| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៣. ភទ្ទិយសុត្តវណ្ណនា
3. Bhaddiyasuttavaṇṇanā
១៩៣. តតិយេ ឧបសង្កមីតិ ភុត្តបាតរាសោ ហុត្វា មាលាគន្ធវិលេបនំ គហេត្វា ភគវន្តំ វន្ទិស្សាមីតិ ឧបសង្កមិ។ មា អនុស្សវេនាតិអាទីសុ អនុស្សវវចនេន មម កថំ មា គណ្ហថាតិ ឥមិនា នយេន អត្ថោ វេទិតព្ពោ។ សារម្ភោតិ ករណុត្តរិយលក្ខណោ សារម្ភោ។ អលោភាទយោ លោភាទិបដិបក្ខវសេន វេទិតព្ពា។ កុសលធម្មូបសម្បទាយាតិ កុសលធម្មានំ សម្បាទនត្ថាយ, បដិលាភត្ថាយាតិ វុត្តំ ហោតិ។ ឥមេ ចេបិ, ភទ្ទិយ, មហាសាលាតិ បុរតោ ឋិតេ សាលរុក្ខេ ទស្សេន្តោ ឯវមាហ។ សេសមេត្ថ ហេដ្ឋា វុត្តនយត្តា ឧត្តានត្ថត្តា ច សុវិញ្ញេយ្យមេវ។ សត្ថរិ បន ទេសនំ វិនិវដ្ដេន្តេ ភទ្ទិយោ សោតាបន្នោ ជាតោតិ។
193. Tatiye upasaṅkamīti bhuttapātarāso hutvā mālāgandhavilepanaṃ gahetvā bhagavantaṃ vandissāmīti upasaṅkami. Mā anussavenātiādīsu anussavavacanena mama kathaṃ mā gaṇhathāti iminā nayena attho veditabbo. Sārambhoti karaṇuttariyalakkhaṇo sārambho. Alobhādayo lobhādipaṭipakkhavasena veditabbā. Kusaladhammūpasampadāyāti kusaladhammānaṃ sampādanatthāya, paṭilābhatthāyāti vuttaṃ hoti. Ime cepi, bhaddiya, mahāsālāti purato ṭhite sālarukkhe dassento evamāha. Sesamettha heṭṭhā vuttanayattā uttānatthattā ca suviññeyyameva. Satthari pana desanaṃ vinivaṭṭente bhaddiyo sotāpanno jātoti.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៣. ភទ្ទិយសុត្តំ • 3. Bhaddiyasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៣. ភទ្ទិយសុត្តវណ្ណនា • 3. Bhaddiyasuttavaṇṇanā
