| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. ဘဒ္ဒိယသုတ္တဝဏ္ဏနာ
3. Bhaddiyasuttavaṇṇanā
၁၉၃. တတိယေ ဥပသင္ကမီတိ ဘုတ္တပာတရာသော ဟုတ္ဝာ မာလာဂန္ဓဝိလေပနံ ဂဟေတ္ဝာ ဘဂဝန္တံ ဝန္ဒိသ္သာမီတိ ဥပသင္ကမိ။ မာ အနုသ္သဝေနာတိအာဒီသု အနုသ္သဝဝစနေန မမ ကထံ မာ ဂဏ္ဟထာတိ ဣမိနာ နယေန အတ္ထော ဝေဒိတဗ္ဗော။ သာရမ္ဘောတိ ကရဏုတ္တရိယလက္ခဏော သာရမ္ဘော။ အလောဘာဒယော လောဘာဒိပဋိပက္ခဝသေန ဝေဒိတဗ္ဗာ။ ကုသလဓမ္မူပသမ္ပဒာယာတိ ကုသလဓမ္မာနံ သမ္ပာဒနတ္ထာယ, ပဋိလာဘတ္ထာယာတိ ဝုတ္တံ ဟောတိ။ ဣမေ စေပိ, ဘဒ္ဒိယ, မဟာသာလာတိ ပုရတော ဌိတေ သာလရုက္ခေ ဒသ္သေန္တော ဧဝမာဟ။ သေသမေတ္ထ ဟေဋ္ဌာ ဝုတ္တနယတ္တာ ဥတ္တာနတ္ထတ္တာ စ သုဝိညေယ္ယမေဝ။ သတ္ထရိ ပန ဒေသနံ ဝိနိဝဋ္ဋေန္တေ ဘဒ္ဒိယော သောတာပန္နော ဇာတောတိ။
193. Tatiye upasaṅkamīti bhuttapātarāso hutvā mālāgandhavilepanaṃ gahetvā bhagavantaṃ vandissāmīti upasaṅkami. Mā anussavenātiādīsu anussavavacanena mama kathaṃ mā gaṇhathāti iminā nayena attho veditabbo. Sārambhoti karaṇuttariyalakkhaṇo sārambho. Alobhādayo lobhādipaṭipakkhavasena veditabbā. Kusaladhammūpasampadāyāti kusaladhammānaṃ sampādanatthāya, paṭilābhatthāyāti vuttaṃ hoti. Ime cepi, bhaddiya, mahāsālāti purato ṭhite sālarukkhe dassento evamāha. Sesamettha heṭṭhā vuttanayattā uttānatthattā ca suviññeyyameva. Satthari pana desanaṃ vinivaṭṭente bhaddiyo sotāpanno jātoti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. ဘဒ္ဒိယသုတ္တံ • 3. Bhaddiyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃. ဘဒ္ဒိယသုတ္တဝဏ္ဏနာ • 3. Bhaddiyasuttavaṇṇanā
