| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
12. бхад̣̇раавуд̇хамаан̣авабужчаанид̣̇д̣̇зсо
12. Bhadrāvudhamāṇavapucchāniddeso
70.
70.
оган̃ж̇ахам̣ д̇ан̣хажчид̣̇ам̣ анзж̇ам̣, [ижжааяасмаа бхад̣̇раавуд̇хо]
Okañjahaṃtaṇhacchidaṃ anejaṃ, [iccāyasmā bhadrāvudho]
нанд̣̇ин̃ж̇ахам̣ огхад̇ин̣н̣ам̣ вимуд̇д̇ам̣;
Nandiñjahaṃ oghatiṇṇaṃ vimuttaṃ;
габбан̃ж̇ахам̣ абхияаажз сумзд̇хам̣, суд̇ваана нааг̇асса абанамиссанд̇и 1 ид̇о.
Kappañjahaṃ abhiyāce sumedhaṃ, sutvāna nāgassa apanamissanti2ito.
оган̃ж̇ахам̣ д̇ан̣хажчид̣̇ам̣ анзж̇анд̇и. оган̃ж̇аханд̇и руубад̇хаад̇уяаа яо чанд̣̇о яо рааг̇о яаа нанд̣̇ий яаа д̇ан̣хаа яз убааяубаад̣̇аанаа 3 жзд̇асо ад̇хидтаанаабхинивзсаанусаяаа, д̇з б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа б̣уд̣̇д̇хо оган̃ж̇ахо. взд̣̇анаад̇хаад̇уяаа…бз… сан̃н̃аад̇хаад̇уяаа… сан̇каарад̇хаад̇уяаа… вин̃н̃аан̣ад̇хаад̇уяаа яо чанд̣̇о яо рааг̇о яаа нанд̣̇ий яаа д̇ан̣хаа яз убааяубаад̣̇аанаа жзд̇асо ад̇хидтаанаабхинивзсаанусаяаа, д̇з б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа б̣уд̣̇д̇хо оган̃ж̇ахо.
Okañjahaṃ taṇhacchidaṃ anejanti. Okañjahanti rūpadhātuyā yo chando yo rāgo yā nandī yā taṇhā ye upāyupādānā 4 cetaso adhiṭṭhānābhinivesānusayā, te buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho okañjaho. Vedanādhātuyā…pe… saññādhātuyā… saṅkhāradhātuyā… viññāṇadhātuyā yo chando yo rāgo yā nandī yā taṇhā ye upāyupādānā cetaso adhiṭṭhānābhinivesānusayā, te buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho okañjaho.
д̇ан̣хажчид̣̇анд̇и. д̇ан̣хаад̇и руубад̇ан̣хаа…бз… д̇хаммад̇ан̣хаа. саа д̇ан̣хаа б̣уд̣̇д̇хасса бхаг̇авад̇о чиннаа ужчиннаа самужчиннаа вуубасанд̇аа бадиббассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа. д̇асмаа б̣уд̣̇д̇хо д̇ан̣хажчид̣̇о. анзж̇од̇и зж̇аа вужжад̇и д̇ан̣хаа. яо рааг̇о саарааг̇о …бз… абхиж̇жхаа лобхо агусаламуулам̣. саа зж̇аа д̇ан̣хаа б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа б̣уд̣̇д̇хо анзж̇о. зж̇ааяа бахийнад̇д̇аа анзж̇о бхаг̇аваа лаабхзби на ин̃ж̇ад̇и, алаабхзби на ин̃ж̇ад̇и, яасзби на ин̃ж̇ад̇и, аяасзби на ин̃ж̇ад̇и, басам̣сааяаби на ин̃ж̇ад̇и, нинд̣̇ааяаби на ин̃ж̇ад̇и, сукзби на ин̃ж̇ад̇и, д̣̇угкзби на ин̃ж̇ад̇и на жалад̇и на взд̇хад̇и на бавзд̇хад̇и на самбавзд̇хад̇ийд̇и. д̇асмаа б̣уд̣̇д̇хо анзж̇од̇и – оган̃ж̇ахам̣ д̇ан̣хажчид̣̇ам̣ анзж̇ам̣. ижжааяасмаа бхад̣̇раавуд̇ход̇и. ижжаад̇и бад̣̇асанд̇хи…бз… ааяасмаад̇и, бияаважанам̣…бз… бхад̣̇раавуд̇ход̇и д̇асса б̣раахман̣асса наамам̣…бз… абхилаабод̇и – ижжааяасмаа бхад̣̇раавуд̇хо.
Taṇhacchidanti. Taṇhāti rūpataṇhā…pe… dhammataṇhā. Sā taṇhā buddhassa bhagavato chinnā ucchinnā samucchinnā vūpasantā paṭippassaddhā abhabbuppattikā ñāṇagginā daḍḍhā. Tasmā buddho taṇhacchido. Anejoti ejā vuccati taṇhā. Yo rāgo sārāgo …pe… abhijjhā lobho akusalamūlaṃ. Sā ejā taṇhā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho anejo. Ejāya pahīnattā anejo bhagavā lābhepi na iñjati, alābhepi na iñjati, yasepi na iñjati, ayasepi na iñjati, pasaṃsāyapi na iñjati, nindāyapi na iñjati, sukhepi na iñjati, dukkhepi na iñjati na calati na vedhati na pavedhati na sampavedhatīti. Tasmā buddho anejoti – okañjahaṃ taṇhacchidaṃ anejaṃ. Iccāyasmā bhadrāvudhoti. Iccāti padasandhi…pe… āyasmāti, piyavacanaṃ…pe… bhadrāvudhoti tassa brāhmaṇassa nāmaṃ…pe… abhilāpoti – iccāyasmā bhadrāvudho.
нанд̣̇ин̃ж̇ахам̣ огхад̇ин̣н̣ам̣ вимуд̇д̇анд̇и нанд̣̇ий вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. саа нанд̣̇ий саа д̇ан̣хаа б̣уд̣̇д̇хасса бхаг̇авад̇о бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа. д̇асмаа б̣уд̣̇д̇хо нанд̣̇ин̃ж̇ахо. огхад̇ин̣н̣анд̇и бхаг̇аваа гаамогхам̣ д̇ин̣н̣о бхавогхам̣ д̇ин̣н̣о д̣̇идтогхам̣ д̇ин̣н̣о авиж̇ж̇огхам̣ д̇ин̣н̣о саб̣б̣асам̣саарабат̇ам̣ д̇ин̣н̣о уд̇д̇ин̣н̣о нид̇т̇ин̣н̣о ад̇игганд̇о самад̇игганд̇о вийд̇ивад̇д̇о. со вуд̇т̇аваасо жин̣н̣ажаран̣о…бз… ж̇аад̇имаран̣асам̣сааро над̇т̇и д̇асса бунаб̣бхавод̇и – нанд̣̇ин̃ж̇ахам̣ огхад̇ин̣н̣ам̣. вимуд̇д̇анд̇и бхаг̇авад̇о рааг̇аа жид̇д̇ам̣ муд̇д̇ам̣ вимуд̇д̇ам̣ сувимуд̇д̇ам̣, д̣̇осаа жид̇д̇ам̣… мохаа жид̇д̇ам̣…бз… саб̣б̣аагусалаабхисан̇каарзхи жид̇д̇ам̣ муд̇д̇ам̣ вимуд̇д̇ам̣ сувимуд̇д̇анд̇и – нанд̣̇ин̃ж̇ахам̣ огхад̇ин̣н̣ам̣ вимуд̇д̇ам̣.
Nandiñjahaṃ oghatiṇṇaṃ vimuttanti nandī vuccati taṇhā. Yo rāgo sārāgo…pe… abhijjhā lobho akusalamūlaṃ. Sā nandī sā taṇhā buddhassa bhagavato pahīnā ucchinnamūlā tālāvatthukatā anabhāvaṃkatā āyatiṃ anuppādadhammā. Tasmā buddho nandiñjaho. Oghatiṇṇanti bhagavā kāmoghaṃ tiṇṇo bhavoghaṃ tiṇṇo diṭṭhoghaṃ tiṇṇo avijjoghaṃ tiṇṇo sabbasaṃsārapathaṃ tiṇṇo uttiṇṇo nitthiṇṇo atikkanto samatikkanto vītivatto. So vutthavāso ciṇṇacaraṇo…pe… jātimaraṇasaṃsāro natthi tassa punabbhavoti – nandiñjahaṃ oghatiṇṇaṃ. Vimuttanti bhagavato rāgā cittaṃ muttaṃ vimuttaṃ suvimuttaṃ, dosā cittaṃ… mohā cittaṃ…pe… sabbākusalābhisaṅkhārehi cittaṃ muttaṃ vimuttaṃ suvimuttanti – nandiñjahaṃ oghatiṇṇaṃ vimuttaṃ.
габбан̃ж̇ахам̣ абхияаажз сумзд̇ханд̇и. габбаад̇и д̣̇вз габбаа – д̇ан̣хаагаббо жа д̣̇идтигаббо жа…бз… аяам̣ д̇ан̣хаагаббо…бз… аяам̣ д̣̇идтигаббо. б̣уд̣̇д̇хасса бхаг̇авад̇о д̇ан̣хаагаббо бахийно д̣̇идтигаббо бадиниссадто. д̇ан̣хаагаббасса бахийнад̇д̇аа д̣̇идтигаббасса бадиниссадтад̇д̇аа д̇асмаа б̣уд̣̇д̇хо габбан̃ж̇ахо . абхияаажзд̇и яаажаами абхияаажаами аж̇жхзсаами саад̣̇ияаами бад̇т̇аяаами бихаяаами ж̇аббаами абхиж̇аббаами. сумзд̇хаа вужжад̇и бан̃н̃аа. яаа бан̃н̃аа баж̇аананаа…бз… амохо д̇хаммавижаяо саммаад̣̇идти. бхаг̇аваа имааяа мзд̇хааяа бан̃н̃ааяа убзд̇о самубзд̇о убааг̇ад̇о самубааг̇ад̇о убабанно самубабанно саманнааг̇ад̇о. д̇асмаа б̣уд̣̇д̇хо сумзд̇ход̇и – габбан̃ж̇ахам̣ абхияаажз сумзд̇хам̣.
Kappañjahaṃ abhiyāce sumedhanti. Kappāti dve kappā – taṇhākappo ca diṭṭhikappo ca…pe… ayaṃ taṇhākappo…pe… ayaṃ diṭṭhikappo. Buddhassa bhagavato taṇhākappo pahīno diṭṭhikappo paṭinissaṭṭho. Taṇhākappassa pahīnattā diṭṭhikappassa paṭinissaṭṭhattā tasmā buddho kappañjaho . Abhiyāceti yācāmi abhiyācāmi ajjhesāmi sādiyāmi patthayāmi pihayāmi jappāmi abhijappāmi. Sumedhā vuccati paññā. Yā paññā pajānanā…pe… amoho dhammavicayo sammādiṭṭhi. Bhagavā imāya medhāya paññāya upeto samupeto upāgato samupāgato upapanno samupapanno samannāgato. Tasmā buddho sumedhoti – kappañjahaṃ abhiyāce sumedhaṃ.
суд̇ваана нааг̇асса абанамиссанд̇и ид̇од̇и. нааг̇ассаад̇и нааг̇о. бхаг̇аваа ааг̇ум̣ на гарод̇ийд̇и нааг̇о, на г̇ажчад̇ийд̇и нааг̇о, на ааг̇ажчад̇ийд̇и нааг̇о…бз… звам̣ бхаг̇аваа на г̇ажчад̇ийд̇и нааг̇о. суд̇ваана нааг̇асса абанамиссанд̇и ид̇од̇и д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣ суд̇ваа сун̣ид̇ваа уг̇г̇ахзд̇ваа убад̇хаараяид̇ваа убалагкаяид̇ваа ид̇о абанамиссанд̇и важ̇иссанд̇и баггамиссанд̇и д̣̇исаавид̣̇исам̣ г̇амиссанд̇ийд̇и – суд̇ваана нааг̇асса абанамиссанд̇и ид̇о. д̇знааха со б̣раахман̣о –
Sutvāna nāgassa apanamissanti itoti. Nāgassāti nāgo. Bhagavā āguṃ na karotīti nāgo, na gacchatīti nāgo, na āgacchatīti nāgo…pe… evaṃ bhagavā na gacchatīti nāgo. Sutvāna nāgassa apanamissanti itoti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ sutvā suṇitvā uggahetvā upadhārayitvā upalakkhayitvā ito apanamissanti vajissanti pakkamissanti disāvidisaṃ gamissantīti – sutvāna nāgassa apanamissanti ito. Tenāha so brāhmaṇo –
‘‘оган̃ж̇ахам̣ д̇ан̣хажчид̣̇ам̣ анзж̇ам̣, [ижжааяасмаа бхад̣̇раавуд̇хо]
‘‘Okañjahaṃ taṇhacchidaṃ anejaṃ, [iccāyasmā bhadrāvudho]
нанд̣̇ин̃ж̇ахам̣ огхад̇ин̣н̣ам̣ вимуд̇д̇ам̣;
Nandiñjahaṃ oghatiṇṇaṃ vimuttaṃ;
габбан̃ж̇ахам̣ абхияаажз сумзд̇хам̣, суд̇ваана нааг̇асса абанамиссанд̇и ид̇о’’д̇и.
Kappañjahaṃ abhiyāce sumedhaṃ, sutvāna nāgassa apanamissanti ito’’ti.
71.
71.
наанааж̇анаа ж̇анабад̣̇зхи сан̇г̇ад̇аа, д̇ава вийра ваагяам̣ абхиган̇камаанаа;
Nānājanā janapadehi saṅgatā, tava vīra vākyaṃ abhikaṅkhamānā;
д̇зсам̣ д̇увам̣ саад̇ху вияаагарохи, д̇ат̇аа хи д̇з вид̣̇ид̇о зса д̇хаммо.
Tesaṃ tuvaṃ sādhu viyākarohi, tathā hi te vidito esa dhammo.
наанааж̇анаа ж̇анабад̣̇зхи сан̇г̇ад̇аад̇и. наанааж̇анаад̇и кад̇д̇ияаа жа б̣раахман̣аа жа взссаа жа суд̣̇д̣̇аа жа г̇ахадтаа жа баб̣б̣аж̇ид̇аа жа д̣̇зваа жа мануссаа жа. ж̇анабад̣̇зхи сан̇г̇ад̇аад̇и ан̇г̇аа жа маг̇ад̇хаа жа галин̇г̇аа жа гаасияаа жа госалаа жа важ̇ж̇ияаа жа маллаа жа жзд̇ияамхаа жа 5 вам̣саа жа гурумхаа жа бан̃жаалаа жа мажчаа жа сурасзнаа жа ассагаа жа аванд̇ияаа жа яонаа 6 жа гамб̣ож̇аа жа. сан̇г̇ад̇аад̇и сан̇г̇ад̇аа самааг̇ад̇аа самохид̇аа саннибад̇ид̇аад̇и – наанааж̇анаа ж̇анабад̣̇зхи сан̇г̇ад̇аа.
Nānājanā janapadehi saṅgatāti. Nānājanāti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Janapadehi saṅgatāti aṅgā ca magadhā ca kaliṅgā ca kāsiyā ca kosalā ca vajjiyā ca mallā ca cetiyamhā ca 7 vaṃsā ca kurumhā ca pañcālā ca macchā ca surasenā ca assakā ca avantiyā ca yonā 8 ca kambojā ca. Saṅgatāti saṅgatā samāgatā samohitā sannipatitāti – nānājanā janapadehi saṅgatā.
д̇ава вийра ваагяам̣ абхиган̇камаанаад̇и. вийраад̇и вийро. бхаг̇аваа вийрияаваад̇и вийро, бахууд̇и вийро, висавийд̇и вийро, аламад̇д̇од̇и вийро, виг̇ад̇аломахам̣сод̇иби вийро.
Tava vīra vākyaṃ abhikaṅkhamānāti. Vīrāti vīro. Bhagavā vīriyavāti vīro, pahūti vīro, visavīti vīro, alamattoti vīro, vigatalomahaṃsotipi vīro.
вирад̇о ид̇ха саб̣б̣абаабагзхи, нираяад̣̇угкам̣ ад̇ижжа вийрияаваа со;
Virato idha sabbapāpakehi, nirayadukkhaṃ aticca vīriyavā so;
со вийрияаваа бад̇хаанаваа, вийро д̇аад̣̇и бавужжад̇з д̇ат̇ад̇д̇аад̇и.
So vīriyavā padhānavā, vīro tādi pavuccate tathattāti.
д̇ава вийра ваагяам̣ абхиган̇камаанаад̇и д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣. абхиган̇камаанаад̇и абхиган̇камаанаа ижчамаанаа саад̣̇ияамаанаа бад̇т̇аяамаанаа бихаяамаанаа абхиж̇аббамаанаад̇и – д̇ава вийра ваагяам̣ абхиган̇камаанаа.
Tavavīra vākyaṃ abhikaṅkhamānāti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ. Abhikaṅkhamānāti abhikaṅkhamānā icchamānā sādiyamānā patthayamānā pihayamānā abhijappamānāti – tava vīra vākyaṃ abhikaṅkhamānā.
д̇зсам̣ д̇увам̣ саад̇ху вияаагарохийд̇и. д̇зсанд̇и д̇зсам̣ кад̇д̇ияаанам̣ б̣раахман̣аанам̣ взссаанам̣ суд̣̇д̣̇аанам̣ г̇ахадтаанам̣ баб̣б̣аж̇ид̇аанам̣ д̣̇зваанам̣ мануссаанам̣. д̇уванд̇и бхаг̇аванд̇ам̣ бхан̣ад̇и. саад̇ху вияаагарохийд̇и саад̇ху аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – д̇зсам̣ д̇увам̣ саад̇ху вияаагарохи.
Tesaṃ tuvaṃ sādhu viyākarohīti. Tesanti tesaṃ khattiyānaṃ brāhmaṇānaṃ vessānaṃ suddānaṃ gahaṭṭhānaṃ pabbajitānaṃ devānaṃ manussānaṃ. Tuvanti bhagavantaṃ bhaṇati. Sādhu viyākarohīti sādhu ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – tesaṃ tuvaṃ sādhu viyākarohi.
д̇ат̇аа хи д̇з вид̣̇ид̇о зса д̇хаммод̇и д̇ат̇аа хи д̇з вид̣̇ид̇о д̇улид̇о д̇ийрид̇о вибхууд̇о вибхаавид̇о зса д̇хаммод̇и – д̇ат̇аа хи д̇з вид̣̇ид̇о зса д̇хаммо. д̇знааха со б̣раахман̣о –
Tathā hi te vidito esa dhammoti tathā hi te vidito tulito tīrito vibhūto vibhāvito esa dhammoti – tathā hi te vidito esa dhammo. Tenāha so brāhmaṇo –
‘‘наанааж̇анаа ж̇анабад̣̇зхи сан̇г̇ад̇аа, д̇ава вийра ваагяам̣ абхиган̇камаанаа;
‘‘Nānājanā janapadehi saṅgatā, tava vīra vākyaṃ abhikaṅkhamānā;
д̇зсам̣ д̇увам̣ саад̇ху вияаагарохи, д̇ат̇аа хи д̇з вид̣̇ид̇о зса д̇хаммо’’д̇и.
Tesaṃ tuvaṃ sādhu viyākarohi, tathā hi te vidito esa dhammo’’ti.
72.
72.
аад̣̇аанад̇ан̣хам̣ винаязт̇а саб̣б̣ам̣, [бхад̣̇раавуд̇хаад̇и бхаг̇аваа]
Ādānataṇhaṃ vinayetha sabbaṃ, [bhadrāvudhāti bhagavā]
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
яам̣ яан̃хи логасмимубаад̣̇ияанд̇и, д̇знзва мааро анвзд̇и ж̇анд̇ум̣.
Yaṃ yañhi lokasmimupādiyanti, teneva māro anveti jantuṃ.
аад̣̇аанад̇ан̣хам̣ винаязт̇а саб̣б̣анд̇и аад̣̇аанад̇ан̣хам̣ вужжад̇и руубад̇ан̣хаа…бз… аад̣̇аанад̇ан̣хаад̇и гим̣гааран̣аа вужжад̇и аад̣̇аанад̇ан̣хаа? д̇ааяа д̇ан̣хааяа руубам̣ аад̣̇ияанд̇и убаад̣̇ияанд̇и г̇ан̣ханд̇и бараамасанд̇и абхинивисанд̇и. взд̣̇анам̣…бз… сан̃н̃ам̣… сан̇каарз… вин̃н̃аан̣ам̣… г̇ад̇им̣… убабад̇д̇им̣… бадисанд̇хим̣… бхавам̣… сам̣саарам̣… ваддам̣ аад̣̇ияанд̇и убаад̣̇ияанд̇и г̇ан̣ханд̇и бараамасанд̇и абхинивисанд̇и. д̇ам̣гааран̣аа вужжад̇и аад̣̇аанад̇ан̣хаа. аад̣̇аанад̇ан̣хам̣ винаязт̇а саб̣б̣анд̇и саб̣б̣ам̣ аад̣̇аанад̇ан̣хам̣ винаязяяа бадивинаязяяа баж̇ахзяяа винод̣̇зяяа б̣яанд̇ийгарзяяа анабхаавам̣ г̇амзяяаад̇и – аад̣̇аанад̇ан̣хам̣ винаязт̇а саб̣б̣ам̣. бхад̣̇раавуд̇хаад̇и бхаг̇аваад̇и. бхад̣̇раавуд̇хаад̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – бхад̣̇раавуд̇хаад̇и бхаг̇аваа.
Ādānataṇhaṃ vinayetha sabbanti ādānataṇhaṃ vuccati rūpataṇhā…pe… ādānataṇhāti kiṃkāraṇā vuccati ādānataṇhā? Tāya taṇhāya rūpaṃ ādiyanti upādiyanti gaṇhanti parāmasanti abhinivisanti. Vedanaṃ…pe… saññaṃ… saṅkhāre… viññāṇaṃ… gatiṃ… upapattiṃ… paṭisandhiṃ… bhavaṃ… saṃsāraṃ… vaṭṭaṃ ādiyanti upādiyanti gaṇhanti parāmasanti abhinivisanti. Taṃkāraṇā vuccati ādānataṇhā. Ādānataṇhaṃ vinayetha sabbanti sabbaṃ ādānataṇhaṃ vinayeyya paṭivinayeyya pajaheyya vinodeyya byantīkareyya anabhāvaṃ gameyyāti – ādānataṇhaṃ vinayetha sabbaṃ. Bhadrāvudhāti bhagavāti. Bhadrāvudhāti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – bhadrāvudhāti bhagavā.
уд̣̇д̇хам̣ ад̇хо д̇ирияан̃жааби маж̇жхзд̇и. уд̣̇д̇ханд̇и анааг̇ад̇ам̣; ад̇ход̇и ад̇ийд̇ам̣; д̇ирияан̃жааби маж̇жхзд̇и бажжуббаннам̣. уд̣̇д̇ханд̇и д̣̇звалого; ад̇ход̇и нираяалого; д̇ирияан̃жааби маж̇жхзд̇и мануссалого. ат̇а ваа, уд̣̇д̇ханд̇и гусалаа д̇хаммаа; ад̇ход̇и агусалаа д̇хаммаа; д̇ирияан̃жааби маж̇жхзд̇и аб̣яаагад̇аа д̇хаммаа. уд̣̇д̇ханд̇и аруубад̇хаад̇у; ад̇ход̇и гаамад̇хаад̇у; д̇ирияан̃жааби маж̇жхзд̇и руубад̇хаад̇у. уд̣̇д̇ханд̇и сукаа взд̣̇анаа; ад̇ход̇и д̣̇угкаа взд̣̇анаа; д̇ирияан̃жааби маж̇жхзд̇и ад̣̇угкамасукаа взд̣̇анаа. уд̣̇д̇ханд̇и уд̣̇д̇хам̣ баад̣̇ад̇алаа; ад̇ход̇и ад̇хо гзсамад̇т̇агаа; д̇ирияан̃жааби маж̇жхзд̇и взмаж̇жхзд̇и – уд̣̇д̇хам̣ ад̇хо д̇ирияан̃жааби маж̇жхз.
Uddhaṃ adho tiriyañcāpi majjheti. Uddhanti anāgataṃ; adhoti atītaṃ; tiriyañcāpi majjheti paccuppannaṃ. Uddhanti devaloko; adhoti nirayaloko; tiriyañcāpi majjheti manussaloko. Atha vā, uddhanti kusalā dhammā; adhoti akusalā dhammā; tiriyañcāpi majjheti abyākatā dhammā. Uddhanti arūpadhātu; adhoti kāmadhātu; tiriyañcāpimajjheti rūpadhātu. Uddhanti sukhā vedanā; adhoti dukkhā vedanā; tiriyañcāpi majjheti adukkhamasukhā vedanā. Uddhanti uddhaṃ pādatalā; adhoti adho kesamatthakā; tiriyañcāpi majjheti vemajjheti – uddhaṃ adho tiriyañcāpi majjhe.
яам̣ яан̃хи логасмимубаад̣̇ияанд̇ийд̇и яам̣ яам̣ руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣ аад̣̇ияанд̇и убаад̣̇ияанд̇и г̇ан̣ханд̇и бараамасанд̇и абхинивисанд̇и. логасминд̇и абааяалогз…бз… ааяад̇аналогзд̇и – яам̣ яан̃хи логасмимубаад̣̇ияанд̇и.
Yaṃ yañhi lokasmimupādiyantīti yaṃ yaṃ rūpagataṃ vedanāgataṃ saññāgataṃ saṅkhāragataṃ viññāṇagataṃ ādiyanti upādiyanti gaṇhanti parāmasanti abhinivisanti. Lokasminti apāyaloke…pe… āyatanaloketi – yaṃ yañhi lokasmimupādiyanti.
д̇знзва мааро анвзд̇и ж̇анд̇унд̇и д̇знзва гаммаабхисан̇кааравасзна бадисанд̇хиго канд̇хамааро д̇хаад̇умааро ааяад̇анамааро г̇ад̇имааро убабад̇д̇имааро бадисанд̇химааро бхавамааро сам̣саарамааро ваддамааро анвзд̇и ануг̇ажчад̇и анвааяиго ход̇и. ж̇анд̇унд̇и сад̇д̇ам̣ ж̇анам̣ нарам̣ маан̣авам̣ 9 босам̣ буг̇г̇алам̣ ж̇ийвам̣ ж̇ааг̇ум̣ ж̇анд̇ум̣ инд̣̇аг̇ум̣ мануж̇анд̇и – д̇знзва мааро анвзд̇и ж̇анд̇ум̣. д̇знааха бхаг̇аваа –
Teneva māro anveti jantunti teneva kammābhisaṅkhāravasena paṭisandhiko khandhamāro dhātumāro āyatanamāro gatimāro upapattimāro paṭisandhimāro bhavamāro saṃsāramāro vaṭṭamāro anveti anugacchati anvāyiko hoti. Jantunti sattaṃ janaṃ naraṃ māṇavaṃ 10 posaṃ puggalaṃ jīvaṃ jāguṃ jantuṃ indaguṃ manujanti – teneva māro anveti jantuṃ. Tenāha bhagavā –
‘‘аад̣̇аанад̇ан̣хам̣ винаязт̇а саб̣б̣ам̣, [бхад̣̇раавуд̇хаад̇и бхаг̇аваа]
‘‘Ādānataṇhaṃ vinayetha sabbaṃ, [bhadrāvudhāti bhagavā]
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
яам̣ яан̃хи логасмимубаад̣̇ияанд̇и, д̇знзва мааро анвзд̇и ж̇анд̇у’’нд̇и.
Yaṃ yañhi lokasmimupādiyanti, teneva māro anveti jantu’’nti.
73.
73.
д̇асмаа баж̇аанам̣ на убаад̣̇иязт̇а, бхигку сад̇о гин̃жанам̣ саб̣б̣алогз;
Tasmāpajānaṃ na upādiyetha,bhikkhu sato kiñcanaṃ sabbaloke;
аад̣̇аанасад̇д̇з ид̇и бзгкамаано, баж̇ам̣ имам̣ мажжуд̇хзяяз висад̇д̇ам̣.
Ādānasatte iti pekkhamāno, pajaṃ imaṃ maccudheyye visattaṃ.
д̇асмаа баж̇аанам̣ на убаад̣̇иязт̇аад̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа, зд̇ам̣ аад̣̇ийнавам̣ самбассамаано аад̣̇аанад̇ан̣хааяаад̇и – д̇асмаа. баж̇аананд̇и ж̇аананд̇о баж̇аананд̇о ааж̇аананд̇о виж̇аананд̇о бадивиж̇аананд̇о бадивиж̇жханд̇о ‘‘саб̣б̣з сан̇каараа анижжаа’’д̇и…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и ж̇аананд̇о баж̇аананд̇о ааж̇аананд̇о виж̇аананд̇о бадивиж̇аананд̇о бадивиж̇жханд̇о. на убаад̣̇иязт̇аад̇и руубам̣ наад̣̇иязяяа на убаад̣̇иязяяа на г̇ан̣хзяяа на бараамасзяяа наабхинивисзяяа; взд̣̇анам̣…бз… сан̃н̃ам̣… сан̇каарз… вин̃н̃аан̣ам̣… г̇ад̇им̣ … убабад̇д̇им̣… бадисанд̇хим̣… бхавам̣… сам̣саарам̣… ваддам̣ наад̣̇иязяяа на убаад̣̇иязяяа на г̇ан̣хзяяа на бараамасзяяа наабхинивисзяяаад̇и – д̇асмаа баж̇аанам̣ на убаад̣̇иязт̇а.
Tasmā pajānaṃ na upādiyethāti. Tasmāti tasmā taṃkāraṇā taṃhetu tappaccayā taṃnidānā, etaṃ ādīnavaṃ sampassamāno ādānataṇhāyāti – tasmā. Pajānanti jānanto pajānanto ājānanto vijānanto paṭivijānanto paṭivijjhanto ‘‘sabbe saṅkhārā aniccā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti jānanto pajānanto ājānanto vijānanto paṭivijānanto paṭivijjhanto. Na upādiyethāti rūpaṃ nādiyeyya na upādiyeyya na gaṇheyya na parāmaseyya nābhiniviseyya; vedanaṃ…pe… saññaṃ… saṅkhāre… viññāṇaṃ… gatiṃ … upapattiṃ… paṭisandhiṃ… bhavaṃ… saṃsāraṃ… vaṭṭaṃ nādiyeyya na upādiyeyya na gaṇheyya na parāmaseyya nābhiniviseyyāti – tasmā pajānaṃ na upādiyetha.
бхигку сад̇о гин̃жанам̣ саб̣б̣алогзд̇и. бхигкууд̇и бут̇уж̇ж̇анагаляаан̣аго ваа бхигку, сзгко ваа бхигку. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇од̇и – бхигку сад̇о. гин̃жананд̇и гин̃жи руубаг̇ад̇ам̣ взд̣̇анааг̇ад̇ам̣ сан̃н̃ааг̇ад̇ам̣ сан̇каараг̇ад̇ам̣ вин̃н̃аан̣аг̇ад̇ам̣. саб̣б̣алогзд̇и саб̣б̣аабааяалогз саб̣б̣амануссалогз саб̣б̣ад̣̇звалогз саб̣б̣аканд̇халогз саб̣б̣ад̇хаад̇улогз саб̣б̣аааяад̇аналогзд̇и – бхигку сад̇о гин̃жанам̣ саб̣б̣алогз.
Bhikkhusato kiñcanaṃ sabbaloketi. Bhikkhūti puthujjanakalyāṇako vā bhikkhu, sekkho vā bhikkhu. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato…pe… so vuccati satoti – bhikkhu sato. Kiñcananti kiñci rūpagataṃ vedanāgataṃ saññāgataṃ saṅkhāragataṃ viññāṇagataṃ. Sabbaloketi sabbaapāyaloke sabbamanussaloke sabbadevaloke sabbakhandhaloke sabbadhātuloke sabbaāyatanaloketi – bhikkhu sato kiñcanaṃ sabbaloke.
аад̣̇аанасад̇д̇з ид̇и бзгкамаанод̇и аад̣̇аанасад̇д̇аа вужжанд̇и яз руубам̣ аад̣̇ияанд̇и убаад̣̇ияанд̇и г̇ан̣ханд̇и бараамасанд̇и абхинивисанд̇и; взд̣̇анам̣…бз… сан̃н̃ам̣… сан̇каарз… вин̃н̃аан̣ам̣… г̇ад̇им̣… убабад̇д̇им̣… бадисанд̇хим̣… бхавам̣… сам̣саарам̣… ваддам̣ аад̣̇ияанд̇и убаад̣̇ияанд̇и г̇ан̣ханд̇и бараамасанд̇и абхинивисанд̇и. ид̇ийд̇и бад̣̇асанд̇хи…бз… бад̣̇аанубуб̣б̣ад̇аабзд̇ам̣ ид̇ийд̇и. бзгкамаанод̇и бзгкамаано д̣̇агкамаано д̣̇иссамаано бассамаано ологаяамаано ниж̇жхааяамаано убабаригкамаанод̇и – аад̣̇аанасад̇д̇з ид̇и бзгкамаано.
Ādānasatte iti pekkhamānoti ādānasattā vuccanti ye rūpaṃ ādiyanti upādiyanti gaṇhanti parāmasanti abhinivisanti; vedanaṃ…pe… saññaṃ… saṅkhāre… viññāṇaṃ… gatiṃ… upapattiṃ… paṭisandhiṃ… bhavaṃ… saṃsāraṃ… vaṭṭaṃ ādiyanti upādiyanti gaṇhanti parāmasanti abhinivisanti. Itīti padasandhi…pe… padānupubbatāpetaṃ itīti. Pekkhamānoti pekkhamāno dakkhamāno dissamāno passamāno olokayamāno nijjhāyamāno upaparikkhamānoti – ādānasatte iti pekkhamāno.
баж̇ам̣ имам̣ мажжуд̇хзяяз висад̇д̇анд̇и. баж̇аад̇и сад̇д̇аад̇хиважанам̣ мажжуд̇хзяяаа вужжанд̇и гилзсаа жа канд̇хаа жа абхисан̇каараа жа. баж̇аа мажжуд̇хзяяз маарад̇хзяяз маран̣ад̇хзяяз сад̇д̇аа висад̇д̇аа аасад̇д̇аа лаг̇г̇аа лаг̇г̇ид̇аа балиб̣уд̣̇д̇хаа. яат̇аа бхид̇д̇икилз ваа нааг̇ад̣̇анд̇з ваа бхан̣д̣ам̣ сад̇д̇ам̣ висад̇д̇ам̣ аасад̇д̇ам̣ лаг̇г̇ам̣ лаг̇г̇ид̇ам̣ балиб̣уд̣̇д̇хам̣, звамзва баж̇аа мажжуд̇хзяяз маарад̇хзяяз маран̣ад̇хзяяз сад̇д̇аа висад̇д̇аа аасад̇д̇аа лаг̇г̇аа лаг̇г̇ид̇аа балиб̣уд̣̇д̇хаад̇и – баж̇ам̣ имам̣ мажжуд̇хзяяз висад̇д̇ам̣. д̇знааха бхаг̇аваа –
Pajaṃ imaṃ maccudheyye visattanti. Pajāti sattādhivacanaṃ maccudheyyā vuccanti kilesā ca khandhā ca abhisaṅkhārā ca. Pajā maccudheyye māradheyye maraṇadheyye sattā visattā āsattā laggā laggitā palibuddhā. Yathā bhittikhile vā nāgadante vā bhaṇḍaṃ sattaṃ visattaṃ āsattaṃ laggaṃ laggitaṃ palibuddhaṃ, evameva pajā maccudheyye māradheyye maraṇadheyye sattā visattā āsattā laggā laggitā palibuddhāti – pajaṃ imaṃ maccudheyye visattaṃ. Tenāha bhagavā –
‘‘д̇асмаа баж̇аанам̣ на убаад̣̇иязт̇а, бхигку сад̇о гин̃жанам̣ саб̣б̣алогз;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
аад̣̇аанасад̇д̇з ид̇и бзгкамаано, баж̇ам̣ имам̣ мажжуд̇хзяяз висад̇д̇а’’нд̇и.
Ādānasatte iti pekkhamāno, pajaṃ imaṃ maccudheyye visatta’’nti.
саха г̇аат̇аабарияосаанаа…бз… сад̇т̇аа мз бханд̇з бхаг̇аваа, саавагохамасмийд̇и.
Saha gāthāpariyosānā…pe… satthā me bhante bhagavā, sāvakohamasmīti.
бхад̣̇раавуд̇хамаан̣авабужчаанид̣̇д̣̇зсо д̣̇ваад̣̇асамо.
Bhadrāvudhamāṇavapucchāniddeso dvādasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 12. бхад̣̇раавуд̇хамаан̣авасуд̇д̇анид̣̇д̣̇зсаван̣н̣анаа • 12. Bhadrāvudhamāṇavasuttaniddesavaṇṇanā
