| Library / Tipiṭaka / තිපිටක • Tipiṭaka / චූළනිද්‌දෙසපාළි • Cūḷaniddesapāḷi |
12. භද්‍රාවුධමාණවපුච්‌ඡා
12. Bhadrāvudhamāṇavapucchā
126.
126.
‘‘ඔකඤ්‌ජහං තණ්‌හච්‌ඡිදං අනෙජං, [ඉච්‌චායස්‌මා භද්‍රාවුධො]
‘‘Okañjahaṃ taṇhacchidaṃ anejaṃ, [iccāyasmā bhadrāvudho]
නන්‌දිඤ්‌ජහං ඔඝතිණ්‌ණං විමුත්‌තං;
Nandiñjahaṃ oghatiṇṇaṃ vimuttaṃ;
කප්‌පඤ්‌ජහං අභියාචෙ සුමෙධං, සුත්‌වාන නාගස්‌ස අපනමිස්‌සන්‌ති ඉතො.
Kappañjahaṃ abhiyāce sumedhaṃ, sutvāna nāgassa apanamissanti ito.
127.
127.
‘‘නානාජනා ජනපදෙහි සඞ්‌ගතා,
‘‘Nānājanā janapadehi saṅgatā,
තව වීර වාක්‍යං අභිකඞ්‌ඛමානා;
Tava vīra vākyaṃ abhikaṅkhamānā;
තෙසං තුවං සාධු වියාකරොහි, තථා හි තෙ විදිතො එස ධම්‌මො’’.
Tesaṃ tuvaṃ sādhu viyākarohi, tathā hi te vidito esa dhammo’’.
128.
128.
‘‘ආදානතණ්‌හං විනයෙථ සබ්‌බං, [භද්‍රාවුධාති භගවා]
‘‘Ādānataṇhaṃ vinayetha sabbaṃ, [bhadrāvudhāti bhagavā]
උද්‌ධං අධො තිරියඤ්‌චාපි මජ්‌ඣෙ;
Uddhaṃ adho tiriyañcāpi majjhe;
යං යඤ්‌හි ලොකස්‌මිමුපාදියන්‌ති, තෙනෙව මාරො අන්‌වෙති ජන්‌තුං.
Yaṃ yañhi lokasmimupādiyanti, teneva māro anveti jantuṃ.
129.
129.
‘‘තස්‌මා පජානං න උපාදියෙථ, භික්‌ඛු සතො කිඤ්‌චනං සබ්‌බලොකෙ;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
ආදානසත්‌තෙ ඉති පෙක්‌ඛමානො, පජං ඉමං මච්‌චුධෙය්‍යෙ විසත්‌ත’’න්‌ති.
Ādānasatte iti pekkhamāno, pajaṃ imaṃ maccudheyye visatta’’nti.
භද්‍රාවුධමාණවපුච්‌ඡා ද්‌වාදසමා.
Bhadrāvudhamāṇavapucchā dvādasamā.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / චූළනිද්‌දෙස-අට්‌ඨකථා • Cūḷaniddesa-aṭṭhakathā / 12. භද්‍රාවුධමාණවසුත්‌තනිද්‌දෙසවණ්‌ණනා • 12. Bhadrāvudhamāṇavasuttaniddesavaṇṇanā
