissa pavattiyā pana bhaddekarattasahacaraṇato bhaddekaratto. Tenāha bhagavā – ‘‘bhaddekarattassa vo, bhikkhave, uddesañca vibhaṅgañca desessāmī’’ti. Desetabbamatthaṃ uddisati etenāti uddeso, saṅkhepadesanā eva. Yasmā pana niddesapadānaṃ jananiṭṭhāne ṭhitattā mātā viyāti mātikāti vuccati, tasmāha ‘‘uddesanti mātika’’nti. Uddiṭṭhamatthaṃ vibhajati etenāti vibhaṅgo vitthāradesanā, tenāha – ‘‘vitthārabhājaniya’’nti ‘‘yathāuddiṭṭhamatthaṃ vitthārato bhājeti vibhajati etenā’’ti katvā.
уббаад̣̇аад̣̇икан̣ад̇д̇аяам̣ бад̇ваа ад̇иггамам̣ ад̇игганд̇ам̣ ад̇ийд̇ам̣. д̇ам̣ бана ад̇т̇ад̇о виг̇ад̇ам̣ канд̇хабан̃жаганд̇и ааха ‘‘ад̇ийд̇з канд̇хабан̃жагз’’д̇и. д̇ан̣хаад̣̇идтийхи наануг̇ажчзяяаад̇и д̇ан̣хаад̣̇идтаабхинанд̣̇анаахи наанубхавзяяа, наабхинанд̣̇зяяаад̇и ад̇т̇о. яат̇аа ‘‘нижжа’’нд̇иаад̣̇инаа вибарийд̇аг̇г̇аахавасзна ад̇ийд̇зсу руубаад̣̇ийсу мижчааабхинивисанам̣ бараамаасо д̣̇идтаабхинанд̣̇анаа; звам̣ ‘‘нижжа’’нд̇иаад̣̇инаа вибарийд̇аг̇г̇аахавасзна анааг̇ад̇зсу руубаад̣̇ийсу мижчааабхинивисанам̣ бараамаасо д̣̇идти гаммасамаад̣̇аанам̣ д̣̇идтибад̇т̇анаад̇и д̇ам̣ бадигкибанд̇о ааха – ‘‘д̇ан̣хаад̣̇идтийхи на бад̇т̇зяяаа’’д̇и. яад̣̇ад̇ийд̇анд̇и зд̇т̇а ид̇и-сад̣̇д̣̇о аад̣̇иад̇т̇о. д̇зна ‘‘абад̇д̇а’’нд̇и бад̣̇ам̣ сан̇г̇ан̣хаад̇и. д̇амби хи гааран̣аважанам̣. д̇знааха ‘‘яасмаа жаа’’д̇и. д̇ад̇т̇ааяамад̇хиббааяо, ‘‘ад̇ийд̇ам̣ д̇ан̣хаад̣̇ивасзна наабхинанд̣̇ид̇аб̣б̣ам̣ саб̣б̣асо авиж̇ж̇амаанад̇д̇аа сасависаан̣ам̣ вияа, д̇ат̇аа анааг̇ад̇амби на бад̇т̇зд̇аб̣б̣а’’нд̇и. д̇ад̇т̇а сияаа – ад̇ийд̇ам̣ наабхинанд̣̇ид̇аб̣б̣ам̣ абхинанд̣̇анааяа ниббаяож̇анад̇д̇аа, анааг̇ад̇абад̇т̇анаа бана сапалааби сияаад̇и на саб̣б̣асо бадигкибид̇аб̣б̣аад̇и? на, д̇ассааби савигхаад̇абхаавзна бадигкибид̇аб̣б̣ад̇о. д̇знааха ‘‘яасмаа’’д̇иаад̣̇и. д̇ад̇т̇а бахийнанд̇и ниссадтасабхаавам̣. нируд̣̇д̇ханд̇и бхаг̇г̇ам̣. ад̇т̇ан̇г̇ад̇анд̇и винаасам̣. аббад̇д̇анд̇и сабхаавам̣ уббаад̣̇аад̣̇игам̣ асамбад̇д̇ам̣. аж̇аад̇анд̇и на ж̇аад̇ам̣. аниб̣б̣ад̇д̇анд̇и д̇ассзва взважанам̣.
Uppādādikhaṇattayaṃ patvā atikkamaṃ atikkantaṃ atītaṃ. Taṃ pana atthato vigataṃ khandhapañcakanti āha ‘‘atīte khandhapañcake’’ti. Taṇhādiṭṭhīhi nānugaccheyyāti taṇhādiṭṭhābhinandanāhi nānubhaveyya, nābhinandeyyāti attho. Yathā ‘‘nicca’’ntiādinā viparītaggāhavasena atītesu rūpādīsu micchāabhinivisanaṃ parāmāso diṭṭhābhinandanā; evaṃ ‘‘nicca’’ntiādinā viparītaggāhavasena anāgatesu rūpādīsu micchāabhinivisanaṃ parāmāso diṭṭhi kammasamādānaṃ diṭṭhipatthanāti taṃ paṭikkhipanto āha – ‘‘taṇhādiṭṭhīhi na pattheyyā’’ti. Yadatītanti ettha iti-saddo ādiattho. Tena ‘‘apatta’’nti padaṃ saṅgaṇhāti. Tampi hi kāraṇavacanaṃ. Tenāha ‘‘yasmā cā’’ti. Tatthāyamadhippāyo, ‘‘atītaṃ taṇhādivasena nābhinanditabbaṃ sabbaso avijjamānattā sasavisāṇaṃ viya, tathā anāgatampi na patthetabba’’nti. Tattha siyā – atītaṃ nābhinanditabbaṃ abhinandanāya nippayojanattā, anāgatapatthanā pana saphalāpi siyāti na sabbaso paṭikkhipitabbāti? Na, tassāpi savighātabhāvena paṭikkhipitabbato. Tenāha ‘‘yasmā’’tiādi. Tattha pahīnanti nissaṭṭhasabhāvaṃ. Niruddhanti bhaggaṃ. Atthaṅgatanti vināsaṃ. Appattanti sabhāvaṃ uppādādikaṃ asampattaṃ. Ajātanti na jātaṃ. Anibbattanti tasseva vevacanaṃ.
яад̇т̇а яад̇т̇аад̇и яасмим̣ яасмим̣ кан̣з, яасмим̣ яасмим̣ ваа д̇хаммабун̃ж̇з уббаннам̣, д̇ам̣ саб̣б̣амби асзсзд̇ваа. аран̃н̃аад̣̇ийсу ваад̇и ваа-сад̣̇д̣̇о анияамад̇т̇о. д̇зна аран̃н̃з ваа ругкамуулз ваа баб̣б̣ад̇аганд̣̇араад̣̇ийсу ваад̇и таананияамаабхааваа анубассанааяа саад̇ажжагаарид̇ам̣ д̣̇ассзд̇и. яамагаад̣̇ивасзна бариб̣руухияамаанаа вибассанаа вияа бадибагкзхи агобанияаава ход̇ийд̇и ааха – ‘‘асам̣хийрам̣ асам̣губбанд̇и ид̣̇ам̣ вибассанаабадивибассанаад̣̇ассанад̇т̇ам̣ вуд̇д̇а’’нд̇и. г̇аат̇ааяамаяамад̇т̇о вибассанаавасзна яуж̇ж̇ад̇ийд̇и ааха – ‘‘вибассанаа хий’’д̇иаад̣̇и. гим̣ зд̇ааяа барияааяагат̇ааяаад̇и ниббарияааяад̇ова асам̣хийрам̣ асам̣губбам̣ д̣̇ассзд̇ум̣, ‘‘ат̇а ваа’’д̇иаад̣̇и вуд̇д̇ам̣. гат̇ам̣ бана нижжасса ниб̣б̣аанасса ануб̣рууханаа ход̇ийд̇и ааха ‘‘бунаббуна’’нд̇иаад̣̇и. зд̇зна д̇ад̣̇аарамман̣ад̇хаммаа б̣рууханааяа, д̇зсам̣ аарамман̣амби ад̇т̇ад̇о ануб̣руухид̇ам̣ наама ход̇и б̣ахулам̣ манасигаарзнаад̇и д̣̇ассзд̇и.
Yattha yatthāti yasmiṃ yasmiṃ khaṇe, yasmiṃ yasmiṃ vā dhammapuñje uppannaṃ, taṃ sabbampi asesetvā. Araññādīsu vāti vā-saddo aniyamattho. Tena araññe vā rukkhamūle vā pabbatakandarādīsu vāti ṭhānaniyamābhāvā anupassanāya sātaccakāritaṃ dasseti. Yamakādivasena paribrūhiyamānā vipassanā viya paṭipakkhehi akopaniyāva hotīti āha – ‘‘asaṃhīraṃ asaṃkuppanti idaṃ vipassanāpaṭivipassanādassanatthaṃ vutta’’nti. Gāthāyamayamattho vipassanāvasena yujjatīti āha – ‘‘vipassanā hī’’tiādi. Kiṃ etāya pariyāyakathāyāti nippariyāyatova asaṃhīraṃ asaṃkuppaṃ dassetuṃ, ‘‘atha vā’’tiādi vuttaṃ. Kathaṃ pana niccassa nibbānassa anubrūhanā hotīti āha ‘‘punappuna’’ntiādi. Etena tadārammaṇadhammā brūhanāya, tesaṃ ārammaṇampi atthato anubrūhitaṃ nāma hoti bahulaṃ manasikārenāti dasseti.
аад̣̇ид̇о д̇аабанам̣ аад̇аабанам̣, д̇зна аарамбхад̇хаад̇умааха. барид̇о д̇аабанам̣ барид̇аабанам̣, д̇зна ниггамад̇хаад̇убараггамад̇хаад̇уяо жаад̇и. д̇асса сзнаад̇и д̇асса мажжуно сахагаран̣адтзна сзнаа вияаад̇и сзнаа. сан̇г̇арод̇иаад̣̇ийсу мид̇д̇аагаараг̇г̇ахан̣зна саамабаяог̇амааха. лан̃ж̇аг̇г̇ахан̣зна лан̃ж̇ад̣̇аанам̣, д̇зна д̣̇аанаббаяог̇ам̣. б̣алараасийд̇и хад̇т̇иассаад̣̇иб̣алагааяо. д̇зна д̣̇ан̣д̣абхзд̣̇аани вад̣̇ад̇и. бхзд̣̇оби хи б̣алавад̇о зва иж̇жхад̇и, свааяам̣ жад̇уб̣б̣ид̇хоби убааяаяог̇зна самбавад̇д̇ийяад̇и. д̇ад̇т̇а д̇ад̇т̇а жа сан̇г̇ам̣ аасад̇д̇им̣ арад̇и д̣̇зд̇ийд̇и сан̇г̇аро буб̣б̣абхааг̇з ваа сан̇г̇аран̣авасзна д̇асса бадиж̇аананавасзна бавад̇д̇анад̇о.
Ādito tāpanaṃ ātāpanaṃ, tena ārambhadhātumāha. Parito tāpanaṃ paritāpanaṃ, tena nikkamadhātuparakkamadhātuyo cāti. Tassa senāti tassa maccuno sahakaraṇaṭṭhena senā viyāti senā. Saṅgarotiādīsu mittākāraggahaṇena sāmapayogamāha. Lañjaggahaṇena lañjadānaṃ, tena dānappayogaṃ. Balarāsīti hatthiassādibalakāyo. Tena daṇḍabhedāni vadati. Bhedopi hi balavato eva ijjhati, svāyaṃ catubbidhopi upāyayogena sampavattīyati. Tattha tattha ca saṅgaṃ āsattiṃ arati detīti saṅgaro pubbabhāge vā saṅgaraṇavasena tassa paṭijānanavasena pavattanato.
удтаахагам̣ удтаанавийрияасамбаннам̣. сабарахид̇асийваналагкан̣зна асаад̇хубхаавабараммукабхааваг̇аманзна ваа санд̇о.
Uṭṭhāhakaṃ uṭṭhānavīriyasampannaṃ. Saparahitasīvanalakkhaṇena asādhubhāvaparammukhabhāvagamanena vā santo.
273. манун̃н̃аруубавасзнзва звам̣руубо ахосийнд̇и ад̇ийд̇ам̣ анвааг̇амзд̇и д̇ад̇т̇а нанд̣̇ияаасаманваанаяанад̇о. взд̣̇анаад̣̇ийсуби зсзва наяо. гусаласукасоманассавзд̣̇анаавасзнаад̇и гусалавзд̣̇анаавасзна сукавзд̣̇анаавасзна соманассавзд̣̇анаавасзнаад̇и бажжзгам̣ взд̣̇анаасад̣̇д̣̇о яож̇зд̇аб̣б̣о. д̇ан̣хаабхинанд̣̇анааяа сад̇и д̣̇идтаабхинанд̣̇анаа сид̣̇д̇хаа зваад̇и – ‘‘д̇ан̣хам̣ саманваанзд̇и’’ижжзва вуд̇д̇ам̣. хийнаруубаад̣̇и…бз… на ман̃н̃ад̇и аманун̃н̃оби самаано саманун̃н̃абхаавассзва васзна ман̃н̃анааяа бавад̇д̇анад̇о. наанубавад̇д̇аяад̇и вигкамбханавасзна нанд̣̇ияаа д̣̇уурийгад̇ад̇д̇аа.
273.Manuññarūpavaseneva evaṃrūpo ahosīnti atītaṃ anvāgameti tattha nandiyāsamanvānayanato. Vedanādīsupi eseva nayo. Kusalasukhasomanassavedanāvasenāti kusalavedanāvasena sukhavedanāvasena somanassavedanāvasenāti paccekaṃ vedanāsaddo yojetabbo. Taṇhābhinandanāya sati diṭṭhābhinandanā siddhā evāti – ‘‘taṇhaṃ samanvāneti’’icceva vuttaṃ. Hīnarūpādi…pe… na maññati amanuññopi samāno samanuññabhāvasseva vasena maññanāya pavattanato. Nānupavattayati vikkhambhanavasena nandiyā dūrīkatattā.
274. ул̣аарасунд̣̇арабхаавамукзнзва анааг̇ад̇зсуби руубаад̣̇ийсу д̇ан̣хаад̣̇идтигаббанаа бавад̇д̇ад̇ийд̇и ааха – ‘‘звам̣руубо…бз… взд̣̇ид̇аб̣б̣аа’’д̇и.
274. Uḷārasundarabhāvamukheneva anāgatesupi rūpādīsu taṇhādiṭṭhikappanā pavattatīti āha – ‘‘evaṃrūpo…pe… veditabbā’’ti.
275. вад̇д̇аб̣б̣ам̣ сияаад̇и яат̇аа нанд̣̇ияаа асаманваанаяанаж̇од̇анам̣ б̣яад̇ирзгамукзна бад̇идтабзд̇ум̣, ‘‘ад̇ийд̇ам̣ на нвааг̇амзяяаа’’д̇и уд̣̇д̣̇зсасса, ‘‘гат̇ан̃жа, бхигкавз, ад̇ийд̇ам̣ анвааг̇амзд̇ий’’д̇иаад̣̇инаа (ма. ни. 3.273) вибхан̇г̇о вуд̇д̇о, звам̣ ‘‘бажжуббаннан̃жа яо д̇хамма’’нд̇иаад̣̇игасса уд̣̇д̣̇зсасса б̣яад̇ирзгамукзна вибхан̇г̇з вужжамаанз вибассанаабадигкзбавасзна, ‘‘гат̇ан̃жа…бз… вад̇д̇аб̣б̣ам̣ сияаа’’д̇и вуд̇д̇ам̣. д̇аяид̣̇ам̣ барамаг̇амбхийрам̣ сад̇т̇уд̣̇зсанаанаяам̣ анубад̇хаарзд̇ваа жод̣̇ид̇ам̣, яасмаа ‘‘бажжуббаннан̃жа яо д̇хамма’’нд̇иаад̣̇игасса уд̣̇д̣̇зсасса б̣яад̇ирзгамукзнзва вибассанаабадигкзбавасзна, ‘‘гат̇ан̃жа, бхигкавз, бажжуббаннзсуу’’д̇и вибхан̇г̇ад̣̇зсанаа самбавад̇д̇ад̇и. д̇знааха ‘‘яасмаа банаа’’д̇иаад̣̇и. д̇ад̇т̇а д̇ассаа зваад̇и вибассанааяа зва. абхаавам̣ д̣̇ассзд̇ум̣ сам̣хийрад̇ийд̇и маад̇игам̣ уд̣̇д̇харид̇ваад̇и гат̇зд̇угамяад̇ааяа маад̇игаавасзна бад̣̇уд̣̇д̇хаарам̣ гад̇ваа, ‘‘ид̇ха, бхигкавз, асуд̇аваа суд̇аваа’’д̇и жа аад̣̇инаа вид̇т̇ааро вуд̇д̇о. вибассанааяа абхаавад̇од̇и вибассанааяа абхаавид̇ад̇ааяа авигкамбхид̇ад̇ааяа д̇ан̣хаад̣̇идтийхи сабад̇д̇зхи вияа д̇ад̇т̇а д̇ад̇т̇а табанааяа аагад̣дхийяад̇и, д̇ад̇т̇а д̇ад̇т̇а висаяз д̇ад̇о зва абааяасамуд̣̇д̣̇ам̣ сам̣саарасамуд̣̇д̣̇ам̣ аанийяад̇и. суггабагко вуд̇д̇авибарияааязна взд̣̇ид̇аб̣б̣о. сзсам̣ сувин̃н̃зяяамзва.
275.Vattabbaṃ siyāti yathā nandiyā asamanvānayanajotanaṃ byatirekamukhena patiṭṭhapetuṃ, ‘‘atītaṃ na nvāgameyyā’’ti uddesassa, ‘‘kathañca, bhikkhave, atītaṃ anvāgametī’’tiādinā (ma. ni. 3.273) vibhaṅgo vutto, evaṃ ‘‘paccuppannañca yo dhamma’’ntiādikassa uddesassa byatirekamukhena vibhaṅge vuccamāne vipassanāpaṭikkhepavasena, ‘‘kathañca…pe… vattabbaṃ siyā’’ti vuttaṃ. Tayidaṃ paramagambhīraṃ satthudesanānayaṃ anupadhāretvā coditaṃ, yasmā ‘‘paccuppannañca yo dhamma’’ntiādikassa uddesassa byatirekamukheneva vipassanāpaṭikkhepavasena, ‘‘kathañca, bhikkhave, paccuppannesū’’ti vibhaṅgadesanā sampavattati. Tenāha ‘‘yasmā panā’’tiādi. Tattha tassā evāti vipassanāya eva. Abhāvaṃ dassetuṃ saṃhīratīti mātikaṃ uddharitvāti kathetukamyatāya mātikāvasena paduddhāraṃ katvā, ‘‘idha, bhikkhave, asutavā sutavā’’ti ca ādinā vitthāro vutto. Vipassanāya abhāvatoti vipassanāya abhāvitatāya avikkhambhitatāya taṇhādiṭṭhīhi sapattehi viya tattha tattha ṭhapanāya ākaḍḍhīyati, tattha tattha visaye tato eva apāyasamuddaṃ saṃsārasamuddaṃ ānīyati. Sukkapakkho vuttavipariyāyena veditabbo. Sesaṃ suviññeyyameva.
бхад̣̇д̣̇згарад̇д̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Bhaddekarattasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. бхад̣̇д̣̇згарад̇д̇асуд̇д̇ам̣ • 1. Bhaddekarattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. бхад̣̇д̣̇згарад̇д̇асуд̇д̇аван̣н̣анаа • 1. Bhaddekarattasuttavaṇṇanā
