| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. ப⁴த்³தி³யஸுத்தவண்ணனா
3. Bhaddiyasuttavaṇṇanā
193. ததியே உபஸங்கமீதி பு⁴த்தபாதராஸோ ஹுத்வா மாலாக³ந்த⁴விலேபனங் க³ஹெத்வா ப⁴க³வந்தங் வந்தி³ஸ்ஸாமீதி உபஸங்கமி. மா அனுஸ்ஸவேனாதிஆதீ³ஸு அனுஸ்ஸவவசனேன மம கத²ங் மா க³ண்ஹதா²தி இமினா நயேன அத்தோ² வேதி³தப்³போ³. ஸாரம்போ⁴தி கரணுத்தரியலக்க²ணோ ஸாரம்போ⁴. அலோபா⁴த³யோ லோபா⁴தி³படிபக்க²வஸேன வேதி³தப்³பா³. குஸலத⁴ம்மூபஸம்பதா³யாதி குஸலத⁴ம்மானங் ஸம்பாத³னத்தா²ய, படிலாப⁴த்தா²யாதி வுத்தங் ஹோதி. இமே சேபி, ப⁴த்³தி³ய, மஹாஸாலாதி புரதோ டி²தே ஸாலருக்கே² த³ஸ்ஸெந்தோ ஏவமாஹ. ஸேஸமெத்த² ஹெட்டா² வுத்தனயத்தா உத்தானத்த²த்தா ச ஸுவிஞ்ஞெய்யமேவ. ஸத்த²ரி பன தே³ஸனங் வினிவட்டெந்தே ப⁴த்³தி³யோ ஸோதாபன்னோ ஜாதோதி.
193. Tatiye upasaṅkamīti bhuttapātarāso hutvā mālāgandhavilepanaṃ gahetvā bhagavantaṃ vandissāmīti upasaṅkami. Mā anussavenātiādīsu anussavavacanena mama kathaṃ mā gaṇhathāti iminā nayena attho veditabbo. Sārambhoti karaṇuttariyalakkhaṇo sārambho. Alobhādayo lobhādipaṭipakkhavasena veditabbā. Kusaladhammūpasampadāyāti kusaladhammānaṃ sampādanatthāya, paṭilābhatthāyāti vuttaṃ hoti. Ime cepi, bhaddiya, mahāsālāti purato ṭhite sālarukkhe dassento evamāha. Sesamettha heṭṭhā vuttanayattā uttānatthattā ca suviññeyyameva. Satthari pana desanaṃ vinivaṭṭente bhaddiyo sotāpanno jātoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. ப⁴த்³தி³யஸுத்தங் • 3. Bhaddiyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. ப⁴த்³தி³யஸுத்தவண்ணனா • 3. Bhaddiyasuttavaṇṇanā
