| Library / Tipiṭaka / තිපිටක • Tipiṭaka / සුත්‌තනිපාතපාළි • Suttanipātapāḷi |
12. භද්‍රාවුධමාණවපුච්‌ඡා
12. Bhadrāvudhamāṇavapucchā
1107.
1107.
‘‘ඔකඤ්‌ජහං තණ්‌හච්‌ඡිදං අනෙජං, (ඉච්‌චායස්‌මා භද්‍රාවුධො)
‘‘Okañjahaṃ taṇhacchidaṃ anejaṃ, (iccāyasmā bhadrāvudho)
නන්‌දිඤ්‌ජහං ඔඝතිණ්‌ණං විමුත්‌තං;
Nandiñjahaṃ oghatiṇṇaṃ vimuttaṃ;
කප්‌පඤ්‌ජහං අභියාචෙ සුමෙධං, සුත්‌වාන නාගස්‌ස අපනමිස්‌සන්‌ති ඉතො.
Kappañjahaṃ abhiyāce sumedhaṃ, sutvāna nāgassa apanamissanti ito.
1108.
1108.
‘‘නානාජනා ජනපදෙහි සඞ්‌ගතා, තව වීර වාක්‍යං අභිකඞ්‌ඛමානා;
‘‘Nānājanā janapadehi saṅgatā, tava vīra vākyaṃ abhikaṅkhamānā;
තෙසං තුවං සාධු වියාකරොහි, තථා හි තෙ විදිතො එස ධම්‌මො’’.
Tesaṃ tuvaṃ sādhu viyākarohi, tathā hi te vidito esa dhammo’’.
1109.
1109.
‘‘ආදානතණ්‌හං විනයෙථ සබ්‌බං, (භද්‍රාවුධාති භගවා)
‘‘Ādānataṇhaṃ vinayetha sabbaṃ, (bhadrāvudhāti bhagavā)
උද්‌ධං අධො තිරියඤ්‌චාපි මජ්‌ඣෙ;
Uddhaṃ adho tiriyañcāpi majjhe;
යං යඤ්‌හි ලොකස්‌මිමුපාදියන්‌ති, තෙනෙව මාරො අන්‌වෙති ජන්‌තුං.
Yaṃ yañhi lokasmimupādiyanti, teneva māro anveti jantuṃ.
1110.
1110.
‘‘තස්‌මා පජානං න උපාදියෙථ, භික්‌ඛු සතො කිඤ්‌චනං සබ්‌බලොකෙ;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
ආදානසත්‌තෙ ඉති පෙක්‌ඛමානො, පජං ඉමං මච්‌චුධෙය්‍යෙ විසත්‌ත’’න්‌ති.
Ādānasatte iti pekkhamāno, pajaṃ imaṃ maccudheyye visatta’’nti.
භද්‍රාවුධමාණවපුච්‌ඡා ද්‌වාදසමා නිට්‌ඨිතා.
Bhadrāvudhamāṇavapucchā dvādasamā niṭṭhitā.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / සුත්‌තනිපාත-අට්‌ඨකථා • Suttanipāta-aṭṭhakathā / 12. භද්‍රාවුධසුත්‌තවණ්‌ණනා • 12. Bhadrāvudhasuttavaṇṇanā
