| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
5. бхад̣̇д̣̇ид̇т̇ивимаанаван̣н̣анаа
5. Bhadditthivimānavaṇṇanā
нийлаа бийд̇аа жа гаал̣аа жаад̇и бхад̣̇д̣̇ид̇т̇ивимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна жа самаязна гимиланаг̇арз рохаго наама г̇ахабад̇ибуд̇д̇о ахоси сад̣̇д̇хо басанно сийлаажаарасамбанно. д̇асмим̣язва жа наг̇арз д̇зна самаанамахаабхог̇з гулз згаа д̣̇ааригаа ахоси сад̣̇д̇хаа басаннаа багад̇ияааби бхад̣̇д̣̇ад̇ааяа бхад̣̇д̣̇аад̇и наамзна. ат̇а рохагасса маад̇аабид̇аро д̇ам̣ гумаарим̣ ваарзд̇ваа д̇аад̣̇исз гаалз д̇ам̣ аанзд̇ваа ааваахавиваахам̣ агам̣су. д̇з убхоби самаг̇г̇аваасам̣ васанд̇и. саа ад̇д̇ано аажаарасамбад̇д̇ияаа ‘‘бхад̣̇д̣̇ид̇т̇ий’’д̇и д̇асмим̣ наг̇арз баагадаа бан̃н̃аад̇аа ахоси.
Nīlā pītā ca kāḷā cāti bhadditthivimānaṃ. Tassa kā uppatti? Bhagavā sāvatthiyaṃ viharati jetavane anāthapiṇḍikassa ārāme. Tena ca samayena kimilanagare rohako nāma gahapatiputto ahosi saddho pasanno sīlācārasampanno. Tasmiṃyeva ca nagare tena samānamahābhoge kule ekā dārikā ahosi saddhā pasannā pakatiyāpi bhaddatāya bhaddāti nāmena. Atha rohakassa mātāpitaro taṃ kumāriṃ vāretvā tādise kāle taṃ ānetvā āvāhavivāhaṃ akaṃsu. Te ubhopi samaggavāsaṃ vasanti. Sā attano ācārasampattiyā ‘‘bhadditthī’’ti tasmiṃ nagare pākaṭā paññātā ahosi.
д̇зна жа самаязна д̣̇вз аг̇г̇асаавагаа бан̃жасад̇абан̃жасад̇абхигкубариваараа ж̇анабад̣̇ажааригам̣ жаранд̇аа гимиланаг̇арам̣ баабун̣им̣су. рохаго д̇зсам̣ д̇ад̇т̇а г̇ад̇абхаавам̣ н̃ад̇ваа соманассаж̇аад̇о т̇зрз убасан̇гамид̇ваа ванд̣̇ид̇ваа сваад̇анааяа ниманд̇зд̇ваа д̣̇уд̇ияад̣̇ивасз бан̣ийд̇зна каад̣̇анийязна бхож̇анийязна сабариваарз д̇з санд̇аббзд̇ваа сабуд̇д̇ад̣̇ааро д̇зхи д̣̇зсид̇ам̣ д̇хаммад̣̇зсанам̣ суд̇ваа д̇зсам̣ оваад̣̇з бад̇идтаханд̇о саран̣аани г̇ан̣хи, бан̃жа сийлаани самаад̣̇ияи. бхарияаа банасса адтамийжаад̇уд̣̇д̣̇асийбаннарасийбаадихаарияабагкзсу убосат̇ам̣ убаваси, висзсад̇о сийлаажаарасамбаннаа ахоси д̣̇звад̇аахи жа анугамбид̇аа. д̇ааяа зва жа д̣̇звад̇аанугамбааяа ад̇д̇ано убари бад̇ид̇ам̣ мижчаабаваад̣̇ам̣ нирам̣гад̇ваа сувисуд̣̇д̇хасийлаажаарад̇ааяа ад̇ивияа логз бад̇т̇адаяасаа ахоси.
Tena ca samayena dve aggasāvakā pañcasatapañcasatabhikkhuparivārā janapadacārikaṃ carantā kimilanagaraṃ pāpuṇiṃsu. Rohako tesaṃ tattha gatabhāvaṃ ñatvā somanassajāto there upasaṅkamitvā vanditvā svātanāya nimantetvā dutiyadivase paṇītena khādanīyena bhojanīyena saparivāre te santappetvā saputtadāro tehi desitaṃ dhammadesanaṃ sutvā tesaṃ ovāde patiṭṭhahanto saraṇāni gaṇhi, pañca sīlāni samādiyi. Bhariyā panassa aṭṭhamīcātuddasīpannarasīpāṭihāriyapakkhesu uposathaṃ upavasi, visesato sīlācārasampannā ahosi devatāhi ca anukampitā. Tāya eva ca devatānukampāya attano upari patitaṃ micchāpavādaṃ niraṃkatvā suvisuddhasīlācāratāya ativiya loke patthaṭayasā ahosi.
саа хи саяам̣ гимиланаг̇арз тид̇аа ад̇д̇ано саамигасса ван̣иж̇ж̇аавасзна д̇аггасилааяам̣ васанд̇асса, уссавад̣̇ивасз сахааязхи уссаахид̇асса нагкад̇д̇агийл̣аажид̇д̇з уббаннз гхарад̣̇звад̇ааяа ад̇д̇ано д̣̇иб̣б̣аанубхаавзна д̇ам̣ д̇ад̇т̇а нзд̇ваа саамигзна саха яож̇ид̇аа д̇знзва самааг̇амзна бад̇идтид̇аг̇аб̣бхаа худ̇ваа д̣̇звад̇ааяа гимиланаг̇арам̣ бадинийд̇аа, ануггамзна г̇аб̣бхинибхаавз баагадз ж̇аад̇з сассуаад̣̇ийхи ‘‘ад̇ижаариний’’д̇и аасан̇гид̇аа, д̇ааяа зва д̣̇звад̇ааяа ад̇д̇ано аанубхаавзна г̇ан̇г̇аамахогхз гимиланаг̇арам̣ од̇т̇аранд̇з вияа убадтаабид̇з ад̇д̇ано бад̇иб̣б̣ад̇аабхаавасам̣суужагзна сажжаад̇хидтаанабуб̣б̣агзна сабат̇зна ваад̇авзг̇асамудтид̇авийжиж̇аалам̣ г̇ан̇г̇аамахогхам̣ ад̇д̇ано убари аабад̇ид̇ам̣ ааяассан̃жа нивад̇д̇зд̇ваа, саамигзна самааг̇ад̇ааби д̇зна буб̣б̣з сассуаад̣̇ийхи вияа аасан̇гид̇аа д̇аггасилааяам̣ д̇зна д̣̇иннам̣ наамамуд̣̇д̣̇ид̇ам̣ сан̃н̃аан̣ан̃жа аббзнд̇ий, д̇ам̣ аасан̇гам̣ нирам̣гад̇ваа бхад̇д̇уно н̃аад̇иж̇анасса жа махааж̇анасса жа самбхааванийяаа ж̇аад̇аа. д̇зна вуд̇д̇ам̣ ‘‘сувисуд̣̇д̇хасийлаажаарад̇ааяа ад̇ивияа логз бад̇т̇адаяасаа ахосий’’д̇и.
Sā hi sayaṃ kimilanagare ṭhitā attano sāmikassa vaṇijjāvasena takkasilāyaṃ vasantassa, ussavadivase sahāyehi ussāhitassa nakkhattakīḷācitte uppanne gharadevatāya attano dibbānubhāvena taṃ tattha netvā sāmikena saha yojitā teneva samāgamena patiṭṭhitagabbhā hutvā devatāya kimilanagaraṃ paṭinītā, anukkamena gabbhinibhāve pākaṭe jāte sassuādīhi ‘‘aticārinī’’ti āsaṅkitā, tāya eva devatāya attano ānubhāvena gaṅgāmahoghe kimilanagaraṃ ottharante viya upaṭṭhāpite attano patibbatābhāvasaṃsūcakena saccādhiṭṭhānapubbakena sapathena vātavegasamuṭṭhitavīcijālaṃ gaṅgāmahoghaṃ attano upari āpatitaṃ āyassañca nivattetvā, sāmikena samāgatāpi tena pubbe sassuādīhi viya āsaṅkitā takkasilāyaṃ tena dinnaṃ nāmamudditaṃ saññāṇañca appentī, taṃ āsaṅkaṃ niraṃkatvā bhattuno ñātijanassa ca mahājanassa ca sambhāvanīyā jātā. Tena vuttaṃ ‘‘suvisuddhasīlācāratāya ativiya loke patthaṭayasā ahosī’’ti.
саа абарзна самаязна гаалам̣ гад̇ваа д̇аавад̇им̣сабхаванз уббаннаа. ат̇а бхаг̇авад̇и саавад̇т̇ид̇о д̇аавад̇им̣сабхаванам̣ г̇анд̇ваа баарижчад̇д̇агамуулз бан̣д̣угамб̣аласилааяам̣ нисиннз, д̣̇звабарисааяа жа бхаг̇аванд̇ам̣ убасан̇гамид̇ваа ванд̣̇ид̇ваа згаманд̇ам̣ нисиннааяа бхад̣̇д̣̇ид̇т̇ийби убасан̇гамид̇ваа ванд̣̇ид̇ваа згаманд̇ам̣ адтааси. ат̇а бхаг̇аваа д̣̇асасахассилогад̇хаад̇уусу саннибад̇ид̇ааяа д̣̇зваб̣рахмабарисааяа маж̇жхз д̇ааяа д̣̇звад̇ааяа гад̇абун̃н̃агаммам̣ бужчанд̇о –
Sā aparena samayena kālaṃ katvā tāvatiṃsabhavane uppannā. Atha bhagavati sāvatthito tāvatiṃsabhavanaṃ gantvā pāricchattakamūle paṇḍukambalasilāyaṃ nisinne, devaparisāya ca bhagavantaṃ upasaṅkamitvā vanditvā ekamantaṃ nisinnāya bhadditthīpi upasaṅkamitvā vanditvā ekamantaṃ aṭṭhāsi. Atha bhagavā dasasahassilokadhātūsu sannipatitāya devabrahmaparisāya majjhe tāya devatāya katapuññakammaṃ pucchanto –
206.
206.
‘‘нийлаа бийд̇аа жа гаал̣аа жа, ман̃ж̇идтаа ат̇а лохид̇аа;
‘‘Nīlā pītā ca kāḷā ca, mañjiṭṭhā atha lohitā;
ужжааважаанам̣ ван̣н̣аанам̣, гин̃ж̇агкабариваарид̇аа.
Uccāvacānaṃ vaṇṇānaṃ, kiñjakkhaparivāritā.
207.
207.
‘‘манд̣̇аараваанам̣ бубпаанам̣, маалам̣ д̇хаарзси муд̣̇д̇хани;
‘‘Mandāravānaṃ pupphānaṃ, mālaṃ dhāresi muddhani;
наяимз ан̃н̃зсу гааязса, ругкаа санд̇и сумзд̇хасз.
Nayime aññesu kāyesa, rukkhā santi sumedhase.
208.
208.
‘‘гзна гааяам̣ убабаннаа, д̇аавад̇им̣сам̣ яасассиний;
‘‘Kena kāyaṃ upapannā, tāvatiṃsaṃ yasassinī;
д̣̇звад̇з бужчид̇аажигка, гисса гаммассид̣̇ам̣ пала’’нд̇и. – ааха;
Devate pucchitācikkha, kissa kammassidaṃ phala’’nti. – āha;
206-7. д̇ад̇т̇а нийлаа бийд̇аа жа гаал̣аа жа, ман̃ж̇идтаа ат̇а лохид̇аад̇и зд̇т̇а жа-сад̣̇д̣̇о вуд̇д̇ад̇т̇асамужжаяо, со нийлаа жа бийд̇аа жаад̇иаад̣̇инаа бажжзгам̣ яож̇зд̇аб̣б̣о. ат̇аад̇и ан̃н̃ад̇т̇з нибаад̇о. д̇зна од̣̇аад̇аад̣̇игз авуд̇д̇аван̣н̣з сан̇г̇ан̣хаад̇и. ид̇и-сад̣̇д̣̇о луд̇д̇анид̣̇д̣̇идто взд̣̇ид̇аб̣б̣о. жа-сад̣̇д̣̇о ваа авуд̇д̇ад̇т̇асамужжаяо. ат̇аад̇и ид̇и-сад̣̇д̣̇ад̇т̇з нибаад̇о. ужжааважаанам̣ ван̣н̣аананд̇и зд̇т̇а ужжааважаананд̇и вибхад̇д̇ияаа алобо д̣̇адтаб̣б̣о, ужжааважаван̣н̣аанам̣ наанаавид̇хаван̣н̣аананд̇и ад̇т̇о. ван̣н̣аананд̇и ваа ван̣н̣аванд̇аанам̣. гин̃ж̇агкабариваарид̇аад̇и гин̃ж̇агкзхи бариваарид̇аанам̣. саамиад̇т̇з хи зд̇ам̣ бажжад̇д̇аважанам̣. ид̣̇ам̣ вуд̇д̇ам̣ ход̇и – нийлаа жа бийд̇аа жа гаал̣аа жа ман̃ж̇идтаа жа лохид̇аа жа ат̇а ан̃н̃з од̣̇аад̇аад̣̇аяо жаад̇и имзсам̣ васзна ужжааважаван̣н̣аанам̣ д̇ат̇аабхууд̇зхиязва гин̃ж̇агкзхи гзсарзхи бариваарид̇аанам̣ вижид̇д̇асан̣таанаад̣̇ид̇ааяа ваа ужжааважаанам̣ яат̇аавуд̇д̇аван̣н̣аванд̇аанам̣ манд̣̇аараваругкасамбхууд̇ад̇ааяа манд̣̇аараваанам̣ бубпаанам̣ маалам̣ д̇зхи гад̇ам̣ маалааг̇ун̣ам̣ д̇вам̣ д̣̇звад̇з ад̇д̇ано сийсз д̇хаарзси бил̣анд̇хасийд̇и.
206-7. Tattha nīlā pītā ca kāḷā ca, mañjiṭṭhā atha lohitāti ettha ca-saddo vuttatthasamuccayo, so nīlā ca pītā cātiādinā paccekaṃ yojetabbo. Athāti aññatthe nipāto. Tena odātādike avuttavaṇṇe saṅgaṇhāti. Iti-saddo luttaniddiṭṭho veditabbo. Ca-saddo vā avuttatthasamuccayo. Athāti iti-saddatthe nipāto. Uccāvacānaṃ vaṇṇānanti ettha uccāvacānanti vibhattiyā alopo daṭṭhabbo, uccāvacavaṇṇānaṃ nānāvidhavaṇṇānanti attho. Vaṇṇānanti vā vaṇṇavantānaṃ. Kiñjakkhaparivāritāti kiñjakkhehi parivāritānaṃ. Sāmiatthe hi etaṃ paccattavacanaṃ. Idaṃ vuttaṃ hoti – nīlā ca pītā ca kāḷā ca mañjiṭṭhā ca lohitā ca atha aññe odātādayo cāti imesaṃ vasena uccāvacavaṇṇānaṃ tathābhūtehiyeva kiñjakkhehi kesarehi parivāritānaṃ vicittasaṇṭhānāditāya vā uccāvacānaṃ yathāvuttavaṇṇavantānaṃ mandāravarukkhasambhūtatāya mandāravānaṃ pupphānaṃ mālaṃ tehi kataṃ mālāguṇaṃ tvaṃ devate attano sīse dhāresi piḷandhasīti.
яад̇о ругкад̇о д̇аани бубпаани, д̇зсам̣ висзсаван̣н̣ад̇ааяа анан̃н̃асаад̇хааран̣ад̇ам̣ д̣̇ассзд̇ум̣ ‘‘наяимз ан̃н̃зсу гааязсу, ругкаа санд̇и сумзд̇хасз’’д̇и вуд̇д̇ам̣. д̇ад̇т̇а имзд̇и яат̇аавуд̇д̇аван̣н̣асан̣таанаад̣̇ияуд̇д̇аа бубпаванд̇о ругкаа на санд̇ийд̇и яож̇анаа. гааязсууд̇и д̣̇званигааязсу. сумзд̇хасзд̇и сунд̣̇арабан̃н̃з.
Yato rukkhato tāni pupphāni, tesaṃ visesavaṇṇatāya anaññasādhāraṇataṃ dassetuṃ ‘‘nayime aññesu kāyesu, rukkhā santi sumedhase’’ti vuttaṃ. Tattha imeti yathāvuttavaṇṇasaṇṭhānādiyuttā pupphavanto rukkhā na santīti yojanā. Kāyesūti devanikāyesu. Sumedhaseti sundarapaññe.
д̇ад̇т̇а нийлаад̇и инд̣̇анийламахаанийлаад̣̇иман̣ирад̇анаанам̣ васзна нийлобхаасаа. бийд̇аад̇и бубпарааг̇агаггзд̇анабулагаад̣̇иман̣ирад̇анаанан̃жзва син̇г̇ийсуван̣н̣асса жа васзна бийд̇обхаасаа. гаал̣аад̇и асмагаубалагаад̣̇иман̣ирад̇анаанам̣ васзна ган̣хобхаасаа. ман̃ж̇идтаад̇и ж̇од̇ирасаг̇омуд̇д̇агаг̇омзд̣̇агаад̣̇иман̣ирад̇анаанам̣ васзна ман̃ж̇идтобхаасаа. лохид̇аад̇и бад̣̇умарааг̇алохид̇ан̇габаваал̣арад̇анаад̣̇ийнам̣ васзна лохид̇обхаасаа. гзжи бана нийлаад̣̇ибад̣̇аани ‘‘ругкаа’’д̇и иминаа ‘‘нийлаа ругкаа’’д̇иаад̣̇инаа яож̇зд̇ваа вад̣̇анд̇и. ругкааби хи нийлаад̣̇иван̣н̣зхи бубпзхи сан̃чаннад̇д̇аа нийлаад̣̇ияог̇ад̇о нийлаад̣̇ивохаарам̣ лабханд̇ийд̇и д̇зхи ‘‘нийлаа…бз… лохид̇аа…бз… наяимз ан̃н̃зсу гааязсу ругкаа санд̇и сумзд̇хасзд̇и, яад̇о д̇вам̣ ужжааважаанам̣ ван̣н̣аанам̣ гин̃ж̇агкабариваарид̇аанам̣ манд̣̇аараваанам̣ бубпаанам̣ маалам̣ д̇хаарзсий’’д̇и яож̇анаа гаад̇аб̣б̣аа. д̇ад̇т̇а яат̇аад̣̇идтз ван̣н̣ависзсаяуд̇д̇з бубпз гид̇д̇зд̇ваа д̇зсам̣ асаад̇хааран̣абхаавад̣̇ассанзна ругкаанам̣ аавзнигабхаавад̣̇ассанам̣ батаманаяо, ругкаанам̣ асаад̇хааран̣абхаавад̣̇ассанзна бубпаанам̣ аавзнигабхаавад̣̇ассанам̣ д̣̇уд̇ияанаяо. батаманаяз ван̣н̣аад̣̇аяо саруубзна г̇ахид̇аа, д̣̇уд̇ияанаяз ниссаяамукзнаад̇и аяамзд̇зсам̣ висзсо.
Tattha nīlāti indanīlamahānīlādimaṇiratanānaṃ vasena nīlobhāsā. Pītāti puppharāgakakketanapulakādimaṇiratanānañceva siṅgīsuvaṇṇassa ca vasena pītobhāsā. Kāḷāti asmakaupalakādimaṇiratanānaṃ vasena kaṇhobhāsā. Mañjiṭṭhāti jotirasagomuttakagomedakādimaṇiratanānaṃ vasena mañjiṭṭhobhāsā. Lohitāti padumarāgalohitaṅkapavāḷaratanādīnaṃ vasena lohitobhāsā. Keci pana nīlādipadāni ‘‘rukkhā’’ti iminā ‘‘nīlā rukkhā’’tiādinā yojetvā vadanti. Rukkhāpi hi nīlādivaṇṇehi pupphehi sañchannattā nīlādiyogato nīlādivohāraṃ labhantīti tehi ‘‘nīlā…pe… lohitā…pe… nayime aññesu kāyesu rukkhā santi sumedhaseti, yato tvaṃ uccāvacānaṃ vaṇṇānaṃ kiñjakkhaparivāritānaṃ mandāravānaṃ pupphānaṃ mālaṃ dhāresī’’ti yojanā kātabbā. Tattha yathādiṭṭhe vaṇṇavisesayutte pupphe kittetvā tesaṃ asādhāraṇabhāvadassanena rukkhānaṃ āvenikabhāvadassanaṃ paṭhamanayo, rukkhānaṃ asādhāraṇabhāvadassanena pupphānaṃ āvenikabhāvadassanaṃ dutiyanayo. Paṭhamanaye vaṇṇādayo sarūpena gahitā, dutiyanaye nissayamukhenāti ayametesaṃ viseso.
208. гзнаад̇и гзна бун̃н̃агаммзна, гааяам̣ д̇аавад̇им̣санд̇и яож̇анаа. бужчид̇аажигкаад̇и бужчид̇аа д̇вам̣ аажигка гат̇зхи.
208.Kenāti kena puññakammena, kāyaṃ tāvatiṃsanti yojanā. Pucchitācikkhāti pucchitā tvaṃ ācikkha kathehi.
звам̣ бхаг̇авад̇аа бужчид̇аа саа д̣̇звад̇аа имаахи г̇аат̇аахи б̣яаагааси –
Evaṃ bhagavatā pucchitā sā devatā imāhi gāthāhi byākāsi –
209.
209.
‘‘бхад̣̇д̣̇ид̇т̇игаад̇и мам̣ ан̃н̃ам̣су, гимилааяам̣ убаасигаа;
‘‘Bhadditthikāti maṃ aññaṃsu, kimilāyaṃ upāsikā;
сад̣̇д̇хаа сийлзна самбаннаа, сам̣вибхааг̇арад̇аа сад̣̇аа.
Saddhā sīlena sampannā, saṃvibhāgaratā sadā.
210.
210.
‘‘ажчаад̣̇анан̃жа бхад̇д̇ан̃жа, сзнаасанам̣ бад̣̇ийбияам̣;
‘‘Acchādanañca bhattañca, senāsanaṃ padīpiyaṃ;
ад̣̇аасим̣ уж̇убхууд̇зсу, виббасаннзна жзд̇асаа.
Adāsiṃ ujubhūtesu, vippasannena cetasā.
211.
211.
‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;
‘‘Cātuddasiṃ pañcadasiṃ, yā ca pakkhassa aṭṭhamī;
баадихаарияабагкан̃жа, адтан̇г̇асусамааг̇ад̇ам̣.
Pāṭihāriyapakkhañca, aṭṭhaṅgasusamāgataṃ.
212.
212.
‘‘убосат̇ам̣ убавасиссам̣, сад̣̇аа сийлзсу сам̣вуд̇аа;
‘‘Uposathaṃ upavasissaṃ, sadā sīlesu saṃvutā;
сан̃н̃амаа сам̣вибхааг̇аа жа, вимаанам̣ аавасаамахам̣.
Saññamā saṃvibhāgā ca, vimānaṃ āvasāmahaṃ.
213.
213.
‘‘баан̣аад̇ибаад̇аа вирад̇аа, мусааваад̣̇аа жа сан̃н̃ад̇аа;
‘‘Pāṇātipātā viratā, musāvādā ca saññatā;
т̇зяяаа жа ад̇ижаараа жа, маж̇ж̇абаанаа жа аарагаа.
Theyyā ca aticārā ca, majjapānā ca ārakā.
214.
214.
‘‘бан̃жасигкаабад̣̇з рад̇аа, арияасажжаана говид̣̇аа;
‘‘Pañcasikkhāpade ratā, ariyasaccāna kovidā;
убаасигаа жагкумад̇о, аббамаад̣̇авихаариний;
Upāsikā cakkhumato, appamādavihārinī;
гад̇ааваасаа гад̇агусалаа д̇ад̇о жуд̇аа, саяам̣бабхаа анувижараами нанд̣̇анам̣.
Katāvāsā katakusalā tato cutā, sayaṃpabhā anuvicarāmi nandanaṃ.
215.
215.
‘‘бхигкуу жаахам̣ барамахид̇аанугамбагз, абхож̇аяим̣ д̇абассияуг̇ам̣ махаамуним̣;
‘‘Bhikkhū cāhaṃ paramahitānukampake, abhojayiṃ tapassiyugaṃ mahāmuniṃ;
гад̇ааваасаа гад̇агусалаа д̇ад̇о жуд̇аа, саяам̣бабхаа анувижараами нанд̣̇анам̣.
Katāvāsā katakusalā tato cutā, sayaṃpabhā anuvicarāmi nandanaṃ.
216.
216.
‘‘адтан̇г̇игам̣ абаримид̇ам̣ сукаавахам̣, убосат̇ам̣ сад̇ад̇амубаавасим̣ ахам̣;
‘‘Aṭṭhaṅgikaṃ aparimitaṃ sukhāvahaṃ, uposathaṃ satatamupāvasiṃ ahaṃ;
гад̇ааваасаа гад̇агусалаа д̇ад̇о жуд̇аа, саяам̣бабхаа анувижараами нанд̣̇ана’’нд̇и.
Katāvāsā katakusalā tato cutā, sayaṃpabhā anuvicarāmi nandana’’nti.
209-214. д̇ад̇т̇а бхад̣̇д̣̇ид̇т̇игаад̇и мам̣ ан̃н̃ам̣су, гимилааяам̣ убаасигаад̇и аажаарасамбад̇д̇ияаа сажжагирияааяа уб̣б̣ад̇д̇амаанамахогханивад̇д̇анзна акан̣д̣асийлаад̇и сан̃ж̇аад̇анижчаяаа бхад̣̇д̣̇аа сунд̣̇араа аяам̣ ид̇т̇ий, д̇асмаа ‘‘бхад̣̇д̣̇ид̇т̇игаа убаасигаа’’д̇и жа мам̣ гимиланаг̇араваасино ж̇ааним̣су. сад̣̇д̇хаа сийлзна самбаннаад̇иаад̣̇и хздтаа вуд̇д̇анаяад̇д̇аа уд̇д̇аанад̇т̇амзва.
209-214. Tattha bhadditthikāti maṃ aññaṃsu, kimilāyaṃ upāsikāti ācārasampattiyā saccakiriyāya ubbattamānamahoghanivattanena akhaṇḍasīlāti sañjātanicchayā bhaddā sundarā ayaṃ itthī, tasmā ‘‘bhadditthikā upāsikā’’ti ca maṃ kimilanagaravāsino jāniṃsu. Saddhā sīlena sampannātiādi heṭṭhā vuttanayattā uttānatthameva.
абижа ‘‘сад̣̇д̇хаа’’д̇и иминаа сад̣̇д̇хаад̇ханам̣, ‘‘сам̣вибхааг̇арад̇аа, ажчаад̣̇анан̃жа бхад̇д̇ан̃жа, сзнаасанам̣ бад̣̇ийбияам̣. ад̣̇аасим̣ уж̇убхууд̇зсу, виббасаннзна жзд̇асаа’’д̇и иминаа жааг̇ад̇ханам̣ , ‘‘сийлзна самбаннаа, жад̇уд̣̇д̣̇асим̣ бан̃жад̣̇асим̣…бз… бан̃жасигкаабад̣̇з рад̇аа’’д̇и иминаа сийлад̇ханам̣ хирид̇ханам̣ од̇д̇аббад̇ханан̃жа, ‘‘арияасажжаана говид̣̇аа’’д̇и иминаа суд̇ад̇ханам̣ бан̃н̃аад̇ханан̃жа д̣̇ассид̇анд̇и саа ад̇д̇ано сад̇д̇авид̇хаарияад̇ханабадилаабхам̣. ‘‘убаасигаа жагкумад̇о…бз… анувижараами нанд̣̇ана’’нд̇и иминаа д̇асса д̣̇идтад̇хаммигам̣ самбарааяиган̃жа аанисам̣сам̣ вибхаавзд̇и. д̇ад̇т̇а гад̇ааваасаад̇и нибпаад̣̇ид̇асужарид̇ааваасаа. сужарид̇агамман̃хи д̇ад̣̇ад̇д̇з ааяад̇ин̃жа сукааваасахзд̇уд̇ааяа ‘‘сукавихаарасса ааваасо’’д̇и вужжад̇и. д̇знааха ‘‘гад̇агусалаа’’д̇и.
Apica ‘‘saddhā’’ti iminā saddhādhanaṃ, ‘‘saṃvibhāgaratā, acchādanañca bhattañca, senāsanaṃ padīpiyaṃ. Adāsiṃ ujubhūtesu, vippasannena cetasā’’ti iminā cāgadhanaṃ , ‘‘sīlena sampannā, catuddasiṃ pañcadasiṃ…pe… pañcasikkhāpade ratā’’ti iminā sīladhanaṃ hiridhanaṃ ottappadhanañca, ‘‘ariyasaccāna kovidā’’ti iminā sutadhanaṃ paññādhanañca dassitanti sā attano sattavidhaariyadhanapaṭilābhaṃ. ‘‘Upāsikā cakkhumato…pe… anuvicarāmi nandana’’nti iminā tassa diṭṭhadhammikaṃ samparāyikañca ānisaṃsaṃ vibhāveti. Tattha katāvāsāti nipphāditasucaritāvāsā. Sucaritakammañhi tadatte āyatiñca sukhāvāsahetutāya ‘‘sukhavihārassa āvāso’’ti vuccati. Tenāha ‘‘katakusalā’’ti.
215. буб̣б̣з анаамасид̇акзд̇д̇ависзсам̣ ад̇д̇ано д̣̇аанамаяам̣ бун̃н̃ам̣ вад̇ваа ид̣̇аани д̇асса ааяад̇анаг̇ад̇ад̇ам̣ д̣̇ассзд̇ум̣ ‘‘бхигкуу жаа’’д̇иаад̣̇и вуд̇д̇ам̣. д̇ад̇т̇а бхигкууд̇и анавасзсабхиннагилзсад̇ааяа бхигкуу. барамахид̇аанугамбагзд̇и барамам̣ ад̇ивияа д̣̇идтад̇хаммигаад̣̇инаа хид̇зна ануг̇г̇аахагз. абхож̇аяинд̇и бан̣ийд̇зна бхож̇анзна бхож̇зсим̣. д̇абассияуг̇анд̇и уд̇д̇амзна д̇абасаа саб̣б̣агилзсамалам̣ д̇аабзд̇ваа самужчинд̣̇ид̇ваа тид̇ад̇д̇аа д̇абассибхууд̇ам̣ яуг̇ам̣. махаамунинд̇и д̇ад̇о зва махааисибхууд̇ам̣, махад̇о ваа ад̇д̇ано висаяасса маханд̇знзва н̃аан̣зна мунанад̇о барижчинд̣̇анад̇о махаамуним̣. саб̣б̣амзд̇ам̣ д̣̇вз аг̇г̇асаавагз санд̇хааяа вад̣̇ад̇и.
215. Pubbe anāmasitakhettavisesaṃ attano dānamayaṃ puññaṃ vatvā idāni tassa āyatanagatataṃ dassetuṃ ‘‘bhikkhū cā’’tiādi vuttaṃ. Tattha bhikkhūti anavasesabhinnakilesatāya bhikkhū. Paramahitānukampaketi paramaṃ ativiya diṭṭhadhammikādinā hitena anuggāhake. Abhojayinti paṇītena bhojanena bhojesiṃ. Tapassiyuganti uttamena tapasā sabbakilesamalaṃ tāpetvā samucchinditvā ṭhitattā tapassibhūtaṃ yugaṃ. Mahāmuninti tato eva mahāisibhūtaṃ, mahato vā attano visayassa mahanteneva ñāṇena munanato paricchindanato mahāmuniṃ. Sabbametaṃ dve aggasāvake sandhāya vadati.
216. абаримид̇ам̣ сукааваханд̇и анунаасигалобам̣ агад̇ваа вуд̇д̇ам̣. ‘‘яааван̃жид̣̇ам̣, бхигкавз, на сугарам̣ агкаанзна баабун̣ид̇ум̣ яаава сукаа саг̇г̇аа’’д̇и (ма. ни. 3.255) важанад̇о бхаг̇авад̇оби важанабат̇аад̇ийд̇абаримаан̣арахид̇асуканиб̣б̣ад̇д̇агам̣ ад̇д̇ано ваа аанубхаавзна абаримид̇асукаавахам̣ сукасса ааваханагам̣. сад̇ад̇анд̇и саб̣б̣агаалам̣. д̇ам̣ д̇ам̣ убосат̇арагкан̣ад̣̇ивасам̣ ахаабзд̇ваа, д̇ам̣ д̇ам̣ ваа убосат̇арагкан̣ад̣̇ивасам̣ акан̣д̣ам̣ гад̇ваа барибун̣н̣ам̣ гад̇ваа сад̇ад̇ам̣ ваа саб̣б̣агаалам̣ сукааваханд̇и яож̇анаа. сзсам̣ хздтаа вуд̇д̇анаяамзва.
216.Aparimitaṃ sukhāvahanti anunāsikalopaṃ akatvā vuttaṃ. ‘‘Yāvañcidaṃ, bhikkhave, na sukaraṃ akkhānena pāpuṇituṃ yāva sukhā saggā’’ti (ma. ni. 3.255) vacanato bhagavatopi vacanapathātītaparimāṇarahitasukhanibbattakaṃ attano vā ānubhāvena aparimitasukhāvahaṃ sukhassa āvahanakaṃ. Satatanti sabbakālaṃ. Taṃ taṃ uposatharakkhaṇadivasaṃ ahāpetvā, taṃ taṃ vā uposatharakkhaṇadivasaṃ akhaṇḍaṃ katvā paripuṇṇaṃ katvā satataṃ vā sabbakālaṃ sukhāvahanti yojanā. Sesaṃ heṭṭhā vuttanayameva.
ат̇а бхаг̇аваа маад̇уд̣̇звабуд̇д̇аббамукаанам̣ д̣̇асасахассилогад̇хаад̇уваасийнам̣ д̣̇зваб̣рахмасан̇гхаанам̣ д̇аяо маасз абхид̇хаммабидагам̣ д̣̇зсзд̇ваа мануссалогам̣ ааг̇анд̇ваа бхад̣̇д̣̇ид̇т̇ивимаанам̣ бхигкуунам̣ д̣̇зсзси. саа д̣̇зсанаа самбад̇д̇абарисааяа саад̇т̇игаа ахосийд̇и.
Atha bhagavā mātudevaputtappamukhānaṃ dasasahassilokadhātuvāsīnaṃ devabrahmasaṅghānaṃ tayo māse abhidhammapiṭakaṃ desetvā manussalokaṃ āgantvā bhadditthivimānaṃ bhikkhūnaṃ desesi. Sā desanā sampattaparisāya sātthikā ahosīti.
бхад̣̇д̣̇ид̇т̇ивимаанаван̣н̣анаа нидтид̇аа.
Bhadditthivimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 5. бхад̣̇д̣̇ид̇т̇ивимаанавад̇т̇у • 5. Bhadditthivimānavatthu
