| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. бхад̣̇д̣̇ияасуд̇д̇ам̣
3. Bhaddiyasuttaṃ
193. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко бхад̣̇д̣̇ияо лижчави язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко бхад̣̇д̣̇ияо лижчави бхаг̇аванд̇ам̣ зд̇ад̣̇авожа –
193. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho bhaddiyo licchavi yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho bhaddiyo licchavi bhagavantaṃ etadavoca –
‘‘суд̇ам̣ мзд̇ам̣, бханд̇з – ‘мааяаавий саман̣о г̇од̇амо аавадданим̣ мааяам̣ 1 ж̇аанаад̇и яааяа ан̃н̃ад̇ид̇т̇ияаанам̣ саавагз ааваддзд̇ий’д̇и. яз д̇з, бханд̇з, звамаахам̣су – ‘мааяаавий саман̣о г̇од̇амо аавадданим̣ мааяам̣ ж̇аанаад̇и яааяа ан̃н̃ад̇ид̇т̇ияаанам̣ саавагз ааваддзд̇ий’д̇и, гажжи д̇з, бханд̇з, бхаг̇авад̇о вуд̇д̇аваад̣̇ино, на жа бхаг̇аванд̇ам̣ абхууд̇зна аб̣бхаажигканд̇и, д̇хаммасса жа ануд̇хаммам̣ б̣яаагаронд̇и, на жа гожи сахад̇хаммиго ваад̣̇аанубаад̇о г̇аараяхам̣ таанам̣ ааг̇ажчад̇и, анаб̣бхагкаад̇угаамаа хи маяам̣, бханд̇з, бхаг̇аванд̇а’’нд̇и?
‘‘Sutaṃ metaṃ, bhante – ‘māyāvī samaṇo gotamo āvaṭṭaniṃ māyaṃ 2 jānāti yāya aññatitthiyānaṃ sāvake āvaṭṭetī’ti. Ye te, bhante, evamāhaṃsu – ‘māyāvī samaṇo gotamo āvaṭṭaniṃ māyaṃ jānāti yāya aññatitthiyānaṃ sāvake āvaṭṭetī’ti, kacci te, bhante, bhagavato vuttavādino, na ca bhagavantaṃ abhūtena abbhācikkhanti, dhammassa ca anudhammaṃ byākaronti, na ca koci sahadhammiko vādānupāto gārayhaṃ ṭhānaṃ āgacchati, anabbhakkhātukāmā hi mayaṃ, bhante, bhagavanta’’nti?
‘‘зт̇а д̇умхз, бхад̣̇д̣̇ияа, маа ануссавзна, маа барамбарааяа, маа ид̇игирааяа, маа бидагасамбад̣̇аанзна, маа д̇аггахзд̇у, маа наяахзд̇у, маа аагаарабаривид̇аггзна, маа д̣̇идтиниж̇жхаанагканд̇ияаа, маа бхаб̣б̣аруубад̇ааяа, маа ‘саман̣о но г̇аруу’д̇и. яад̣̇аа д̇умхз, бхад̣̇д̣̇ияа, ад̇д̇анаава ж̇аанзяяаат̇а – ‘имз д̇хаммаа агусалаа, имз д̇хаммаа сааваж̇ж̇аа, имз д̇хаммаа вин̃н̃уг̇арахид̇аа, имз д̇хаммаа самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇ий’д̇и, ат̇а д̇умхз, бхад̣̇д̣̇ияа, баж̇ахзяяаат̇а.
‘‘Etha tumhe, bhaddiya, mā anussavena, mā paramparāya, mā itikirāya, mā piṭakasampadānena, mā takkahetu, mā nayahetu, mā ākāraparivitakkena, mā diṭṭhinijjhānakkhantiyā, mā bhabbarūpatāya, mā ‘samaṇo no garū’ti. Yadā tumhe, bhaddiya, attanāva jāneyyātha – ‘ime dhammā akusalā, ime dhammā sāvajjā, ime dhammā viññugarahitā, ime dhammā samattā samādinnā ahitāya dukkhāya saṃvattantī’ti, atha tumhe, bhaddiya, pajaheyyātha.
‘‘д̇ам̣ гим̣ ман̃н̃ат̇а, бхад̣̇д̣̇ияа, лобхо бурисасса аж̇жхад̇д̇ам̣ уббаж̇ж̇амаано уббаж̇ж̇ад̇и хид̇ааяа ваа ахид̇ааяа ваа’’д̇и? ‘‘ахид̇ааяа, бханд̇з’’. ‘‘луд̣̇д̇хо банааяам̣, бхад̣̇д̣̇ияа, бурисабуг̇г̇ало лобхзна абхибхууд̇о барияаад̣̇иннажид̇д̇о баан̣амби ханад̇и, ад̣̇иннамби аад̣̇ияад̇и, барад̣̇аарамби г̇ажчад̇и, мусааби бхан̣ад̇и, барамби д̇ат̇ад̇д̇ааяа 3 самаад̣̇абзд̇и яам̣са ход̇и д̣̇ийгхарад̇д̇ам̣ ахид̇ааяа д̣̇угкааяаа’’д̇и. ‘‘звам̣, бханд̇з’’.
‘‘Taṃ kiṃ maññatha, bhaddiya, lobho purisassa ajjhattaṃ uppajjamāno uppajjati hitāya vā ahitāya vā’’ti? ‘‘Ahitāya, bhante’’. ‘‘Luddho panāyaṃ, bhaddiya, purisapuggalo lobhena abhibhūto pariyādinnacitto pāṇampi hanati, adinnampi ādiyati, paradārampi gacchati, musāpi bhaṇati, parampi tathattāya 4 samādapeti yaṃsa hoti dīgharattaṃ ahitāya dukkhāyā’’ti. ‘‘Evaṃ, bhante’’.
‘‘д̇ам̣ гим̣ ман̃н̃ат̇а, бхад̣̇д̣̇ияа, д̣̇осо бурисасса…бз… мохо бурисасса…бз… саарамбхо бурисасса аж̇жхад̇д̇ам̣ уббаж̇ж̇амаано уббаж̇ж̇ад̇и хид̇ааяа ваа ахид̇ааяа ваа’’д̇и? ‘‘ахид̇ааяа, бханд̇з’’. ‘‘саарад̣̇д̇хо банааяам̣, бхад̣̇д̣̇ияа, бурисабуг̇г̇ало саарамбхзна абхибхууд̇о барияаад̣̇иннажид̇д̇о баан̣амби ханад̇и, ад̣̇иннамби аад̣̇ияад̇и, барад̣̇аарамби г̇ажчад̇и, мусааби бхан̣ад̇и, барамби д̇ат̇ад̇д̇ааяа самаад̣̇абзд̇и яам̣са ход̇и д̣̇ийгхарад̇д̇ам̣ ахид̇ааяа д̣̇угкааяаа’’д̇и. ‘‘звам̣, бханд̇з’’.
‘‘Taṃ kiṃ maññatha, bhaddiya, doso purisassa…pe… moho purisassa…pe… sārambho purisassa ajjhattaṃ uppajjamāno uppajjati hitāya vā ahitāya vā’’ti? ‘‘Ahitāya, bhante’’. ‘‘Sāraddho panāyaṃ, bhaddiya, purisapuggalo sārambhena abhibhūto pariyādinnacitto pāṇampi hanati, adinnampi ādiyati, paradārampi gacchati, musāpi bhaṇati, parampi tathattāya samādapeti yaṃsa hoti dīgharattaṃ ahitāya dukkhāyā’’ti. ‘‘Evaṃ, bhante’’.
‘‘д̇ам̣ гим̣ ман̃н̃ат̇а, бхад̣̇д̣̇ияа, имз д̇хаммаа гусалаа ваа агусалаа ваа’’д̇и? ‘‘агусалаа, бханд̇з’’. ‘‘сааваж̇ж̇аа ваа анаваж̇ж̇аа ваа’’д̇и? ‘‘сааваж̇ж̇аа, бханд̇з’’. ‘‘вин̃н̃уг̇арахид̇аа ваа вин̃н̃уббасад̇т̇аа ваа’’д̇и? ‘‘вин̃н̃уг̇арахид̇аа, бханд̇з’’. ‘‘самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇и, но ваа? гат̇ам̣ ваа зд̇т̇а ход̇ий’’д̇и? ‘‘самад̇д̇аа, бханд̇з, самаад̣̇иннаа ахид̇ааяа д̣̇угкааяа сам̣вад̇д̇анд̇и. звам̣ но зд̇т̇а ход̇ий’’д̇и.
‘‘Taṃ kiṃ maññatha, bhaddiya, ime dhammā kusalā vā akusalā vā’’ti? ‘‘Akusalā, bhante’’. ‘‘Sāvajjā vā anavajjā vā’’ti? ‘‘Sāvajjā, bhante’’. ‘‘Viññugarahitā vā viññuppasatthā vā’’ti? ‘‘Viññugarahitā, bhante’’. ‘‘Samattā samādinnā ahitāya dukkhāya saṃvattanti, no vā? Kathaṃ vā ettha hotī’’ti? ‘‘Samattā, bhante, samādinnā ahitāya dukkhāya saṃvattanti. Evaṃ no ettha hotī’’ti.
‘‘ид̇и ко, бхад̣̇д̣̇ияа, яам̣ д̇ам̣ д̇з авожумхаа – зт̇а д̇умхз, бхад̣̇д̣̇ияа, маа ануссавзна, маа барамбарааяа, маа ид̇игирааяа, маа бидагасамбад̣̇аанзна, маа д̇аггахзд̇у, маа наяахзд̇у, маа аагаарабаривид̇аггзна, маа д̣̇идтиниж̇жхаанагканд̇ияаа, маа бхаб̣б̣аруубад̇ааяа, маа ‘саман̣о но г̇аруу’д̇и. яад̣̇аа д̇умхз, бхад̣̇д̣̇ияа, ад̇д̇анаава ж̇аанзяяаат̇а – ‘имз д̇хаммаа агусалаа, имз д̇хаммаа сааваж̇ж̇аа, имз д̇хаммаа вин̃н̃уг̇арахид̇аа, имз д̇хаммаа самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇ийд̇и, ат̇а д̇умхз, бхад̣̇д̣̇ияа, баж̇ахзяяаат̇аа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Iti kho, bhaddiya, yaṃ taṃ te avocumhā – etha tumhe, bhaddiya, mā anussavena, mā paramparāya, mā itikirāya, mā piṭakasampadānena, mā takkahetu, mā nayahetu, mā ākāraparivitakkena, mā diṭṭhinijjhānakkhantiyā, mā bhabbarūpatāya, mā ‘samaṇo no garū’ti. Yadā tumhe, bhaddiya, attanāva jāneyyātha – ‘ime dhammā akusalā, ime dhammā sāvajjā, ime dhammā viññugarahitā, ime dhammā samattā samādinnā ahitāya dukkhāya saṃvattantīti, atha tumhe, bhaddiya, pajaheyyāthā’ti, iti yaṃ taṃ vuttaṃ idametaṃ paṭicca vuttaṃ.
‘‘зт̇а д̇умхз, бхад̣̇д̣̇ияа, маа ануссавзна, маа барамбарааяа, маа ид̇игирааяа, маа бидагасамбад̣̇аанзна, маа д̇аггахзд̇у, маа наяахзд̇у, маа аагаарабаривид̇аггзна, маа д̣̇идтиниж̇жхаанагканд̇ияаа, маа бхаб̣б̣аруубад̇ааяа, маа ‘саман̣о но г̇аруу’д̇и. яад̣̇аа д̇умхз, бхад̣̇д̣̇ияа, ад̇д̇анаава ж̇аанзяяаат̇а – ‘имз д̇хаммаа гусалаа, имз д̇хаммаа анаваж̇ж̇аа, имз д̇хаммаа вин̃н̃уббасад̇т̇аа, имз д̇хаммаа самад̇д̇аа самаад̣̇иннаа хид̇ааяа сукааяа сам̣вад̇д̇анд̇ий’д̇и, ат̇а д̇умхз, бхад̣̇д̣̇ияа, убасамбаж̇ж̇а вихарзяяаат̇аа’’д̇и.
‘‘Etha tumhe, bhaddiya, mā anussavena, mā paramparāya, mā itikirāya, mā piṭakasampadānena, mā takkahetu, mā nayahetu, mā ākāraparivitakkena, mā diṭṭhinijjhānakkhantiyā, mā bhabbarūpatāya, mā ‘samaṇo no garū’ti. Yadā tumhe, bhaddiya, attanāva jāneyyātha – ‘ime dhammā kusalā, ime dhammā anavajjā, ime dhammā viññuppasatthā, ime dhammā samattā samādinnā hitāya sukhāya saṃvattantī’ti, atha tumhe, bhaddiya, upasampajja vihareyyāthā’’ti.
‘‘д̇ам̣ гим̣ ман̃н̃ат̇а, бхад̣̇д̣̇ияа, алобхо бурисасса аж̇жхад̇д̇ам̣ уббаж̇ж̇амаано уббаж̇ж̇ад̇и хид̇ааяа ваа ахид̇ааяа ваа’’д̇и? ‘‘хид̇ааяа, бханд̇з’’. ‘‘алуд̣̇д̇хо банааяам̣, бхад̣̇д̣̇ияа, бурисабуг̇г̇ало лобхзна анабхибхууд̇о абарияаад̣̇иннажид̇д̇о нзва баан̣ам̣ ханад̇и, на ад̣̇иннам̣ аад̣̇ияад̇и, на барад̣̇аарам̣ г̇ажчад̇и, на мусаа бхан̣ад̇и, барамби д̇ат̇ад̇д̇ааяа на самаад̣̇абзд̇и яам̣’са ход̇и д̣̇ийгхарад̇д̇ам̣ хид̇ааяа сукааяаа’’д̇и. ‘‘звам̣, бханд̇з’’.
‘‘Taṃ kiṃ maññatha, bhaddiya, alobho purisassa ajjhattaṃ uppajjamāno uppajjati hitāya vā ahitāya vā’’ti? ‘‘Hitāya, bhante’’. ‘‘Aluddho panāyaṃ, bhaddiya, purisapuggalo lobhena anabhibhūto apariyādinnacitto neva pāṇaṃ hanati, na adinnaṃ ādiyati, na paradāraṃ gacchati, na musā bhaṇati, parampi tathattāya na samādapeti yaṃ’sa hoti dīgharattaṃ hitāya sukhāyā’’ti. ‘‘Evaṃ, bhante’’.
‘‘д̇ам̣ гим̣ ман̃н̃ат̇а, бхад̣̇д̣̇ияа, ад̣̇осо бурисасса…бз… амохо бурисасса…бз… асаарамбхо бурисасса аж̇жхад̇д̇ам̣ уббаж̇ж̇амаано уббаж̇ж̇ад̇и хид̇ааяа ваа ахид̇ааяа ваа’’д̇и? ‘‘хид̇ааяа, бханд̇з’’. ‘‘асаарад̣̇д̇хо банааяам̣, бхад̣̇д̣̇ияа, бурисабуг̇г̇ало саарамбхзна анабхибхууд̇о абарияаад̣̇иннажид̇д̇о нзва баан̣ам̣ ханад̇и, на ад̣̇иннам̣ аад̣̇ияад̇и, на барад̣̇аарам̣ г̇ажчад̇и, на мусаа бхан̣ад̇и , барамби д̇ат̇ад̇д̇ааяа на самаад̣̇абзд̇и яам̣’са ход̇и д̣̇ийгхарад̇д̇ам̣ хид̇ааяа сукааяаа’’д̇и. ‘‘звам̣, бханд̇з’’.
‘‘Taṃ kiṃ maññatha, bhaddiya, adoso purisassa…pe… amoho purisassa…pe… asārambho purisassa ajjhattaṃ uppajjamāno uppajjati hitāya vā ahitāya vā’’ti? ‘‘Hitāya, bhante’’. ‘‘Asāraddho panāyaṃ, bhaddiya, purisapuggalo sārambhena anabhibhūto apariyādinnacitto neva pāṇaṃ hanati, na adinnaṃ ādiyati, na paradāraṃ gacchati, na musā bhaṇati , parampi tathattāya na samādapeti yaṃ’sa hoti dīgharattaṃ hitāya sukhāyā’’ti. ‘‘Evaṃ, bhante’’.
‘‘д̇ам̣ гим̣ ман̃н̃ат̇а, бхад̣̇д̣̇ияа, имз д̇хаммаа гусалаа ваа агусалаа ваа’’д̇и? ‘‘гусалаа, бханд̇з’’. ‘‘сааваж̇ж̇аа ваа анаваж̇ж̇аа ваа’’д̇и? ‘‘анаваж̇ж̇аа, бханд̇з’’. ‘‘вин̃н̃уг̇арахид̇аа ваа вин̃н̃уббасад̇т̇аа ваа’’д̇и? ‘‘вин̃н̃уббасад̇т̇аа, бханд̇з’’. ‘‘самад̇д̇аа самаад̣̇иннаа хид̇ааяа сукааяа сам̣вад̇д̇анд̇и но ваа? гат̇ам̣ ваа зд̇т̇а ход̇ий’’д̇и? ‘‘самад̇д̇аа, бханд̇з, самаад̣̇иннаа хид̇ааяа сукааяа сам̣вад̇д̇анд̇и. звам̣ но зд̇т̇а ход̇ий’’д̇и.
‘‘Taṃ kiṃ maññatha, bhaddiya, ime dhammā kusalā vā akusalā vā’’ti? ‘‘Kusalā, bhante’’. ‘‘Sāvajjā vā anavajjā vā’’ti? ‘‘Anavajjā, bhante’’. ‘‘Viññugarahitā vā viññuppasatthā vā’’ti? ‘‘Viññuppasatthā, bhante’’. ‘‘Samattā samādinnā hitāya sukhāya saṃvattanti no vā? Kathaṃ vā ettha hotī’’ti? ‘‘Samattā, bhante, samādinnā hitāya sukhāya saṃvattanti. Evaṃ no ettha hotī’’ti.
‘‘ид̇и ко, бхад̣̇д̣̇ияа, яам̣ д̇ам̣ д̇з авожумхаа – зт̇а д̇умхз, бхад̣̇д̣̇ияа, маа ануссавзна, маа барамбарааяа, маа ид̇игирааяа, маа бидагасамбад̣̇аанзна, маа д̇аггахзд̇у, маа наяахзд̇у, маа аагаарабаривид̇аггзна, маа д̣̇идтиниж̇жхаанагканд̇ияаа, маа бхаб̣б̣аруубад̇ааяа, маа ‘саман̣о но г̇аруу’д̇и. яад̣̇аа д̇умхз, бхад̣̇д̣̇ияа, ад̇д̇анаава ж̇аанзяяаат̇а – ‘имз д̇хаммаа гусалаа, имз д̇хаммаа анаваж̇ж̇аа, имз д̇хаммаа вин̃н̃уббасад̇т̇аа, имз д̇хаммаа самад̇д̇аа самаад̣̇иннаа хид̇ааяа сукааяа сам̣вад̇д̇анд̇ийд̇и , ат̇а д̇умхз, бхад̣̇д̣̇ияа, убасамбаж̇ж̇а вихарзяяаат̇аа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘Iti kho, bhaddiya, yaṃ taṃ te avocumhā – etha tumhe, bhaddiya, mā anussavena, mā paramparāya, mā itikirāya, mā piṭakasampadānena, mā takkahetu, mā nayahetu, mā ākāraparivitakkena, mā diṭṭhinijjhānakkhantiyā, mā bhabbarūpatāya, mā ‘samaṇo no garū’ti. Yadā tumhe, bhaddiya, attanāva jāneyyātha – ‘ime dhammā kusalā, ime dhammā anavajjā, ime dhammā viññuppasatthā, ime dhammā samattā samādinnā hitāya sukhāya saṃvattantīti , atha tumhe, bhaddiya, upasampajja vihareyyāthā’ti, iti yaṃ taṃ vuttaṃ idametaṃ paṭicca vuttaṃ.
‘‘яз ко д̇з, бхад̣̇д̣̇ияа, логз санд̇о саббурисаа д̇з саавагам̣ звам̣ самаад̣̇абзнд̇и – ‘зхи д̇вам̣, амбхо буриса, лобхам̣ винзяяа 5 вихараахи. лобхам̣ винзяяа вихаранд̇о на лобхаж̇ам̣ гаммам̣ гариссаси гааязна ваажааяа манасаа. д̣̇осам̣ винзяяа вихараахи. д̣̇осам̣ винзяяа вихаранд̇о на д̣̇осаж̇ам̣ гаммам̣ гариссаси гааязна ваажааяа манасаа. мохам̣ винзяяа вихараахи. мохам̣ винзяяа вихаранд̇о на мохаж̇ам̣ гаммам̣ гариссаси гааязна ваажааяа манасаа. саарамбхам̣ винзяяа вихараахи. саарамбхам̣ винзяяа вихаранд̇о на саарамбхаж̇ам̣ гаммам̣ гариссаси гааязна ваажааяа манасаа’’’д̇и.
‘‘Ye kho te, bhaddiya, loke santo sappurisā te sāvakaṃ evaṃ samādapenti – ‘ehi tvaṃ, ambho purisa, lobhaṃ vineyya 6 viharāhi. Lobhaṃ vineyya viharanto na lobhajaṃ kammaṃ karissasi kāyena vācāya manasā. Dosaṃ vineyya viharāhi. Dosaṃ vineyya viharanto na dosajaṃ kammaṃ karissasi kāyena vācāya manasā. Mohaṃ vineyya viharāhi. Mohaṃ vineyya viharanto na mohajaṃ kammaṃ karissasi kāyena vācāya manasā. Sārambhaṃ vineyya viharāhi. Sārambhaṃ vineyya viharanto na sārambhajaṃ kammaṃ karissasi kāyena vācāya manasā’’’ti.
звам̣ вуд̇д̇з бхад̣̇д̣̇ияо лижчави бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з…бз… убаасагам̣ мам̣, бханд̇з, бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte bhaddiyo licchavi bhagavantaṃ etadavoca – ‘‘abhikkantaṃ, bhante…pe… upāsakaṃ maṃ, bhante, bhagavā dhāretu ajjatagge pāṇupetaṃ saraṇaṃ gata’’nti.
‘‘аби ну д̇аахам̣, бхад̣̇д̣̇ияа, звам̣ аважам̣ – ‘зхи мз д̇вам̣, бхад̣̇д̣̇ияа, сааваго хохи; ахам̣ сад̇т̇аа бхависсаамий’’’д̇и? ‘‘но хзд̇ам̣, бханд̇з’’. ‘‘звам̣ваад̣̇им̣ ко мам̣, бхад̣̇д̣̇ияа, звамагкааяим̣ згз саман̣аб̣раахман̣аа асад̇аа д̇ужчаа мусаа абхууд̇зна аб̣бхаажигканд̇и – ‘мааяаавий саман̣о г̇од̇амо аавадданим̣ мааяам̣ ж̇аанаад̇и яааяа ан̃н̃ад̇ид̇т̇ияаанам̣ саавагз ааваддзд̇ий’’’д̇и. ‘‘бхад̣̇д̣̇игаа , бханд̇з, аавадданий мааяаа. галяаан̣ий, бханд̇з, аавадданий мааяаа. бияаа мз, бханд̇з, н̃аад̇исаалохид̇аа имааяа аавадданияаа ааваддзяяум̣, бияаанамби мз асса н̃аад̇исаалохид̇аанам̣ д̣̇ийгхарад̇д̇ам̣ хид̇ааяа сукааяа. саб̣б̣з жзби, бханд̇з, кад̇д̇ияаа имааяа аавадданияаа ааваддзяяум̣, саб̣б̣зсамбисса кад̇д̇ияаанам̣ д̣̇ийгхарад̇д̇ам̣ хид̇ааяа сукааяа. саб̣б̣з жзби, бханд̇з, б̣раахман̣аа… взссаа … суд̣̇д̣̇аа имааяа аавадданияаа ааваддзяяум̣, саб̣б̣зсамбисса суд̣̇д̣̇аанам̣ д̣̇ийгхарад̇д̇ам̣ хид̇ааяа сукааяаа’’д̇и.
‘‘Api nu tāhaṃ, bhaddiya, evaṃ avacaṃ – ‘ehi me tvaṃ, bhaddiya, sāvako hohi; ahaṃ satthā bhavissāmī’’’ti? ‘‘No hetaṃ, bhante’’. ‘‘Evaṃvādiṃ kho maṃ, bhaddiya, evamakkhāyiṃ eke samaṇabrāhmaṇā asatā tucchā musā abhūtena abbhācikkhanti – ‘māyāvī samaṇo gotamo āvaṭṭaniṃ māyaṃ jānāti yāya aññatitthiyānaṃ sāvake āvaṭṭetī’’’ti. ‘‘Bhaddikā , bhante, āvaṭṭanī māyā. Kalyāṇī, bhante, āvaṭṭanī māyā. Piyā me, bhante, ñātisālohitā imāya āvaṭṭaniyā āvaṭṭeyyuṃ, piyānampi me assa ñātisālohitānaṃ dīgharattaṃ hitāya sukhāya. Sabbe cepi, bhante, khattiyā imāya āvaṭṭaniyā āvaṭṭeyyuṃ, sabbesampissa khattiyānaṃ dīgharattaṃ hitāya sukhāya. Sabbe cepi, bhante, brāhmaṇā… vessā … suddā imāya āvaṭṭaniyā āvaṭṭeyyuṃ, sabbesampissa suddānaṃ dīgharattaṃ hitāya sukhāyā’’ti.
‘‘звамзд̇ам̣, бхад̣̇д̣̇ияа, звамзд̇ам̣, бхад̣̇д̣̇ияа! саб̣б̣з жзби, бхад̣̇д̣̇ияа, кад̇д̇ияаа имааяа аавадданияаа ааваддзяяум̣ агусалад̇хаммаббахаанааяа гусалад̇хаммуубасамбад̣̇ааяа, саб̣б̣зсамбисса кад̇д̇ияаанам̣ д̣̇ийгхарад̇д̇ам̣ хид̇ааяа сукааяа. саб̣б̣з жзби, бхад̣̇д̣̇ияа, б̣раахман̣аа… взссаа… суд̣̇д̣̇аа ааваддзяяум̣ агусалад̇хаммаббахаанааяа гусалад̇хаммуубасамбад̣̇ааяа, саб̣б̣зсамбисса суд̣̇д̣̇аанам̣ д̣̇ийгхарад̇д̇ам̣ хид̇ааяа сукааяа. сад̣̇зваго жзби, бхад̣̇д̣̇ияа, лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа имааяа аавадданияаа ааваддзяяум̣ 7 агусалад̇хаммаббахаанааяа гусалад̇хаммуубасамбад̣̇ааяа, сад̣̇звагассабисса логасса самаарагасса саб̣рахмагасса сассаман̣аб̣раахман̣ияаа баж̇ааяа сад̣̇звамануссааяа д̣̇ийгхарад̇д̇ам̣ хид̇ааяа сукааяа. имз жзби, бхад̣̇д̣̇ияа, махаасаалаа имааяа аавадданияаа ааваддзяяум̣ агусалад̇хаммаббахаанааяа гусалад̇хаммуубасамбад̣̇ааяа, имзсамбисса махаасаалаанам̣ д̣̇ийгхарад̇д̇ам̣ хид̇ааяа сукааяа ( ) 8. го бана ваад̣̇о мануссабхууд̇ассаа’’д̇и! д̇ад̇ияам̣.
‘‘Evametaṃ, bhaddiya, evametaṃ, bhaddiya! Sabbe cepi, bhaddiya, khattiyā imāya āvaṭṭaniyā āvaṭṭeyyuṃ akusaladhammappahānāya kusaladhammūpasampadāya, sabbesampissa khattiyānaṃ dīgharattaṃ hitāya sukhāya. Sabbe cepi, bhaddiya, brāhmaṇā… vessā… suddā āvaṭṭeyyuṃ akusaladhammappahānāya kusaladhammūpasampadāya, sabbesampissa suddānaṃ dīgharattaṃ hitāya sukhāya. Sadevako cepi, bhaddiya, loko samārako sabrahmako sassamaṇabrāhmaṇī pajā sadevamanussā imāya āvaṭṭaniyā āvaṭṭeyyuṃ 9 akusaladhammappahānāya kusaladhammūpasampadāya, sadevakassapissa lokassa samārakassa sabrahmakassa sassamaṇabrāhmaṇiyā pajāya sadevamanussāya dīgharattaṃ hitāya sukhāya. Ime cepi, bhaddiya, mahāsālā imāya āvaṭṭaniyā āvaṭṭeyyuṃ akusaladhammappahānāya kusaladhammūpasampadāya, imesampissa mahāsālānaṃ dīgharattaṃ hitāya sukhāya ( ) 10. Ko pana vādo manussabhūtassā’’ti! Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. бхад̣̇д̣̇ияасуд̇д̇аван̣н̣анаа • 3. Bhaddiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. бхад̣̇д̣̇ияасуд̇д̇аван̣н̣анаа • 3. Bhaddiyasuttavaṇṇanā
