| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
10. бхад̣̇д̣̇ияасуд̇д̇ам̣
10. Bhaddiyasuttaṃ
20. звам̣ мз суд̇ам̣ – згам̣ самаяам̣ бхаг̇аваа анубияааяам̣ вихарад̇и амб̣аванз. д̇зна ко бана самаязна ааяасмаа бхад̣̇д̣̇ияо гаал̣ийг̇од̇хааяа буд̇д̇о аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘‘ахо сукам̣, ахо сука’’нд̇и!
20. Evaṃ me sutaṃ – ekaṃ samayaṃ bhagavā anupiyāyaṃ viharati ambavane. Tena kho pana samayena āyasmā bhaddiyo kāḷīgodhāya putto araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘‘aho sukhaṃ, aho sukha’’nti!
ассосум̣ ко самб̣ахулаа бхигкуу ааяасмад̇о бхад̣̇д̣̇ияасса гаал̣ийг̇од̇хааяа буд̇д̇асса аран̃н̃аг̇ад̇ассаби ругкамуулаг̇ад̇ассаби сун̃н̃ааг̇аараг̇ад̇ассаби абхигкан̣ам̣ уд̣̇аанам̣ уд̣̇аанзнд̇асса – ‘‘ахо сукам̣, ахо сука’’нд̇и! суд̇ваана нзсам̣ зд̇ад̣̇ахоси – ‘‘ниссам̣саяам̣ ко, аавусо, ааяасмаа бхад̣̇д̣̇ияо гаал̣ийг̇од̇хааяа буд̇д̇о анабхирад̇о б̣рахмажарияам̣ жарад̇и, яам̣са буб̣б̣з аг̇аарияабхууд̇асса 1 раж̇ж̇асукам̣, со д̇амануссарамаано аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’’’нд̇и!
Assosuṃ kho sambahulā bhikkhū āyasmato bhaddiyassa kāḷīgodhāya puttassa araññagatassapi rukkhamūlagatassapi suññāgāragatassapi abhikkhaṇaṃ udānaṃ udānentassa – ‘‘aho sukhaṃ, aho sukha’’nti! Sutvāna nesaṃ etadahosi – ‘‘nissaṃsayaṃ kho, āvuso, āyasmā bhaddiyo kāḷīgodhāya putto anabhirato brahmacariyaṃ carati, yaṃsa pubbe agāriyabhūtassa 2 rajjasukhaṃ, so tamanussaramāno araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’’’nti!
ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ааяасмаа, бханд̇з, бхад̣̇д̣̇ияо гаал̣ийг̇од̇хааяа буд̇д̇о аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’нд̇и! ниссам̣саяам̣ ко, бханд̇з, ааяасмаа бхад̣̇д̣̇ияо гаал̣ийг̇од̇хааяа буд̇д̇о анабхирад̇о б̣рахмажарияам̣ жарад̇и. яам̣са буб̣б̣з аг̇аарияабхууд̇асса раж̇ж̇асукам̣, со д̇амануссарамаано аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’’’нд̇и!
Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘āyasmā, bhante, bhaddiyo kāḷīgodhāya putto araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’nti! Nissaṃsayaṃ kho, bhante, āyasmā bhaddiyo kāḷīgodhāya putto anabhirato brahmacariyaṃ carati. Yaṃsa pubbe agāriyabhūtassa rajjasukhaṃ, so tamanussaramāno araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’’’nti!
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна бхад̣̇д̣̇ияам̣ бхигкум̣ ааманд̇зхи – ‘сад̇т̇аа д̇ам̣, аавусо бхад̣̇д̣̇ияа, ааманд̇зд̇ий’’’д̇и.
Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena bhaddiyaṃ bhikkhuṃ āmantehi – ‘satthā taṃ, āvuso bhaddiya, āmantetī’’’ti.
‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа язнааяасмаа бхад̣̇д̣̇ияо гаал̣ийг̇од̇хааяа буд̇д̇о д̇знубасан̇гами; убасан̇гамид̇ваа бхад̣̇д̣̇ияам̣ гаал̣ийг̇од̇хааяа буд̇д̇ам̣ зд̇ад̣̇авожа – ‘‘сад̇т̇аа д̇ам̣, аавусо бхад̣̇д̣̇ияа, ааманд̇зд̇ий’’д̇и. ‘‘звамаавусо’’д̇и ко ааяасмаа бхад̣̇д̣̇ияо гаал̣ийг̇од̇хааяа буд̇д̇о д̇асса бхигкуно бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ бхад̣̇д̣̇ияам̣ гаал̣ийг̇од̇хааяа буд̇д̇ам̣ бхаг̇аваа зд̇ад̣̇авожа –
‘‘Evaṃ, bhante’’ti kho so bhikkhu bhagavato paṭissutvā yenāyasmā bhaddiyo kāḷīgodhāya putto tenupasaṅkami; upasaṅkamitvā bhaddiyaṃ kāḷīgodhāya puttaṃ etadavoca – ‘‘satthā taṃ, āvuso bhaddiya, āmantetī’’ti. ‘‘Evamāvuso’’ti kho āyasmā bhaddiyo kāḷīgodhāya putto tassa bhikkhuno paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ bhaddiyaṃ kāḷīgodhāya puttaṃ bhagavā etadavoca –
‘‘сажжам̣ гира д̇вам̣, бхад̣̇д̣̇ияа, аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’’’нд̇и! ‘‘звам̣, бханд̇з’’д̇и.
‘‘Saccaṃ kira tvaṃ, bhaddiya, araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’’’nti! ‘‘Evaṃ, bhante’’ti.
‘‘гим̣ бана 3 д̇вам̣, бхад̣̇д̣̇ияа, ад̇т̇авасам̣ самбассамаано аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси – ‘ахо сукам̣, ахо сука’’’нд̇и! ‘‘буб̣б̣з мз, бханд̇з, аг̇аарияабхууд̇асса раж̇ж̇ам̣ гаарзнд̇асса анд̇оби анд̇збурз рагкаа сусам̣вихид̇аа ахоси, б̣ахиби анд̇збурз рагкаа сусам̣вихид̇аа ахоси, анд̇оби наг̇арз рагкаа сусам̣вихид̇аа ахоси, б̣ахиби наг̇арз рагкаа сусам̣вихид̇аа ахоси, анд̇оби ж̇анабад̣̇з рагкаа сусам̣вихид̇аа ахоси, б̣ахиби ж̇анабад̣̇з рагкаа сусам̣вихид̇аа ахоси. со ко ахам̣, бханд̇з, звам̣ рагкид̇о г̇обид̇о санд̇о бхийд̇о уб̣б̣иг̇г̇о уссан̇гий уд̇раасий вихаасим̣. зд̇арахи ко банаахам̣, бханд̇з, аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби зго 4 абхийд̇о ануб̣б̣иг̇г̇о ануссан̇гий ануд̇раасий аббоссугго банналомо барад̣̇ад̇д̇авуд̇д̇о 5, миг̇абхууд̇зна жзд̇асаа вихараами. имам̣ 6 ко ахам̣, бханд̇з, ад̇т̇авасам̣ самбассамаано аран̃н̃аг̇ад̇оби ругкамуулаг̇ад̇оби сун̃н̃ааг̇аараг̇ад̇оби абхигкан̣ам̣ уд̣̇аанам̣ уд̣̇аанзси 7 – ‘ахо сукам̣, ахо сука’’’нд̇и!
‘‘Kiṃ pana 8 tvaṃ, bhaddiya, atthavasaṃ sampassamāno araññagatopi rukkhamūlagatopi suññāgāragatopi abhikkhaṇaṃ udānaṃ udānesi – ‘aho sukhaṃ, aho sukha’’’nti! ‘‘Pubbe me, bhante, agāriyabhūtassa rajjaṃ kārentassa antopi antepure rakkhā susaṃvihitā ahosi, bahipi antepure rakkhā susaṃvihitā ahosi, antopi nagare rakkhā susaṃvihitā ahosi, bahipi nagare rakkhā susaṃvihitā ahosi, antopi janapade rakkhā susaṃvihitā ahosi, bahipi janapade rakkhā susaṃvihitā ahosi. So kho ahaṃ, bhante, evaṃ rakkhito gopito santo bhīto ubbiggo ussaṅkī utrāsī vihāsiṃ. Etarahi kho panāhaṃ, bhante, araññagatopi rukkhamūlagatopi suññāgāragatopi eko 9 abhīto anubbiggo anussaṅkī anutrāsī appossukko pannalomo paradattavutto 10, migabhūtena cetasā viharāmi. Imaṃ 11 kho ahaṃ, bhante, atthavasaṃ sampassamāno araññagatopi rukkhamūlagatopi suññāgāragatopi abhikkhaṇaṃ udānaṃ udānesi 12 – ‘aho sukhaṃ, aho sukha’’’nti!
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яассанд̇арад̇о на санд̇и гобаа,
‘‘Yassantarato na santi kopā,
ид̇ибхаваабхавад̇ан̃жа вийд̇ивад̇д̇о;
Itibhavābhavatañca vītivatto;
д̇ам̣ виг̇ад̇абхаяам̣ суким̣ асогам̣,
Taṃ vigatabhayaṃ sukhiṃ asokaṃ,
д̣̇зваа наанубхаванд̇и д̣̇ассанааяаа’’д̇и. д̣̇асамам̣;
Devā nānubhavanti dassanāyā’’ti. dasamaṃ;
мужалинд̣̇аваг̇г̇о д̣̇уд̇ияо нидтид̇о.
Mucalindavaggo dutiyo niṭṭhito.
д̇ассуд̣̇д̣̇аанам̣ –
Tassuddānaṃ –
мужалинд̣̇о рааж̇аа д̣̇ан̣д̣зна, саггааро убаасагзна жа;
Mucalindo rājā daṇḍena, sakkāro upāsakena ca;
г̇аб̣бхиний згабуд̇д̇о жа, суббаваасаа висаакаа жа;
Gabbhinī ekaputto ca, suppavāsā visākhā ca;
гаал̣ийг̇од̇хааяа бхад̣̇д̣̇ияод̇и.
Kāḷīgodhāya bhaddiyoti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 10. бхад̣̇д̣̇ияасуд̇д̇аван̣н̣анаа • 10. Bhaddiyasuttavaṇṇanā
